„ძეგლის სააღრიცხვო დოკუმენტაციის ფორმებისა და მათი შევსების წესის დამტკიცების შესახებ“ საქართველოს კულტურის, ძეგლთა დაცვისა და სპორტის მინისტრის 2007 წლის 25 სექტემბრის №3/175 ბრძანებაში ცვლილებების შეტანის თაობაზე

სახელმწიფო სარეგისტრაციო კოდი 450.190.000.22.028.012.408

საქართველოს კულტურის, ძეგლთა დაცვისა და სპორტის

მინისტრის ბრძანება №3/332

2008 წლის 24 ნოემბერი

ქ. თბილისი

,,ძეგლის სააღრიცხვო დოკუმენტაციის ფორმებისა და მათი შევსების წესის დამტკიცების შესახებ“ საქართველოს კულტურის, ძეგლთა დაცვისა და სპორტის მინისტრის 2007 წლის 25 სექტემბრის №3/175 ბრძანებაში ცვლილებების შეტანის თაობაზე

,,ნორმატიული აქტების შესახებ“ საქართველოს კანონის 36-ე მუხლის პირველი პუნქტისა და საქართველოს ზოგადი ადმინისტრაციული კოდექსის 63-ე მუხლის თანახმად, ვბრძანებ:

მუხლი 1. ,,ძეგლის სააღრიცხვო დოკუმენტაციის ფორმებისა და მათი შევსების წესის დამტკიცების შესახებ“ საქართველოს კულტურის, ძეგლთა დაცვისა და სპორტის მინისტრის 2007 წლის 25 სექტემბრის №3/175 ბრძანებაში (სსმ III, 2007 წ., №137, მუხ. 1482) შეტანილ იქნეს შემდეგი სახის ცვლილებები:

1. ბრძანებით დამტკიცებულ №3, №5, №7, №9 დანართებში შეტანილ იქნეს ცვლილებები და ჩამოყალიბდეს №1, №2, №3 და №4 დანართების შესაბამისად;

2. ბრძანებით დამტკიცებული ,,ძეგლის სააღრიცხვო დოკუმენტაციის ფორმების და მათი შევსების წესის“ (შემდგომში – წესი):

ა) მე-2 მუხლის მე-4 პუნქტი ჩამოყალიბდეს შემდეგი რედაქციით:

,,4. კულტურული მემკვიდრეობის მოძრავ ობიექტთა სია ივსება ცხრილის სახით და შეიტანება მოძრავი ობიექტის თაობაზე შემდეგი მონაცემები:

ა) რიგითი ნომერი;

ბ) სახეობა;

გ) ავტორი/სკოლა (არქეოლოგიური ობიექტის შემთხვევაში გრაფაში უნდა მიეთითოს მონაცემები აღმოჩენის ადგილისა და დროის თაობაზე);

დ) დასახელება;

ე) შექმნის დრო და ადგილი;

ვ) მასალა, ზომა;

ზ) ამჟამინდელი ადგილსამყოფელი/კუთვნილება (თუ ობიექტი დაცულია მუზეუმში, გრაფაში უნდა მიეთითოს შესაბამისი მუზეუმის დასახელება, სამუზეუმო ფონდისა და კოლექციის კოდი და ობიექტის საინვენტარო ნომერი);

თ) შენიშვნა (გრაფაში საჭიროების შემთხვევაში შეტანილი იქნება ობიექტის იდენტიფიცირებისათვის საჭირო სხვა დამატებითი ინფორმაცია).“;

ბ) მე-3 მუხლის მე-5 პუნქტი ჩამოყალიბდეს შემდეგი რედაქციით:

,,5. მოძრავი ობიექტის/ძეგლის სააღრიცხვო ბარათი მოიცავს ობიექტის/ძეგლის შესახებ შემდეგ ინფორმაციას:

ა) საიდენტიფიკაციო კოდი № (კოდირების ერთიანი ეროვნული სისტემის შემუშავებამდე, მიეთითება ასეთის არსებობის შემთხვევაში,);

ბ) ობიექტის/ძეგლის ფოტოსურათი (ობიექტის/ძეგლის საერთო ხედით);

გ) ობიექტის/ძეგლის სახეობა – აღნიშნულ პუნქტში უნდა მიეთითოს ობიექტის/ძეგლის შესაბამისი სახეობა. მოძრავი ობიექტის/ძეგლის სახეობებია: არქეოლოგიური, საინჟინრო, პალეოგრაფიული, მემორიალური, ეთნოგრაფიული, სახვითი ხელოვნების, დოკუმენტური, მეცნიერების, ტექნიკის ან მრეწველობის განვითარებასთან დაკავშირებული. ამ სახეობებიდან შესაბამის შემთხვევაში შესაძლებელია მიეთითოს ერთი ან მეტი სახეობა;

დ) ავტორი/სკოლა – აღნიშნულ პუნქტში მიეთითება:

დ.ა) ავტორის სახელი, გვარი, ფსევდონიმი, ხოლო, თუ ავტორი უცნობია, შესაბამისი მიმდინარეობა (სკოლა);

დ.ბ) არქეოლოგიური ობიექტის შემთხვევაში გრაფაში უნდა მიეთითოს ინფორმაცია ძეგლის აღმოჩენის ადგილის შესახებ: მისამართი (მუნიციპალიტეტი, ქალაქი, სოფელი, ქუჩა) ასევე საკოორდინატო მონაცემები X და Y, კვადრატი, უბნის ნომერი, სამარხის ნომერი, კულტურული ფენა, ნაგებობა, აღმოჩენის წელი და სხვა წარმომავლობის იდენტიფიცირებისათვის საჭირო ინფორმაცია;

ე) შექმნის დრო და ადგილი – აღნიშნულ პუნქტში უნდა მიეთითოს ობიექტის/ძეგლის შექმნის თარიღი ან პერიოდი, საუკუნე(ები) და შექმნის ადგილი, თუკი ასეთი ცნობილია;

ვ) ამჟამინდელი ადგილსამყოფელი/კუთვნილება – აღნიშნულ პუნქტში მიეთითება:

ვ.ა) ობიექტის/ძეგლის ადგილსამყოფელი/კუთვნილება მისამართი (ადინისტრაციული ერთეული, ქალაქი, სოფელი, ქუჩა №);

ვ.ბ) თუ ობიექტი/ძეგლი დაცულია მუზეუმში, უნდა მიეთითოს შესაბამისი მუზეუმის დასახელება, მისამართი, სამუზეუმო ფონდისა და კოლექციის კოდი და ობიექტის საინვენტარო ნომერი;

ზ) მასალა, ზომა – აღნიშნულ პუნქტში მიეთითება მასალა და ზომა, ხოლო არსებობის შემთხვევაში მასალის ქიმიური ანალიზის შედეგად მიღებული ინფორმაცია: მისი ქიმიური შემადგელობის, სინჯისა და წონის შესახებ;

თ) ფიზიკური მდგომარეობა – პუნქტი მოიცავს ძეგლის ფიზიკური მდგომარეობის აღწერას კონკრეტული დაზიანებების მითითებით;“.

გ) მე-3 მუხლის მე-7 პუნქტი ჩამოყალიბდეს შემდეგი რედაქციით:

,,7. უძრავი/მოძრავი ობიექტის კულტურული მემკვიდრეობის ობიექტთა სიაში ან მისთვის ძეგლის სტატუსის მინიჭების შესახებ მინისტრის ბრძანების დანართის სახით გამოსაქვეყნებლად სავალდებულო ნაწილია სააღრიცხვო ბარათის ამ მუხლის მე-3/მე-5 პუნქტებში მითითებული, იდენტიფიცირებისათვის საჭირო შევსებული პირველადი ინფორმაცია.“.

დ) მე-4 მუხლის მე-3 პუნქტი ჩამოყალიბდეს შემდეგი რედაქციით:

,,3. კულტურული მემკვიდრეობის მოძრავი ძეგლების სახელმწიფო რეესტრი ივსება ცხრილის სახით და მოიცავს მოძრავი ძეგლის შესახებ შემდეგ ინფორმაციას:

ა) რიგითი ნომერი;

ბ) ძეგლის სახეობა;

გ) ავტორი/სკოლა (სახელი, გვარი, ფსევდონიმი; თუ ავტორი უცნობია შესაბამისი მიმდინარეობა (სკოლა); არქეოლოგიური ობიექტის შემთხვევაში გრაფაში უნდა მიეთითოს ინფორმაცია ძეგლის აღმოჩენის ადგილის შესახებ);

დ) დასახელება;

ე) შექმნის დრო და ადგილი (აღნიშნულ პუნქტში უნდა მიეთითოს ობიექტის/ძეგლის შექმნის თარიღი ან პერიოდი, საუკუნე(ები) და შექმნის ადგილი თუკი ასეთი ცნობილია);

ვ) მასალა, ზომა – აღნიშნულ პუნქტში მიეთითება მასალა და ზომა, ხოლო არსებობის შემთხვევაში მასალის ქიმიური ანალიზის შედეგად მიღებული ინფორმაცია: მისი ქიმიური შემადგელობის, სინჯისა და წონის შესახებ;

ზ) სააღრიცხვო ბარათის ნომერი;

თ) ამჟამინდელი ადგილსამყოფელი/კუთვნილება (მისამართი: მუნიციპალიტეტი, ქალაქი, სოფელი, ქუჩა №; თუ ძეგლი დაცულია მუზეუმში, უნდა მიეთითოს შესაბამისი მუზეუმის დასახელება, სამუზეუმო ფონდის, კოლექციის კოდი და ობიექტის საინვენტარო ნომერი);

ი) მინიჭებული კატეგორია (ივსება ასეთის არსებობის შემთხვევაში);

კ) რეესტრში შეტანის თარიღი;

ლ) შენიშვნა.“;

ე) მე-5 მუხლის მე-4 პუნქტი ჩამოყალიბდეს შემდეგი რედაქციით :

,,4. მოძრავი ძეგლის პასპორტი მოიცავს მოძრავი ძეგლის შესახებ შემდეგ მონაცემებს:

ა) საიდენტიფიკაციო კოდი № (კოდირების ერთიანი ეროვნული სისტემის შემუშავებამდე მიეთითება ასეთის არსებობის შემთხვევაში);

ბ) ძეგლის სახეობა – აღნიშნულ პუნქტში უნდა მიეთითოს ძეგლის შესაბამისი სახეობა. მოძრავი ობიექტის/ძეგლის სახეობებია: არქეოლოგიური, საინჟინრო, პალეოგრაფიული, მემორიალური, ეთნოგრაფიული, სახვითი ხელოვნების, დოკუმენტური, მეცნიერების, ტექნიკის ან მრეწველობის განვითარებასთან დაკავშირებული. ამ სახეობებიდან შესაბამის შემთხვევაში შესაძლებელია მიეთითოს ერთი ან მეტი სახეობა;

გ) დასახელება ქართულად;

დ) დასახელება ინგლისურად;

ე) ავტორი – პუნქტში მიეთითება ძეგლის ავტორის სახელი, გვარი, ფსევდონიმი;

ვ) ავტორის ცხოვრების წლები – პუნქტში მიეთითება ავტორის ცხოვრების ზუსტი თარიღი, თუკი ის ცნობილია, ან/და პერიოდი;

ზ) სკოლა – თუ ავტორი უცნობია, შესაბამისი მიმდინარეობა (სკოლა);

თ) შექმნის დრო – პუნქტში მიეთითება ძეგლის შექმნის ზუსტი თარიღი, თუკი ის ცნობილია, ან/და პერიოდი, საუკუნე(ები), ხოლო არქეოლოგიური ობიექტის შემთხვევაში პუნქტში ასევე უნდა მიეთითოს ინფორმაცია დათარიღების მეთოდის შესახებ;

ი) შექმნის ადგილი – თუკი ასეთი ცნობილია;

კ) მინიჭებული კატეგორია – პუნქტი ივსება იმ შემთხვევაში, თუ ძეგლს მინიჭებული აქვს კატეგორია;

ლ) ინფორმაცია წარმომავლობის შესახებ – პუნქტში ივსება მონაცემები ძეგლის მფლობელებისა და ადგილსამყოფლის ცვლილებების შესახებ, აგრეთვე, არქეოლოგიური ძეგლის შემთხვევაში გრაფაში უნდა მიეთითოს შემდეგი ინფორმაცია ძეგლის აღმოჩენის შესახებ: მისამართი (მუნიციპალიტეტი, ქალაქი, სოფელი, ქუჩა), ასევე საკოორდინატო მონაცემები X და Y კვადრატის ნომერი, უბნის ნომერი, სამარხის ნომერი, კულტურული ფენა, ნაგებობა, აღმოჩენის წელი და სხვა წარმომავლობის იდენტიფიცირებისათვის საჭირო ინფორმაცია;

მ) ამჟმინდელი ადგილსამყოფელი/კუთვნილება – პუნქტში უნად მიეთითოს ძელის განთავსების ადგილის შესახებ ინფორმაცია (მისამართი – მუნიციპალიტეტი, ქალაქი, სოფელი, ქუჩა №; თუ ძეგლი დაცულია მუზეუმში, უნდა მიეთითოს შესაბამისი მუზეუმის დასახელება, სამუზეუმო ფონდის, კოლექციის კოდი და ობიექტის საინვენტარო ნომერი);

ნ) დაცვის პირობები – აღნიშნულ პუნქტში უნდა მიეთითოს იმ საცავის მდგომარეობა, სადაც ინახება ძეგლი შემდეგი შეფასების კრიტერიუმებით: დამაკმაყოფილებელი ან არადამაკმაყოფილებელი;

ო) შემადგენლობა – პუნქტი მოიცავს ინფორმაციას ძეგლის შემადგენელი ნაწილების რაოდენობისა და რაობის შესახებ;

პ) ჟანრი;

ჟ) მასალა – აღნიშნულ პუნქტში მიეთითება მასალა, ხოლო არსებობის შემთხვევაში მიეთითება მასალის ქიმიური ანალიზის შედეგად მიღებული ინფორმაცია: მისი ქიმიური შემადგენლობის, სინჯისა და წონის შესახებ;

რ) ზომა – პუნქტში მიეთითება ძეგლის ზომები;

ს) აღწერა – პუნქტი მოიცავს ძეგლის სიუჟეტის, კომპოზიციის, კოლორიტის, ფორმის აღწერას;

ტ) გაფორმება (მასალა, ზომა) – ინფორმაცია ძეგლის გაფორმების (ჩარჩო, ბუდე, კიოტი და ა.შ) მასალისა და ზომის შესახებ;

უ) საავტორო წარწერა – პუნქტი მოიცავს ინფორმაციას ძეგლზე საავტორო ხელმოწერის (გვარის ან ინიციალების) თაობაზე მისი არსებობის შემთხვევაში;

ფ) სხვა ნიშანი – პუნქტი მოიცავს ინფორმაციას ძეგლზე არსებული თარიღის, დამღის, პიქტოგრამის, გრაფიტოს, ორნამენტის, წარწერის ან სხვა რაიმე ნიშნის თაობაზე;

ქ) ცვლილებები – პუნქტი მოიცავს ძეგლის შექმნის პერიოდიდან მასში შეტანილი ცვლილებების აღწერასა და ქრონოლოგიას;

ღ) ფიზიკური მდგომარეობა – პუნქტი მოიცავს ძეგლის ფიზიკური მდგომარეობის აღწერას კონკრეტული დაზიანებების მითითებით;

ყ) ძეგლზე ჩატარებული სამუშაოები – პუნქტში მიეთითება ძეგლზე ჩატარებული სარეაბილიტაციო სამუშაოების ქრონოლოგია და სახეობა, ასევე სარესტავრაციო დაწესებულების მისამართი, სამუშაოს ჩატარების თარიღი, შემსრულებელი პირის ვინაობა, მეთოდი, გამოყენებული მასალა და სხვ.);

შ) გამოფენებში მონაწილეობა – პუნქტში მიეთითება საქართველოსა და საზღვარგარეთ მოწყობილი გამოფენები, რომელშიც წარმოდგენილ იქნა ძეგლი, აგრეთვე გამოფენის თარიღი, შესაბამისი დაწესებულებების სახელწოდება;

ჩ) ესკიზები, ვარიანტები, ასლები – პუნქტში, ძეგლის ესკიზების, ვარიანტებისა და ასლების არსებობის შემთხვევაში მიეთითება ინფორმაცია მათი შემსრულებლისა და განთავსების ადგილის შესახებ;

ც) ძეგლთან დაკავშირებული ძირითადი ბიბლიოგრაფია – პუნქტში უნდა მიეთითოს ძეგლთან დაკავშირებული ბიბლიოგრაფია, უნდა აღინიშნოს მისი ავტორი, დასახელება, გამოცემის ადგილი და დრო;

ძ) შენიშვნა;

წ) სტატუსის მინიჭების თარიღი და ინდივიდუალური ადმინისტრაციულ-სამართლებრივი აქტის ნომერი;

ჭ) პასპორტის შედგენის თარიღი – პუნქტში მიეთითება პასპორტის შედგენის წელი, თვე, რიცხვი;

ხ) პასპორტის შემდგენელი პირი – პუნქტში მიეთითება პასპორტის შემდგენელი პირის სახელი, გვარი;

ჯ) რეესტრში შეტანის თარიღი.“.

მუხლი 2. ბრძანება ამოქმედდეს გამოქვეყნებისთანავე.

გ. ვაშაძე

დანართი №1

საქართველოს კულტურის, ძეგლთა დაცვისა და სპორტის მინისტრის

2007 წლის 25 სექტემბრის

№3/175 ბრძანების

                                                                                                 დანართი №3

საქართველოს კულტურის, ძეგლთა დაცვისა და სპორტის სამინისტრო

კულტურული მემკვიდრეობის მოძრავ ობიექტთა სია

დანართი №2

საქართველოს კულტურის, ძეგლთა დაცვისა და

სპორტის მინისტრის

2007 წლის 25 სექტემბრის

№ 3/175 ბრძანების

დანართი №5

საქართველოს კულტურის, ძეგლთა დაცვისა და სპორტის სამინისტრო

კულტურული მემკვიდრეობის მოძრავი ობიექტის/ძეგლისსააღრიცხვო ბარათი

№

დანართი №3

საქართველოს კულტურის, ძეგლთა

დაცვისა და სპორტის მინისტრის

2007 წლის 25 სექტემბრის

№3/175 ბრძანების

დანართი №7

საქართველოს კულტურის, ძეგლთა დაცვისა და სპორტის სამინისტრო

კულტურული მემკვიდრეობის მოძრავი ძეგლების სახელმწიფო რეესტრი

დანართი №4

დამტკიცებულია

საქართველოს კულტურის,

ძეგლთა დაცვისა და

სპორტის მინისტრის

2007 წლის 25 სექტემბრის

№3/175 ბრძანებით

დანართი №9

საქართველოს კულტურის, ძეგლთა დაცვისა და სპორტის  სამინისტრო

მოძრავი ძეგლის პასპორტი