„საქართველოს მუნიციპალური სექტორის განვითარებისათვის გათვალისწინებული ფინანსური სახსრების მართვის შესახებ“ საქართველოს პრეზიდენტის 1997 წლის 7 ივნისის №294 ბრძანებულებაში ცვლილებების შეტანის თაობაზე”

საქართველოს პრეზიდენტის

ბრძანებულება №567

2005 წლის 4 ივლისი

ქ. თბილისი

„საქართველოს მუნიციპალური სექტორის განვითარებისათვის გათვალისწინებული ფინანსური სახსრების მართვის შესახებ“ საქართველოს პრეზიდენტის 1997 წლის 7 ივნისის №294 ბრძანებულებაში ცვლილებების შეტანის თაობაზე

1. „საქართველოს მუნიციპალური სექტორის განვითარებისათვის გათვალისწინებული ფინანსური სახსრების მართვის შესახებ“ საქართველოს პრეზიდენტის 1997 წლის 7 ივნისის №294 ბრძანებულებაში (საქართველოს პრეზიდენტის ბრძანებულებები და განკარგულებები, კრებული, №11, 1997 წ., გვერდი 37) შეტანილ იქნეს შემდეგი ცვლილებები:

ა) მეორე აბზაცი ჩაითვალოს პირველ პუნქტად და წინადადებას „შეიქმნას მუნიციპალური განვითარების ფონდი“ დაემატოს სიტყვები: „საჯარო სამართლის იურიდიული პირის ორგანიზაციულ-სამართლებრივი ფორმით“ და ჩამოყალიბდეს შემდეგი რედაქციით:

„1. შეიქმნას მუნიციპალური განვითარების ფონდი – საჯარო სამართლის იურიდიული პირის ორგანიზაციულ-სამართლებრივი ფორმით.“;

ბ) მე-2 და მე-3 პუნქტები ჩამოყალიბდეს შემდეგი რედაქციით:

„2. საჯარო სამართლის იურიდიული პირის – მუნიციპალური განვითარების ფონდის სახელმწიფო კონტროლის განმახორციელებელ ორგანოდ განისაზღვროს საქართველოს ფინანსთა სამინისტრო.

3. დაევალოს საქართველოს მთავრობას საჯარო სამართლის იურიდიული პირის – მუნიციპალური განვითარების ფონდის დებულებისა და სამეთვალყურეო საბჭოს შემადგენლობის დამტკიცება.“.

გ) ამოღებულ იქნეს მე-4, მე-5, მე-6, მე-7 და მე-8 პუნქტები.

2. ძალადაკარგულად გამოცხადდეს „საქართველოს მუნიციპალური სექტორის განვითარებისათვის გათვალისწინებული სახსრების მართვის შესახებ“ საქართველოს პრეზიდენტის 1997 წლის 7 ივნისის №294 ბრძანებულებაში ცვლილებების შეტანის თაობაზე“ საქართველოს პრეზიდენტის 2002 წლის 3 მაისის №210 ბრძანებულების პირველი პუნქტით დამტკიცებული საჯარო სამართლის იურიდიული პირის – საქართველოს მუნიციპალური განვითარების ფონდის დებულება.

3. ამ ბრძანებულების მე-2 პუნქტი ამოქმედდეს საქართველოს მთავრობის მიერ საჯარო სამართლის იურიდიული პირის – საქართველოს მუნიციპალური განვითარების ფონდის დებულების დამტკიცებისთანავე.

მ. სააკაშვილი