"საჯარო სამართლის იურიდიული პირის – ნინოწმინდის პროფესიული სასწავლებლის ლიკვიდაციის შესახებ"

სახელმწიფო სარეგისტრაციო კოდი 040.030.000.22.022.012.439

საქართველოს განათლებისა და მეცნიერების მინისტრის

ბრძანება №1034

2008 წლის 26 ნოემბერი

ქ. თბილისი

საჯარო სამართლის იურიდიული პირის – ნინოწმინდის პროფესიული სასწავლებლის ლიკვიდაციის შესახებ

საქართველოს ზოგადი ადმინისტრაციული კოდექსის 61-ე მუხლის, ,,საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-20 მუხლის პირველი პუნქტისა და საქართველოს მთავრობის 2004 წლის 21 მაისის №37 დადგენილებით დამტკიცებული ,,საქართველოს განათლებისა და მეცნიერების სამინისტროს დებულების“ მე-3 მუხლის მე-2 პუნქტის ,,ა“ და ,,მ“ ქვეპუნქტების თანახმად, ვბრძანებ:

1. განხორციელდეს საჯარო სამართლის იურიდიული პირის – ნინოწმინდის პროფესიული სასწავლებლის ლიკვიდაცია 2009 წლის 20 იანვრამდე.

2. ძალადაკარგულად გამოცხადდეს ,,ნინოწმინდის პროფესიული სასწავლებლის საჯარო სამართლის იურიდიულ პირად დაფუძნებისა და მისი წესდების დამტკიცების შესახებ“ საქართველოს განათლებისა და მეცნიერების მინისტრის 2005 წლის 29 მარტის №134 ბრძანება.

3. საქართველოს განათლებისა და მეცნიერების სამინისტრომ უზრუნველყოს საჯარო სამართლის იურიდიული პირის – ნინოწმინდის პროფესიული სასწავლებლის ლიკვიდაციასთან დაკავშირებული კანონმდებლობით დადგენილი ღონისძიებების გატარება.

4. ეს ბრძანება, გარდა მე-2 პუნქტისა, ამოქმედდეს გამოქვეყნებისთანავე.

5. ბრძანების მე-2 პუნქტი ამოქმედდეს 2009 წლის 20 იანვრიდან.

გ. ნოდია