დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „საქართველოში უნაღდო ანგარიშსწორების წესების დამტკიცების შესახებ“ საქართველოს ეროვნული ბანკის პრეზიდენტის 2007 წლის 26 ივნისის №166 ბრძანებაში ცვლილებებისა და დამატების შეტანის თაობაზე | |
|---|---|
| დოკუმენტის ნომერი | 331 |
| დოკუმენტის მიმღები | საქართველოს ეროვნული ბანკის პრეზიდენტი |
| მიღების თარიღი | 02/12/2008 |
| დოკუმენტის ტიპი | საქართველოს ეროვნული ბანკის პრეზიდენტის ბრძანება |
| გამოქვეყნების წყარო, თარიღი | სსმ, 175, 08/12/2008 |
| ძალის დაკარგვის თარიღი | 01/03/2015 |
| სარეგისტრაციო კოდი | 220.090.000.18.011.012.449 |
სახელმწიფო სარეგისტრაციო კოდი 220.090.000.18.11.012.449
საქართველოს ეროვნული ბანკის პრეზიდენტის
ბრძანება №331
2008 წლის 2 დეკემბერი
ქ. თბილისი
„საქართველოში უნაღდო ანგარიშსწორების წესების დამტკიცების შესახებ“ საქართველოს ეროვნული ბანკის პრეზიდენტის 2007 წლის 26 ივნისის №166 ბრძანებაში ცვლილებებისა და დამატების შეტანის თაობაზე
„საქართველოს ეროვნული ბანკის შესახებ“ საქართველოს ორგანული კანონის მე-2 მუხლის მე-3 პუნქტის „დ“ ქვეპუნქტის, 44-ე მუხლის, 67-ე მუხლის მე-4 და მე-5 პუნქტებისა და „ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:
მუხლი 1
„საქართველოში უნაღდო ანგარიშსწორების წესების დამტკიცების შესახებ“ საქართველოს ეროვნული ბანკის პრეზიდენტის 2007 წლის 26 ივნისის №166 ბრძანებაში (სსმ III, 10.07.2007 წ., №97, მუხ. 1040) შეტანილ იქნეს შემდეგი ცვლილებები და დამატება:
1. მე-3 მუხლის მე-7 პუნქტი ჩამოყალიბდეს შემდეგი რედაქციით:
„7. საოპერაციო დღის განმავლობაში კლიენტებისგან მიღებული საგადახდო საბუთების შესრულება (ანგარიშსწორება) ეროვნულ ვალუტაში ხდება იმავე სამუშაო დღეს ეროვნული ბანკის ბანკთაშორისი ანგარიშსწორების სისტემის მუშაობის გრაფიკის გათვალისწინებით. საოპერაციო დღის დამთავრების შემდეგ, სამუშაო დღის ბოლომდე შემოსული საგადახდო საბუთები შესრულდება არა უგვიანეს მომდევნო საოპერაციო დღეს, თუ კომერციულ ბანკსა და კლიენტს შორის შეთანხმებით სხვა რამ არ არის გათვალისწინებული და იგი არ ეწინააღმდეგება საქართველოში მოქმედი კანონმდებლობით დადგენილ მოთხოვნებს.
2. მე-3 მუხლის მე-11 პუნქტის ა) ქვეპუნქტი ჩამოყალიბდეს შემდეგი რედაქციით:
„ა) კლიენტის მომსახურე საბანკო დაწესებულება ამ საბუთის კლიენტისათვის დასაბრუნებელ ეგზემპლარზე ასვამს შტამპს – „განაღდებულია“.
მუხლი 2
ამ ბრძანების დაუყოვნებლივ ამოქმედების საჭიროება განპირობებულია ბანკების მხრიდან უნაღდო ანგარიშსწორების მომსახურების ხარისხისა და ოპერატიულობის ამაღლებით.
მუხლი 3. ეს ბრძანება ამოქმედდეს ხელმოწერისთანავე.
პრეზიდენტის მოვალეობის
შემსრულებელი დ. ამაღლობელი
დოკუმენტის კომენტარები