,,ზოგადსაგანმანათლებლო დაწესებულებების საჯარო სამართლის იურიდიულ პირებად დაფუძნებისა და საჯარო სკოლის წესდების დამტკიცების შესახებ“ საქართველოს განათლებისა და მეცნიერების მინისტრის 2005 წლის 15 სექტემბრის №448 ბრძანებაში ცვლილების შეტანის თაობაზე“

სახელმწიფო სარეგისტრაციო კოდი 040.030.000.22.022.013.825

საქართველოს განათლებისა და მეცნიერების მინისტრის

ბრძანება №1032

2009 წლის 20 ნოემბერი

ქ. თბილისი

,,ზოგადსაგანმანათლებლო დაწესებულებების საჯარო სამართლის იურიდიულ პირებად დაფუძნებისა და საჯარო სკოლის წესდების დამტკიცების შესახებ“ საქართველოს განათლებისა და მეცნიერების მინისტრის  2005 წლის 15 სექტემბრის №448 ბრძანებაში ცვლილების შეტანის თაობაზე

საქართველოს ზოგადი ადმინისტრაციული კოდექსის 63-ე მუხლისა და „საქართველოს განათლებისა და მეცნიერების სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №37 დადგენილებით დამტკიცებული დებულების მე-3 მუხლის მე-2 პუნქტის „მ“ ქვეპუნქტის საფუძველზე, ვბრძანებ:

1. ყვარლის მუნიციპალიტეტში:

ა) ყვარლის №1 საჯარო სკოლას მიენიჭოს საზოგადოების კონსოლიდაციის, ქართული კულტურის, ენისა და ლიტერატურის განვითარების საქმეში თვალსაჩინო წვლილის მქონე ილია ჭავჭავაძის სახელი და ეწოდოს ,,ილია ჭავჭავაძის სახელობის ყვარლის №1 საჯარო სკოლა“;

ბ) სოფ. სანავარდოს საჯარო სკოლას მიენიჭოს ქართული კულტურის, ენისა და ლიტერატურის განვითარების საქმეში თვალსაჩინო წვლილის მქონე ტიციან ტაბიძის სახელი და ეწოდოს ,,ტიციან ტაბიძის სახელობის სოფ. სანავარდოს საჯარო სკოლა“;

გ) სოფ. ენისელის საჯარო სკოლას მიენიჭოს საზოგადოების კონსოლიდაციის საქმეში თვალსაჩინო წვლილის მქონე გარდაცვლილი ილია შავერდაშვილის სახელი და ეწოდოს ,,ილია შავერდაშვილის სახელობის სოფ. ენისელის საჯარო სკოლა“;

დ) სოფ. შილდის №1 საჯარო სკოლას მიენიჭოს საზოგადოების კონსოლიდაციის საქმეში თვალსაჩინო წვლილის მქონე გარდაცვლილი დავით ელიზბარაშვილის სახელი და ეწოდოს ,,დავით ელიზბარაშვილის სახელობის სოფ. შილდის №1 საჯარო სკოლა“.

2. შეტანილ იქნეს ცვლილება ,,ზოგადსაგანმანათლებლო დაწესებულებების საჯარო სამართლის იურიდიულ პირებად დაფუძნებისა და საჯარო სკოლის წესდების დამტკიცების შესახებ“ საქართველოს განათლებისა და მეცნიერების მინისტრის 2005 წლის 15 სექტემბრის №448 ბრძანებით (სსმ III, 26.09.2005, №112 მუხ. 1233) დამტკიცებულ დანართ №2-ში გათვალისწინებულ ყვარლის მუნიციპალიტეტის საჯარო სკოლების ნუსხაში და ჩამოყალიბდეს თანდართული რედაქციით.

3. ბრძანება ამოქმედდეს გამოქვეყნებისთანავე.

ნ. გვარამია

ყვარლის მუნიციპალიტეტი