,,საქართველოს შინაგან საქმეთა სამინისტროს დებულების დამტკიცების შესახებ“ საქართველოს პრეზიდენტის 2004 წლის 27 დეკემბრის №614 ბრძანებულებაში ცვლილებებისა და დამატებების შეტანის თაობაზე”

საქართველოს პრეზიდენტის

ბრძანებულება №392

2005 წლის 27 მაისი

ქ. თბილისი

„საქართველოს შინაგან საქმეთა სამინისტროს დებულების დამტკიცების შესახებ“ საქართველოს პრეზიდენტის 2004 წლის  27 დეკემბრის №614 ბრძანებულებაში ცვლილებებისა და დამატებების შეტანის თაობაზე

„ნორმატიული აქტების შესახებ“ საქართველოს კანონის მე-6 მუხლის მე-2 პუნქტისა და 36-ე მუხლის შესაბამისად, „საქართველოს შინაგან საქმეთა სამინის­ტროს დებულების დამტკიცების შესახებ“ საქართველოს პრეზიდენტის 2004 წლის 27 დეკემბრის №614 ბრძა­ნებულებით (სსმ III, 2004 წ., №152, მუხ. 1389) დამტკიცებულ დებულებაში შეტანილ იქნეს შემდეგი ცვლი­ლებები და დამატებები:

ა) მე-17 პუნქტს დაემატოს შემდეგი შინაარსის „ტ“ ქვეპუნქტი:

„ტ) ანტიტერორისტული ცენტრი (მთავარი სამმარ­თველო).“;

ბ) 21-ე პუნქტის „გ“ ქვეპუნქტი ჩამოყალიბდეს შემდეგი რედაქციით:

„გ) გენერალური ინსპექცია უზრუნველყოფს სამინის­ტროს სისტემაში ეთიკის, დისციპლინური ნორმების დარღვევის, სამსახურებრივი მოვალეობების არაჯე­როვანი შესრულებისა და კონკრეტულ მართლსაწი­ნააღმდეგო ქმედებათა ჩადენის ფაქტების გამოვლენასა და სათანადო რეაგირებას; მის კომპეტენციას მიკუთ­ვნებულ საქმეებზე სისხლის სამართლის საპროცესო კო­დექ­სით დადგენილი წესით და ამ კოდექსით გათვალის­წინებულ ფარგლებში წინასწარ გამოძიებასა და სისხლისსამართლებრივ დევნას; სამინისტროს სისტემაში არსებული დარღვევებისა და ნაკლოვანების გამოვლენას; სამინისტროს სტრუქტურულ ერთეულებში წარმოებული ოპერატიულ-ანალიზური და ოპერატიულ-სამძებრო საქმიანობის კონტრსადაზვერვო თანხლებას; სამინის ­ტროს სტრუქტურული ერთეულების მიერ მატერიალური და ფინანსური რესურსების ხარჯვის კანონიე­რებისა და მიზანშეწონილობის შემოწმებას; სამინისტროს სისტემაში ფინანსური შემოწმების ჩატარებასა (გარდა ოპერატიული ხარჯებისა) და სამინისტროს საინფორ­მაციო სისტემების უსაფ­რთხოებას;“;

გ) 21-ე პუნქტის „ი“ ქვეპუნქტი ჩამოყალიბდეს შემდეგი რედაქციით:           

„ი) კონტრდაზვერვის დეპარტამენტი ახორციელებს კონტრდაზვერვით საქმიანობას საქართველოს წინააღ­მდეგ მიმართული უცხოეთის წარმომადგენლო­ბებისა და ორგანიზაციების საფარქვეშ მოქმედი სადაზვერვო სა­ქმიანობის თავიდან აცილებისა და აღკვეთის მიზნით, სამხედრო ძალებისა და სხვა შეიარაღებული ფორმირე­ბების კონტრდაზვერვით უზრუნველყოფას, ასევე კანონ­მდებლობის შესაბამისად რადიოეთერის კონტრდაზვერ­ვით კონტროლს; გარე მეთვალყურეობის უზრუნველ­ყოფას; მის კომპეტენციას მიკუთვნებულ საქმეებზე სისხლის სამართლის საპროცესო კოდექსით დადგენილი წესით და ამ კოდექსით გათვალისწინებულ ფარგლებში წი­ნასწარ გამოძიებასა და სისხლისსამართლებრივ დევ­ნას;“;

დ) 21-ე პუნქტს დაემატოს შემდეგი შინაარსის „ტ“ ქვეპუნქტი:

„ტ) ანტიტერორისტული ცენტრის ამოცანაა ტერო­რიზმის წინააღმდეგ ბრძოლა, კანონმდებლობით დად­გენილი წესით ოპერატიულ-სამძებრო ღონისძიებების განხორციელება, მის კომპეტენციას მიკუთვნებულ საქ­მეებ­ზე სისხლის სამართლის საპროცესო კოდექსით დადგე­ნილი წესით და ამ კოდექსით გათვალისწინებულ ფარგლებში წინასწარი გამოძიება და სისხლისსამარ­თლებრივი დევნა.“;

ე) 22-ე პუნქტის „ა“ ქვეპუნქტი ჩამოყალიბდეს შემ­დეგი რედაქციით:

„ა) სახელმწიფო საზღვრის დაცვის დეპარტამენტი კანონმდებლობით დადგენილი წესით უზრუნველყოფს სა­ქართველოს სახელმწიფო საზღვრისა და სასაზღვრო რეჟიმის დაცვას, ახორციელებს ოპერატიულ-სამძებრო საქმიანობას, მის კომპეტენციას მიკუთვნებულ საქმეებზე სისხლის სამართლის საპროცესო კოდექსით დადგენილი წესით და ამ კოდექსით გათვალისწინებულ ფარგლებში წინასწარ გამოძიებას და სისხლის სამართლებრივ დევნას;“.

მ. სააკაშვილი