,,სახელმწიფო ხაზინის მომსახურებაზე მყოფი ორგანიზაციების მიერ გადახდების განხორციელების წესის შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2007 წლის 28 დეკემბრის №1318 ბრძანებაში ცვლილებების და დამატებების შეტანის შესახებ“

სახელმწიფო სარეგისტრაციო კოდი 200.250.000.22.033.012.153

საქართველოს ფინანსთა მინისტრის

ბრძანება  № 697

2008 წლის 5 სექტემბერი

ქ. თბილისი

„სახელმწიფო ხაზინის მომსახურებაზე მყოფი ორგანიზაციების მიერ გადახდების განხორციელების წესის შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2007 წლის 28 დეკემბრის №1318 ბრძანებაში ცვლილებების და დამატებების შეტანის შესახებ

     „ნორმატიული აქტების შესახებ“ საქართველოს კანონის 36-ე მუხლის საფუძველზე, ვბრძანებ:

    მუხლი 1

„სახელმწიფო ხაზინის მომსახურებაზე მყოფი ორგანიზაციების მიერ გადახდების განხორციელების წესის შესახებ“ საქართველოს ფინანსთა მინისტრის 2007 წლის 28 დეკემბრის №1318 ბრძანებაში (სსმ III, 28.12.07, №186, მუხ. 2103) შეტანილ იქნეს შემდეგი ცვლილებები:

1. ბრძანებით დამტკიცებული „სახელმწიფო ხაზინის მომსახურებაზე მყოფი ორგანიზაციების მიერ გადახდების განხორციელების წესის შესახებ“ ინსტრუქციაში შეტანილ იქნას შემდეგი ცვლილება და დამატებები:

ა) მე-4 მუხლის მე-4 პუნქტი ჩამოყალიბდეს შემდეგი რედაქციით:

     „4. მივლინების ხარჯებზე ვალდებულების დოკუმენტის საფუძველია საქართველოს პრეზიდენტის განკარგულება ან ორგანიზაციის ხელმძღვანელის ინდივიდუალური ადმინისტრაციულ-სამართლებრივი აქტი. მივლინების დროს მგზავრობის და საცხოვრებელი ადგილის მომსახურებასთან დაკავშირებულ ხარჯებზე ვალდებულების დოკუმენტის საფუძველია მომსახურე ორგანიზაციასთან გაფორმებული ხელშეკრულება.“;

ბ) მე-5 მუხლს დაემატოს შემდეგი შინაარსის „პ“ და „ჟ“ ქვეპუნქტები:

„პ) მაჟორიტარ დეპუტატთა ბიუროს ხარჯები;

ჟ) წინა წლებში წარმოქმნილი კრედიტორული დავალიანებები, (მხოლოდ გადასახდელი ხელფასების სახით).“;

გ) მე-6 მუხლს დაემატოს შემდეგი შინაარსის მე-7 პუნქტი:

„7. ორგანიზაციის უფლებამოსილი პირის წერილობითი მოთხოვნის საფუძველზე შესაძლებელია სახელმწიფო ხაზინის მიერ კვარტალური განაცხადის ფორმაში შეტანილი იქნეს შესაბამისი ცვლილება.“.

2. ბრძანებით დამტკიცებული დანართი №2 (კვარტალური განაცხადი) ჩამოყალინდეს თანდართული რედაქციით.

    მუხლი 2

ბრძანება ამოქმედდეს გამოქვეყნებისთანავე.

 ნ. გილაური

 დანართი №2

კვარტალური განაცხადი

20.......... წლის …...... კვარტალი

ვალდებულება № --------

სახაზინო კოდი და დასახელება ________

საბიუჯეტო ორგანიზაციის დასახელება ______________________