,,საქართველოს თავდაცვის სამინისტროს სამხედრო მოსამსახურეთა და სამოქალაქო პირთა შრომის ანაზღაურების, სოციალური დაცვისა და მატერიალური უზრუნველყოფის შესახებ“ საქართველოს თავდაცვის მინისტრის 2007 წლის 26 სექტემბრის №560 ბრძანებაში ცვლილებებისა და დამატებების შეტანის თაობაზე“

სახელმწიფო სარეგისტრაციო კოდი 280.120.000.22.026.013.256

საქართველოს თავდაცვის მინისტრის

ბრძანება №477

2009 წლის 6 ივლისი

ქ. თბილისი

,,საქართველოს თავდაცვის სამინისტროს სამხედრო მოსამსახურეთა და სამოქალაქო პირთა შრომის ანაზღაურების, სოციალური დაცვისა და მატერიალური უზრუნველყოფის შესახებ“ საქართველოს თავდაცვის მინისტრის 2007 წლის 26 სექტემბრის №560 ბრძანებაში ცვლილებებისა და დამატებების შეტანის თაობაზე

,,ნორმატიული აქტების შესახებ“ საქართველოს კანონის 36-ე მუხლისა და 47-ე მუხლის პირველი პუნქტის თანახმად, ვბრძანებ:

მუხლი 1. ,,საქართველოს თავდაცვის სამინისტროს სამხედრო მოსამსახურეთა და სამოქალაქო პირთა შრომის ანაზღაურების, სოციალური დაცვისა და მატერიალური უზრუნველყოფის შესახებ“ საქართველოს თავდაცვის მინისტრის 2007 წლის 26 სექტემბრის №560 ბრძანებაში (სსმ III, 2007 წ., №134, მუხ. 1467) შეტანილ იქნეს შემდეგი ცვლილებები და დამატებები:

1. პირველი პუნქტის ,,მ“ ქვეპუნქტი ამოღებულ იქნეს.

2. პირველი პუნქტის ,,ჟ“ ქვეპუნქტი ამოღებულ იქნეს.

3. პირველ პუნქტს დაემატოს ,,რ“ ქვეპუნქტი შემდეგი რედაქციით:

,,რ) საქართველოს შეიარაღებული ძალების ზოგიერთ სამხედრო მოსამსახურეთა დანამატების ნუსხა (დანართი №18) და დანართში აღნიშნული კატეგორიის პირებს ამ ბრძანებით განსაზღვრულ ანაზღაურებასთან ერთად მიეცეთ დანართით გათვალისწინებული დანამატი.“.

4. 2¹ პუნქტი ჩამოყალიბდეს შემდეგი რედაქციით:

,,2¹. სახმელეთო ჯარების, სამხედრო-საჰაერო ძალების, მათდამი დაქვემდებარებული ქვედანაყო-ფებისა და სპეციალური ოპერაციების დაჯგუფების იმ სამხედრო მოსამსახურეებს, რომელთა კატეგორიებს ან თანამდებობათა ნუსხებს ამტკიცებს საქართველოს თავდაცვის მინისტრი ინდივიდუალური ადმინისტრაციულ-სამართლებრივი აქტით, სამსახურებრივი სპეციფიკიდან გამომდინარე, ამ ბრძანებით განსაზღვრულ ანაზღაურებასთან ერთად, ეძლევათ დანამატი 138 ლარის ოდენობით.“.

5. 33-ე პუნქტი ჩამოყალიბდეს შემდეგი რედაქციით:

,,33. სასწავლებლად წარგზავნილ სამხედრო მოსამსახურეებს, რომლებიც გათავისუფლებულნი არიან დაკავებული თანამდებობიდან და წარგზავნილნი არიან მსმენელებად სხვადასხვა სასწავლებლებში, სწავლის მთელი პერიოდის განმავლობაში უნარჩუნდებათ ფულადი სარგოები, წელთა ნამსახურობის პროცენტული დანამატი, სასურსათო ულუფის ნაცვლად დაწესებული ფულადი კომპენსაციები, ხოლო სამოქალაქო პირებს _ თანამდებობრივი სარგო და წელთა ნამსახურობის დანამატი. ამასთანავე, ეძლევათ სამივლინებო თანხები დადგენილი წესით (თუ სხვა რამ არ არის გათვალისწინებული). წვრთნებისა და სამხედრო განათლების სარდლობის თავდაცვის ეროვნულ აკადემიაში სასწავლებლად ჩარიცხულ მსმენელებს:

ა) ყოველთვიურად უწესდებათ მხოლოდ ფულადი სარგო 276 ლარის ოდენობით, თუ სასწავლებელში ჩარიცხვამდე პირი იმყოფებოდა:

ა.ა) რეზერვისტთა აღირცხვაზე;

ა.ბ) წვევამდელთა აღრიცხვაზე და სასწავლებელში ჩარიცხვასთან ერთად გახდა საკონტრაქტო სამხედრო მოსამსახურე;

ბ) უნარჩუნდებათ მხოლოდ ფულადი სარგოები, წელთა ნამსახურობის პროცენტული დანამატი, სასურსათო ულუფის ნაცვლად დაწესებული ფულადი კომპენსაციები, თუ სასწავლებელში ჩარიცხვამდე პირი წარმოადგენდა სამხედრო მოსამსახურეს.“.

6. ბრძანებით დამტკიცებული:

ა) დანართი №10 ჩამოყალიბდეს თანდართული რედაქციით;

ბ) დანართი №12 ამოღებულ იქნეს;

გ) დანართი №13 ჩამოყალიბდეს თანდართული რედაქციით;

დ) დანართი №15 ჩამოყალიბდეს თანდართული რედაქციით;

ე) დანართი №16 ამოღებულ იქნეს.

7. ბრძანებას დაემატოს დანართი №18 თანდართული რედაქციით.

მუხლი 2.

1. ეს ბრძანება, გარდა პირველი მუხლის მე-3 და მე-7 პუნქტებისა, ამოქმედდეს გამოქვეყნებისთანავე.

2. ამ ბრძანების პირველი მუხლის მე-3 და მე-7 პუნქტები ამოქმედდეს 2009 წლის 1 ივნისიდან.

მუხლი 3.

საქართველოს სამხედრო-საჰაერო ძალების იმ მოსამსახურეებს, რომლებიც 2009 წლის 14 აპრილამდე ირიცხებოდნენ საქართველოს სახმელეთო ჯარების შემადგენლობაში და იღებდნენ ამ ბრძანებით დამტკიცებული №16 დანართით (სახმელეთო ჯარების ცალკეული ტექნიკური დაზვერვის ბატალიონის ზოგიერთ სამხედრო მოსამსახურეთა დანამატების ნუსხა) გათვალისწინებულ დანამატს, 2009 წლის 14 აპრილის შემდგომი პერიოდიდან მიეცეთ დანამატი ამ ბრძანებით დამტკიცებული №6 დანართის (სამხედრო-საჰაერო ძალების ზოგიერთ სამხედრო მოსამსახურეთა დანამატების ნუსხა) შესაბამისად.

ვ. სიხარულიძე

დანართი №10

სტრუქტურული ქვედანაყოფების ნუსხა

      დანართი №13

სტრუქტურული ქვედანაყოფი ჯარების ლოგისტიკური უზრუნველყოფის სარდლობის შეიარაღებისა და ტექნიკის სარემონტო ბაზა

                                                                 დანართი №15

სახმელეთო ჯარების ზოგიერთ სამხედრო მოსამსახურეთა დანამატების ნუსხა

                                                                                                                                                        (ლარებში)

                                                  დანართი №18

საქართველოს შეიარაღებული ძალების ზოგიერთ სამხედრო მოსამსახურეთა დანამატების ნუსხა

                                                                                                                                 (ლარებში)