„საბაჟო ორგანოების მიერ საბაჟო პროცედურების განხორციელების დროისა და ადგილის განსაზღვრის შესახებ” საქართველოს ფინანსთა მინისტრის 2006 წლის 20 დეკემბრის №1765 ბრძანებაში ცვლილებების შეტანის თაობაზე“

სახელმწიფო სარეგისტრაციო კოდი 230.150.020.22.033.014.066

საქართველოს ფინანსთა მინისტრის

ბრძანება №964

2009 წლის 31 დეკემბერი

ქ. თბილისი

„საბაჟო ორგანოების მიერ საბაჟო პროცედურების განხორციელების დროისა და ადგილის განსაზღვრის შესახებ“ საქართველოს ფინანსთა მინისტრის 2006 წლის 20 დეკემბრის №1765 ბრძანებაში ცვლილებების შეტანის თაობაზე

საქართველოს ზოგადი ადმინისტრაციული კოდექსის 63-ე მუხლის შესაბამისად, ვბრძანებ:

მუხლი 1. „საბაჟო ორგანოების მიერ საბაჟო პროცედურების განხორციელების დროისა და ადგილის განსაზღვრის შესახებ“ საქართველოს ფინანსთა მინისტრის 2006 წლის 20 დეკემბრის №1765 ბრძანებაში (სსმ III, 22.12.2006 წ., №172, მუხ. 2331) შეტანილ იქნას შემდეგი ცვლილებები:

1. ბრძანების 5³ პუნქტი ჩამოყალიბდეს შემდეგი რედაქციით:

„5³. საქართველოს ფინანსთა მინისტრის 2008 წლის 31 დეკემბრის №990 ბრძანებით დამტკიცებული „საბაჟო-სავაჭრო თანამშრომლობის განხორციელების წესის შესახებ“ ინსტრუქციით გათვალისწინებული, საბაჟო-სავაჭრო თანამშრომლობის მონაწილეთა მიერ ან მათი დანიშნულებით საქართველოს საბაჟო ტერიტორიაზე შემოტანილი, საქონლის მიმართ საბაჟო დამუშავების ოპერაციების ადგილებად განისაზღვროს:

ა) ქ. თბილისი, ცოტნე დადიანის ქ. №30;

ბ) ქ. ფოთი, კოკაიას ხეივანი №1;

გ) ქ. ბათუმი, ფიროსმანის ქ. №5;

დ) წყალტუბოს მუნიციპალიტეტი, სოფ. ქვიტირი, „საბაჟო-კემპინგი“.“.

2. ბრძანების 7¹ პუნქტი ჩამოყალიბდეს შემდეგი რედაქციით:

„7¹. ამ ბრძანების მე-7 პუნქტის „ა“ ქვეპუნქტით გათვალისწინებულ შემთხვევაში საბაჟო პროცედურის არასამუშაო დროს განხორციელების მიზნით დაინტერესებულ პირს უფლება აქვს წერილობით მიმართოს საბაჟო დამუშავების ოპერაციის განხორციელების საბაჟო ორგანოს ამ ბრძანების მე-7 პუნქტის „ა.ა“ ქვეპუნქტით განსაზღვრული სამუშაო დროის დამთავრებამდე.“.

მუხლი 2. ეს ბრძანება ამოქმედდეს 2010 წლის 1 იანვრიდან.

კ. ბაინდურაშვილი