„საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს სასჯელაღსრულების დეპარტამენტის დებულების დამტკიცების შესახებ“ საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2009 წლის 25 თებერვლის №60 ბრძანებაში ცვლილებისა და დამატებების შეტანის თაობაზე“

სახელმწიფო სარეგისტრაციო კოდი 010.240.030.22.038.013.943

საქართველოს სასჯელაღსრულების, პრობაციისა და იურიდიული დახმარების საკითხთა მინისტრის

ბრძანება №875

2009 წლის 16 დეკემბერი

ქ. თბილისი

„საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს სასჯელაღსრულების დეპარტამენტის დებულების დამტკიცების შესახებ“ საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2009 წლის 25 თებერვლის №60 ბრძანებაში ცვლილებისა და დამატებების შეტანის თაობაზე

„ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:

    მუხლი 1

„საქართველოს სასჯელაღსრულების, პრობაციისა და იურიდიული დახმარების საკითხთა სამინისტროს სასჯელაღსრულების დეპარტამენტის დებულების დამტკიცების შესახებ“ საქართველოს სასჯელაღსრულების, პრობაციისა და იურიდიული დახმარების საკითხთა მინისტრის 2009 წლის 25 თებერვლის №60 ბრძანებით (სსმ III, 27.02.2009 წ., №22, მუხ.285) დამტკიცებულ დებულებაში შევიდეს შემდეგი ცვლილება და დამატებები:

ა) მე-5 მუხლის პირველი პუნქტი ჩამოყალიბდეს შემდეგი რედაქციით:

„1. დეპარტამენტის თავმჯდომარის პირველი მოადგილე ხელმძღვანელობს და კონტროლს უწევს უსაფრთხოების, სპეციალური აღრიცხვის, გარე დაცვისა და სპეციალური დაცვის და საბადრაგო სამსახურებს, მათში შემავალი სტრუქტურული ერთეულების, აგრეთვე, შეიარაღების განყოფილების საქმიანობას, სასჯელაღსრულების დაწესებულებებში უსაფრთხოებისა და რეჟიმის მოთხოვნათა განხორციელებას, ექსტრემალური სიტუაციების შემთხვევაში ხელმძღვანელობს სათანადო ოპერატიულ-სარეჟიმო ღონისძიებების გატარებას, წარმართავს სწრაფი რეაგირების სპეციალური სამსახურის მუშაობას.“;

ბ) დებულების მე-6 მუხლს დაემატოს შემდეგი შინაარსის „ტ“ ქვეპუნქტი:

„ტ) შეიარაღების განყოფილება.“;

გ) დებულებას დაემატოს შემდეგი შინაარსის 25-ე მუხლი:

     „მუხლი 25. შეიარაღების განყოფილება

1. შეიარაღების განყოფილება ექვემდებარება უშუალოდ დეპარტამენტის თავმჯდომარის პირველ მოადგილეს და თავისი ამოცანების განხორციელებისას ანგარიშვალდებულია დეპარტამენტის თავმჯდომარისა და მისი პირველი მოადგილის წინაშე.

2. შეიარაღების განყოფილება ახორციელებს სასჯელაღსრულების ორგანოთა ცეცხლსასროლი იარაღით, საბრძოლო მასალით და სპეციალური საშუალებებით შეიარაღების ორგანიზებას, ცეცხლსასროლი იარაღის, საბრძოლო მასალისა და სპეციალური საშუალებების აღრიცხვას, შენახვას, მოვლა-პატრონობას, გაცემას, მიღებას. ზედამხედველობას და კონტროლს უწევს მოსამსახურეთა მიერ მათ სწორ ექსპლუატაციას. ახორციელებს კანონმდებლობით გათვალისწინებულ სხვა უფლებამოსილებას.“.

    მუხლი 2

ეს ბრძანება ამოქმედდეს გამოქვეყნების-თანავე.

მინისტრის მოვალეობის

შემსრულებელი ა. სეფერთელაძე