„მოსამართლეობის საკვალიფიკაციო გამოცდის ჩატარების წესისა და საკვალიფიკაციო საგამოცდო პროგრამის დამტკიცების შესახებ“ საქართველოს პრეზიდენტის 2005 წლის 10 მარტის №131 ბრძანებულებაში ცვლილებებისა და დამატებების შეტანის თაობაზე“

საქართველოს პრეზიდენტის

ბრძანებულება №529

2006 წლის 1 სექტემბერი

ქ. თბილისი

„მოსამართლეობის საკვალიფიკაციო გამოცდის ჩატარების წესისა და საკვალიფიკაციო საგამოცდო პროგრამის დამტკიცების შესახებ“ საქართველოს პრეზიდენტის 2005 წლის  10 მარტის №131 ბრძანებულებაში ცვლილებებისა და დამატებების შეტანის თაობაზე

,,ნორმატიული აქტების შესახებ“ საქართველოს კანონის 36-ე მუხლის პირველი პუნქტის შესაბამისად, ,,მოსამართლეობის საკვალიფიკაციო გამოცდის ჩატარე­ბის წესისა და საკვალიფიკაციო საგამოცდო პროგრამის დამტკიცების შესახებ” საქართველოს პრეზიდენტის 2005 წლის 10 მარტის №131 ბრძანებულებით (სსმ III, 2005 წ., №28, მუხ. 259) დამტკიცებულ მოსამართლეო­ბის საკვალიფიკაციო საგამოცდო პროგრამაში (და­ნარ­თი №2) შეტანილ იქნეს შემდეგი ცვლილებები და დამატებები:

1. შინაარსი ჩამოყალიბდეს შემდეგი რედაქციით:

,,შინაარსი

1. საქართველოს საკონსტიტუციო სამართალი.

2. სისხლის სამართალი.

3. სისხლის სამართლის პროცესი.

4. სამოქალაქო სამართალი.

5. სამოქალაქო საპროცესო სამართალი.

6. ადმინისტრაციული სამართალი და პროცესი.

7. ადამიანის უფლებების შესახებ საერთაშორისო აქტები და საქართველოს საერთაშორისო ხელშეკრუ­ლე­ბები და შეთანხმებები.

8. სასამართლო კონტროლი სისხლის საპროცესო იძულების ღონისძიებებზე, საგამოძიებო მოქმედებებსა და ოპერატიულ-სამძებრო საქმიანობაზე.

9. საქართველოს სამოსამართლო ეთიკის კოდექსი.”.

2. ,,საქართველოს საკონსტიტუციო სამართლის“:

ა) თემა XII და თემა XIII ჩამოყალიბდეს შემდეგი რედაქციით:

,,თემა XII. სასამართლო ხელისუფლების კონ­სტი­ტუციური საფუძვლები

სასამართლო ხელისუფლების სისტემა. მართლ­მსაჯუ­ლების განხორციელება და საკონსტიტუციო სამარ­თალწარმოება. საერთო სასამართლოების სისტემა.

საქართველოს იუსტიციის უმაღლესი საბჭო, რო­გორც პრეზიდენტის სათათბირო ორგანო.

საქართველოს უზენაესი სასამართლო. მისი ფორმი­რების წესი და უფლებამოსილება.

რაიონული (საქალაქო) სასამართლოები.

სააპელაციო სასამართლოები.

მართლმსაჯულების განხორციელების კონსტიტუ­ციური პრინციპები.

საქართველოს საკონსტიტუციო სასამართლოს შექმნის წესი, კომპეტენცია. საკონსტიტუციო სამარ­თალ­წარმოების განხორციელების პროცესი. საკონსტი­ტუციო სასამართლოში კონსტიტუციური წარდგინებით შესვლის უფლება.

მოსამართლეთა საქმიანობის კონსტიტუციური გა­რან­ტიები.

საქართველოს ადვოკატურა.

თემა XIII. ადგილობრივი თვითმმართველობის კონსტიტუციური საფუძვლები

ადგილობრივი თვითმმართველობის ცნება. ადგი­ლობრივი თვითმმართველობის სისტემა. ადგილობრივი თვითმმართველობის უფლებამოსილება.“;

ბ) ლიტერატურა ჩამოყალიბდეს შემდეგი რედაქცი­ით:

,,ლ ი ტ ე რ ა ტ უ რ ა:

საქართველოს 1995 წლის 24 აგვისტოს კონ­სტიტუცია, თბ., 1995 წ.

აფხაზეთის ავტონომიური რესპუბლიკის კონსტი­ტუცია.

კონსტიტუციური კანონი ,,აჭარის ავტონომიური რესპუბლიკის სტატუსის შესახებ“.

აჭარის ავტონომიური რესპუბლიკის კონსტიტუცია.

ორგანული კანონი ,,საერთო სასამართლოების შესა­ხებ“.

კანონი ,,ადვოკატთა შესახებ“.

ორგანული კანონი ,,ადგილობრივი თვითმმართვე­ლობის შესახებ“.

კანონი ,,საქართველოს პარლამენტის დროებითი საგამოძიებო კომისიის შესახებ“.

კანონი ,,საქართველოს პარლამენტის დროებითი კომისიის შესახებ“.

ორგანული კანონი ,,რეფერენდუმის შესახებ“.

კანონი ,,საქართველოს მოქალაქეთა და საქართვე­ლოში მცხოვრებ უცხოელთა რეგისტრაციის პირადო­ბის (ბინადრობის) მოწმობისა და საქართველოს მო­ქალაქის პასპორტის გაცემის წესის შესახებ“.

ორგანული კანონი ,,საქართველოს სახალხო დამცვე­ლის შესახებ“.

ორგანული კანონი ,,ეროვნული უშიშროების საბჭოს შესახებ“.

კანონი ,,საკონსტიტუციო სამართალწარმოების შესახებ“.

ორგანული კანონი ,,პროკურატურის შესახებ“.

საქართველოს საარჩევნო კოდექსი.

კანონი ,,საქართველოს მოქალაქეობის შესახებ“.

კანონი ,,საქართველოს მთავრობის სტრუქტურის, უფლებამოსილებისა და საქმიანობის წესის შესახებ“.

ზ. ადეიშვილი, გ. ვინტერი, დ. ქიტოშვილი, საქარ­თვე­­ლოს ზოგადი ადმინისტრაციული კოდექსის კომენ­ტარი, თბილისი, 2002.

ადამიანის უფლებათა დაცვა ეროვნულ და საერთა­შო­რისო სამართალში (სტატიათა კრებული) რედაქ. კ. კორკელია, თბილისი, 2002 წ.

ა. აბესაძე, საქართველოს ტერიტორიული მართვის კონსტიტუციური პრობლემები, პროფ. გ. ინწკირველის 70 წლისთავისადმი მიძღვნილი საიუბილეო კრებული. თბ., 1996 წ., გვ. 106-111.

ა. აბესაძე, საქართველოს საკონსტიტუციო სასამარ­თლო, 1996 წ., ჟურნ. ,,სამართალი“, 1-2.

კ. კუბლაშვილი, ძირითადი უფლებები, 2003 წ., გამომ­ცემლობა ,,ჯისიაი“.

ა. ლორია, მოქალაქეობა საქართველოს კანონმდებ­ლობის მიხედვით. 1996 წ.

ვ. ლორია, საქართველოს ადმინისტრაციული სამარ­თა­ლი, თბ., 1995 წ.

ო. მელქაძე, საზღვარგარეთის ქვეყნების სამართალი, თბ., 1995 წ.

ო. მელქაძე, საუბრები ქართულ კონსტიტუციაზე, თბ., 1996 წ.

კ. მიქელაძე, დემოკრატიული სახელმწიფოს კონსტი­ტუცია და პარლამენტარული რესპუბლიკა, ჟურნ. ,,სამართალი“, 1991 წ., 3,4,5.

ბ. ნაკაშიძე, თვითმმართველობა საქართველოში – სამარ­თლებრივ-პოლიტიკური პრობლემები, ბათუმი, 1994 წ.

ზ. რუხაძე, საქართველოს კონსტიტუციური სამარ­თალი, ბათუმი, 1999 წ.

ბ. სავანელი, ხელისუფლების განაწილების პრინციპი და ადამიანის კონსტიტუციური გარანტიები, სამართლის რეფორმა საქართველოში, 1994 წ.

საქართველოს სსრ კონსტიტუციური აქტების კრე­ბუ­ლი (1921-1978 წწ.), შემდგ. გრ. ერემოვი, თბ., 1993 წ.

ი. სურგულაძე, სახელმწიფო, ჟურნ. ,,სამართალი“, 1996 წ., 7-8.

ი. ფუტკარაძე, უშუალო დემოკრატიის ადგილი და მნიშვნელობა საქართველოს ეროვნულ-სახელმწი­ფოებ­რივ მოწყობაში, ჟურნ. ,,სამართალი“, 1992 წ., 12, გვ. 2-8.

ი.ფუტკარაძე, ხელისუფლების დანაწილების პრინცი­პი და საქართველოს სახელმწიფო წყობილება, ჟურნ. ,,სამართალი“, 1991 წ., გვ. 10.

პ. ცნობილაძე, საქართველოს კონსტიტუციური სა­მარ­თალი, თბ., 1996 წ.

პ. ცნობილაძე, სამართლის ნორმები და წესრიგის დამ­ყარება საზოგადოებაში, ჟურნ. ,,სამართალი“, 1993 წ., 3-4.

პ. ცნობილაძე, კონსტიტუციური (სახელმწიფო) სამარ­თალი, ცნობარი, თბ., 1998 წ.

ლ. ჭანტურია, ადამიანის ძირითადი უფლებები და საქართველოს მომავალი კონსტიტუცია, ჟურნ. ,,სამარ­თალი“, 1993 წ., 5-6.

გ. ხუბუა, სამართლის თეორია, გამომცემლობა ,,მერიდიანი“, თბილისი, 2004 წ.

ზ. ჯინჯოლავა, საქართველოს პრეზიდენტის კომპე­ტენცია 1995 წლის კონსტიტუციით, პროფ. გ. ინწკირ­ველის 70 წლისთავისადმი მიძღვნილი საიუბილეო კრებული, თბ., 1996 წ., გვ. 90-99.

3. ,,სისხლის სამართლის პროცესის“:

ა) თემა IV ამოღებულ იქნეს;

ბ) თემა VII ჩამოყალიბდეს შემდეგი რედაქციით:

,,თემა VII. პროკურორი, როგორც სისხლის სამართლის პროცესის მონაწილე

პროკურატურის ფუნქციები და მათი შინაარსი სისხლის სამართლის პროცესში. პროკურორის, რო­გორც გამოძიების საპროცესო ხელმძღვანელის უფლე­ბამოსილებები. პროკურორის უფლებამოსილებანი სასამართლოში.“;

გ) თემა VIII ჩამოყალიბდეს შემდეგი რედაქციით:

,,თემა VIII. გამომძიებელი, როგორც სისხლის სამართლის პროცესის მონაწილე

უწყებრივი, პერსონალური და ტერიტორიული საგამოძიებო ქვემდებარეობა. გამომძიებლის სტატუსი სისხლის სამართლის პროცესში. გამომძიებლის უფლებამოსილებები. გამომძიებლის დავალება.“;

დ) თემა IX ამოღებულ იქნეს;

ე) თემა XV ჩამოყალიბდეს შემდეგი რედაქციით:

,,თემა XV. პროცესში მონაწილეობის გამომრიც­ხველი გარემოებები. აცილება და თვითაცილება სისხლის სამართლის პროცესში

გარემოებანი, რომლებიც გამორიცხავენ საქმეში მოსამართლის, პროკურორის, გამომძიებლის და სასამარ­თლო სხდომის მდივნის მონაწილეობას. გარემოებანი, რომლებიც გამორიცხავენ საქმეში დამ­ცველის, აგრეთვე დაზარალებულის, სამოქალაქო მოსარჩელისა და სამოქალაქო მოპასუხის წარმომადგენ­ლების მონაწილეობას. გარემოებანი, რომლებიც გამორიცხავენ საქმეში ექსპერტის, სპეციალისტის ან თარჯიმნის მონაწილეობას. განცხადება აცილებისა და თვითაცილების შესახებ, მათი გადაწყვეტის წესი.“;

ვ) თემა XIX ჩამოყალიბდეს შემდეგი რედაქციით:

,,თემა XIX. დაკავების, როგორც სისხლის საპროცესო სამართლებრივი იძულების ღონის­ძიების, გამოყენება

დაკავება, როგორც საპროცესო იძულების ღონის­ძიება, მისი გამოყენების პირობები, საფუძველი და წე­სი. პირები, რომლებიც სარგებლობენ იმუნიტე­ტით დაკავებისას. დაკავებისაგან გათავისუფლების საფუძველი და წესი.“;

ზ) თემა XX ჩამოყალიბდეს შემდეგი რედაქციით:

,,თემა XX. აღკვეთის ღონისძიებები სისხლის სამართლის პროცესში

აღკვეთის ღონისძიებების სახეები, მათი გამოყენების საფუძველი და საერთო პირობები. პირის მიმართ აღკვეთის ღონისძიების სახით დაპატიმრების გამოყენე­ბის საფუძველი და პირობები. პატიმრობის ვადა და პატიმრობის ვადის გაგრძელების წესი. პატიმრობიდან გათავისუფლება. აღკვეთის ღონისძიებები, რომლებიც არ არის დაკავშირებული დაპატიმრებასთან, მათი გამო­ყე­ნების საფუძველი და წესი.“;

თ) თემა XXIV ჩამოყალიბდეს შემდეგი რედაქციით:

,,თემა XXIV. შუამდგომლობა და საჩივარი

შუამდგომლობის განცხადების უფლება და წესი. შუამდგომლობის გადაწყვეტა. გამომძიებლისა და პროკურორის მოქმედებისა და გადაწყვეტილების გასაჩივრება სასამართლოში, წინასწარი გამოძიების სტადიაზე აღკვეთის ღონისძიების გამოყენების, შეცვლის ან გაუქმების შესახებ მოსამართლის ბრძანების (დადგენილების) გასაჩივრების წესი.“;

ი) თემა XXVI ამოღებულ იქნეს;

კ) თემა XXIX ჩამოყალიბდეს შემდეგი რედაქციით:

,,თემა XXIX. საგამოძიებო მოქმედებები სისხლის სამართლის პროცესში

საგამოძიებო მოქმედებათა წარმოების ზოგადი საკით­­ხები. დაკითხვა, როგორც საგამოძიებო მოქმედება, მისი ჩატარების პირობები და წესები. ეჭვმიტანილისა და ბრძალდებულის დაკითხვა. მტკიცებულებების შეგრო­ვება და საბრალდებო დასკვნის შედგენა ბრალდე­ბულის დაკითხვის გარეშე. მოწმის დაკითხვა.“;

ლ) თემა XXXIV ჩამოყალიბდეს შემდეგი რედაქ­ციით:

,,თემა XXXIV. ექსპერტიზა სისხლის სამართლის პროცესში

ექსპერტიზის დანიშვნის საფუძველი. ექსპერტიზის ობიექტები. ექსპერტიზის დანიშვნისა და ჩატარების საპროცესო წესები. დამატებითი და განმეორებითი ექ­სპერ­ტიზა. საკომისიო ექსპერტიზა. კომპლექსური ექ­სპერტიზა. ალტერნატიული ექსპერტიზა. ეჭვმიტანი­ლისა და ბრალდებულის უფლებები ექსპერტიზის დანიშ­ვნისა და ჩატარებისას. ექსპერტის დასკვნა, მისი ფორ­მები, ექსპერტის დასკვნის შეფასება. გვამის ექ­სჰუმაციის მიზანი, საფუძველი და წესი.“;

მ) თემა XXXV ჩამოყალიბდეს შემდეგი რედაქციით:

,,თემა XXXV. წინასწარი გამოძიების დამთავრება და შეწყვეტა,

სისხლისსამართლებრივი დევნის შეჩერება და შეწყვეტა.“;

ნ) თემა XXXVI და თემა XXXVII ამოღებულ იქნეს;

ო) თემა XXXIX ჩამოყალიბდეს შემდეგი რედაქ­ციით:

,,თემა XXXIX. სასამართლოში საქმის არსებითი განხილვა

განცხადებული შუამდგომლობებისა და დაზარალებუ­ლის, მოწმის, ექსპერტის, სპეციალისტის მონაწილეო­ბის გარეშე საქმის განხილვის საკითხის გადაწყვეტა სასამართლო სხდომის მოსამზადებელ ნაწილზე. სასა­მართლო გამოძიების დაწყების ეტაპზე გასარკვევი და გადასაწყვეტი საკითხები. მტკიცებულებათა წარდგენისა და გამოკვლევის წესები სასამართლო გამოძიებისას. განსასჯელისა და მოწმის დაკითხვის წესები სასამარ­თლო გამოძიებისას. ექსპერტიზა სასამართლოში. სასა­მარ­თლო კამათი და განსასჯელის საბოლოო სიტყვა.“.

4. ,,სისხლის სამართლის პროცესს“ დაემატოს:

ა) შემდეგი შინაარსის ,,XV¹ თემა”:

,,თემა XV¹. სისხლის სამართლის პროცესის მონაწილეთა დაცვის სპეციალური ღონისძიებანი

დაცვის სპეციალური ღონისძიებანი. დაცვის სპეცია­ლური ღონისძიების გამოყენების შუამდგომლობა. შუამდგომლობის განხილვა და შესაბამისი გადაწყვეტი­ლების მიღება. შეტყობინება დაცვის სპეციალური ღონისძიების გამოყენების შესახებ. ინფორმაციის დაც­ვა.“;

ბ) შემდეგი შინაარსის ,,XVIII1 თემა“:

,,თემა XVIII¹. პასუხისმგებლობა წინასწარი გამოძიების დროს და სასამართლოში საპროცესო მოვალეობათა შეუსრულებლობისა და წესრიგის დარ­ღვევისათვის.“.

5. ,,სამოქალაქო საპროცესო სამართლის“:

ა) თემა VIII ჩამოყალიბდეს შემდეგი რედაქციით:

,,თემა VIII. საქმის განხილვა პირველი ინსტან­ციის სასამართლოში

სასამართლო სხდომის წარმართვის წესი. სასამარ­თლო სხდომაზე წესრიგის დაცვის ღონისძიებანი, მხარეთა შუამდგომლობებისა და განცხადებების განხილ­ვა, საქმის განხილვის გადადება, საქმის განხილვის დაწყება, ახალ გარემოებებზე მითითება, მოსამართლეთა და მხარეთა შეკითხვები, მხარეთა შეჯიბრების ხელ­მძღვანელობა, მხარეთა პაექრობა. მაგისტრატ მოსა­მართლეთა განსჯადი სამოქალაქო საქმეების განხილ­ვა.“;

ბ) თემა XIII ჩამოყალიბდეს შემდეგი რედაქციით:

,,თემა XIII. უდავო (განსაკუთრებული) წარმოება

უდავო წარმოების ცნება, უდავო წარმოების წესით განსახილველი საქმეები. შვილად აყვანა, განსჯადობა, შვილად აყვანის შესახებ სასამართლოს გადაწყვეტი­ლება; დაკარგული საქმის წარმოების აღდგენა.“;

გ) თემა XV ჩამოყალიბდეს შემდეგი რედაქციით:

,,თემა XV. კასაცია

საკასაციო საჩივრის საფუძვლები და დასაშვებობის პირობები, საკასაციო სასამართლოს უფლებამოსილება, გადაწყვეტილების გაუქმების აბსოლუტური საფუძვლე­ბი, საქმის წარმოება საკასაციო სასამართლოში, გადა­წყვეტილების შემოწმების ფარგლები, საკასაციო სა­სამართლოს გადაწყვეტილება. საქართველოს უზენაესი სასამართლოს დიდი პალატა.“;

დ) თემა XIX ჩამოყალიბდეს შემდეგი რედაქციით:

,,თემა XIX. წარმოება რეკეტული ან ქურდული სამყაროს წევრის ქონების ჩამორთმევასა და სახელმწიფოსათვის გადაცემასთან დაკავშირებით

ტერმინთა განმარტება. სარჩელის აღძვრა რეკეტული ან ქურდული სამყაროს წევრის ქონების ჩამორთმევისა და სახელმწიფოსათვის გადაცემის თაობაზე. ქონების ცნობა რეკეტულად ან ქურდული სამყაროს წევრის ქონების უკანონოდ და დაუსაბუთებლად ცნობა. ქონების რეკეტულად, უკანონოდ ან დაუსაბუთებლად ცნობის იურიდიული შედეგები. დაუსწრებელი გადაწყვეტი­ლება.“.

6. ,,ადმინისტრაციული სამართლის და პროცესის“:

ა) თემა VII ჩამოყალიბდეს შემდეგი რედაქციით:

,,თემა VII. მმართველობის ფორმები და მეთო­დები

ადმინისტრაციული სამართლის პრინციპები: მიუ­კერ­ძოებ­ლობის პრინციპი, უფლებამოსილების განხორ­ციელება კანონის საფუძველზე, პროპორციულობის პრინ­ციპი, კანონიერი ნდობის პრინციპი. მმართველობის ფორმებისა და ფუნქციების ცნება. ადმინისტრაციულ-სამართლებრივი აქტის სახეები და ფორმები. ადმინის­ტრაციულ-სამართლებრივი აქტის დასაბუთება. ადმინის­ტრაციული აქტის ძალაში შესვლა, გამოქვეყნება, საჯაროდ გამოცხადებისა და ოფიციალური გაცნობის წესი. შეცდომების გასწორება ადმინისტრაციულ აქტში. არარა ადმინისტრაციულ-სამართლებრივი აქტი, ადმინის­ტრაციულ-სამართლებრივი აქტის ბათილად გამოცხადების საფუძვლები და შედეგები. ადმინის­ტრაციულ-სამართლებრივი აქტის ძალადაკარგულად გამოცხადება. ადმინისტრაციული ხელშეკრულება. სპეცია­ლური მოთხოვნები ადმინისტრაციული ორგანოს მიერ ადმინისტრაციული ხელშეკრულების დადებისას.

დარწმუნებისა და წახალისების ფორმები სახელ­მწიფო მმართველობაში. იძულების სახეები ადმინისტრა­ციულ სამართალში (ადმინისტრაციული გამაფრთხილე­ბელი ღონისძიებები, ადმინისტრაციული აღმკვეთი ღონისძიებები, ადმინისტრაციული და დისციპლინური პასუხისმგებლობა).

ადმინისტრაციული ორგანოების მაკონტროლებელი ფუნქცია. სამეწარმეო საქმიანობის კონტროლის განხორ­ციელების წესი და ფორმები.“;

ბ) თემა IX ჩამოყალიბდეს შემდეგი რედაქციით:

,,თემა IX. ადმინისტრაციული წარმოება

ადმინისტრაციული წარმოების ცნება და სახეები. მარტივი ადმინისტრაციული წარმოება. ფორმალური ადმინისტრაციული წარმოება. საჯარო ადმინისტრა­ციული წარმოება. ადმინისტრაციული ქმედუნარიანობა. ადმინისტრაციული წარმოების მხარეები. ადმინისტრა­ციული წარმოების მონაწილე, სხვა ადმინისტრაციული ორგანოს მონაწილეობა ადმინისტრაციულ წარმოებაში.

ადმინისტრაციული წარმოების დაწყების საფუძვლე­ბი და წესი. უფლებამონაცვლეობა ადმინისტრაციულ წარმოებაში. ადმინისტრაციულ წარმოებაში მონაწი­ლეობის დაუშვებლობა. საქმის გარემოებათა გამოკ­ვლევა. მტკიცებულებათა გამოკვლევა.

გადაწყვეტილების მიღება. განმცხადებლის მიერ საკუთარი მოსაზრების წარდგენა ადმინისტრაციული წარმოე­ბის დროს. გადაწყვეტილების მიღება კოლეგია­ლურ ადმინისტრაციულ ორგანოში. ერთსა და იმავე საკითხზე განცხადების ხელახლა წარდგენის წესი.

დამოუკიდებელი ორგანოს მიერ ინდივიდუალური ადმინისტრაციულ-სამართლებრივი აქტის გამოცემის წესი. ინდივიდუალური ადმინისტრაციულ-სამართლებ­რივი აქტის აღსრულება.“;

გ) თემა X ჩამოყალიბდეს შემდეგი რედაქციით:

,,თემა X. ადმინისტრაციული წარმოება ადმინის­ტრაციულ საჩივართან დაკავშირებით

ადმინისტრაციული ორგანოს პასუხისმგებლობა მიყენებული ზიანისათვის. ადმინისტრაციული ორგანოს პასუხისმგებლობა კანონიერი ადმინისტრაციულ-სამარ­თლებ­რივი აქტით გამოწვეული ზიანისათვის.

ადმინისტრაციული საჩივრის ცნება და შინაარსი. ადმინისტრაციულ-სამართლებრივი აქტის გასაჩივრების უფლება. ადმინისტრაციული საჩივრის განხილვაზე უფლებამოსილი ადმინისტრაციული ორგანო. საჩივრის მიღებაზე ან განხილვაზე უარის საფუძვლები. ადმინის­ტრაციული საჩივრის განხილვის წესი. ადმინისტრა­ციული საჩივრის განხილვაში მონაწილეები. ადმინის­ტრაციულ საჩივართან დაკავშირებული ადმინისტრა­ციული წარმოების მოცულობა. ადმინისტრაციული საჩივრის განხილვა. ადმინისტრაციული საჩივრის განხილ­ვასთან დაკავშირებით ადმინისტრაციული ორგა­ნოს გადაწყვეტილება.“;

დ) თემა XI ჩამოყალიბდეს შემდეგი რედაქციით:

,,თემა XI. ადმინისტრაციული პროცესი

ადმინისტრაციული პროცესის ცნება და პრინციპები. ადმინისტრაციული იუსტიციის ცნება. ადმინისტრა­ციული პროცესის მხარეები, მონაწილეები, მესამე პი­რები. ადმინისტრაციული ორგანო, როგორც ადმი­ნისტრაციული პროცესის მონაწილე. საპროცესო უფ­ლე­­ბამონაცვლეობა ადმინისტრაციულ პროცესში. სასა­მართლო მტკიცებულებები.

დისპოზიციურობის და შეჯიბრებითობის პრინცი­პები ადმინისტრაციულ პროცესში. მტკიცების ტვირთი პროცესში.

ადმინისტრაციული სარჩელის სახეები. სარჩელის აღძვრა და სარჩელის დასაშვებობა.

სასამართლო იურისდიქცია: სასამართლოს უწყებ­რი­ვად ქვემდებარე ადმინისტრაციული დავები. რაიო­ნული (საქალაქო) სასამართლოს განსჯადი ადმინის­ტრაციული საქმეები. მაგისტრატ მოსამარ­თლეთა განსჯადი ადმინისტრაციული საქმეები.

საერთო სასამართლოების მიერ ადმინისტრაციული საქმეების განხილვა და გადაწყვეტა. ადმინისტრაციული სამართალწარმოება პირველი ინსტანციის სასამარ­თლოში: სარჩელის წარდგენა უფლებამოსილ სასამარ­თლოში. გასაჩივრებული ადმინისტრაციული აქტის მოქმედების შეჩერება. სასამართლოს განჩინება.

გამარტივებული სამართალწარმოება. დაჩქარებული ადმინისტრაციული სამართალწარმოება.

სასამართლო გადაწყვეტილება. ადმინისტრაციული აქტის გამოცემის თაობაზე სასამართლოს უფლებამოსი­ლება. სასამართლო გადაწყვეტილების გამოქვეყნება.

აპელაცია და კასაცია ადმინისტრაციულ სამართალ­წარმოებაში.

ადმინისტრაციული სამართალწარმოება სამეწარმეო საქმიანობის კონტროლთან დაკავშირებით. მაკონტრო­ლებელი ორგანოს შუამდგომლობის დაკმაყოფილების საფუძვლები, განხილვის წესი. სასამართლო აქტის ფორმები.

პროკურორი – ადმინისტრაციული პროცესის მხარე. ადმინისტრაციული სამართალწარმოება დაუსაბუთებე­ლი ქონების ჩამორთმევასთან დაკავშირებით. ქონების უკანონოდ ან დაუსაბუთებლად ცნობის იურიდიული შედეგები. მტკიცების ტვირთი.

დახურული სასამართლო სხდომის ჩატარების წესი ადმინისტრაციულ პროცესში.“;

ე) ლიტერატურა ჩამოყალიბდეს შემდეგი რედაქ­ციით:

,,ლ ი ტ ე რ ა ტ უ რ ა:

საქართველოს კონსტიტუცია.

საქართველოს ზოგადი ადმინისტრაციული კოდექსი.

საქართველოს ადმინისტრაციული საპროცესო კოდექსი.

საქართველოს ადმინისტრაციულ სამართალდარ­ღვევათა კოდექსი.

საქართველოს კანონი ,,ნორმატიული აქტების შესახებ“.

საქართველოს კანონი ,,საჯარო სამსახურის შესახებ“.

საქართველოს კანონი ,,საჯარო სამართლის იური­დიუ­ლი პირის შესახებ“.

საქართველოს კანონი ,,საჯარო სამსახურში ინტე­რესთა შეუთავსებლობისა და კორუფციის შესახებ“.

საქართველოს კანონი ,,საქართველოს მთავრობის სტრუქტურის, უფლებამოსილებისა და საქმიანობის წე­სის შესახებ“.

საქართველოს კანონი ,,სამეწარმეო საქმიანობის კონტროლის შესახებ“.

ზ. ადეიშვილი, გ. ვინტერი, დ. ქიტოშვილი, საქარ­თვე­­ლოს ზოგადი ადმინისტრაციული კოდექსის კომენ­ტარები, თბ., 2002 წ.

ი. ტაბუცაძე, ჯ. რუსიაშვილი, ადმინისტრაციული პროცესის კომენტარი თბ., 2000 წ.

ი. სურგულაძე, ადმინისტრაციული სამართალი, თბ., 2003 წ.

ა. აბესაძე, მოქალაქეთა უფლებების ადმინისტრა­ციულ-სამართლებრივი დაცვა, თბ., 1968 წ.

გ. ბრებანი, საფრანგეთის ადმინისტრაციული სამარ­თალი (თარგმანი რუსულად) მოსკოვი, 1993 წ.

ვ. ლორია, საქართველოს ადმინისტრაციული სამარ­თალი, სახელმძღვანელო, თბილისი, 1998 წ.

ვ. ლორია, მ. სალხინაშვილი, საქართველოს სახელ­მწიფო და ადმინისტრაციული სამართლის საკითხები, თბილისი, 1999 წ.

7. თემის – ,,სასამართლო კონტროლი სისხლის საპ­როცესო იძულების ღონისძიებებზე, საგამოძიებო მოქმედებებსა და ოპერატიულ-სამძებრო საქმიანობაზე“:

ა) თემა II ჩამოყალიბდეს შემდეგი რედაქციით:

,,თემა II. დაკავების, როგორც სისხლის საპრო­ცესო სამართლებრივი იძულების ღონისძიების, გამოყენება

დაკავება, როგორც საპროცესო იძულების ღონის­ძიება, მისი გამოყენების პირობები, საფუძველი და წესი. პირები, რომლებიც სარგებლობენ იმუნიტეტით დაკავებისას. დაკავებისაგან გათავისუფლების საფუძველი და წესი.“;

ბ) თემა III ჩამოყალიბდეს შემდეგი რედაქციით:

,,თემა III. აღკვეთის ღონისძიებები სისხლის სამართლის პროცესში

აღკვეთის ღონისძიებების სახეები, მათი გამოყენების საფუძველი და საერთო პირობები. პირის მიმართ აღკვეთის ღონისძიების სახით დაპატიმრების გამოყენე­ბის საფუძველი და პირობები. პატიმრობის ვადა და პატიმრობის ვადის გაგრძელების წესი. პატიმრობიდან გათავისუფლება. აღკვეთის ღონისძიებები, რომლებიც არ არის დაკავშირებული დაპატიმრებასთან, მათი გამო­ყენების საფუძველი და წესი.“.

8. თემის – ,,სასამართლო კონტროლი სისხლის საპროცესო იძულების ღონისძიებებზე, საგამოძიებო მოქმედებებსა და ოპერატიულ-სამძებრო საქმიანობაზე“ შემდეგ დაემატოს თემა:

,,საქართველოს სამოსამართლო ეთიკა

თემა I. სამოსამართლო ეთიკის ზოგადი პრინციპები.

თემა II. მოსამართლის ქცევის წესები სამოსამარ­თლო უფლებამოსილებების განხორციელებისას.

ლ ი ტ ე რ ა ტ უ რ ა:

საქართველოს სამოსამართლო ეთიკის კოდექსი – (მიღე­ბულია საქართველოს მოსამართლეთა კონფერენ­ციის 2001 წლის 23 ივნისის №6 დადგენილებით; ნორმატიული აქტების კრებული, თბილისი 2003 წ., გამომცემლობა ,,ჯისიაი“).“.

მ. სააკაშვილი