„სასაზღვრო საბაჟო ორგანოს გახსნის, სამუშაო დროისა და მისი გავლით შემოსატანი საქონლის სახეობების განსაზღვრის შესახებ“ საქართველოს მთავრობის 2006 წლის 22 დეკემბრის №242 დადგენილებაში ცვლილების შეტანის თაობაზე“

საქართველოს მთავრობის

დადგენილება №49

2007 წლის 13 მარტი

ქ. თბილისი

„სასაზღვრო საბაჟო ორგანოს გახსნის, სამუშაო დროისა და მისი გავლით შემოსატანი საქონლის სახეობების განსაზღვრის შესახებ“ საქართველოს მთავრობის 2006 წლის 22 დეკემბრის №242 დადგენილებაში ცვლილების შეტანის თაობაზე

1. „ნორმატიული აქტების შესახებ“ საქართველოს კანონის 36-ე მუხლის შესაბამისად, „სასაზღვრო საბაჟო ორგანოს გახსნის, სამუშაო დროისა და მისი გავლით შემოსატანი საქონლის სახეობების განსაზღვრის შესახებ“ საქართველოს მთავრობის 2006 წლის 22 დეკემბრის №242 დადგენილებაში (სსმ III, 2006 წელი, №172, მუხლი 2316) შეტანილ იქნეს ცვლილება და პირველი პუნქტი ჩამოყალიბდეს შემდეგი რედაქციით:

„1. სასაზღვრო საბაჟო ორგანოების – საბაჟო გამშვები პუნქტებისა (წილეთი ხიდი, სადახლო, გარდაბანი, ახკერპი, გუგუთი, მტკვარი, ლაგოდეხი, სამთაწყარო, ყაზბეგი, ვალე, ნინოწმინდა, სარფი, ბათუმის, ქუთაისისა და სენაკის აეროპორტები) და საბაჟო საგუშაგოების (თბილისის აეროპორტი, ბათუმის პორტი, ფოთის პორტი) სამუშაო დრო განისაზღვროს 00.00 საათიდან 24.00 საათამდე ჩათვლით.“.

2. დადგენილება ამოქმედდეს 2007 წლის 1 აპრილიდან.

პრემიერ-მინისტრი ზ. ნოღაიდელი