,,საჯარო სამართლის იურიდიული პირის – საქართველოს სოციალური ინვესტიციების ფონდის საჯარო სამართლის იურიდიულ პირთან – მუნიციპალური განვითარების ფონდთან მიერთების შესახებ”

საქართველოს პრეზიდენტის

ბრძანებულება №1027

2005 წლის 6 დეკემბერი

ქ. თბილისი

საჯარო სამართლის იურიდიული პირის – საქართველოს სოციალური ინვესტიციების ფონდის საჯარო სამართლის იურიდიულ პირთან – მუნიციპალური განვითარების ფონდთან მიერთების შესახებ

საქართველოს სოციალური ინვესტიციების პროექტების და საქართველოს მუნიციპალური სექტორის რეაბილიტაციის პროგრამების განხორციელების ერთიანი კოორდინაციისა და ხელმძღვანელობის მიზნით:

1. „საქართველოს სოციალური ინვესტიციების ფონდის შექმნის შესახებ“ საქართველოს პრეზიდენტის 1996 წლის 16 აგვისტოს №527 ბრძანებულებით შექმნილი საჯარო სამართლის იურიდიული პირი – საქართველოს სოციალური ინვესტიციების ფონდი მიუერთდეს საჯარო სამართლის იურიდიულ პირს – მუნიციპალური განვითარების ფონდს.

2. საჯარო სამართლის იურიდიული პირის – საქართველოს სოციალური ინვესტიციების ფონდის უფლებამონაცვლედ განისაზღვროს საჯარო სამართლის იურიდიული პირი – მუნიციპალური განვითარების ფონდი.

3. საქართველოს მთავრობამ (ზ. ნოღაიდელი) შეიტანოს შესაბამისი ცვლილებები მუნიციპალური განვითარების ფონდის დებულებასა და სამეთვალყურეო საბჭოს შემადგენლობაში.

4. საქართველოს ფინანსთა სამინისტრომ (ა. ალექსიშვილი) ამ ბრძანებულების პირველი პუნქტის შესრულების მიზნით უზრუნველყოს კანონმდებლობით გათვალისწინებული ღონისძიებების განხორციელება.

5. ძალადაკარგულად გამოცხადდეს:

ა) „საქართველოს სოციალური ინვესტიციების ფონდის შექმნის შესახებ“ საქართველოს პრეზიდენტის 1996 წლის 16 აგვისტოს №527 ბრძანებულება;

ბ) „საჯარო სამართლის იურიდიული პირის – საქართველოს სოციალური ინვესტიციების ფონდის დებულებისა და სამეთვალყურეო საბჭოს შემადგენლობის დამტკიცების შესახებ“ საქართველოს პრეზიდენტის 2003 წლის 28 მარტის №105 ბრძანებულება.

6. ბრძანებულების მე-5 პუნქტი ძალაში შევიდეს ამ ბრძანებულების მე-3 პუნქტით გათვალისწინებული ცვლილებების ამოქმედებისთანავე.

7. ეს ბრძანებულება ამოქმედდეს გამოქვეყნებისთანავე.

მ. სააკაშვილი