საჯარო სამართლის იურიდიული პირის - მიხეილ თუმანიშვილის სახელობის კინომსახიობთა პროფესიული სახელმწიფო თეატრის შექმნის შესახებ

საქართველოს პრეზიდენტის

ბრძანებულება №319

2005 წლის 7 მაისი

ქ. თბილისი

საჯარო სამართლის იურიდიული პირის – მიხეილ თუმანიშვილის სახელობის კინომსახიობთა თეატრის შექმნის შესახებ

„საჯარო სამართლის იურიდიული პირის შესახებ“ საქართველოს კანონის მე-5 მუხლის მე-2 პუნქტის „ბ“ ქვეპუნქტის შესაბამისად:

1. შეიქმნას საჯარო სამართლის იურიდიული პირი – მიხეილ თუმანიშვილის სახელობის კინომსახიობთა თეატრი (შემდგომში – თეატრი).

2. საქართველოს კულტურის, ძეგლთა დაცვისა და სპორტის სამინისტრომ (გ. გაბაშვილი):

ა) უზრუნველყოს თეატრის დებულების დამტკიცება და წარმომადგენლობაზე უფლებამოსილი პირის დანიშვნა;

ბ) განახორციელოს თეატრის საქმიანობის სახელმწიფო კონტროლი.

3. საქართველოს ეკონომიკური განვითარების სამინისტრომ (ა. ალექსიშვილი) უზრუნველყოს უძრავ-მოძრავი ქონებისა და შესაბამის შენობა-ნაგებობებზე დამაგრებული მიწის ფართობის ამ ბრძანებულებით შექმნილი საჯარო სამართლის იურიდიული პირისათვის გადაცემა კანონმდებლობით დადგენილი წესით.

4. ცნობად იქნეს მიღებული ქალაქ თბილისის მთავრობის წინადადება და თეატრის დაფინანსება საქართველოს სახელმწიფო ბიუჯეტში გათვალისწინებამდე განხორციელდეს ქალაქ თბილისის ადგილობრივი ბიუჯეტიდან.

მ. სააკაშვილი