,,გადახდის წყაროსთან დაკავებული გადასახადების დეკლარაციის ფორმისა და მისი შევსების წესის შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2008 წლის 10 იანვრის №22 ბრძანებაში ცვლილებების შეტანის თაობაზე“

სახელმწიფო სარეგისტრაციო კოდი 200.250.000.22.033.013.741

საქართველოს ფინანსთა

მინისტრის ბრძანება №718

2009 წლის 5 ნოემბერი

ქ. თბილისი

,,გადახდის წყაროსთან დაკავებული გადასახადების დეკლარაციის ფორმისა და მისი შევსების წესის შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2008 წლის 10 იანვრის №22 ბრძანებაში ცვლილებების შეტანის თაობაზე

„ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:

მუხლი 1. „გადახდის წყაროსთან დაკავებული გადასახადების დეკლარაციის ფორმისა და მისი შევსების წესის შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2008 წლის 10 იანვრის №22 ბრძანებაში (სსმ III, 15.01.2008, №5, მუხ.67) შეტანილ იქნეს შემდეგი ცვლილებები:

1. ბრძანებით დამტკიცებული ,,გადახდის წყაროსთან დაკავებული გადასახადების დეკლარაციის“ ფორმა (დანართი №1 ,,ა“, ,,ბ“ და ,,გ“ დანართებით) ჩამოყალიბდეს თანდართული რედაქციით.

2. ბრძანებით დამტკიცებული ,,გადახდის წყაროსთან დაკავებული გადასახადების დეკლარაციის ფორმის შევსების წესის შესახებ“ ინსტრუქციის (დანართი №2):

ა) მე-2 მუხლის მე-4 პუნქტის:

ა.ა) „ე“ ქვეპუნქტი ჩამოყალიბდეს შემდეგი რედაქციით:

,,ე) მე-20 უჯრაში – არადაქირავებულ ფიზიკურ პირებზე გაცემული თანხები, რომლებიც არ უკავშირდება მომსახურების ანაზღაურებას და ამასთან, ექვემდებარება გადახდის წყაროსთან გადასახადის დაკავებას (როგორიცაა სტიპენდია, გარდა სახელმწიფო სტიპენდიისა; პენსია, გარდა იმ პენსიისა, რომელიც გაიცემა სახელმწიფო სოციალური უზრუნველყოფის სისტემაში; საბროკერო კომპანიის მიერ გადასახადის გადამხდელად არარეგისტრირებული პირისათვის გაცემული ფასიანი ქაღალდების რეალიზაციით მიღებული ნამეტი შემოსავალი; ამხანაგობის დასაბეგრი მოგების შესაბამისი წილის მფლობელზე, რომელიც არ არის რეგისტრირებული გადასახადის გადამხდელად საგადასახადო ორგანოში, გაცემული მისი წილის შესაბამისი შემოსავალი; აგრეთვე, სათამაშო ბიზნესის მომწყობ პირთა მიერ ფიზიკურ პირებზე გაცემული მოგებები), გარდა დივიდენდებისა და ანაბრებზე გაცემული პროცენტებისა;“.

ა.ბ) „ზ“ ქვეპუნქტი ჩამოყალიბდეს შემდეგი რედაქციით:

,,ზ) 22-ე უჯრაში – ფიზიკურ პირებზე გაცემული დივიდენდები და გადახდის წყაროსთან დაბეგვრას დაქვემდებარებული პროცენტები;“;

ა.გ) „ს“ ქვეპუნქტი ჩამოყალიბდეს შემდეგი რედაქციით:

,,ს) 33-ე უჯრა – არადაქირავებულ ფიზიკურ პირებზე გაცემული თანხები, რომელიც არ უკავშირდება მომსახურების ანაზღაურებას და ამასთან, არ ექვემდებარება გადახდის წყაროსთან დაბეგვრას (დახმარება, სწავლის, მკურნალობის ანაზღაურება და სხვა).

ბ) მე-3 მუხლის ,,ბ“ ქვეპუნქტი ჩამოყალიბდეს შემდეგი რედაქციით:

,,ბ) მე-2 სვეტში – განაცემის სახე (ხელფასი, დივიდენდი, პროცენტი, ნივთმოგება, მომსახურების ანაზღაურება, სტიპენდია, ამხანაგობის დასაბეგრი მოგების შესაბამისი წილის მფლობელზე, რომელიც არ არის რეგისტრირებული გადასახადის გადამხდელად საგადასახადო ორგანოში, გაცემული მისი წილის შესაბამისი შემოსავალი და სხვა);“.

გ) მე-4 მუხლის ,,თ“ ქვეპუნქტი ჩამოყალიბდეს შემდეგი რედაქციით:

,,თ) მე-6 სვეტში – განაცემის სახე (ხელფასი, დივიდენდი, პროცენტი, ნივთმოგება, მომსახურების ანაზღაურება, სტიპენდია და ამხანაგობის დასაბეგრი მოგების შესაბამისი წილის მფლობელზე, რომელიც არ არის რეგისტრირებული გადასახადის გადამხდელად საგადასახადო ორგანოში, გაცემული მისი წილის შესაბამისი შემოსავალი და სხვა);“.

მუხლი 2. ეს ბრძანება ამოქმედდეს გამოქვეყნებისთანავე.

 კ. ბაინდურაშვილი

    დანართი №1

გადახდის წყაროსთან დაკავებული გადასახადების

დეკლარაცია

განაყოფი I

განაყოფი II

(ივსება საგადასახადო ორგანოს მიერ)

შენიშვნა:          

1. დეკლარაციას არა უგვიანეს საანგარიშო თვის მომდევნო თვის 15 რიცხვისათვის წარადგენენ საგადასახადო აგენტები, რომლებსაც წარმოეშობათ საქართველოს საგადასახადო კოდექსის 218-ე მუხლის პირველი ნაწილით განსაზღვრულ პირებზე გაცემული თანხებიდან გადახდის წყაროსთან გადასახადების დაკავების და გადახდის ვალდებულება.

2. თუ გადასახადის გადამხდელის (აგენტს) საგადასახადო პერიოდში არ გააჩნია დეკლარაციაში შეტანას დაქვემდებარებული განაცემები, მას უფლება აქვს შესაბამისი პერიოდის მიხედვით არ წარადგინოს აღნიშნული დეკლარაცია.

___________________________________________________________________________________________________________

ცნობა დეკლარაციის წარმოდგენის შესახებ

(ივსება საგადასახადო ორგანოს მიერ გადამხდელის მოთხოვნის შემთხვევაში)

დეკლარაციის დანართი ,,ა“

საანგარიშო თვეში განხორციელებული განაცემები

დანართში მოცემული მონაცემების სისრულეს და უტყუარობას ვადასტურებ

დეკლარაციის დანართი ,,ბ~

    გადამხდელის საიდენტიფიკაციო ნომერი                                                     გადამხდელის პირადი ნომერი

ინფორმაცია საანგარიშო წლის მიხედვით განაცემებისა და დაკავებული/დასაკავებელი გადასახადის შესახებ

200 --- წელი

შენიშვნა:

ინფორმაცია წარედგინება საგადასახადო ორგანოს საგადასახადო წლის დამთავრებიდან 30 ღის ვადაში.

დეკლარაციის დანართი „გ“

2008 წლის პირველ იანვრამდე პერიოდებში გაუცემელ ანაზღაურებებზე დარიცხული სოციალური გადასახადის გაანგარიშება

საანგარიშო თვის განაცემების შესახებ ინფორმაცია

დანართში მოცემული მონაცემების სისრულეს და უტყუარობას ვადასტურებ: