,,საქართველოს ფინანსთა სამინისტროსთან არსებული დავების განხილვის საბჭოს ფუნქციონირების წესის დამტკიცების შესახებ” საქართველოს მთავრობის 2005 წლის 25 იანვრის №11 დადგენილებაში დამატების შეტანის თაობაზე”

საქართველოს მთავრობის

დადგენილება №25

2006 წლის 2 თებერვალი

ქ. თბილისი

,,საქართველოს ფინანსთა სამინისტროსთან არსებული დავების განხილვის საბჭოს ფუნქციონირების წესის დამტკიცების შესახებ” საქართველოს მთავრობის 2005 წლის  25 იანვრის №11 დადგენილებაში დამატების შეტანის თაობაზე

1. ,,საქართველოს ფინანსთა სამინისტროსთან არსებული დავების განხილვის საბჭოს ფუნქციონირების წესის დამტკიცების შესახებ” საქართველოს მთავრობის 2005 წლის 25 იანვრის №11 დადგენილებით დამტკიცებულ ,,საქართველოს ფინანსთა სამინისტროსთან არსებული დავების განხილვის საბჭოს ფუნქციონირების წესის” (სსმ III, 2005 წ., №10, მუხლი 104) პირველ მუხლს დაემატოს 3¹ პუნქტი შემდეგი რედაქციით:

,,3¹. საბჭო საგადასახადო დავას არ განიხილავს იმ შემთხვევაში, თუ საჩივარი წარმოდგენილია საქართველოს საგადასახადო კოდექსის 157-ე მუხლის პირველი ნაწილის ,,ა” ქვეპუნქტისა და მე-3 ნაწილის მოთხოვნათა დარღვევით, რომლის შესახებ მომჩივანს აცნობებს საქართველოს ფინან­სთა სამინისტრო.”.

2. დადგენილება ამოქმედდეს გამოქვეყნებისთანავე.

პრემიერ-მინისტრი                                                                                         ზ. ნოღაიდელი