,,საქართველოს გარემოს დაცვისა და ბუნებრივი რესურსების სამინისტროს დებულების დამტკიცების შესახებ“ საქართველოს მთავრობის 2004 წლის 12 ივნისის №50 დადგენილებაში ცვლილებების შეტანის თაობაზე“

საქართველოს მთავრობის

დადგენილება №195

2006 წლის 25 ოქტომბერი

ქ. თბილისი

,,საქართველოს გარემოს დაცვისა და ბუნებრივი რესურსების სამინისტროს დებულების დამტკიცების შესახებ“ საქართველოს მთავრობის 2004 წლის 12 ივნისის №50 დადგენილებაში ცვლილებების შეტანის თაობაზე

    მუხლი 1

,,ნორმატიული აქტების შესახებ“ საქართველოს კანონის 36-ე მუხლის შესაბამისად, ,,საქართველოს გარე­მოს დაცვისა და ბუნებრივი რესურსების სამინისტროს დებუ­ლების დამტკიცების შესახებ“ საქართველოს მთავრობის 2004 წლის 12 ივნისის №50 დადგენილებით (სსმ III, 2004 წ., №60, მუხ. 526) დამტკიცებულ დებულებაში შეტანილ იქნეს შემდეგი ცვლილებები:

1. მე-8 მუხლის პირველი პუნქტის:

ა) ,,ე“ ქვეპუნქტი ამოღებულ იქნეს;

ბ) ,,ი“ ქვეპუნქტი ჩამოყალიბდეს ახალი რედაქციით:

,,ი) მინისტრის აპარატი;“.

2. მე-9 მუხლის:

ა) მე-4 პუნქტი ჩამოყალიბდეს შემდეგი რედაქციით:

,,4. ადმინისტრაციული დეპარტამენტის კომპეტენციაა:

ა) სამინისტროს სისტემაში შემავალი სტრუქტურული ქვედანაყოფების, სახელმწიფო საქვეუწყებო დაწესებულებე­ბი­სა და ტერიტორიული ორგანოების კოორდინაცია, ერთიანი საქმისწარმოების ორგანიზება და მინისტრის დავალებების შესრულების კონტროლი;

ბ) სამინისტროს სისტემის საკადრო რესურსების მართვის ოპტიმიზაციის მიზნით რეკომენდაციების შემუშავება;

გ) სამინისტროს სისტემის მოსამსახურეთა დადგენილი წესის შესაბამისად დანიშვნის, სამსახურებრივი გადაადგილე­ბის (გადაყვანის), გათავისუფლების, დისციპლინური წესით დასჯისა და წახალისების, შვებულებისა და მივლინების შესახებ წინადადებებისა და ბრძანებების პროექტების მომზადება;

დ) კომპეტენციის ფარგლებში სამინისტროს სისტემის მოსამსახურეთა პირადი საქმეების შედგენა და წარმოება;

ე) სამინისტროს სისტემის კადრების სამსახურების მუ­შაო­ბის მეთოდური ხელმძღვანელობა და კოორდინაცია, აგ­რეთვე მათი მუშაობის შემოწმების მიზნით რევიზიების მოწყობა დადგენილი წესით;

ვ) ატესტაციისა და სამინისტროს სისტემაში არსებული ვაკანტური თანამდებო­ბების დასაკავებლად კონკურსების გა­მარ­თვის ორგანიზა­ციული უზრუნველყოფა დადგენილი წესით;

ზ) სამინისტროს სისტემის მოსამსახურეთა შესახებ მონაცემთა ბაზის შექმნა, მისი სრულყოფა და სისტე­მატიზაცია;

თ) შრომითი დავების შესახებ სამინისტროს წარმომად­გენ­ლობა სასამართლოში;

ი) სამინისტროში ოფიციალურად შესული და გასული კორესპონდენციის რეგისტრაცია, სისტემატიზაცია და მისი ოპერატიული მიწოდება სამინისტროს ხელმძღვანელობისა და შემსრულებლებისათვის;

კ) სამინისტროს სტრუქტურული ქვედანაყოფების მიერ საქართველოს პრეზიდენტის, საქართველოს მთავრობისა და სამინისტროს ხელმძღვანელობის აქტებითა და მითითებებით განსაზღვრულ კონტროლზე აყვანილ დავალებათა დადგენილ ვადებში შესრულების კონტროლი;

ლ) საიდუმლო საქმისწარმოების განხორციელება, მოქმე­დი კანონმდებლობით გათვალისწინებულ შესაბამის ინფორმა­ციასა და დოკუმენტაციასთან დაკავშირებით საიდუმლოების რეჟიმის დაცვის უზრუნველყოფა;

მ) საქმისწარმოებაში დასრულებული დოკუმენტაციის აღ­რიც­ხვა, დამუშავება და გადაცემა არქივისათვის არსებული წესის თანახმად;

ნ) სამინისტროს ტერიტორიული ორგანოების მართვისა და მათი საქმიანობის კოორდინაციის ხელშეწყობა;

ო) სამინისტროს სისტემის საფინანსო-ეკონომიკური საქმი­ანობის ანალიზი;

პ) მატერიალური, ფინანსური და საკრედიტო რესურსების განაწილება, მათი მიზნობრივი გამოყენება;

ჟ) სამინისტროს სისტემის საბუღალტრო საქმიანობისა და აღრიცხვა-ანგარიშგების მეთოდური უზრუნველყოფა;

რ) სამინისტროს სტრუქტურული ქვედანაყოფების, ტერი­ტო­რიული ორგანოებისა და სახელმწიფო საქვეუწყებო დაწე­სე­ბულებათა ბალანსზე არსებული ქონებისა და მისი მოძ­რაობის, მატერიალური და ფინანსური რესურსების გამოყე­ნების კონტროლი;

ს) სამინისტროს მატერიალურ-ტექნიკური უზრუნველყოფა;

ტ) სამინისტროს საქმიანობის პროტოკოლური უზრუნ­ველ­ყოფა;

უ) კანონმდებლობით და მინისტრის მიერ კანონ­მდებ­ლობის საფუძველზე განსაზღვრულ სხვა უფლებამოსილებათა განხორციელება.“;

ბ) მე-5 პუნქტი ამოღებულ იქნეს;

გ) მე-7 პუნქტის ,,ი“, ,,კ“, ,,ლ“, ,,მ“ და ,,ნ“ ქვეპუნქტები ამოღებულ იქნეს;

დ) მე-9 პუნქტი ჩამოყალიბდეს შემდეგი რედაქციით:

,,9. მინისტრის აპარატის კომპეტენციაა:

ა) მინისტრის ბრძანებების შესრულების კონტროლი;

ბ) სამინისტროს ხელმძღვანელობის თათბირების ორგანი­ზება და ოქმების შედგენა;

გ) სამინისტროს ხელმძღვანელობის მიერ მოქალაქეთა მიღების საკითხების რეგულირება;

დ) სამინისტროს ხელმძღვანელობის შეხვედრების განრი­გის დაგეგმვა და მომზადება;

ე) ქვეყნის ფარგლებში სამინისტროს ხელმძღვანელობის მივლინებების ორგანიზება;

ვ) თავისი კომპეტენციის ფარგლებში სამინისტროს ხელ­მძღვანელობის დავალებათა შესრულება;

ზ) მინისტრის მრჩეველთა საქმიანობის ხელშეწყობა.“.

    მუხლი 2.

საქართველოს გარემოს დაცვისა და ბუნებრივი რესურ­სების სამინისტრომ (დ. ტყეშელაშვილი) უზრუნველყოს დადგენილებით გათვალის­წი­ნებული სამინისტროს რეორგანიზაციასთან დაკავშირებული პროცედურების განხორციელება კანონმდებლობის შესაბამისად.

    მუხლი 3.

1. დადგენილება (გარდა პირველი მუხლისა) ამოქმედ­დეს გამოქვეყნებისთანავე.

2. დადგენილების პირველი მუხლი ამოქმედდეს გამოქ­ვეყნებიდან ერთი თვის შემდეგ.

პრემიერ-მინისტრი          ზ. ნოღაიდელი