„საჯარო სამართლის იურიდიული პირის – საქართველოს ეროვნული არქივის დებულების დამტკიცების შესახებ” საქართველოს იუსტიციის მინისტრის 2007 წლის 12 მარტის №71 ბრძანებაში ცვლილებების შეტანის თაობაზე

სახელმწიფო სარეგისტრაციო კოდი 040.030.000.22.027.012.671

საქართველოს იუსტიციის მინისტრის

ბრძანება №13

2009 წლის 20 იანვარი

ქ. თბილისი

„საჯარო სამართლის იურიდიული პირის – საქართველოს ეროვნული არქივის დებულების დამტკიცების შესახებ“ საქართველოს იუსტიციის მინისტრის 2007 წლის 12 მარტის №71 ბრძანებაში ცვლილებების შეტანის თაობაზე

„ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:

    მუხლი 1

„საჯარო სამართლის იურიდიული პირის – საქართველოს ეროვნული არქივის დებულე­ბის დამტკიცების შესახებ“ საქართველოს იუსტიციის მინისტრის 2007 წლის 12 მარტის №71 ბრძანებით (სსმ III, 2007წ., №36, მუხ. 426) დამტკიცებულ დებუ­ლებაში შეტანილ იქნეს შემდეგი ცვლილებები:

1. მე-6 მუხლის მე-3 პუნქტი ჩამოყალიბდეს შემ­დეგი რედაქციით:

„3. ეროვნული არქივის ცენტრალური აპარატი შედგება შემდეგი ქვედანაყოფებისაგან:

ა) საორგანიზაციო და ანალიტიკური განყოფილება;

ბ) ეროვნული საარქივო ფონდის ფორმირებისა და საქმისწარმოების განყოფილება;

გ) ეროვნული საარქივო ფონდის აღრიცხვის, დაც­ვისა და ინფორმაციის განყოფილება;

დ) ტერიტორიულ ორგანოებთან მუშაობის განყო­ფილება;

ე) საზოგადოებასთან და საერთაშორისო ორგანი­ზა­­ციებთან ურთიერთობების განყოფილება;

ვ) შიდა კონტროლის განყოფილება;

ზ) საინფორმაციო ტექნოლოგიების განყოფილება;

თ) დაწესებულებების დოკუმენტების სამეცნიერო-ტექნიკური დამუშავების განყოფილება;

ი) საფინანსო-ეკონომიკური სამსახური, რომლის სტრუქტურული ერთეულებია:

ი.ა) საფინანსო განყოფილება;

ი.ბ) შესყიდვების განყოფილება;

კ) დოკუმენტების რესტავრაციისა და მიკროფილ­მირების ლაბორატორია;

ლ) სამეცნიერო-საცნობარო ბიბლიოთეკა;

მ) სამეურნეო სამსახური.“.

2. მე-8 მუხლის „ე“ ქვეპუნქტი ჩამოყალიბდეს შემდე­გი რედაქციით:

„ე) გენერალურ დირექტორს წარუდგენს ანგარიშს ქვედანაყოფის, ან/და ცენტრალური არქივის საქმიანო­ბის შესახებ. ცენტრალური აპარატის საფინანსო-ეკო­­ნო­­­მი­კური სამსახურის უფროსი ადგენს ეროვნული არქივის ფინანსურ და სტატისტიკურ ანგარიშებს სამინისტროსა და სახელმწიფო ხაზინაში წარსადგე­ნად.“.

    მუხლი 2

ეს ბრძანება ამოქმედდეს 2009 წლის 15 თებერვლიდან.

ზ. ადეიშვილი