„საქართველოს ფინანსთა სამინისტროს სისტემაში სტაჟირების გავლის წესის დამტკიცების შესახებ“ საქართველოს ფინანსთა მინისტრის 2007 წლის 10 ოქტომბრის №1131 ბრძანებაში ცვლილებების შეტანის თაობაზე

სახელმწიფო სარეგისტრაციო კოდი 010.240.030.22.033.011.988

საქართველოს ფინანსთა

მინისტრის ბრძანება №575

2008 წლის 2 ივლისი

ქ. თბილისი

„საქართველოს ფინანსთა სამინისტროს სისტემაში სტაჟირების გავლის წესის დამტკიცების შესახებ“ საქართველოს ფინანსთა მინისტრის 2007 წლის  10 ოქტომბრის №1131 ბრძანებაში ცვლილებების შეტანის თაობაზე

 „ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:

    მუხლი 1.

  „საქართველოს ფინანსთა სამინისტროს სისტემაში სტაჟირების გავლის წესის დამტკიცების შესახებ“ საქართველოს ფინანსთა მინისტრის 2007 წლის 10 ოქტომბრის №1131 ბრძანებაში (სსმ III, 16.10.07, №144, მუხლი 1602) შეტანილ იქნეს შემდეგი ცვლილებები:

1. „საქართველოს ფინანსთა სამინისტროს სისტემაში სტაჟირების გავლის წესის“:

ა) პირველი მუხლი ჩამოყალიბდეს შემდეგი რედაქციით:

     „მუხლი 1.

ეს წესი განსაზღვრავს საქართველოს ფინანსთა სამინისტროს (შემდგომში – სამინისტრო) ცენტრალურ აპარატში და სახელმწიფო საქვეუწყებო დაწესებულებებში (შემოსავლების სამსახური, სახაზინო სამსახური, გენერალური ინსპექცია) სტაჟირების გავლის წესსა და პირობებს.“;

ბ) მე-3 მუხლის „დ“ ქვეპუნქტი ჩამოყალიბდეს შემდეგი რედაქციით:

„დ) დაწესებულება – სამინისტროს ცენტრალური აპარატი, შემოსავლების სამსახური, სახაზინო სამსახური და გენერალური ინსპექცია.“.

2. ბრძანებით დამტკიცებული დანართი №1-ის:

ა) მე-11 პუნქტი ჩამოყალიბდეს შემდეგი რედაქციით:

„11. დაწესებულება, რომელშიც თქვენ გსურთ გაიაროთ სტაჟირება:

 საქართველოს ფინანსთა სამინისტროს ცენტრალური აპარატი

 საქართველოს ფინანსთა სამინისტროს შემოსავლების სამსახური     

 საქართველოს ფინანსთა სამინისტროს სახაზინო სამსახური

 საქართველოს ფინანსთა სამინისტროს გენერალური ინსპექცია“;

ბ) 12.4 პუნქტი ჩამოყალიბდეს შემდეგი რედაქციით:

„12.4. საქართველოს ფინანსთა სამინისტროს სახაზინო სამსახური

 სახელმწიფო ბიუჯეტის ხარჯების დეპარტამენტი;

 აღრიცხვა-ანგარიშგების დეპარტამენტი;

 საოპერაციო დეპარტამენტი;

 საანგარიშსწორებო დეპარტამენტი;

ადმინისტრაციული დეპარტამენტი.“.

    მუხლი 2.

ბრძანება ამოქმედდეს გამოქვეყნებისთანავე.

ნ. გილაური