„საკონსულტაციო საბჭოს დებულების დამტკიცების შესახებ“ საქართველოს განათლებისა და მეცნიერების მინისტრის 2004 წლის 2 ივლისის №104 ბრძანებაში ცვლილებების შეტანის თაობაზე“

სახელმწიფო სარეგისტრაციო კოდი 430.010.000.22.022.011.901

საქართველოს განათლებისა და მეცნიერების

მინისტრის ბრძანება №519

2008 წლის 5 ივნისი

ქ. თბილისი

„საკონსულტაციო საბჭოს დებულების დამტკიცების შესახებ“ საქართველოს განათლებისა და მეცნიერების მინისტრის  2004 წლის 2 ივლისის №104 ბრძანებაში ცვლილებების შეტანის თაობაზე

„ნორმატიული აქტების შესახებ“ საქართველოს კანონის 36-ე მუხლის, საქართველოს ზოგადი ადმინისტრაციული კოდექსის 63-ე მუხლის, „საქართველოს განათლებისა და მეცნიერების სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №37 დადგენილებით დამტკიცებული დებულების მე-3 მუხლის მე-2 პუნქტის „ა“ და „მ“ ქვეპუნქტების საფუძველზე, ვბრძანებ:

1. „საკონსულტაციო საბჭოს დებულების დამტკიცების შესახებ“ საქართველოს განათლებისა და მეცნიერების მინისტრის 2004 წლის 2 ივლისის №104 ბრძანებაში (სსმ III, 2.07.2004 წ., №66, მუხ. 582) შეტანილ იქნეს შემდეგი ცვლილებები:

ა) ბრძანების სათაურში შეტანილ იქნეს ცვლილება და ჩამოყალიბდეს შემდეგი რედაქციით:

„საქართველოს განათლებისა და მეცნიერების სამინისტროს სათათბირო ორგანოს – საზოგადოებრივი საბჭოს შექმნისა და მისი დებულების დამტკიცების შესახებ“;

ბ) ბრძანების პირველ პუნქტში შეტანილ იქნეს ცვლილება და ჩამოყალიბდეს შემდეგი რედაქციით:

„1. შეიქმნას საქართველოს განათლებისა და მეცნიერების სამინისტროს სათათბირო ორგანო – საზოგადოებრივი საბჭო.“;

გ) ბრძანების მე-2 პუნქტში შეტანილ იქნეს ცვლილება და ჩამოყალიბდეს შემდეგი რედაქციით:

„2. დამტკიცდეს საქართველოს განათლებისა და მეცნიერების სამინისტროს სათათბირო ორგანოს – საზოგადოებრივი საბჭოს თანდართული დებულება.“;

დ) ბრძანებით დამტკიცებული დებულების სათაურში შეტანილ იქნეს ცვლილება და ჩამოყალიბდეს შემდეგი რედაქციით:

„საქართველოს განათლებისა და მეცნიერების სამინისტროს სათათბირო ორგანოს – საზოგადოებრივი საბჭოს დებულება“;

ე) დებულების პირველ მუხლში შეტანილ იქნეს ცვლილება და ჩამოყალიბდეს შემდეგი რედაქციით:

     „მუხლი 1

საქართველოს განათლებისა და მეცნიერების სამინისტროს საზოგადოებრივი საბჭო (შემდგომში – საბჭო) არის განათლებისა და მეცნიერების სისტემაში მიმდინარე რეფორმის გამჭვირვალობის, განათლებისა და მეცნიერების სამინისტროს (შემდგომში – სამინისტრო) მუშაობის საჯაროობის, საზოგადოებასთან დიალოგის უზრუნველყოფისა და დემოკრატიული პრინციპებით მართვის მიზნით შექმნილი სათათბირო ორგანო, რომელიც მოქმედებს საზოგადოებრივ საწყისებზე.“;

ვ) დებულების მე-2 მუხლში შეტანილ იქნეს ცვლილება და ჩამოყალიბდეს შემდეგი რედაქციით:

     „მუხლი 2

საბჭო თავისი საქმიანობისას ხელმძღვანელობს საქართველოს კონსტიტუციით, საერთაშორისო ხელშეკრულებებითა და შეთანხმებებით, საქართველოს კანონმდებლობით, სამინისტროს დებულებითა და ამ დებულებით.“;

ზ) დებულების მე-3 მუხლის მე-2 პუნქტში შეტანილ იქნეს ცვლილება და ჩამოყალიბდეს შემდეგი რედაქციით:

„2. საბჭოს წევრებს ნიშნავს საქართველოს განათლებისა და მეცნიერების მინისტრი (შემდგომში – მინისტრი) ინდივიდუალური ადმინისტრაციულ-სამართლებრივი აქტით.“;

თ) დებულების მე-5 მუხლში შეტანილ იქნეს ცვლილება და ჩამოყალიბდეს შემდეგი რედაქციით:

     „მუხლი 5

საბჭოს სხდომები იმართება მინისტრის ან საბჭოს ნებისმიერი წევრის ინიციატივით, მინისტრის გადაწყვეტილებით. საბჭოს სხდომის შედეგები და რეკომენდაციები ფორმდება საბჭოს სხდომის ოქმით.“;

ი) დებულების მე-8 მუხლში შეტანილ იქნეს ცვლილებები და ჩამოყალიბდეს შემდეგი რედაქციით:

     „მუხლი 8

თავის სხდომებზე საბჭო:

ა) სამინისტროს ინიციატივის საფუძველზე განიხილავს განათლებისა და მეცნიერების სფეროში მისაღები სამართლებრივი აქტების პროექტებს და მათთან დაკავშირებით გამოთქვამს მოსაზრებებსა და შენიშვნებს, მსჯელობს სამინისტროს მიერ განსახორციელებელი საქმიანობის შესახებ;

ბ) შეიმუშავებს რეკომენდაციებს სამინისტროს მიერ მისაღები გადაწყვეტილებების განხორციელების ხელშესაწყობად;

გ) განიხილავს საჯარო სკოლისათვის სახელის მინიჭების თაობაზე ინიციატივას და მინისტრს წარუდგენს წინადადებებს საჯარო სკოლისათვის სახელის მინიჭების ან არმინიჭების მიზანშეწონილობის თაობაზე.“;

კ) დებულებიდან ამოღებულ იქნეს მე-9 მუხლი.

2. ბრძანება ძალაში შევიდეს გამოქვეყნებისთანავე.

გ. ნოდია