,,საბაჟო კონტროლის ქვეშ მყოფი საქონლის ან/და სატრანსპორტო საშუალების აღრიცხვის მოწმობის შევსების წესის შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2006 წლის 20 დეკემბრის №1764 ბრძანებაში დამატების შეტანის თაობაზე“

სახელმწიფო არეგისტრაციო კოდი 230.150.070.22.033.011.897

საქართველოს ფინანსთა მინისტრის

 ბრძანება №494

2008 წლის 4 ივნისი

ქ. თბილისი

,,საბაჟო კონტროლის ქვეშ მყოფი საქონლის ან/და სატრანსპორტო საშუალების აღრიცხვის მოწმობის შევსების წესის შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2006 წლის 20 დეკემბრის №1764 ბრძანებაში დამატების შეტანის თაობაზე

,,ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:

მუხლი 1. ,,საბაჟო კონტროლის ქვეშ მყოფი საქონლის ან/და სატრანსპორტო საშუალების აღრიცხვის მოწმობის შევსების წესის შესახებ ინსტრუქციის დამტკიცების თაობაზე“ საქართველოს ფინანსთა მინისტრის 2006 წლის 20 დეკემბრის №1764 ბრძანებით დამტკიცებულ (სსმ III, 22.12.06წ., 172, მუხლი 2330) ,,საბაჟო კონტროლის ქვეშ მყოფი საქონლის ან/და სატრანსპორტო საშუალების აღრიცხვის მოწმობის შევსების წესის შესახებ“ ინსტრუქციის მე-7 მუხლს დაემატოს შემდეგი შინაარსის 3¹ პუნქტი:

,,3¹. ,,გამარტივებული საბაჟო დეკლარაციის სახეების, მისი წარდგენის შემთხვევებისა და წესების შესახებ ინსტრუქციის დამტკიცების თაობაზე“ საქართველოს მთავრობის 2006 წლის 20 დეკემბრის №239 დადგენილებით დამტკიცებული ინსტრუქციის მე-4 მუხლით გათვალისწინებულ, გამარტივებული საბაჟო დეკლარაციის საბაჟო ორგანოში წარდგენას დაქვემდებარებული საქონლის გადაადგილების შემთხვევებში, მოწმობა ივსება აღნიშნული დადგენილებით დამტკიცებული ინსტრუქციის დანართი №1-ით გათვალისწინებული მონაცემების წარდგენის საფუძველზე.“.

მუხლი 2. ბრძანება ამოქმედდეს გამოქვეყნებისთანავე.

ნ. გილაური