„საქართველოს საერთო სასამართლოების მოსამართლეთა სადისციპლინო საბჭოს რეგლამენტის დამტკიცების შესახებ“ საქართველოს პრეზიდენტის 2004 წლის 7 სექტემბრის №374 ბრძანებულებაში ცვლილებების შეტანის თაობაზე”

საქართველოს პრეზიდენტის

 ბრძანებულება №247

2005 წლის 21 აპრილი

 ქ. თბილისი

„საქართველოს საერთო სასამართლოების მოსამართლეთა სადისციპლინო საბჭოს რეგლამენტის დამტკიცების შესახებ“ საქართველოს პრეზიდენტის 2004 წლის 7 სექტემბრის №374 ბრძანებულებაში ცვლილებების შეტანის თაობაზე

1. „საქართველოს საერთო სასამართლოების მოსამართლეთა სადისციპლინო საბჭოს რეგლამენტის დამტკიცების შესახებ“ საქართველოს პრეზიდენტის 2004 წლის 7 სექტემბრის №374 ბრძანებულებაში (სსმ III, 2004 წ., №98, მუხ. 335) შეტანილ იქნეს შემდეგი ცვლილებები:

ა) ბრძანებულებით დამტკიცებული საქართველოს საერთო სასამართლოების მოსამართლეთა სადისციპლინო საბჭოს რეგლამენტის (დანართი №1) მე-14 მუხლი ჩამოყალიბდეს შემდეგი რედაქციით:

„მუხლი 14.

1. სადისციპლინო საბჭოს თავმჯდომარისა და აპარატის მოხელეთა ნამსახურობის ნუსხის და შრომის წიგნაკების წარმოებას, აგრეთვე საკადრო აღრიცხვასთან დაკავშირებული სხვა საკითხების უზრუნველყოფას ახორციელებს საქართველოს იუსტიციის უმაღლესი საბჭოს აპარატის შესაბამისი სტრუქტურული ქვედანაყოფი, ხოლო საფინანსო-სამეურნეო უზრუნველყოფას – საერთო სასამართლოების დეპარტამენტი.

2. სადისციპლინო საბჭოს თავმჯდომარის და აპარატის მოხელეთა შრომის ანაზღაურების, ასევე საქმიანობის სხვა ხარჯი გათვალისწინებულია და გაიცემა საერთო სასამართლოების დეპარტამენტისათვის გამოყოფილ საბიუჯეტო ასიგნებათა ფარგლებში.“;

ბ) ბრძანებულებით დამტკიცებული დანართი №2 ჩამოყალიბდეს შემდეგი რედაქციით:

„დანართი №2

სადისციპლინო საბჭოს თავმჯდომარის თანამდებობრივი სარგო და მისი აპარატის საშტატო ნუსხა და თანამდებობრივი სარგო

2. ამ ბრძანებულებით განსაზღვრული ღონისძიებების დაფინანსება საერთო სასამართლოების დეპარტამენტმა განახორციელოს 2005 წლის 1 აპრილიდან.

მ. სააკაშვილი