„ქვეყანაში არსებული სამხედრო დანიშნულების სახელმწიფო ქონების, ზენორმატიული, ვადაგასული (საუტილიზაციო) სამხედრო ტექნიკის, შეიარაღებისა და საბრძოლო მასალების შემდგომი გამოყენების შესახებ“ საქართველოს პრეზიდენტის 2001 წლის 9 ივლისის №273 ბრძანებულებაში დამატებების შეტანის შესახებ“

საქართველოს პრეზიდენტის

ბრძანებულება №426

2006 წლის 14 ივლისი

ქ. თბილისი

,,ქვეყანაში არსებული სამხედრო დანიშნულების სახელმწიფო ქონების, ზენორმატიული, ვადაგასული (საუტილიზაციო) სამხედრო ტექნიკის, შეიარაღებისა და საბრძოლო მასალების შემდგომი გამოყენების შესახებ“ საქართველოს პრეზიდენტის  2001 წლის 9 ივლისის №273 ბრძანებულებაში დამატებების შეტანის შესახებ

„ქვეყანაში არსებული სამხედრო დანიშნულების სახელმწიფო ქონების, ზენორმატიული, ვადაგასული (საუტილიზაციო) სამხედრო ტექნიკის, შეიარაღებისა და საბრძოლო მასალების შემდგომი გამოყენების შესახებ“ საქართველოს პრეზიდენტის 2001 წლის 9 ივლისის №273 ბრძანებულებაში (სსმ III, 2001 წ., №74, მუხ.533) შეტანილ იქნეს შემდეგი დამატება:

1. ბრძანებულებას დაემატოს შემდეგი შინაარსის 21 და 22 პუნქტები:

,,21. ბრძანებულების მე-2 პუნქტით გათვალისწინებული ქონების რეალიზაციის შედეგად მიღებული ამონაგები თანხა 22 პუნქტში აღნიშნული წესის შესაბამისად განსაზღვრული ხარჯების გამოკლებით ჩაირიცხოს სახელმწიფო ბიუჯეტში, ხოლო აღნიშნული ხარჯების სახელმწიფო ბიუჯეტიდან დაფინანსების შემთხვევაში, ამონაგები თანხა მთლიანად ჩაირიცხოს სახელმწიფო ბიუჯეტში.

22. ბრძანებულების მე-2 პუნქტით გათვალისწინებული ქონების უტილიზაციისა და რეალიზაციისათვის აუცილებელი ხარჯები ფინანსდება სახელმწიფო ბიუჯეტიდან და/ან აღნიშნული ქონების რეალიზაციის შედეგად მიღებული ამონაგები თანხიდან, რომლის განაწილების წესი განისაზღვრება თავდაცვის მინისტრის ბრძანებით“.

მ. სააკაშვილი