,,ცხოველთა, მეცხოველეობის ნედლეულისა და პროდუქტების ექსპორტის დროს გამოსაყენებელი ვეტერინარული სერტიფიკატების ფორმებისა და მათი გაცემის წესის დამტკიცების შესახებ“ საქართველოს სოფლის მეურნეობის მინისტრის 2005 წლის 7 სექტემბრის №2-207 ბრძანებაში დამატებების შეტანის თაობაზე“

სახელმწიფო სარეგისტრაციო კოდი 340.090.000.22.032.012.463

საქართველოს სოფლის მეურნეობის მინისტრის

ბრძანება №2-172

2008 წლის 5 დეკემბერი

ქ. თბილისი

,,ცხოველთა, მეცხოველეობის ნედლეულისა და პროდუქტების ექსპორტის დროს გამოსაყენებელი ვეტერინარული სერტიფიკატების ფორმებისა და მათი გაცემის წესის დამტკიცების შესახებ“ საქართველოს სოფლის მეურნეობის მინისტრის 2005 წლის 7 სექტემბრის №2-207 ბრძანებაში დამატებების შეტანის თაობაზე

,,ნორმატიული აქტების შესახებ“ საქართველოს კანონის 36-ე მუხლის თანახმად, ვბრძანებ:

1. ,,ცხოველთა, მეცხოველეობის ნედლეულისა და პროდუქტების ექსპორტის დროს გამოსაყენებელი ვეტერინარული სერტიფიკატების ფორმებისა და მათი გაცემის წესის დამტკიცების შესახებ“ საქართველოს სოფლის მეურნეობის მინისტრის 2005 წლის 7 სექტემბრის №2-207 ბრძანებით (სსმ III, №109, 16.09.2005 წ., მუხლი 1206) დამტკიცებულ ცხოველთა, მეცხოველეობის ნედლეულისა და პროდუქტების ექსპორტის დროს გამოსაყენებელი ვეტერინარული სერტიფიკატების ფორმებისა და გაცემის წესის მე-2 მუხლს დაემატოს 7¹ და 7² პუნქტები შემდეგი რედაქციით:

,,7¹. საქართველოდან თურქეთში გასაგზავნი ძუძუმწოვარი ცხოველების ახალი და გაყინული ტყავისა და ტყავნედლეულის ექსპორტისათვის განკუთვნილი საერთაშორისო ვეტერინარული სერტიფიკატის მისაღებად წარმოდგენილი უნდა იქნეს:

ა) განცხადება;

ბ) ცხოველების სასაკლაოზე დაკვლის შედეგად მიღებული ტყავნედლეულის შეგროვებისას შესაბამისი ვეტერინარული მოწმობა ან ჯილეხზე გამოკვლევის შესახებ ლაბორატორიის დასკვნა ნაკრები ტყავ-ნედლეულის შეგროვებისას;

გ) ტყავნედლეულის დამამზადებელ საწარმოში მომუშავე კერძო ვეტერინარი ექიმის სერტიფიცირების დამადასტურებელი დოკუმენტი;

დ) ტყავისა და ტყავნედლეულის დაკონსერვების (სველად და მშრალად დამარილება, გამოშრობა და სხვა) ამსახველი დოკუმენტი;

ე) პათოგენური აგენტებით დაბინძურების თავიდან აცილების მიზნით გატარებული ღონისძიებების ამსახველი დოკუმენტი.

7². საქართველოდან თურქეთში გასაგზავნი ძუძუმწოვარი ცხოველების ახალი და გაყინული ტყავისა და ტყავნედლეულის ექსპორტისათვის განკუთვნილი საერთაშორისო ვეტერინარული სერტიფიკატის გაცემის საფუძველია 7¹ პუნქტში მითითებული დოკუმენტები და ტყავისა და ტყავნედლეულის დატვირთვის ადგილზე ეროვნული სამსახურის უფლებამოსილი მოხელისა და განმცხადებლის მიერ შედგენილი დახედვის აქტი.“.

2. ბრძანება ძალაში შევიდეს გამოქვეყნებისთანავე.

მინისტრის პირველი მოადგილე ლ. ჭოლაძე