,,გადახდის წყაროსთან დაკავებული გადასახადების დეკლარაციის ფორმისა და მისი შევსების წესის შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2008 წლის 10 იანვრის №22 ბრძანებაში ცვლილებების შეტანის თაობაზე“

სახელმწიფო სარეგისტრაციო კოდი 200.250.000.22.033.012.976

საქართველოს ფინანსთა

მინისტრის ბრძანება №208

2009 წლის 1 აპრილი

ქ. თბილისი

,,გადახდის წყაროსთან დაკავებული გადასახადების დეკლარაციის ფორმისა და მისი შევსების წესის შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2008 წლის 10 იანვრის №22 ბრძანებაში ცვლილებების შეტანის თაობაზე

„ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:

მუხლი 1. „გადახდის წყაროსთან დაკავებული გადასახადების დეკლარაციის ფორმისა და მისი შევსების წესის შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2008 წლის 10 იანვრის №22 ბრძანებაში (სსმ III, 15.01.2008 წ., №5 მუხ. 67) შეტანილ იქნეს შემდეგი ცვლილებები:

1. ბრძანებით დამტკიცებული ,,გადახდის წყაროსთან დაკავებული გადასახადების დეკლარაციის“ ფორმა (დანართი №1 ,,ა“, ,,ბ“ და ,,გ“ დანართებით) ჩამოყალიბდეს თანდართული რედაქციით.

2. ბრძანებით დამტკიცებული ,,გადახდის წყაროსთან დაკავებული გადასახადების დეკლარაციის ფორმის შევსების წესის შესახებ“ ინსტრუქციის (დანართი №2):

ა) პირველი მუხლის პირველი პუნქტი ჩამოყალიბდეს შემდეგი რედაქციით:

„1. დეკლარაციას, საგადასახადო აღრიცხვის ადგილის მიხედვით საგადასახადო ორგანოში ყოველთვიურად, არა უგვიანეს საანგარიშო თვის მომდევნო თვის 15 რიცხვისა, წარადგენს საგადასახადო აგენტი (იურიდიული პირი, საწარმო/ორგანიზაცია ან მეწარმე ფიზიკური პირი), რომელსაც ევალება გადახდის წყაროსთან გადასახადის დაკავება.“;

ბ) პირველი მუხლის მე-3 პუნქტი ჩამოყალიბდეს შემდეგი რედაქციით:

,,3. საგადასახადო დეკლარაციაში/გაანგარიშებაში ჯამური საგადასახადო ვალდებულების თანხის გაანგარიშება ხდება სრულ ლარებში. ამ მიზნით საგადასახადო ვალდებულება დეკლარაციის III განაყოფის (დანართი №1) 26-ე და 31-ე უჯრების მიხედვით ერთ ლარამდე ნულდება.“;

გ) მე-2 მუხლის პირველი პუნქტის ,,გ“ ქვეპუნქტი ჩამოყალიბდეს შემდეგი რედაქციით:

,,გ) მე-3 უჯრაში – ,,გპნ“ - საქართველოს მოქალაქის პირადობის მოწმობაში აღნიშნული პირადი ნომერი;“;

დ) მე-2 მუხლის პირველი პუნქტის ,,ე“ ქვეპუნქტი ჩამოყალიბდეს შემდეგი რედაქციით:

,,ე) მე-5 უჯრაში – საანგარიშო (საგადასახადო) თვე და წელი;“;

ე) მე-2 მუხლის მე-4 პუნქტის ,,ა“ ქვეპუნქტის მე-2 მაგალითი ჩამოყალიბდეს შემდეგი რედაქციით:

,,მაგალითი 2:

გადასახადის გადამხდელი დაქირავებულ ფიზიკურ პირს ხელფასის სანაცვლოდ 2008 წლის აპრილში ყოველდღიურად არაფულადი ფორმით აძლევდა 4 ცალ პურს, რომლის საბაზრო ღირებულება დღგ-ის ჩათვლით შეადგენდა 2 ლარს.

მოცემულ პირობებში:

გადასახადის გადამხდელმა აპრილის დეკლარაციის III განაყოფის მე-16 უჯრაში უნდა ასახოს 60 ლარი (30X2). ამასთან, დეკლარაციის დანართი ,,ა“-ს შესაბამის სტრიქონზე 60 ლარი აისახება 30 აპრილის ჩანაწერით;“;

ვ) მე-2 მუხლის მე-4 პუნქტის ,,დ“ ქვეპუნქტი ჩამოყალიბდეს შემდეგი რედაქციით:

,,დ) მე-19 უჯრაში – რეზიდენტ ფიზიკურ პირებზე, რომლებსაც არ გააჩნიათ გადასახადის გადამხდელის მოწმობა, გაწეული მომსახურებისათვის გაცემული ანაზღაურების (სარგებლის) ღირებულება, გარდა პროცენტისა.

მაგალითი:

გადასახადის გადამხდელს გადასახადის გადამხდელის მოწმობის არმქონე რეზიდენტმა ფიზიკურმა პირმა ჩაუტარა ოფისის რემონტი, რისთვისაც მას 2006 წლის 26 მარტს აუნაზღაურა 800 ლარი. ოფისის რემონტის პერიოდში ამ ფიზიკური პირის კვება თავის თავზე აიღო, რაზედაც დახარჯა 300 ლარი.

მოცემულ პირობებში:

გადასახადის გადამხდელმა მარტის დეკლარაციის III განაყოფის მე-19 უჯრაში უნდა ასახოს 1100 ლარი (800 ლარი შესრულებული სამუშაოს ღირებულება და 300 ლარი კვებაზე დახარჯული თანხა, ანუ ფიზიკური პირის სარგებელი). ამასთან, დეკლარაციის დანართი ,,ა“-ს შესაბამის სტრიქონზე 1100 ლარი აისახება 26 მარტის ჩანაწერით;“.

ზ) მე-2 მუხლის მე-4 პუნქტის ,,ე“ და ,,ვ“ ქვეპუნქტები ჩამოყალიბდეს შემდეგი რედაქციით:

„ე) მე-20 უჯრაში – განაცემები (გარდა დივიდენდებსა და ანაბრებზე გაცემული პროცენტებისა) ფიზიკურ პირებზე, რომლებიც არ უკავშირდება დაქირავებით მუშაობას ან მომსახურების ანაზღაურებას და, ამასთანავე, ექვემდებარება გადახდის წყაროსთან გადასახადის დაკავებას, მათ შორის: სტიპენდია, გარდა სახელმწიფო სტიპენდიისა; პენსია, გარდა იმ პენსიისა, რომელიც გაიცემა სახელმწიფო სოციალური უზრუნველყოფის სისტემაში; საბროკერო კომპანიის მიერ გადასახადის გადამხდელად არარეგისტრირებული პირისათვის გაცემული ფასიანი ქაღალდების რეალიზაციით მიღებული ნამეტი შემოსავალი; აგრეთვე, სათამაშო ბიზნესის მომწყობ პირთა მიერ ფიზიკურ პირებზე გაცემული მოგებები;

ვ) 21-ე უჯრაში – მე-20 უჯრაში ასახული თანხებიდან სათამაშო ბიზნესის მომწყობ პირთა მიერ ფიზიკურ პირებზე გაცემული მოგებები;“;

თ) მე-2 მუხლის მე-4 პუნქტის ,,ი“ ქვეპუნქტი ჩამოყალიბდეს შემდეგი რედაქციით:

,,ი) 24-ე უჯრაში – 23-ე უჯრაში ასახული თანხის ის ნაწილი, რომელიც გადახდის წყაროსთან ექვემდებარება 10%-იან დაბეგვრას საქართველოს საგადასახადო კოდექსის 197-ე მუხლის პირველი ნაწილის შესაბამისად;“;

ი) მე-2 მუხლის მე-4 პუნქტის ,,ლ“ ქვეპუნქტი ჩამოყალიბდეს შემდეგი რედაქციით:

„ლ) 26-ე უჯრაში – საანგარიშო თვეში გადახდის წყაროსთან დაკავებას დაქვემდებარებული საშემოსავლო გადასახადის ოდენობა, რომელიც გამოიანგარიშება შესაბამისი საგადასახადო პერიოდისათვის მოქმედი საშემოსავლო გადასახადის განაკვეთების მიხედვით;“;

კ) მე-2 მუხლის მე-4 პუნქტის ,,პ“ და ,,ჟ“ ქვეპუნქტები ჩამოყალიბდეს შემდეგი რედაქციით:

,,პ) 30-ე უჯრაში – 28-ე უჯრაში ასახული თანხის ის ნაწილი, რომელიც ექვემდებარება 4%-იანი განაკვეთით დაბეგვრას.

მაგალითი:

რეზიდენტმა იურიდიულმა პირმა, რომელიც არ არის ლიცენზირებული ფინანსური ინსტიტუტი, რეზიდენტ იურიდიულ პირს აღებული სესხისათვის იანვარში აუნაზღაურა პროცენტის სახით 10000 ლარი, ხოლო არარეზიდენტ იურიდიულ პირს გაწეული მომსახურებისათვის – 20000 ლარი. ამასთან, არარეზიდენტი პირი წარმოადგენს იმ ქვეყნის საწარმოს, რომელ ქვეყანასთანაც საქართველოს პარლამენტის მიერ რატიფიცირებულია საერთაშორისო ხელშეკრულება გადახდის წყაროსთან გადასახადის გადახდისაგან გათავისუფლების თაობაზე (50%-იანი შეღავათით).

მოცემულ პირობებში:

რეზიდენტმა იურიდიულმა პირმა იანვრის დეკლარაციის III განაყოფის 27-ე უჯრაში უნდა ასახოს გადახდის წყაროსთან დაკავებას დაქვემდებარებული განაცემი 30000 ლარი (10000 + 20000) შეღავათების გარეშე. 28-ე და 29-ე უჯრებში აისახება 20000 ლარი, რეზიდენტი საწარმოსათვის გადახდილი პროცენტი 10000 და არარეზიდენტზე გადახდილი თანხის 50 პროცენტი, ანუ 10 000 ლარი;

ჟ) 31-ე უჯრაში – გადახდის წყაროსთან საწარმოებისათვის (ორგანიზაციებისათვის) დასაკავებელი გადასახადი, რომელიც გამოიანგარიშება შესაბამისი საგადასახადო პერიოდისათვის მოქმედი გადასახადის განაკვეთების მიხედვით;“;

ლ) მე-2 მუხლის მე-4 პუნქტის ,,ს“ ქვეპუნქტი ჩამოყალიბდეს შემდეგი რედაქციით:

,,ს) 33-ე უჯრაში – განაცემები ფიზიკურ პირებზე, რომლებიც არ უკავშირდება დაქირავებით მუშაობას ან მომსახურების ანაზღაურებას და, ამასთანავე, არ ექვემდებარება გადახდის წყაროსთან დაბეგვრას (დახმარება, სწავლის, მკურნალობის ანაზღაურება და სხვა);“.

მუხლი 2. ეს ბრძანება ამოქმედდეს გამოქვეყნებისთანავე.

კ. ბაინდურაშვილი

დანართი #1

გადახდის წყაროსთან დაკავებული გადასახადების

დეკლარაცია

განაყოფი I.

განაყოფი II

(ივსება საგადასახადო ორგანოს მიერ)

შენიშვნა:                                                                                                                                                          

1. დეკლარაციას საანგარიშო თვის მომდევნო თვის 15 რიცხვისათვის წარადგენენ საგადასახადო აგენტები, რომლებსაც წარმოეშობათ საქართველოს საგადასახადო კოდექსის 218-ე მუხლის პირველი ნაწილით განსაზღვრულ პირებზე გაცემული თანხებიდან გადახდის წყაროსთან გადასახადების დაკავების და გადახდის ვალდებულება          

 2. თუ გადასახადის გადამხდელის (აგენტს) საგადასახადო პერიოდში არ გააჩნია დეკლარაციაში შეტანას დაქვემდებარებული განაცემებ, მას უფლება აქვს შესაბამისი პერიოდის მიხედვით არ წარადგინოს აღნიშნული დეკლარაცია.

__________________________________________________________________________________________________________________

ცნობა დეკლარაციის წარმოდგენის შესახებ

(ივსება საგადასახადო ორგანოს მიერ გადამხდელის მოთხოვნის შემთხვევაში)

დეკლარაციის დანართი ,,ა“

საანგარიშო თვეში განხორციელებული განაცემები

დანართში მოცემული მონაცემების სისრულეს და უტყუარობას ვადასტურებ

დეკლარაციის დანართი ,,ბ“

გადამხდელის საიდენტიფიკაციო ნომერი                                   გადამხდელის პირადი ნომერი

ინფორმაცია

საანგარიშო წლის მიხედვით განაცემებისა და დაკავებული/დასაკავებელი გადასახადის შესახებ

200 --- წელი

შენიშვნა:

1. ინფორმაცია წარედგინება საგადასახადო ორგანოს საგადასახადო წლის დამთავრებიდან 30 დღის ვადაში.

დეკლარაციის დანართი „გ“

2008 წლის პირველ იანვრამდე პერიოდებში გაუცემელ ანაზღაურებებზე დარიცხული სოციალური გადასახადის გაანგარიშება

საანგარიშო თვის განაცემების შესახებ ინფორმაცია

დანართში მოცემული მონაცემების სისრულეს და უტყუარობას ვადასტურებ: