„კერძო აღმასრულებელთა რეესტრის ფორმისა და რეესტრის წარმოების წესის დამტკიცების შესახებ“

სახელმწიფო სარეგისტრაციო კოდი 070.030.000.22.027.013.228

საქართველოს იუსტიციის

 მინისტრის ბრძანება №119

2009 წლის 29 ივნისი

ქ. თბილისი

კერძო აღმასრულებელთა რეესტრის ფორმისა და რეესტრის წარმოების წესის დამტკიცების შესახებ

„სააღსრულებო წარმოებათა შესახებ“ საქართველოს კანონის 1411  მუხლის მე-2 პუნქტის შესაბამისად, ვბრძანებ:

1. დამტკიცდეს კერძო აღმასრულებელთა რეესტრის ფორმა (დანართი №1).

2. დამტკიცდეს კერძო აღმასრულებელთა რეესტრის წარმოების წესი (დანართი №2).

3. საქართველოს იუსტიციის სამინისტროს ეკონომიკურმა დეპარტამენტმა (ზ. ჩიჩუა) უზრუნველყოს ამ ბრძანებით დამტკიცებული რეესტრის ჟურნალების დამზადებისათვის საჭირო ღონისძიებების განხორციელება.

4. ეს ბრძანება ამოქმედდეს გამოქვეყნებისთანავე.

ზ. ადეიშვილი

დანართი №1

 კერძო აღმასრულებელთა რეესტრის ფორმა

დანართი №2

კერძო აღმასრულებელთა რეესტრის წარმოების წესი

    მუხლი 1

1. კერძო აღმასრულებელთა რეესტრი (შემდგომში – რეესტრი) არის კერძო აღმასრულებლების შესახებ მონაცემთა სისტემური ერთობლიობა.

2. რეესტრის წარმოებას უზრუნველყოფს საქართველოს იუსტიციის სამინისტროს სამართლებრივი უზრუნველყოფის, რეგისტრაციისა და ნოტარიატის დეპარტამენტის რეგისტრაციის სამმართველო.

    მუხლი 2

რეესტრის ფორმა (დანართი №2) უნდა შეიცავდეს შემდეგ რეკვიზიტებს:

ა) კერძო აღმასრულებლის სახელი, გვარი;

ბ) კერძო აღმასრულებლის სამუშაო ადგილის მისამართი;

გ) ლიცენზიის ნომერი და გაცემის თარიღი;

დ) ადმინისტრაცული აქტის დასახელება, ნომერი და გამოცემის თარიღი;

ე) ლიცენზიის გამცემი ორგანოს იურიდიული მისამართი და შესაბამის გადაწყვეტილებაზე ხელმომწერი თანამდებობის პირის ვინაობა;

ვ) რეესტრში რეგისტრაციის ნომერი;

ზ) შენიშვნა.

    მუხლი 3

1. კერძო აღმასრულებელზე გაცემულ ლიცენზიას ენიჭება შესაბამისი ნომერი. ლიცენზიის ნომერი განისაზღვრება რიგითობის მიხედვით.

 2. კერძო აღმასრულებლების თაობაზე მონაცემები (ამონაწერი) გაიცემა რეესტრიდან.