„საქართველოს განათლებისა და მეცნიერების სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №37 დადგენილებაში ცვლილებისა და დამატების შეტანის თაობაზე“

საქართველოს მთავრობის

დადგენილება №148

2010 წლის 25 მაისი

 ქ. თბილისი

„საქართველოს განათლებისა და მეცნიერების სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №37 დადგენილებაში ცვლილებისა და დამატების შეტანის თაობაზე

    მუხლი 1.

 „ნორმატიული აქტების შესახებ“ საქართველოს კა­ნონის მე-20 მუხლის მე-4 პუნქტის შესაბამისად, „საქარ­თვე­ლოს განათლებისა და მეცნიერების სამინისტროს დებულების დამტკი­ცების შესახებ“ საქართველოს მთავრობის 2004 წლის 21 მაისის №37 დად­გენილებით (სსმ III, 2004 წელი, №54,  მუხლი 460) დამტკიცებულ დებულებაში შეტანილ იქნეს შემდეგი ცვლი­ლება და დამატება:

1. მე-2 მუხლის მე-2 პუნქტის „შ“ ქვეპუნქტი ჩამოყალიბ­დეს ახალი რედაქციით:

„შ) საქართველოს პრემიერ-მინისტრთან შეთანხმებით თანამ­დე­ბობაზე ნიშნავს და თანამდებობიდან ათავისუფლებს ამ დებუ­ლების მე-4 მუხლის პირველი პუნქტის „გ.ბ“, „გ.ე“, „გ.ვ“, „გ.ზ“, „გ.თ“ და „გ.ი“ ქვეპუნქტებით გათვალისწინებული საჯარო სა­მა­რ­­თ­ლის იუ­­რიდიული პირების დირექტორებს; კანონმდებ­ლო­ბით დადგენილი წესით თანამდებობაზე ნიშნავს და თანამდებო­ბიდან ათა­ვისუფლებს მე-4 მუხლის პირველი პუნ­ქ­­ტის „გ.­გ“­ და „გ.დ“ ქვე­პუნქტებით გა­თვა­ლის­­წინებული და­წე­­სე­ბუ­ლე­ბების ხელმძღვანელებსა და „გ.კ“ ქვე­პუნქტით                              გა­თვა­ლისწინებული პროფესიული სწავლების ცენტრების ხელმძღვანე­ლებს;“.

2. 4¹ მუხლის მე-3 პუნქტს დაემატოს შემდეგი შინაარსის „ტ“ ქვეპუნქტი:

„ტ) სალიცენზიო მოწმობის შენახვა, შევსება და გაცემა.“.

    მუხლი 2.

დადგენილება ამოქმედდეს გამოქვეყნებისთანავე.

პრემიერ-მინისტრი     ნ. გილაური