„საქართველოს ეროვნული უშიშროების საბჭოსთან არსებული ადამიანით ვაჭრობის (ტრეფიკინგის) წინააღმდეგ ბრძოლის დროებითი საუწყებათაშორისო კომისიის შემადგენლობისა და დებულების დამტკიცების შესახებ“ საქართველოს პრეზიდენტის 2005 წლის 1 თებერვლის №50 ბრძანებულებაში ცვლილებების შეტანის თაობაზე”

საქართველოს პრეზიდენტის

ბრძანებულება №965

2005 წლის 29 ნოემბერი

ქ. თბილისი

„საქართველოს ეროვნული უშიშროების საბჭოსთან არსებული ადამიანით ვაჭრობის (ტრეფიკინგის) წინააღმდეგ ბრძოლის დროებითი საუწყებათაშორისო კომისიის შემადგენლობისა და დებულების დამტკიცების შესახებ“ საქართველოს პრეზიდენტის 2005 წლის 1 თებერვლის №50 ბრძანებულებაში ცვლილებების შეტანის თაობაზე

„საქართველოს ეროვნული უშიშროების საბჭოსთან არსებული ადამიანით ვაჭრობის (ტრეფიკინგის) წინააღმდეგ ბრძოლის დროებითი საუწყებათაშორისო კომისიის შემადგენლობისა და დებულების დამტკიცების შესახებ“ საქართველოს პრეზიდენტის 2005 წლის 1 თებერვლის №50 ბრძანებულებაში (სსმ III, 2005 წ., №13, მუხ. 121) შეტანილ იქნეს შემდეგი ცვლილებები:

ა) ბრძანებულების პირველი პუნქტით დამტკიცებული საქართველოს ეროვნული უშიშროების საბჭოსთან არსებული ადამიანით ვაჭრობის (ტრეფიკინგის) წინააღმდეგ ბრძოლის დროებითი საუწყებათაშორისო კომისიის შემადგენლობიდან გამოყვანილ იქნენ გელა ბეჟუაშვილი, ამირან მესხელი, კარლო სიხარულიძე და მათ ნაცვლად კომისიის შემადგენლობაში შეყვანილ იქნენ:

ზურაბ ადეიშვილი – საქართველოს გენერალური პროკურორი, კომისიის თავმჯდომარე

გიორგი მანჯგალაძე  – საქართველოს საგარეო საქმეთა მინისტრის მოადგილე

ეკატერინე ტყეშელაშვილი – საქართველოს შინაგან საქმეთა მინისტრის მოადგილე.

ბ) ბრძანებულების მე-3 პუნქტით დამტკიცებული დებულების მე-2 მუხლის პირველი და მე-2 პუნქტები ჩამოყალიბდეს შემდეგი რედაქციით:

„1. კომისიის პერსონალურ შემადგენლობას განსაზღვრავს საქართველოს პრეზიდენტი.

2. კომისიის საქმიანობას ხელმძღვანელობს და კომისიის სხდომებს წარმართავს კომისიის თავმჯდომარე.“.

 მ. სააკაშვილი