„რუსეთის ფედერაციასთან სავიზო რეჟიმის გამარტივებასთან დაკავშირებით განსახორციელებელი ღონისძიებების შესახებ“ საქართველოს პრეზიდენტის 2004 წლის 22 ივლისის №282 ბრძანებულებაში ცვლილების შეტანის თაობაზე“

საქართველოს პრეზიდენტის

ბრძანებულება №698

2006 წლის 20 ნოემბერი

ქ. თბილისი

,,რუსეთის ფედერაციასთან სავიზო რეჟიმის გამარტივებასთან დაკავშირებით განსახორციელებელი ღონისძიებების შესახებ“ საქართველოს პრეზიდენტის 2004 წლის   22 ივლისის №282 ბრძანებულებაში ცვლილების შეტანის თაობაზე

,,უცხოელთა სამართლებრივი მდგომარეობის შესახებ“ საქართველოს კანონის მე-5 მუხლის მე-2 პუნქტის გათვალისწინებით, ,,ნორმატიული აქტების შესახებ“ საქართველოს კანონის 36-ე მუხლის შესაბამისად ,,რუსეთის ფედერაციასთან სავიზო რეჟიმის გამარტივებასთან დაკავშირებით განსახორციელებელი ღონისძიებების შესახებ“ საქართველოს პრეზიდენტის 2004 წლის 22 ივლისის №282 ბრძანებულებაში (სსმ III, 2004 წ., №76, მუხ. 672) შეტანილ იქნეს ცვლილება და ბრძანებულების ტექსტი ჩამოყალიბდეს შემდეგი რედაქციით:

,,რუსეთის ფედერაციასთან სავიზო რეჟიმის გამარტივების მიზნით საქართველოს შინაგან საქმეთა სამინისტროს სახელმწიფო საქვეუწყებო დაწესებულებამ – საქართველოს სასაზღვრო პოლიციამ (ბ. ბიწაძე) რუსეთის ფედერაციის მოქალაქეთათვის ვიზების გაცემა უზრუნველყოს ,,რუსეთის ფედერაციისა და საქართველოს მოქალაქეთა ურთიერთმგზავრობის რეჟიმის საკითხების შესახებ“ რუსეთ-საქართველოს 2001 წლის 1 მარტის მოლაპარაკებათა ოქმის დებულებათა გათვალისწინებით, საერთაშორისო მიმოსვლისათვის გახსნილ ყველა სასაზღვრო გამტარ პუნქტში“.

მ. სააკაშვილი