“საჰაერო ხომადების საფრენოსნო ექსპლუატაციის წესების დამტკიცების შესახებ" სამოქალაქო ავიაციის ადმინისტრაციის თავმჯდომარის 2003 წლის 26 ნოემბრის №2 ბრძანებაში ცვლილების და დამატებეის შეტანის თაობაზე"

სახელმწიფო სარეგისტრაციო კოდი 310.050.000.27.019.008.280

სამოქალაქო ავიაციის ადმინისტრაციის

თავმჯდომარის ბრძანება №3

2006 წლის 15 მარტი

ქ. თბილისი

„საჰაერო ხომალდების საფრენოსნო ექსპლუატაციის წესების დამტკიცების შესახებ“ სამოქალაქო ავიაციის ადმინისტრაციის თავმჯდომარის 2003 წლის 26 ნოემბრის №2 ბრძანებაში ცვლილებისა და დამატებების შეტანის თაობაზე

საქართველოს სამოქალაქო ავიაციის ფრენის უსაფრთხოების უზრუნველმყოფი ნორმატიული ბაზის შემდგომი სრულყოფის მიზნით, ჩიკაგოს 1944 წლის კონვენციის (,,საერთაშორისო სამოქალაქო ავიაციის შესახებ“), საქართველოს კანონების: ,,ტრანსპორტისა და კომუნიკაციების სფეროს სახელმწიფო მართვისა და რეგულირების წესის შესახებ“ მე-13 მუხლის, ,,ნორმატიული აქტების შესახებ“ 36-ე მუხლის მოთხოვნებიდან გამომდინარე, ვბრძანებ:

1. სამოქალაქო ავიაციის ადმინისტრაციის თავმჯდომარის 2003 წლის 26 ნოემბრის №2 ბრძანებით (სსმ III, 2003 წ., №140, მუხ. 1140) დამტკიცებულ „საჰაერო ხომალდების საფრენოსნო ექსპლუატაციის წესებში“ (შემდგომში – წესები) შეტანილ იქნეს შემდეგი ცვლილება და დამატებები:

ა) წესების 175-ე მუხლის პირველ პუნქტს დაემატოს „ი“ და „კ“ ქვეპუნქტები შემდეგი რედაქციით:

„ი) ხელბარგის განთავსება და დამაგრება;

კ) პირადი რადიოელექტრონული მოწყობილობის გამოყენების შეზღუდვები.“;

ბ) წესების 175-ე მუხლის მე-2 პუნქტი ჩამოყალიბდეს შემდეგი რედაქციით:

„2. აფრენის წინ, მეთაური ან მომსახურე ეკიპაჟის ხელმძღვანელი ვალდებულია უზრუნველყოს, რომ:

ა) შეზღუდული მოძრაობის მქონე პირები პირადად იყვნენ გაცნობილი გასასვლელამდე ყველაზე უფრო ხელსაყრელ მარშრუტს და ავარიულ ვითარებაში გასასვლელისაკენ გადაადგილების დაწყების დროს;

ბ) მგზავრებს ეცნობოთ ექსპლუატანტის და საჰაერო ხომალდის მეთაურის ვინაობა.“;

გ) წესების 175-ე მუხლს დაემატოს მე-3–7 პუნქტები შემდეგი რედაქციით:

„3. აფრენის შემდეგ მგზავრებს ეცნობებათ:

ა) მოწევის აკრძალვა ან შეზღუდვები;

ბ) უსაფრთხოების ღვედების გამოყენება;

4. დაფრენის წინ მგზავრებს ეცნობებათ:

ა) მოწევის აკრძალვა ან შეზღუდვები;

ბ) უსაფრთხოების ღვედების გამოყენება;

გ) სავარძლის საზურგეების მდგომარეობა;

დ) ხელბარგის განთავსება და დამაგრება.

5. დაფრენის შემდეგ მგზავრებს ეცნობებათ:

ა) მოწევის აკრძალვა ან შეზღუდვები;

ბ) უსაფრთხოების ღვედების გამოყენება;

გ) საჰაერო ხომალდიდან გასვლის წესი.

6. ავარიული ვითარების წარმოქმნისას მგზავრებს უტარდებათ აუცილებელი ქმედებების ინსტრუქტაჟი. ავარიული და/ან არასტანდარტული ვითარების სახეო-ბაზე მგზავრებს ინფორმაციას აწვდის საჰაერო ხომალდის მეთაური ან მეორე პილოტი.

7. ამ მუხლითა და წესების 140-ე მუხლის პირველი პუნქტით გათვალისწინებული ინფორმაცია მგზავრს სავალდებულოდ მიეწოდება ქართულ და იკაო-ს ერთ-ერთ (ინგლისურ, ფრანგულ, ესპანურ, რუსულ, არაბულ და ჩინურ) სამუშაო ენაზე.“.

2. ბრძანება ამოქმედდეს გამოქვეყნებისთანავე.

გ. მჟავანაძე