,,საქართველოს მთავრობასა და ამერიკის შეერთებული შტატების მთავრობას შორის 2005 წლის 12 სექტემბერს გაფორმებული ,,ათასწლეულის გამოწვევის შეთანხმების (კომპაქტის)” პროგრამის განხორციელებისას საგადასახადო და საბაჟო შეღავათების გამოყენების შესახებ” ინსტრუქციის დამტკიცების თაობაზე” საქართველოს ფინანსთა მინისტრის 2006 წლის 4 აპრილის №297 ბრძანებაში ცვლილებების შეტანის შესახებ“

სახელმწიფო სარეგისტრაციო კოდი 200.110.040.22.033.012.804

საქართველოს ფინანსთა მინისტრის

ბრძანება №94

2009 წლის 18 თებერვალი

ქ. თბილისი

„საქართველოს მთავრობასა და ამერიკის შეერთებული შტატების მთავრობას შორის 2005 წლის 12 სექტემბერს გაფორმებული „ათასწლეულის გამოწვევის შეთანხმების (კომპაქტის)” პროგრამის განხორციელებისას საგადასახადო და საბაჟო შეღავათების გამოყენების შესახებ” ინსტრუქციის დამტკიცების თაობაზე” საქართველოს ფინანსთა მინისტრის 2006 წლის 4 აპრილის №297 ბრძანებაში ცვლილებების შეტანის შესახებ

„ნორმატიული აქტების შესახებ” საქართველოს კანონის 36-ე მუხლის შესაბამისად, ვბრძანებ:

მუხლი 1

„საქართველოს მთავრობასა და ამერიკის შეერთე­ბული შტატების მთავრობას შორის 2005 წლის 12 სექტემბერს გაფორმებული „ათასწლეულის გამოწვევის შეთანხმების (კომპაქტის)” პროგრამის განხორციე­ლებისას საგადასახადო და საბაჟო შეღავათების გამოყენების შესახებ” ინსტრუქციის დამტკიცების თაო­ბაზე” საქართველოს ფინანსთა მინისტრის 2006 წლის 4 აპრილის №297 ბრძანებით (სსმ III, 07.04.2006 წ., №48, მუხ. 612) დამტკიცებულ ინსტრუქციაში შეტანილ იქნეს შემდეგი ცვლილებები:

1. ინსტრუქციის მე-3 მუხლის პირველი პუნქტის „გ” ქვეპუნქტი ჩამოყალიბდეს შემდეგი რედაქციით:

„გ) გადასახადებზე ყველა პირის შემოსავალზე ან პირად საკუთრებაზე, რომლებიც არ არიან არც საქართველოს მოქალაქეები და არც მუდმივი რეზიდენ­ტები, მათ შორის, ყველა ტიპის საშემოსავლო გადასა­ხადებზე და ასეთი პირების მფლობელობაში არსებულ პირად ქონებაზე ყველა გადასახადზე, იმ პირობით, თუ ასეთი შემოსავალი ან საკუთრება დაკავშირებულია MCC-ის დაფინანსებასთან.”.

2. ამოღებულ იქნეს ინსტრუქციის მე-7 მუხლი.

3. მე-10 მუხლის მე-3 პუნქტი ჩამოყალიბდეს შემდეგი რედაქციით:

„3. საქონლის, მომსახურების ან პირადი ნივთების (მათ შორის, პირადი ავტომობილების) იმპორტისას, სულ მცირე ათი სამუშაო დღით ადრე განმახორ­ციელებელი ერთეულის წინადადების საფუძველზე MCG-მ წერილობით უნდა მიმართოს საქართველოს ფინანსთა სამინისტროს შემოსავლების სამსახურს და წარმოადგინოს შემდეგი ინფორმაცია:

ა) განმახორციელებლის დასახელება და მისამართი;

ბ) იმ პროექტის მოკლე მიმოხილვა, რომლის ფარგლებშიც ხდება საქონლის იმპორტი;

გ) საიმპორტო საქონლის მოცულობა, ღირებულება და ჩამონათვალი;

დ) ტვირთის თანმხლები დოკუმენტაცია, როგორიცაა ინვოისის და კონოსამენტის (სასაქონლო ზედდებული) ან ავიაზედდებულის ასლი.”.

4. მე-10 მუხლის მე-5, მე-6 და მე-7 პუნქტები ჩამოყალიბდეს შემდეგი რედაქციით:

„5. ამ მუხლის მე-3 პუნქტში აღნიშნული ინფორ­მაციის მიღებიდან 10 სამუშაო დღის განმავლობაში საქართველოს ფინანსთა სამინისტროს შემოსავლების სამსახური წერილობით აცნობებს MCG-ს პროგრამის ფარგლებში იმპორტზე თანხმობის ან უარის შესახებ. იმ შემთხვევაში, თუ საქართველოს ფინანსთა სამინის­ტროს შემოსავლების სამსახური არ გასცემს პასუხს აღნიშნულ ვადაში, მაშინ ეს ჩაითვლება თანხმობად და განხორციელდება იმპორტი საბაჟო გადასახდელების (გადასახადები და მოსაკრებლები) გადახდევინების გარეშე. უარის შემთხვევაში საქართვე­ლოს ფინანსთა სამინისტროს შემოსავლების სამსახურის მიერ წერილობით ეცნობება MCG-ს. წერილში მითი­თებული უნდა იყოს უარის თქმის მიზეზი.

6.  წარმოდგენილ დოკუმენტაციასთან და პროექ­ტის განმახორციელებელთან დაკავშირებით დამატებითი ინფორმაციის მისაღებად, საქართველოს ფინანსთა სამინისტროს შემოსავლების სამსახური მიმართავს MCG-ის.

7. საქართველოს ფინანსთა სამინისტროს შემოსავ­ლე­ბის სამსახურში წარმოდგენილი უცხო ენაზე შესრულებული ყველა დოკუმენტი უნდა იყოს ქართუ­ლად ნათარგმნი და თარგმნის სისწორე ნოტარია­ლურად დამოწმებული განმახორციელებლის მიერ.”.

მუხლი 2

ბრძანება ამოქმედდეს გამოქვეყნებისთანავე.

კ. ბაინდურაშვილი