დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | ,,2008 წლის 7 აგვისტომდე რუსეთის ფედერაციაში მცხოვრები საქართველოს მოქალაქეების საქართველოს აკრედიტებულ უმაღლეს საგანმანათლებლო დაწესებულებაში სწავლის გაგრძელების უფლების მოპოვების წესის დამტკიცების თაობაზე“ საქართველოს განათლებისა და მეცნიერების მინისტრის 2009 წლის 6 იანვრის №2 ბრძანებაში ცვლილების შეტანის შესახებ“ | |
|---|---|
| დოკუმენტის ნომერი | 195 |
| დოკუმენტის მიმღები | საქართველოს განათლებისა და მეცნიერების მინისტრი |
| მიღების თარიღი | 06/04/2009 |
| დოკუმენტის ტიპი | საქართველოს მინისტრის ბრძანება |
| გამოქვეყნების წყარო, თარიღი | სსმ, 43, 08/04/2009 |
| სარეგისტრაციო კოდი | 430.210.000.22.022.012.978 |
სახელმწიფო სარეგისტრაციო კოდი 430.210.000.22.022.012.978
საქართველოს განათლებისა და მეცნიერების
მინისტრის
ბრძანება №195
2009 წლის 6 აპრილი
ქ. თბილისი
,,2008 წლის 7 აგვისტომდე რუსეთის ფედერაციაში მცხოვრები საქართველოს მოქალაქეების საქართველოს აკრედიტებულ უმაღლეს საგანმანათლებლო დაწესებულებაში სწავლის გაგრძელების უფლების მოპოვების წესის დამტკიცების თაობაზე“ საქართველოს განათლებისა და მეცნიერების მინისტრის 2009 წლის 6 იანვრის №2 ბრძანებაში ცვლილების შეტანის შესახებ
,,ნორმატიული აქტების შესახებ“ საქართველოს კანონის 36-ე მუხლის, ,,უმაღლესი განათლების შესახებ“ საქართველოს კანონის 891 მუხლის მე-3 პუნქტის, „საქართველოს განათლებისა და მეცნიერების სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №37 დადგენილებით დამტკიცებული დებულების მე-3 მუხლის მე-2 პუნქტის „მ“ ქვეპუნქტის საფუძველზე, ვბრძანებ:
1. ,,2008 წლის 7 აგვისტომდე რუსეთის ფედერაციაში მცხოვრები საქართველოს მოქალაქეების საქართველოს აკრედიტებულ უმაღლეს საგანმანათლებლო დაწესებულებაში სწავლის გაგრძელების უფლების მოპოვების წესის დამტკიცების თაობაზე“ საქართველოს განათლებისა და მეცნიერების მინისტრის 2009 წლის 6 იანვრის №2 ბრძანებით (სსმ III, 14.01.2009 წ., №4, მუხ. 27) დამტკიცებულ ,,2008 წლის 7 აგვისტომდე რუსეთის ფედერაციაში მცხოვრები საქართველოს მოქალაქეების საქართველოს აკრედიტებულ უმაღლეს საგანმანათლებლო დაწესებულებაში სწავლის გაგრძელების უფლების მოპოვების წესის“ მე-2 მუხლი ჩამოყალიბდეს შემდეგი რედაქციით:
,,მუხლი 2.
საქართველოში აკრედიტებულ უმაღლეს საგანმანათლებლო დაწესებულებაში ჩარიცხვის უფლება აქვს საქართველოს მოქალაქეს, რომელიც 2008 წლის 7 აგვისტომდე ცხოვრობდა რუსეთის ფედერაციაში და ირიცხებოდა ამ ქვეყნის მიერ აღიარებულ უმაღლეს საგანმანათლებლო დაწესებულებაში, მათ შორის, საქართველოს მოქალაქეს, რომელსაც 2008 წლის 7 აგვისტოს მდგომარეობით დასრულებული ჰქონდა რუსეთის ფედერაციის უმაღლესი საგანმანათლებლო დაწესებულების 2007-2008 სასწავლო წლის უმაღლესი საგანმანათლებლო პროგრამის კურსი (შემდგომში – სტუდენტი).
2. ეს ბრძანება ამოქმედდეს გამოქვეყნებისთანავე.
ნ. გვარამია
დოკუმენტის კომენტარები