„საჯარო სამართლის იურიდიული პირის – კაჭრეთის პროფესიული ლიცეუმის რეორგანიზაციისა და მასთან საჯარო სამართლის იურიდიული პირების – ახმეტის, დედოფლისწყაროს, ლაგოდეხის, ენისელის და საგარეჯოს პროფესიული სასწავლებლების, ასევე, საჯარო სამართლის იურიდიული პირის – ველისციხის პროფესიული ლიცეუმის მიერთების შედეგად საჯარო სამართლის იურიდიული პირის – კაჭრეთის პროფესიული სწავლების ცენტრის დაფუძნებისა და მისი წესდების დამტკიცების შესახებ“ საქართველოს განათლებისა და მეცნიერების მინისტრის 2007 წლის 12 ნოემბრის №1086 ბრძანებაში ცვლილების შეტანის თაობაზე

სახელმწიფო სარეგისტრაციო კოდი 040.030.000.22.022.013.451

საქართველოს განათლებისა და მეცნიერების მინისტრის

ბრძანება №659

2009 წლის 24 აგვისტო

ქ. თბილისი

„საჯარო სამართლის იურიდიული პირის – კაჭრეთის პროფესიული ლიცეუმის რეორგანიზაციისა და მასთან საჯარო სამართლის იურიდიული პირების – ახმეტის, დედოფლისწყაროს, ლაგოდეხის, ენისელის და საგარეჯოს პროფესიული სასწავლებლების, ასევე, საჯარო სამართლის იურიდიული პირის – ველისციხის პროფესიული ლიცეუმის მიერთების შედეგად საჯარო სამართლის იურიდიული პირის – კაჭრეთის პროფესიული სწავლების ცენტრის დაფუძნებისა და მისი წესდების დამტკიცების შესახებ“ საქართველოს განათლებისა და მეცნიერების მინისტრის 2007 წლის 12 ნოემბრის №1086 ბრძანებაში ცვლილების შეტანის თაობაზე

„ნორმატიული აქტების შესახებ“ საქართველოს კანონის 36-ე მუხლის საფუძველზე, ვბრძანებ:

1. „საჯარო სამართლის იურიდიული პირის – კაჭრეთის პროფესიული ლიცეუმის რეორგანიზაციისა და მასთან საჯარო სამართლის იურიდიული პირების – ახმეტის,დედოფლისწყაროს, ლაგოდეხის, ენისელის და საგარეჯოს პროფესიული სასწავლებლების, ასევე, საჯარო სამართლის იურიდიული პირის – ველისციხის პროფესიული ლიცეუმის მიერთების შედეგად საჯარო სამართლის იურიდიული პირის – კაჭრეთის პროფესიული სწავლების ცენტრის დაფუძნებისა და მისი წესდების დამტკიცების შესახებ“ საქართველოს განათლებისა და მეცნიერების მინისტრის 2007 წლის 12 ნოემბრის №1086 ბრძანებაში (სსმ III, 26.11.2007წ., №166, მუხ. 1827) შეტანილ იქნეს შემდეგი ცვლილება და საჯარო სამართლის იურიდიული პირის – კაჭრეთის პროფესიული სწავლების ცენტრის წესდების მე-4 მუხლი ჩამოყალიბდეს შემდეგი რედაქციით:

     „მუხლი 4. ცენტრის დირექტორი

1. ცენტრის დირექტორს ნიშნავს და ათავისუფლებს საქართველოს განათლებისა და მეცნიერების მინისტრი.

2. ცენტრის დირექტორს შეიძლება ჰყავდეს მოადგილე/მოადგილეები, რომელსაც/რომლებსაც ნიშნავს და ათავისუფლებს დაწესებულების დირექტორი.

3. მოადგილე დირექტორის არყოფნისას ასრულებს მის მოვალეობას. რამდენიმე მოადგილის არსებობის შემთხვევაში დირექტორის მოვალეობას ასრულებს ერთ-ერთი მოადგილე დირექტორის ინდივიდუალური ადმინისტრაციულ-სამართლებრივი აქტის შესაბამისად.“.

2. ბრძანება შევიდეს ძალაში გამოქვეყნებისთანავე.

მინისტრის მოვალეობის

შემსრულებელი ი.ქურდაძე