,,საბაჟო სფეროში ლიცენზიისა და ნებართვის გამცემი ორგანოს განსაზღვრის შესახებ“ საქართველოს მთავრობის 2005 წლის 11 აგვისტოს №134 დადგენილებაში ცვლილების შეტანის თაობაზე“

საქართველოს მთავრობის

დადგენილება №79

2007 წლის 5 აპრილი

ქ. თბილისი

,,საბაჟო სფეროში ლიცენზიისა და ნებართვის გამცემი ორგანოს განსაზღვრის შესახებ“ საქართველოს მთავრობის 2005 წლის 11 აგვისტოს №134 დადგენილებაში ცვლილების შეტანის თაობაზე

1. ,,ნორმატიული აქტების შესახებ“ საქართველოს კანონის 36-ე მუხლის შესაბამისად, ,,საბაჟო სფეროში ლიცენზიისა და ნებართვის გამცემი ორგანოს განსაზღვრის შესახებ“ საქართველოს მთავრობის 2005 წლის 11 აგვისტოს №134 დადგენილებაში (სსმ III, 2005 წ., №95, მუხ. 1083) შეტანილ იქნეს ცვლილება და პირველი პუნქტი ჩამოყალიბდეს შემდეგი რედაქციით:

,,1. განისაზღვროს ლიცენზიისა და ნებართვის გამცემ ორგანოდ საქართველოს ფინანსთა სამინისტროს შემოსავლების სამსახური ,,ლიცენზიებისა და ნებართვების შესახებ“ საქართველოს კანონით გათვალისწინებული ლიცენზიისა და ნებართვის შემდეგი სახეების მიხედვით:

ა) უბაჟო ვაჭრობის პუნქტის საქმიანობის ნებართვა;

ბ) საბაჟო საწყობის (ღია ან/და დახურული) საქმიანობის ნებართვა;

გ) დროებითი შენახვის საწყობის (ღია ან/და დახურული) საქმიანობის ნებართვა.“.

2. დადგენილება ამოქმედდეს გამოქვეყნებისთანავე.

პრემიერ-მინისტრი   ზ. ნოღაიდელი