,,საჯარო სამართლის იურიდიული პირის – საქართველოს ტექნიკური ზედამხედველობის სახელმწიფო ინსპექციის დებულების დამტკიცების შესახებ“ საქართველოს მთავრობის 2005 წლის 20 დეკემბრის №227 დადგენილებით დამტკიცებულ საჯარო სამართლის იურიდიული პირის – საქართველოს ტექნიკური ზედამხედველობის სახელმწიფო ინსპექციის დებულებაში ცვლილებების შეტანის თაობაზე“

საქართველოს მთავრობის

 დადგენილება №71

2007 წლის 3 აპრილი

ქ. თბილისი

,,საჯარო სამართლის იურიდიული პირის – საქართველოს ტექნიკური ზედამხედველობის სახელმწიფო ინსპექციის დებულების დამტკიცების შესახებ“ საქართველოს მთავრობის 2005 წლის 20 დეკემბრის №227 დადგენილებით დამტკიცებულ საჯარო სამართლის იურიდიული პირის – საქართველოს ტექნიკური ზედამხედველობის სახელმწიფო ინსპექციის დებულებაში ცვლილებების შეტანის თაობაზე

მუხლი 1. ,,ნორმატიული აქტების შესახებ“ საქართველოს კანონის 36-ე მუხლის შესაბამისად ,,საჯარო სამართლის იურიდიული პირის – საქართველოს ტექნიკური ზედამხე­დველობის სახელმწიფო ინსპექციის დებულების დამტკიცების შესახებ“ საქართველოს მთავრობის 2005 წლის 20 დეკემბრის №227 დადგენილებით (სსმ III, 2005 წ., №147, მუხ. 1636) დამ­ტკიცებული საჯარო სამართლის იურიდიული პი­რის – სა­ქართველოს ტექნიკური ზედამხედველობის სახელმწი­ფო ინს­პექციის დებულებაში შეტანილ იქნეს შემდეგი ცვლი­ლებები:

1. მე-2 მუხლის მე-2 პუნქტის ,,ბ“ ქვეპუნქტი ჩამო­ყალიბ­დეს შემდეგი რედაქციით:

,,ბ) ქიმიურ, ნავთობქიმიურ, მეტალურგიულ, ბიო­ლოგიურ, მიკრობიოლოგიურ, ქიმიურ-ფარმაცევტულ, მცენა­რეული ნედ­ლე­ულის გადამმუშავებელ და შესანახ, ჰაერის გაყოფის პროდუქტების მწარმოებელ აფეთქებახანძარსაფრთხი­ან საწარმო­ებს; ამიაკის სამაცივრო დანადგარებს;“.

2. მე-5 მუხლის მე-3 პუნქტის:

ა) ,,ა“ ქვეპუნქტი ჩამოყალიბდეს შემდეგი რედაქციით:

,,ა) სამთო საწარმოთა და ბურღვა-აფეთქების სამუშაოთა ზედამხედველობის სამმართველო – ტექნიკურ ზედამხედველობას უწევს სამთომომპოვებელი და გადამმუშავებელი საწარ­მოების, გვირაბების, მიწისქვეშა ნაგებობების (მათ შორის მეტროპოლიტენის) მშენებლობას, რემონტსა და ექსპლუატა­ციას, სამრეწველო დანიშნულების ფეთქებადი მასალების ბრუნ­ვასთან დაკავშირებულ საქმიანობას;“;

ბ) ,,ბ“ ქვეპუნქტი ამოღებულ იქნეს;

გ) ,,ე“ და ,,ვ“ ქვეპუნქტები ჩამოყალიბდეს შემდეგი რედაქციით:

,,ე) ნავთობის საწარმოთა და საშიში ტვირთების გადა­ზიდვის ზედამხედველობის სამმართველო – ტექნიკურ ზედამხედველობას უწევს ნავთობისა და ნავთობპროდუქტების საცავებს, ტერმინალებს და მიღება-გაცემის პუნქტებს, მაგის­ტრალურ ნავთობ- და ნავთობპროდუქტსადენებს, სარკინიგზო ტრანსპორტით საშიში ტვირთების მიმღები და გამგზავნი ობი­ექტების სარკინიგზო ჩიხების ექსპლუატაციას, საშიში ტვირ­თე­ბის გადასაზიდ კონტეინერებს და ცისტერნებს, სადგურებში მოძრაობის უსაფრთხოებისათვის გამოყენებულ სისტემებს და მოწყობილობას;

ვ) ქიმიურ, მეტალურგიულ და აფეთქებახანძარსაფრთხიან საწარმოთა ზედამხედველობის სამმართველო – ტექნიკურ ზედამხედ­ველობას უწევს ნებისმიერი ტიპის ქიმიურ, მეტალურ­გიულ, ბიოლოგიურ საწარმოებს, მცენარეული ნედლეულის გადამმუშავებელ და შესანახ ობიექტებს;“;

დ) ,,ზ“ ქვეპუნქი ამოღებულ იქნეს.

მუხლი 2. დადგენილება ამოქმედდეს გამოქვეყნებისთანავე.

პრემიერ-მინისტრი ზ. ნოღაიდელი