,,საჯარო სამართლის იურიდიული პირის – სამოქალაქო რეესტრის სააგენტოს დებულების დამტკიცების შესახებ“ საქართველოს იუსტიციის მინისტრის 2006 წლის 30 იანვრის №209 ბრძანებაში ცვლილებებისა და დამატებების შეტანის თაობაზე“

სახელმწიფო სარეგისტრაციო კოდი 040.030.000.22.027.011.764

საქართველოს იუსტიციის მინისტრის

ბრძანება №120

2008 წლის 18 აპრილი

ქ. თბილისი

,,საჯარო სამართლის იურიდიული პირის – სამოქალაქო რეესტრის სააგენტოს დებულების დამტკიცების შესახებ“ საქართველოს იუსტიციის მინისტრის 2006 წლის 30 იანვრის №209 ბრძანებაში ცვლილებებისა და დამატებების შეტანის თაობაზე

,,ნორმატიული აქტების შესახებ“ საქართველოს კანონის 36-ე მუხლის თანახმად, ვბრძანებ:

მუხლი 1. ,,საჯარო სამართლის იურიდიული პირის – სამოქალაქო რეესტრის სააგენტოს დებულების დამტკიცების შესახებ“ საქართველოს იუსტიციის მინისტრის 2006 წლის 30 იანვრის №209 ბრძანებით (სსმ III, 30.01.2006წ., №12, მუხ. 138) დამტკიცებულ საჯარო სამართლის იურიდიული პირის – სამოქალაქო რეესტრის სააგენტოს დებულებაში შევიდეს შემდეგი ცვლილებები და დამატებები:

1. მე-3 მუხლის:

ა) ,,ა“ ქვეპუნქტის შემდეგ დაემატოს შემდეგი შინაარსის ,,ა¹“ ქვეპუნქტი:

,,ა¹) დაბადების, გარდაცვალების, დაბადების და გარდაცვალების რეგისტრაციის იურიდიული მნიშვნელობის მქონე ფაქტების დადგენა;“;

ბ) ,,ე“ ქვეპუნქტის შემდეგ დაემატოს შემდეგი შინაარსის ,,ე¹“ ქვეპუნქტი:

,,ე¹) საქართველოს მოქალაქეთა საკონსულო აღრიცხვიდან მოხსნა;“;

გ) ,,ვ“ ქვეპუნქტი ჩამოყალიბდეს შემდეგი რედაქციით:

,,ვ) საქართველოს მოქალაქის პასპორტის, სამსახურებრივი პასპორტის, საქართველოში მუდმივად მცხოვრები მოქალაქეობის არმქონე პირის სამგზავრო პასპორტის და ლტოლვილის სამგზავრო დოკუმენტის გაცემა და შეცვლა;“;

დ) ,,ი“ ქვეპუნქტი ამოღებულ იქნეს;

ე) ,,ლ“ ქვეპუნქტი ჩამოყალიბდეს შემდეგი რედაქციით:

,,ლ) გვარის შესწორების (აღდგენის) და დადგენის შესახებ მოქალაქის განცხადებისა და თანდართული საბუთების განხილვა და გადაწყვეტა;“.

2. ამოღებულ იქნეს მე-5 მუხლის პირველი პუნქტის ,,რ“ ,,ს“, ,,ტ“ და ,,უ“ ქვეპუნქტები;

3. 6¹ მუხლის 87-ე პუნქტი ჩამოყალიბდეს შემდეგი რედაქციით:

,,87. სამოქალაქო რეესტრის სააგენტოს სამოქალაქო აქტების ცენტრალური არქივი;“.

4. ამოღებულ იქნეს 6¹ მუხლის 90-ე პუნქტი.

5. 6² მუხლის მე-3 პუნქტი ჩამოყალიბდეს შემდეგი რედაქციით:

,,3. სააგენტოს სტრუქტურული ქვედანაყოფის და ტერიტორიული სამსახურის უფროსის მოვალეო-ბის შემსრულებელს არა უმეტეს ერთი თვის ვადით ნიშნავს სააგენტოს თავმჯდომარე.“.

6. ამოღებულ იქნეს მე-7 მუხლის პირველი პუნქტის ,,ზ“, ,,თ“, ,,ი“ და ,,კ“ ქვეპუნქტები.

მუხლი 2. ეს ბრძანება ამოქმედდეს გამოქვეყნებისთანავე.

ნ. გვარამია