„სახელმწიფო ტოპოგრაფიული რუკების (გეგმების) ფურცლებად დაყოფისა და მათი აღნიშვნების წესის დამტკიცების თაობაზე“

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„სახელმწიფო ტოპოგრაფიული რუკების (გეგმების) ფურცლებად დაყოფისა და მათი აღნიშვნების წესის დამტკიცების თაობაზე“
დოკუმენტის ნომერი	1
დოკუმენტის მიმღები	საქართველოს გარემოს დაცვისა და ბუნებრივი რესურსების მინისტრი
მიღების თარიღი	28/01/2009
დოკუმენტის ტიპი	საქართველოს მინისტრის ბრძანება
გამოქვეყნების წყარო, თარიღი	სსმ, 13, 05/02/2009
სარეგისტრაციო კოდი	360.160.000.22.023.012.722

Word

დროებით, ფაილს შესაძლოა გააჩნდეს ვიზუალური ხარვეზი, სრული ვერსიის სანახავად დააჭირეთ ფაილის გადმოწერას

სახელმწიფო სარეგისტრაციო კოდი 360.160.000.22.023.012.722

საქართველოს გარემოს დაცვისა და ბუნებრივი რესურსების

მინისტრის ბრძანება №1

2009 წლის 28 იანვარი

ქ. თბილისი

სახელმწიფო ტოპოგრაფიული რუკების (გეგმების) ფურცლებად დაყოფისა და მათი აღნიშვნების წესის დამტკიცების თაობაზე

,,გეოდეზიური და კარტოგრაფიული საქმიანობის შესახებ“ სქართველოს კანონის 21-ე მუხლის პირველი პუნქტის ,,დ“ ქვეპუნქტისა და საქართველოს პრეზიდენტის 1999 წლის 30 აპრილის ,,საქართველოში სახელმწიფო გეოდეზიურ კოორდინატთა სისტემის შესახებ“ №206 ბრძანებულების მე-6 პუნქტის მოთხოვნათა შესრულების მიზნით, ვბრძანებ:

1. დამტკიცდეს სახელმწიფო ტოპოგრაფიული რუკების (გეგმების) ფურცლებად დაყოფისა და მათი აღნიშვნების თანდართული წესი.

2. დადგენილ იქნეს 1:10 000, 1:25 000, 1:50 000, 1:100 000, 1:200 000, 1:500 0000 და 1:1 000 000 მასშტაბების სახელმწიფო ტოპოგრაფიული რუკების ფურცლებად დაყოფის შემდეგი მასშტაბური რიგი და ტრაპეციების ჩარჩოების ზომები:

მასშტაბი

ტრაპეციის ჩარჩოს ზომები

ნომენკლატურა

სმxსმ

1 : 1 000 000

1 : 500 000

1 : 200 000

1 : 100 000

1 : 50 000

1 : 25 000

1 : 10 000

4°00'

2°00'

0°48'

0°24'

0°12'

0°06'

0°03'

6°00'

3°00'

1°12'

0°40'

0°20'

0°10'

0°05'

44.4 x 49.7

44.4 x 55.2

44.4 x55.2

55.5 x 69.0

T-38

T-38-E

T-38-XLII

T-38-C4804

T-38-L4406

T-38-4635

T-38-4635d

3. დადგენილ იქნეს 1:5000 მასშტაბის სახელმწიფო ტოპოგრაფიული გეგმის ფურცლებად დაყოფისა და ტრაპეციების ჩარჩოების ზომები:

N	მასშტაბი	ტრაპეციის ჩარჩოს ზომები			ნომენკლატურა
		DB	DL	სxხსმ
1	1 : 5 000	0° 1'30''	0°02'30''	55.5 x 69.0	თ-38-4635d-4

4. ბრძანება ძალაში შევიდეს მისი გამოქვეყნებისთანავე.

გ. ხაჩიძე

სახელმწიფო ტოპოგრაფიული რუკების (გეგმების) ფურცლებად დაყოფისა და მათი აღნიშვნების

წესი

მუხლი 1.

1:1 000 000 მასშტაბის ტოპოგრაფიული რუკის ფურცლებად (ნომენკლატურებად) დაყოფის მსოფლიო სისტემა.

1. სხვადასხვა მასშტაბის ტოპოგრაფიული რუკის ცალკეული ფურცლის აღნიშვნის სისტემას რუკების ნომენკლატურა ეწოდება.

2. ყველა მასშტაბის ტოპოგრაფიული რუკის ნომენკლატურას საფუძვლად უდევს 1:1 000 000 მასშტაბის რუკის ფურცლის ნომენკლატურა.

3. 1:1 000 000 მასშტაბის ტოპოგრაფიული რუკის ფურცლის ნომენკლატურის მისაღებად დედამიწის მთლიანი ზედაპირი პირობითად იყოფა მერიდიანებით 6°-იანი სიგანის სვეტებად (ზონებად) და პარალელებით 8°-იანი სიგანის სარტყლებად.

4. დედამიწის ზედაპირის სვეტებად (ზონებად) დაყოფა ხდება მერიდიანებით გრინვიჩის მერიდიანიდან აღმოსავლეთით 6°-ის ინტერვალით მერიდიანებს შორის და მიიღება სულ 60 სვეტი (ზონა), რომელთა დანომვრა ხდება არაბული ციფრებით. ზონები იგივე სვეტებია, იმ განსხვავებით, რომ სვეტების ათვლა და დანომვრა იწყება გრინვიჩის მერიდიანის მოპირდაპირე 180°-იანი მერიდიანიდან აღმოსავლეთით 1-დან 60-მდე, ხოლო ზონების ათვლა იწყება გრინვიჩის, ანუ ნულოვანი მერიდიანიდან აღმოსავლეთის მიმართულებით და მათ შორის სხვაობა ტოლია 30-ის. მაგ., გრინვიჩის მერიდიანის აღმოსავლეთით პირველი სვეტი იქნება რიგით 31-ე, ანუ 31-30 = 1 ზონა, ხოლო 32-ე სვეტი მე-2 ზონა; 33-ე სვეტი მე-3 ზონა და ა.შ.

5. გარდა ამისა, დედამიწის ზედაპირი სარტყლებად იყოფა პარალელებით სამხრეთ განედის 80°-იანი პარალელებიდან ჩრდ. განედის 80°-იან პარალელამდე, 8°-იანი სიგანის ინტერვალით პარალელებს შორის და მიიღება სულ 20 სარტყელი.

6. სარტყლების აღნიშვნა ხდება ლათინური ანბანის ასომთავრული ასოებით C-დან X-მდე (I-სა და O-ს გარდა) სამხრეთიდან ჩრდილოეთის მიმართულებით.

7. დედამიწის ზედაპირის სვეტებად (ზონებად) და სარტყლებად დაყოფის სისტემა სქემატურად ნაჩვენებია პირველ ნახაზზე.

8. სვეტებისა (ზონების) და სარტყლების გადაკვეთაზე მოთავსებული ტერიტორიები წარმოადგენენ 1:1 000 000 მასშტაბის ტოპოგრაფიული რუკების ტრაპეციებს, რომლებიც ღებულობენ გარკვეული სარტყლისა და სვეტის აღნიშვნას.

9. 1:1 000 000 მასშტაბის ფურცლის ნომენკლატურა შედგება სარტყელისა და სვეტის აღნიშვნებისგან. მაგ., 1:1 000 000 მასშტაბის ფურცელი, რომელზეც ქ. თბილისი მდებარეობს, აღინიშნება T-38-ით, ეს ნიშნავს, რომ ფურცელი მდებარეობს T სარტყელში და 38-ე სვეტში ანუ მე-8 ზონაში (იხ. ნახ. 1).

10. ტრაპეციის ჩარჩოს ზომები იქნება 8° განედისა და 6° გრძედის მიმართულებით. დედამიწის სფეროს ამგვარი დაყოფა მოხერხებულია UTM-ის კოორდინატთა სისტემაში 1:1 000 000 მასშტაბის რუკის ფურცლის ზომებითა და ნომენკლატურით მონიშნული ტერიტორიის ან სივრცის სწრაფად მოსაძებნად. პირველ ნახაზზე გაშლილი სახით ნაჩვენებია ელიფსოიდის ზედაპირზე 1:1 000 000 მასშტაბის რუკის ფურცლების განლაგების სქემა.

11. იმის გამო, რომ 1:1 000 000 მასშტაბის ტრაპეციის, ზომებით (8° x 6°) განსაზღვრული ტერიტორია საკმაოდ დიდია, საქართველოს ტერიტორია კი T სარტყლის სამხრეთ ნახევრის 4°-იანი სიგანის 40° და 44°-იანი პარალელებით შემოფარგლულ ტერიტორიაზე მთლიანად თავსდება, ამიტომ რუკის ფურცლების ზედმეტი დაყოფისა და აღნიშვნების თავიდან აცილების მიზნით მიზანშეწონილია საქართველოს ტერიტორიისთვის შემდგომი უფრო მსხვილი მასშტაბური რუკის ფურცლების ზომებისა და ნომენკლატურების მისაღებად ვაწარმოოთ 1:1 000 000 მასშტაბის რუკის ფურცლის მხოლოდ სამხრეთ ნახევარი ნაწილის (4° x 6°) დაყოფა.

12. ამრიგად, საქართველოს ტერიტორიას მთლიანად ფარავს 1:1 000000 მასშტაბის რუკის ორი ფურცლის მხოლოდ სამხრეთი ნახევარი, ზომებით 4°x6°, რომელთა ნომენკლატურებია T-37 და T-38.

13. 1:1 000 000 მასშტაბის ტრაპეციის ჩარჩოს წვეროების გეოდეზიური კოორდინატების გამოთვლა ნომენკლატურის მიხედვით საქართველოს ტერიტორიისთვის ხდება შემდეგნაირად:

ა) მაგ., 1 მოცემულია 1:1 000 000 მასშტაბის რუკის ნომენკლატურა T-37, გამოვთვალოთ ტრაპეციის ჩარჩოს წვეროების გეოდეზიური კოორდინატები B და L. ვინაიდან T არის ეკვატორიდან რიგით მე-6 სარტყლის აღნიშნული ასო (იხ. ნახ.1), ხოლო განედების ათვლა იწყება ეკვატორიდან ჩრდილოეთით და სამხრეთით, ამიტომ მოცემულ 1:1 000 000 მასშტაბის ტრაპეციის ჩრდ. პარალელის განედი საქართველოს ტერიტორიისთვის იქნება 8° x 6=48°- 4°= 44° (4° არის 1:1 000 000 მასშტაბის ტრაპეციის ჩრდ. ნახევარი ნაწილის ზომა განედზე), ხოლო სამხრეთ პარალელის განედი იქნება 4°-ით ნაკლები, ე. ი. 44°- 4° = 40°.

ბ) იმის გამო, რომ აღნიშნული ფურცელი მოთავსებულია 37-ე სვეტში, ანუ გრინვიჩის მერიდიანიდან აღმოსავლეთით მე-7 ზონაში, ამიტომ მოცემული ტრაპეციის აღმოსავლეთ მერიდიანის გრძედი იქნება 6° x 7 = 42°, ხოლო დასავლეთ მერიდიანის გრძედი კი 6°-ით ნაკლები ე.ი. 42°- 6° = 36°.

გ) მაგ. 2. მოცემულია 1:1 00 0000 მასშტაბის ტრაპეციის ჩარჩოს წვეროების გეოდეზიური კოორდინატები B=56° ჩრდ. პარალელის განედი, L=48° აღმოსავლეთ მერიდიანის გრძედი.

ვიპოვოთ 1:1 000 000 მასშტაბის რუკის ნომენკლატურა.

დ) ვინაიდან დედამიწის სფერო პარალელებით დაყოფილია 8°-იანი სიგანის სარტყლებად, ამიტომ 56° : 8° = 7 (სარტყელი) ე.ი. მოცემული ტრაპეცია მდებარეობს ეკვატორიდან რიგით მე-7 სარტყელში, რომლის აღმნიშვნელი ასო არის ,,U“, ხოლო მერიდიანები გატარებულია ყოველი 6°-ის ინტერვალით, ამიტომ 48° : 6° = 8, ე.ი. მოცემული ტრაპეცია მდებარეობს გრინვიჩის მერიდიანიდან რიგით მე-8 ზონაში, ანუ 38-ე სვეტში, ამიტომ 1:1 000 000 მასშტაბის რუკის ნომენკლატურა იქნება U - 38.

მუხლი 2.

საქართველოს ტერიტორიისთვის 1:500 000 მასშტაბის რუკის ფურცლის მისაღებად 1:1 000 000 მასშტაბის რუკის ერთი ფურცლის სამხრეთ ნახევარი, ზომით 4° x 6° მერიდიანებითა და პარალელებით იყოფა ოთხ ფურცლად და თითოეული ფურცელი აღინიშნება ლათინური ანბანის E, F, G და H ასომთავრული ასოებით (ნახ. 2), ხოლო 1:500 000 მასშტაბის რუკის ფურცლის ნომენკლატურა დაიწერება მაგ. T-38-E, ტრაპეციის ჩარჩოს ზომები კი იქნება 2° 00' განედის მიმართულებით და 3° 00' – გრძედის მიმართულებით.

მუხლი 3.

1:200 000 მასშტაბის რუკის ფურცლის მისაღებად 1:1 000 000 მასშტაბის რუკის ერთი ფურცლის სამხრეთ ნახევარი იყოფა 25 ფურცლად, თითოეული ფურცელი აღინიშნება რომაული ციფრებით XXVI-დან L-მდე. (ნახ. 3), 1:200 000 მასშტაბის რუკის ფურცლის ნომენკლატურა კი იწერება 1:1 000 000 მასშტაბის ფურცლის ნომენკლატურის შემდეგ, მაგ., T-38-XLII, ხოლო ტრაპეციის ჩარჩოს ზომები იქნება 0°48' განედის მიმართულებით და 1° 12´ გრძედის მიმართულებით.

მუხლი 4.

1:100 000 მასშტაბის რუკის ფურცლის მისაღებად 1:1 000 000 მასშტაბის რუკის ერთი ფურცელი (მხოლოდ სამხრეთ ნახევარი, ზომებით (4°x6°) იყოფა 90 ფურცლად. ამისათვის, ტრაპეციის გვერდები განედების მიმართულებით იყოფა 10 ნაწილად, ხოლო გრძედების მიმართულებით 9 ნაწილად. მიღებული ფურცლების დანომვრა (აღნიშვნა) არ ხდება, ხოლო ფურცლის ზომები იქნება 0° 40' გრძედის მიმართულებით და 0° 24' განედის მიმართულებით.

მუხლი 5.

1:100 000 მასშტაბის მომდევნო უფრო მსხვილი მასშტაბური რიგის რუკის ფურცლების ზომების მისაღებად, ყველა წინა მასშტაბის რუკის თითოეული ფურცელი იყოფა 4 ფურცლად, რომელთა ზომებიც შესაბამისად მისი წინა რუკის ფურცლის ზომების ნახევარი იქნება, კერძოდ:

1. 1:100 000, 1:50 000 და 1:25 000 მასშტაბების რუკის შესაბამისი ნომენკლატურების მისაღებად 1:1 000 000 მასშტაბის რუკის ფურცლის სამხრეთ ნახევარი მერიდიანითა და პარალელებით იყოფა 1440 ნაწილად ანუ 1:25 000 მასშტაბის რუკის ფურცლებად. ამისთვის 1:1 000 000 მასშტაბის ერთი ფურცლის სამხრეთ ნახევარი პარალელებზე იყოფა 36 ნაწილად, მერიდიანებზე კი 40 ნაწილად. ერთსახელა წერტილებს აერთებენ ერთმანეთთან და ღებულობენ ბადეს (ნახ. 4).

2. მიღებულ ბადეს ტრაპეციის ხაზების გარეთ პარალელების გასწვრივ დასავლეთიდან აღმოსავლეთის მიმართულებით აწერენ არაბულ ციფრებს 1-დან 36-მდე, ხოლო მერიდიანების გასწვრივ ჩრდილოეთიდან სამხრეთით 41-დან 80-მდე.

3. ამრიგად, 1:25 000 მასშტაბის რუკის ნომენკლატურა მიიღება ბადის ჰორიზონტალური ზოლების აღმნიშვნელი ნომრებისა და ბადის ვერტიკალური ზოლების აღმნიშვნელი ნომრების ერთობლიობით, რომელიც იწერება 1:1 000 000 მასშტაბის ნომენკლატურის შემდეგ, მაგ., T-38-4635, ხოლო თითოეული ფურცლის ზომები იქნება 0°06' განედის მიმართულებით და 0°10' გრძედის მიმართულებით.

4. 1:100 000 და 1:50 000 მასშტაბის რუკების ნომენკლატურები მიიღება 1:25 000 მასშტაბის რუკის ნომენკლატურის მეშვეობით ე.ი. 1:100 000 და 1:50 000 მასშტაბის რუკების ნომენკლატურის მისაღებად 1:25 000 მასშტაბის რუკის ნომენკლატურის წინ იწერება შესაბამისად ლათინური ანბანის ასომთავრული C და L ასოები (სადაც C ნიშნავს 100-ს ხოლო L_50-ს). ნომენკლატურა 1:100 000 მასშტაბის რუკისათვის იქნება მაგ., T_38-C4804, ფურცლის ზომები კი 0° 24' განედის მიმართულებით და 0° 40' გრძედის მიმართულებით, ხოლო 1:50 000 მასშტაბის რუკის ნომენკლატურა იქნება T-38-L4406, ფურცლის ზომები კი 0° 12' განედის მიმართულებით და 0° 20' გრძედის მიმართულებით.

5. იმის გამო, რომ 1:100 000 და 1:50 000 მასშტაბის რუკების თითოეული ფურცელი შესაბამისად შეიცავს 1:25 000 მასშტაბის 16 და 4 ფურცლებს, აღნიშნული მასშტაბის ნომენკლატურების განსაზღვრის დროს 1:100 0000 მასშტაბის ფურცლის ნომენკლატურისა და შესაბამისი მასშტაბის გამომხატველი ასოს შემდეგ იწერება 1:25 000 მასშტაბის რუკის მხოლოდ სამხრეთ-აღმოსავლეთ ფურცლის ნომენკლატურა, მაგ., 1:100 000 მასშტაბის ნომენკლატურა იქნება T-38-C4804, ხოლო 1:50 000 მასშტაბის რუკისა T-38-L4406 (იხ. ნახ. 4).

მუხლი 6.

1:10 000 მასშტაბის რუკის ფურცელი მიიღება 1:25 000 მასშტაბის რუკის ფურცლის 4 ნაწილად დაყოფით, რომელიც აღინიშნება ლათინური ანბანის a, b, c და ds ასოებით, მისი ნომენკლატურა იქნება მაგ., T-38-4635d. ხოლო ფურცლის ზომები კი იქნება 0° 03' განედის მიმართულებით და 0° 05' გრძედის მიმართულებით (ნახ. 5).

მუხლი 7.

1:5 000 მასშტაბის რუკის გეგმის ფურცლის მისაღებად 1:10 000 მასშტაბის რუკის ფურცელი იყოფა 4 ნაწილად და აღინიშნება ციფრებით 1, 2, 3 და 4 (ნახ. 6), ხოლო 1:5 000 მასშტაბის გეგმის ნომენკლატურა იქნება მაგ., თ-38-4635d-4, ფურცლის ზომები კი 0°01'30" განედის მიმართულებით და 0°02'30" გრძედის მიმართულებით.

მუხლი 8.

1. საქართველოს ტერიტორიისთვის დადგენილია სახელმწიფო ტოპოგრაფიული

რუკების შემდეგი მასშტაბური რიგი და ტრაპეციების ჩარჩოების ზომები:

№

მასშტაბი

ტრაპეციის ჩარჩოს ზომები

ნომენკლატურა

სმxსმ