„საქართველოს ფინანსთა სამინისტროს სახელმწიფო საქვეუწყებო დაწესებულება – გენერალური ინსპექციის დებულების დამტკიცების შესახებ“ საქართველოს ფინანსთა მინისტრის 2007 წლის 28 ნოემბრის №1242 ბრძანებაში დამატებების შეტანის თაობაზე

სახელმწიფო სარეგისტრაციო კოდი 010.240.070.22.033.012.169

საქართველოს ფინანსთა

მინისტრის ბრძანება №724

2008 წლის 15 სექტემბერი

ქ. თბილისი

„საქართველოს ფინანსთა სამინისტროს სახელმწიფო საქვეუწყებო დაწესებულება – გენერალური ინსპექციის დებულების დამტკიცების შესახებ“ საქართველოს ფინანსთა მინისტრის 2007 წლის 28 ნოემბრის №1242 ბრძანებაში დამატებების შეტანის თაობაზე

„ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:

    მუხლი 1

„საქართველოს ფინანსთა სამინისტროს სახელმწიფო საქვეუწყებო დაწესებულება – გენერალური ინსპექციის დებულების დამტკიცების შესახებ“ საქართველოს ფინანსთა მინისტრის 2007 წლის 28 ნოემბრის №1242 ბრძანებით დამტკიცებულ საქართველოს ფინანსთა სამინისტროს სახელმწიფო საქვეუწყებო დაწესებულება – გენერალური ინსპექციის დებულებაში (სსმ III, 29.11.07, №169, მუხ.1880) შეტანილ იქნეს შემდეგი დამატებები:

1. მე-3 მუხლს დაემატოს შემდეგი შინაარსის „თ“ ქვეპუნქტი:

„თ) საბაჟო და საგადასახადო მომსახურების ხარისხის გაუმჯობესების მიზნით მუდმივი მონიტორინგის განხორციელება.“;

2. მე-4 მუხლის პირველ პუნქტს დაემატოს შემდეგი შინაარსის „ჟ¹“ და „ჟ²“ ქვეპუნქტები:

„ჟ¹) ონლაინ რეჟიმში კოორდინაცია გაუწიოს და განახორციელოს მუდმივი მონიტორინგი საბაჟო და საგადასახადო მომსახურების მიმდინარე საქმიანობაზე;

 ჟ²) საბაჟო და საგადასახადო მომსახურების ხარისხის გაუმჯობესების მიზნით, ანალიზი გაუკეთოს მონიტორინგის შედეგებს.“.

3. მე-12 მუხლის პირველ პუნქტს დაემატოს შემდეგი შინაარსის „ე“ ქვეპუნქტი:

„ე) ვიდეომონიტორინგის სამმართველო.“.

4. დაემატოს შემდეგი შინაარსის 15¹ მუხლი:

     „მუხლი 15¹. ვიდეომონიტორინგის სამმართველო

ვიდეომონიტორინგის სამმართველო:

ა) ონლაინ რეჟიმში კოორდინაციას უწევს და ახორციელებს მუდმივ მონიტორინგს საბაჟო და საგადასახადო მომსახურების მიმდინარე საქმიანობაზე;

ბ) ანალიზს უკეთებს მონიტორინგის შედეგებს და საჭიროების შემთხვევაში ახდენს შესაბამის რეაგირებას რიგების აღმოფხვრის, საბაჟო და საგადასახადო მომსახურების ხარისხის გაუმჯობესების მიზნით;

გ) შემდგომში მინისტრისთვის ინფორმაციის მიწოდების მიზნით, უზრუნველყოფს ინსპექციის უფროსის ინფორმირებას დარღვევების შესახებ.“.

    მუხლი 2

ეს ბრძანება ამოქმედდეს 2008 წლის 1 ოქტომბრიდან.

ნ. გილაური