„სამოქალაქო რეესტრის სააგენტოს მიერ გაწეული მომსახურებისათვის დაწესებული საფასურის შესახებ“ საქართველოს კანონში დამატებების შეტანის თაობაზე“

საქართველოს კანონი

„სამოქალაქო რეესტრის სააგენტოს მიერ გაწეული მომსახურებისათვის დაწესებული საფასურის შესახებ“ საქართველოს კანონში დამატებების შეტანის თაობაზე

   მუხლი 1. „სამოქალაქო რეესტრის სააგენტოს მიერ გაწეული მომსახურებისათვის დაწესებული საფასურის შესახებ“ საქართველოს კანონის (საქართველოს საკანონმდებლო მაცნე, №3, 16.01.2006, მუხ. 17) მე-5 მუხლს დაემატოს შემდეგი შინაარსის 11⁸–11¹⁰ პუნქტები:

„11⁸. დოკუმენტის აპოსტილით დამოწმების შესახებ განცხადების შეტანიდან დოკუმენტის:

ა) მე-10 დღეს აპოსტილით დამოწმებისათვის მომსახურების საფასური 20 ლარია;

ბ) მე-5 დღეს აპოსტილით დამოწმებისათვის მომსახურების საფასური 40 ლარია;

გ) მე-2 დღეს აპოსტილით დამოწმებისათვის მომსახურების საფასური 70 ლარია;

დ) იმავე დღეს აპოსტილით დამოწმებისათვის მომსახურების საფასური 100 ლარია.

11⁹. დოკუმენტის ლეგალიზაციის შესახებ განცხადების შეტანიდან დოკუმენტის:

ა) მე-10 დღეს ლეგალიზაციისათვის მომსახურების საფასური 20 ლარია;

ბ) მე-5 დღეს ლეგალიზაციისათვის მომსახურების საფასური 40 ლარია;

გ) მე-2 დღეს ლეგალიზაციისათვის მომსახურების საფასური 70 ლარია;

დ) იმავე დღეს ლეგალიზაციისათვის მომსახურების საფასური 100 ლარია.

11¹⁰.ლეგალიზაციას ან აპოსტილით დამოწმებას დაქვემდებარებული ქართულენოვანი დოკუმენტის ერთი გვერდის (ერთ გვერდამდე) უცხოურ ენაზე თარგმნისათვის მომსახურების საფასური 20 ლარია.“.

    მუხლი 2. ეს კანონი ამოქმედდეს 2009 წლის 15 ივლისიდან.

საქართველოს პრეზიდენტი მ. სააკაშვილი

თბილისი,

2009 წლის 26 ივნისი.

№1331–რს