„ნავთობისა და გაზის ოპერაციების მარეგულირებელი ეროვნული წესების დამტკიცების შესახებ“ საქართველოს ნავთობისა და გაზის რესურსების მარეგულირებელი სახელმწიფო სააგენტოს უფროსის 2002 წლის 9 იანვრის №2 ბრძანებაში ცვლილებებისა და დამატებების შეტანის თაობაზე

სახელმწიფო სარეგისტრაციო კოდი 300.380.000.25.017.011.591

საქართველოს ენერგეტიკის სამინისტროს სახელმწიფო საქვეეუწყებო დაწესებულება ნავთობისა და გაზის ეროვნული სააგენტოს უფროსის

ბრძანება №2/004

2008 წლის 10 მარტი

ქ. თბილისი

„ნავთობისა და გაზის ოპერაციების მარეგულირებელი ეროვნული წესების დამტკიცების შესახებ“ საქართველოს ნავთობისა და გაზის რესურსების მარეგულირებელი სახელმწიფო სააგენტოს უფროსის 2002 წლის 9 იანვრის №2 ბრძანებაში ცვლილებებისა და დამატებების შეტანის თაობაზე

„ნავთობისა და გაზის შესახებ“ საქართველოს კანონის მე-8 მუხლის მე-6 პუნქტისა და „ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:

    მუხლი 1

საქართველოს ნავთობისა და გაზის რესურსების მარეგულირებელი სახელმწიფო სააგენტოს უფროსის 2002 წლის 9 იანვრის №2 ბრძანებაში (სსმ III, 16.01.02, №5, მუხლი 40) „ნავთობისა და გაზის ოპერაციები მარეგულირებელი ეროვნული წესების დამტკიცების შესახებ“ შეტანილ იქნეს შემდეგი ცვლილებები და დამატებები:

1. წესების მე-5 მუხლის პირველი პუნქტი ჩამოყალიბდეს შემდეგი რედაქციით:

„1. სააგენტოს მიერ ნებისმიერი გეგმის განხილვა და დასკვნის გამოტანა საქართველოს კანონებთან, სათანადო ხელშეკრულებასა და ამ წესებთან შესაბამისობის თაობაზე არ შემოიფარგლება ამ გეგმების მარეგულირებელი (არაკომერციული და არასაოპერაციო) ასპექტებით, როგორებიცაა: რესურსების რაციონალური გამოყენება, გარემოს დაცვა, ტექნიკური უსაფრთხოება და ასეთი გეგმების ტექნიკური სტანდარტები მე-15 მუხლში ჩამოთვლილი სტანდარტების, ნორმებისა და სახელმძღვანელო დოკუმენტების შესაბამისად. სააგენტო იტოვებს უფლებას, ზედამხედველობა და კონტროლი გაუწიოს ნავთობის ეროვნულ კომპანიაზე დელეგირებული საოპერაციო და კომერციული მოვალეობების შესრულებას.“.

2. წესების VII თავში ასახული ტერმინთა განმარტებები ჩამოყალიბდეს შემდეგი რედაქციით:

     „მუხლი 17¹. ტერმინები:

ა. „ანგარიშვალდებული საწარმო“ ნიშნავს სააქციო საზოგადოებას ან სხვა იურიდიულ პირს, რომელსაც გამოშვებული აქვს რომელიმე კლასის საჯარო ფასიანი ქაღალდები და ვალდებულია ფასიანი ქაღალდების მარეგულირებელ შესაბამის ორგანოს წარუდგინოს ფინანსური ანგარიშები;

ბ. „არაანგარიშვალდებული საწარმო“ – სააქციო საზოგადოება ან სხვა იურიდიული პირი, რომელიც არ არის ვალდებული ფინანსური ანგარიშები წარუდგინოს ფასიანი ქაღალდების მარეგულირებელ ორგანოს;

გ. „აღმოჩენა“ ნიშნავს ნავთობისა და გაზის ნებისმიერ აღმოჩენას სახელშეკრულებო ფართობზე, რომელიც შეიძლება განხილულ იქნეს ოპერატორის მიერ შესაფასებლად, რათა დადგინდეს, წარმოადგენს თუ არა ის კომერციულ აღმოჩენას;

დ. „ბურღვის უფლებამოსილების მინიჭება“ ნიშნავს ხელშეკრულებისა და ლიცენზიისაგან განსხვავებულ, სააგენტოს მიერ გაცემულ დოკუმენტს, რომლის თანახმადაც ოპერატორს ეძლევა კონკრეტული ჭაბურღილის ბურღვის უფლება, ნავთობისა და გაზის ძებნა-ძიების, შეფასების ან დამუშავების მიზნით;

ე. „გეგმა“ ნიშნავს ძებნა-ძიების, შეფასებისა ან დამუშავების ნებისმიერ გეგმას;

ვ. „გოგირდწყალბადის (H₂S) მავნე ზემოქმედების ზღვარი“ ნიშნავს 250 ppm-ის (ნაწილაკი/მილიონზე) ტოლ ან გაზის უფრო მეტ კონცენტრაციას, რომელმაც შეიძლება გამოიწვიოს სიკვდილი;

ზ. „გოგირდწყალბადის (H₂S) ქვედა ზღვარი“ ნიშნავს 20 ppm-ის (ნაწილაკი/მილიონზე) ტოლ დასაშვებ ზღვრულ კონცენტრაციას, 8-საათიანი ზემოქმედების პირობებში (40-საათიანი სამუშაო კვირის შემთხვევაში);

თ. „დადასტურებული მარაგები“ ნიშნავს ნავთობისა და გაზის იმ რაოდენობას, რომელიც გეოლოგიურ და საინჟინრო მონაცემთა ანალიზის საფუძველზე, არსებული ეკონომიკური პირობების, საოპერაციო მეთოდებისა და სახელმწიფო ნორმატიული აქტების გათვალისწინებით დადასტურებით შეიძლება შეფასდეს როგორც კომერციულად ათვისებადი. დადასტურებული მარაგები შეიძლება დაიყოს დამუშავებულ და დაუმუშავებელ მარაგებად;

ი. „დამუშავება“ ნიშნავს ნავთობისა და გაზის ყველა ოპერაციას, რომელიც განხორციელდება დამუშავების გეგმის თანახმად და შეიძლება მოიცავდეს (მაგრამ არ შემოიფარგლებოდეს), ჭაბურღილების ბურღვასა და ათვისებას ნავთობისა და გაზის მოპოვებას ან ამოღებას ჭაბურღილში თხევადი და აირადი ნივთიერებების ჩაჭირხნის მიზნით; მოწყობილობის, ხაზების, სისტემების, მიწისზედა ნაგებობებისა და დანადგარების დაპროექტებას, მშენებლობას, მონტაჟს, მიერთებასა და წინასწარ გამოცდას; ნავთობისა და გაზის მოპოვების, ამოღების, პირველადი გადამუშავების, დატვირთვა-გადმოტვირთვის, შენახვისა და ტრანსპორტირების უზრუნველსაყოფად საჭირო საქმიანობას;

კ. „დასამუშავებელი ფართობი“ ნიშნავს ტერიტორიას სახელშეკრულებო ფართობის საზღვრებში, რომელიც მოიცავს შესაფასებელი ოპერაციების შედეგად განსაზღვრულ და დამუშავების პროგრამაში შემოკონტურებულ სივრცულად დახშული ნავთობგაზიანი ბუდობ(ებ)ის სტრუქტურას;

ლ. „დამუშავების გეგმა“ ნიშნავს ოპერატორის მიერ ხელშეკრულების შესაბამისად მომზადებულ დოკუმენტურ ანგარიშს, რომელიც დეტალურად აღწერს ნავთობისა და გაზის იმ ოპერაციებს, რომელთა ჩატარებასაც ოპერატორი გეგმავს დროის დადგენილი პერიოდის განმავლობაში და რომელიც შეიძლება მოიცავდეს ჭაბურღილების ბურღვასა და ათვისებას, ნავთობისა და გაზის მოპოვებას, ჭაბურღილში თხევადი და აირადი ნივთიერებებისა ან გაზის ჩატუმბვას; მოწყობილობის, ხაზების, სისტემების, მიწისზედა ნაგებობებისა და დანადგარების დაპროექტებას, მშენებლობას, მონტაჟს, მიერთებასა და წინასწარ გამოცდას; ნავთობისა და გაზის მოპოვების, ამოღების, პირველადი გადამუშავების, დატვირთვა-ჩამოტვირთვის, შენახვისა და ტრანსპორტირების უზრუნველსაყოფად საჭირო საქმიანობას;

მ. „დაინტერესებული მხარე“ ნიშნავს ეროვნულ ნავთობკომპანიას, ყველა ინვესტორსა და სახელმწიფო უწყებას საქართველოში და ყველა პირს, რომელიც ახორციელებს ან მართავს ნავთობისა და გაზის ოპერაციებს, ან სხვა ნებისმიერ პირს, რომელიც დაინტერესებულია ნავთობისა და გაზის ოპერაციების ეკონომიკური და ეკოლოგიური ზემოქმედებით საქართველოს იურისდიქციაში მყოფ ტერიტორიაზე;

ნ. „დოკუმენტაცია“ ნიშნავს წერილობითი და ფირზე აღბეჭდილი ფორმით დაცულ, ან ფოტოგრაფიული, ელექტრონული ან სხვა მეთოდით შენახულ მონაცემებს;

ო. „ერთობლივად დასამუშავებელი ფართობი“ ნიშნავს ფართობს, რომელიც მდებარეობს ორი ან მეტი სახელშეკრულებო ან სალიცენზიო ფართობის ტერიტორიაზე და მოიცავს ნავთობისა და/ან გაზის სივრცულად დახშული ბუდობ(ებ)ის სტრუქტურას, რომელთა მდებარეობა და პროდუქტიულობა ორ ან მეტ სახელშეკრულებო ან სალიცენზიო ფართობზე დამტკიცებული და დამატებით აღნიშნულია როგორც ასეთი სააგენტოს მიერ;

პ. „ერთობლივი დამუშავების გეგმა“ ნიშნავს დოკუმენტურ ანგარიშს, რომელიც განსაზღვრავს ნავთობისა და გაზის იმ ოპერაციებს, რომელთა ჩატარებასაც აპირებს ოპერატორი ერთობლივად დასამუშავებელი ტერიტორიის ფართობზე;

ჟ. „ერთობლივი დამუშავება“ ნიშნავს ნავთობისა და გაზის ოპერაციების ჩატარებას ორი ან მეტი ოპერატორის მიერ, ნავთობისა და/ან გაზის განუყოფელ ბუდობ(ებ)ზე ერთობლივად დასამუშავებელი ფართობის შიგნით;

რ. „ექსპლუატაცია“ ნიშნავს ნავთობისა და გაზის მოპოვებისა და მომპოვებელი ჭაბურღილების ექსპლუატაციის ოპერაციების ყველა ტიპს, ასევე ამოღებას, შენახვას, პირველად გადამუშავებას, ტრანსპორტირებას, გაზომვას, ნავთობისა და გაზის მარკეტინგსა და მიწოდებას, ჩაჭირხნას ან უკუჩაჭირხნას და ნავთობისა და გაზის პირველადი და მეორადი ამოღების ყველა სხვა ოპერაციას, ისევე როგორც ამ ოპერაციებისათვის საჭირო ტრანსპორტირების, შენახვისა და სხვა სავალდებულო და დამხმარე სამუშაოებს;

ს. „ინვესტორი“ ნიშნავს ფიზიკურ ან იურიდიულ პირს, რომელიც არის ლიცენზიის მფლობელი და კანონის შესაბამისად სახელმწიფოსთან გაფორმებული აქვს ხელშეკრულება;

ტ. „კანონი“ ნიშნავს საქართველოს კანონს „ნავთობისა და გაზის შესახებ“;

უ. „კაპიტალური რემონტის მნიშვნელოვანი ოპერაციები“ ნიშნავს ოპერაციებს მომპოვებელ ჭაბურღილზე მოპოვების აღდგენისა ან გაზრდის მიზნით და არ მოიცავს ამ წესებში აღწერილ კაპიტალური რემონტის რუტინულ ოპერაციებს. კაპიტალური რემონტის მნიშვნელოვანი ოპერაციები, შეზღუდვების გარეშე, მოიცავს ჭაბურღილის ხელახალ ათვისებას ახალ ან დამატებით ჰორიზონტზე, პროდუქტიული ჰორიზონტის ლიკვიდაციას, სამაგრი კოლონის გამოცვლას ან ჭაბურღილისშიგა სხვა ოპერაციებს, რომელთა ღირებულება აღემატება 100 000 დოლარის ეკვივალენტ ლარს;

ფ. „კომერციული აღმოჩენა“ ნიშნავს ნავთობისა და გაზის აღმოჩენას, რომელიც ოპერატორის დასაბუთებული აზრით და ყველა სათანადო მონაცემის ანალიზის და ოპერატიული, ტექნიკური და ეკონომიკური მაჩვენებლის შესწავლის შემდეგ, შეიძლება იქნეს დამუშავებული კომერციულად, ხელშეკრულების შესაბამისად;

ქ. „კალენდარული წელი“ ნიშნავს პერიოდს, რომელიც მოიცავს თორმეტ (12) თვეს გრეგორიანული კალენდარის მიხედვით, იწყება 1 იანვარს და მთავრდება 31 დეკემბერს;

ღ. „კაპიტალური რემონტის ოპერაციები“ ნიშნავს ჭაბურღილზე შესასრულებელ ოპერაციებს პირველადი ათვისების შემდეგ ჭაბურღილის პროდუქტიულობის შენარჩუნებისა ან აღდგენისათვის;

ყ. „კაპიტალური რემონტის რუტინული ოპერაციები“ ნიშნავს ნავთობისა და გაზის საშადრევნო არმატურიან ჭაბურღილზე ჩატარებული შემდეგი ოპერაციებიდან ნებისმიერს: პარაფინისაგან გასუფთავება, ჭაბურღილისშიგა მოწყობილობების ამოღება და ჩაშვება, რომელიც შეიძლება შეიცვალოს საბაგირო დანადგარის გამოყენებით; წნევის გაზომვა; ქვიშის ამოტუმბვა; ამოდგუშვა; მინადუღის მოშორება და ანტიკოროზიული დამუშავება; კავერნოგრამის აღება; კოროზიის ინჰიბატორებით დამუშავება; ჭაბურღილიდან ტუმბოს ამოღება ან მისი შეცვლა; კაროტაჟი სატუმბ-საკომპრესორო მილების საშუალებით (დიაგნოსტიკა); საჭერი ოპერაციები და ზედაპირზე ჭაბურღილის დებიტის საკონტროლო მოწყობილობის ჩაშვება ან ამოწევა;

შ. „კორელაციური უფლებები“, გამოიყენება მეზობელი სახელშეკრულებო ფართობების ოპერატორების მიმართ, და ნიშნავს ყოველი ოპერატორის უფლებას, ფლობდეს საერთო წყაროდან ნავთობისა და გაზის რესურსების ძებნა-ძიების, დამუშავებისა და მოპოვების თანაბარ შესაძლებლობას;

ჩ. „ლიცენზია“ ნიშნავს ნავთობისა და გაზის რესურსებით სარგებლობის გენერალურ ლიცენზიას, ან მოპოვების სპეციალურ ლიცენზიას ან/და ძებნა-ძიების სპეციალურ ლიცენზიას, რომელიც წარმოადგენს სახელმწიფოს სახელით ნავთობისა და გაზის ეროვნული სააგენტოს მიერ გაცემულ იურიდიულ დოკუმენტს, რომელიც ადასტურებს ინვესტორის უფლებას სახელშეკრულებო ფართობზე ნავთობისა და გაზის ოპერაციების ჩატარებაზე;

ც. „მაქსიმალური ეფექტურობის ნორმა“ ნიშნავს საბადოდან ნავთობისა და გაზის საშუალო მოპოვების მაქსიმალურ ნორმას, რომლის შენარჩუნება შესაძლებელია და დადგენილია ოპერატორის მიერ საერთაშორისო ნავთობმრეწველობის პრაქტიკის შესაბამისად. მაქსიმალური ეფექტურობის ნორმამ შესაძლებელი უნდა გახადოს საბადოს დამუშავება ისე, რომ არ დაქვეითდეს ნავთობგაზგაცემის ეკონომიკურად დასაბუთებული საბოლოო მნიშვნელობა, რომელიც, როგორც წესი, დამოკიდებულია ოპერატორის მიერ ნავთობისა და გაზის ტრანსპორტირებისა და გასაღების შესაძლებლობებზე;

ძ. „მარაგები“ ნიშნავს ნავთობისა და გაზის იმ მოსალოდნელ რაოდენობას, რომელიც კომერციულად შეიძლება ამოღებულ იქნეს ცნობილი ბუდობებიდან;

წ. „მაქსიმალური მოპოვების ნორმა“ ნიშნავს საშუალო დღიური მოპოვების მაქსიმალურ ნორმას, რომლის დროსაც ნავთობი და გაზი შეიძლება მოპოვებულ იქნეს კონკრეტული ნავთობისა თუ გაზის შემცველი ჭაბურღილის ჰორიზონტიდან, დამუშავების დამტკიცებული პროგრამისა ან შეფასების გეგმის შესაბამისად;

ჭ. „მნიშვნელოვანი დაღვრა“ ნიშნავს ნავთობის, მარილის ხსნარისა ან სხვა საშიში ნივთიერებების ნებისმიერ დაღვრას, რომელიც აღემატება 0,5 ბარელს, რომელიც მოხვდა ან შეიძლება მოხვდეს წყალში ან ხმელეთზე ნავთობისა ან მარილის ხსნარის ათ (10) ბარელის, ან ქიმიური ნივთიერებების 0,5 ბარელის ერთჯერად დაღვრას;

ხ. „მნიშვნელოვანი ეკოლოგიური ინციდენტი“ ნიშნავს:

ა) ყველა ხანძარს, აფეთქებასა და ამოფრქვევას, რომელიც მოხდა ნავთობისა და გაზის ოპერაციების ჩატარების დროს;

ბ) ნავთობისა ან სხვა საშიში ნივთიერებების დიდ დაღვრას;

ჯ. „მიწისქვეშა დამცავი მოწყობილობები“ ნიშნავს ექსტრემალურ სიტუაციაში ჭაბურღილიდან ამოფრქვევის გასაჩერებლად განკუთვნილ ჭაბურღილში ჩასაშვებ ნებისმიერ მექანიკურ მოწყობილობას, რომელიც შეიძლება წარმოადგენდეს ზედაპირზე ან მიწისქვეშ კონტროლირებად ჭაბურღილის შიგა დამცავ სარქველს, საჭირხნ სარქველს, სატუმბ-საკომპრესორო მილების ჰიდრავლიკურ საკვალთს;

ჰ. „მილსადენები“ ნიშნავს მილსადენების იმ მონაკვეთს, რომლებიც აღჭურვილია საჭირხნი ან საკომპრესორო სადგურებით, რეზერვუარებით, საკომუნიკაციო სისტემებითა და საკვალთეებით და ემსახურება სახელშეკრულებო ფართობზე მდებარე ჭაბურღილის პირიდან ნავთობისა და გაზის ტრასპორტირებას მაგისტრალურ მილსადენთან შეერთების წერტილამდე;

ჰ¹. „ნავთობის ეროვნული კომპანია“ ნიშნავს საწარმოს, რომელსაც საქართველოს პრეზიდენტის ბრძანებულებით მინიჭებული აქვს ნავთობის ეროვნული კომპანიის სტატუსი;

ჰ².„ნავთობისა და გაზის საბადო“ ნიშნავს ერთ ან მეტ სტრუქტურულ ინტერვალში ნავთობისა და/ან გაზის ბუდობების სივრცულ შერწყმას, რომლებიც ერთმანეთთან შეიძლება დაკავშირებული იყოს ფორიანი და შეღწევადი ქანებით მთელ მომპოვებელ სივრცეზე და შეიძლება შედგებოდეს რამდენიმე ფენისაგან;

ჰ³. „ნავთობისა და გაზის ოპერაციები“ ნიშნავს ძებნა-ძიებას, შეფასებას, დამუშავებას, ექსპლუატაციასა და ლიკვიდაციას, ასევე ნავთობისა და გაზის შეგროვების, მომზადების და მოპოვებული ნავთობისა და გაზის შენახვის ოპერაციებს, რომელსაც ოპერატორი აწარმოებს სახელშეკრულებო ფართობზე, ხელშეკრულებისა და ლიცენზიის საფუძველზე;

ჰ⁴. „ნავთობისა და გაზის ბუდობი“ ნიშნავს წიაღში ნავთობისა და გაზის მნიშვნელოვანი რაოდენობის ბუნებრივ დაგროვებას;

ჰ⁵. „ნავთობისა და გაზის ნარჩენები“ ნიშნავს ნავთობისა და გაზის ოპერაციების წარმოებისას წარმოქმნილ ნარჩენებს, რომლებიც მიეკუთვნება და დამახასიათებელია მხოლოდ ნავთობისა და გაზის ძებნა-ძიების, დამუშავებისა და მოპოვების ოპერაციებისათვის და მოიცავს, მაგრამ არ შემოიფარგლება: ფენურ წყლებს, საბურღ ხსნარებსა და ამონაბურღ შლამს; ჭაბურღილის ათვისების და კაპიტალური რემონტის ნარჩენებს, ხსნარებს, სანიტარიულ და საყოფაცხოვრებო ნარჩენებს და სხვა;

ჰ⁶. „ნავთობგაზგაცემის ეკონომიკურად დასაბუთებული მნიშვნელობა“ ნიშნავს ნავთობისა და გაზის მაქსიმალურ ფიზიკურ მოცულობას, რომელიც, ოპერატორის დასაბუთებული აზრით, შეიძლება იქნეს ამოღებული ეკონომიკური დანაკარგების გარეშე და წიაღის დაცვის პრინციპების გათვალისწინებით;

ჰ⁷. „ნავთობისა და გაზის რესურსების რაციონალური გამოყენება“ ნიშნავს ნავთობისა და გაზის დანაკარგების თავიდან აცილებასა და მინიმუმამდე დაყვანას, კორელაციური უფლებების დაცვასა და ნავთობგაზგაცემის ეკონომიკურად დასაბუთებული საბოლოო მნიშვნელობის გაზრდას;

ჰ⁸. „ნავთობისა და გაზის დანაკარგები“ ნიშნავს:

ა – ნავთობისა და გაზის ფიზიკურ დანაკარგებს;

ბ – ფენური ენერგიის (გაზის ენერგიისა და ფენის წყალდაწნევის რეჟიმის ჩათვლით) არაეფექტურ, გადაჭარბებულ ან არასწორ გამოყენებას;

გ – ნავთობისა და გაზის ჭაბურღილების ისეთ ადგილმდებარეობას, განლაგების ბადეს, ბურღვას, აღჭურვას, ექსპლუატაციასა და მოპოვებას, რომელიც იწვევს, ან აქვს ტენდენცია გამოიწვიოს სწორი და წინდახედული მუშაობისას ამოღებული ნავთობისა და გაზის მაქსიმალური რაოდენობის შემცირება; ან რომელიც იწვევს, ან აქვს ტენდენცია გამოიწვიოს ნავთობისა და გაზის ფუჭი ან ზედმეტი კარგვა ან განადგურება ზედაპირზე;

– ოპერატორის კორელაციური უფლებების დარღვევას ნავთობისა და გაზის ბუდობ(ებ)ის ერთობლივი დამუშავებისას, ამ ბუდობიდან ნავთობისა და გაზის არაერთგვარი, არაპროპორციული ან ჭარბი ამოღების მიზეზით;

ჰ⁹. „ნახშირორჟანგი (CO₂)“ არის უფერული, უსუნო და სუსტი მჟავე გაზი, რომელსაც ზოგჯერ უწოდებენ ნახშირმჟავა გაზს და რომლის მოლეკულა შედგება ნახშირბადის ერთი და ჟანგბადის ორი ატომისაგან;

ჰ¹⁰. „ნაგებობა“ ნიშნავს მიწისზედა და მიწისქვეშა მუდმივად ან დროებით დამონტაჟებულ მოწყობილობას, რომელიც გამოიყენება ნავთობისა და გაზის ოპერაციების დროს ნავთობისა და გაზის მოპოვების, მომზადების, დამუშავებისა და ტრანსპორტირებისათვის;

ჰ¹¹. „ნავთობის ჩაღვრა“ ნიშნავს განზრახულ ან გაუფრთხილებელ ქმედებას, რომლის შედეგადაც ნავთობი დაიღვარა, გაჟონილ იქნა, გადმოისხა ან გადატუმბვისას დაიღვარა მიწის ზედაპირზე ან ზღვაში;

ჰ¹². „ოპერატორი“ ნიშნავს საოპერაციო კომპანიას და/ან ინვესტორს;

ჰ¹³. „ოპერაციები ნავთობგაზგაცემის გაზრდის მიზნით“ ნიშნავს ფენური წნევის შესანარჩუნებლად ჩატარებულ ოპერაციებს, მოპოვების მეორადი და მესამე რიგის მეთოდების გამოყენებას, ფენში გაზის ჩატუმბვას და სხვა ამგვარ საქმიანობას, რომლის მიზანია ნავთობგაზგაცემის ეკონომიკურად დასაბუთებული საბოლოო მნიშვნელობის გაზრდა;

ჰ¹⁴. „პირი“ ნიშნავს ფიზიკურ ან იურიდიულ პირს;

ჰ¹⁵. „სახელშეკრულებო ფართობი“ ნიშნავს გეოგრაფიული კოორდინატებით შემოხაზულ და განსაზღვრულ ტერიტორიას, როგორც ეს აღნიშნულია ხელშეკრულებაში და შემდგომში შესწორებულია ტერიტორიის დაბრუნებით ან სხვა ცვლილებებით, რომლის ფარგლებში ოპერატორს მინიჭებული აქვს ნავთობისა და გაზის ოპერაციების ჩატარების ექსკლუზიური უფლება;

ჰ¹⁶. „საერთაშორისო ნავთობმრეწველობის პრაქტიკა“ ნიშნავს ნებისმიერ პრინციპს, პრაქტიკასა თუ პროცედურას, რომელიც, როგორც წესი, გამოიყენება საერთაშორისო ნავთობისა და გაზის მრეწველობაში, როგორც კარგი, უსაფრთხო, ეფექტური და აუცილებელი ძებნა-ძიების, დამუშავებისა და ექსპლუატაციის განსახორციელებლად, და შეზღუდვის გარეშე უნდა მოიცავდეს ნებისმიერ პრინციპს, პრაქტიკასა თუ პროცედურას, რომელიც დამტკიცებულია საერთაშორისოდ აღიარებული ორგანიზაციების მიერ და არ ეწინააღმდეგება კანონს;

ჰ¹⁷. „სანაპირო ტერიტორია“ ნიშნავს სანაპირო წყლებთან მოსაზღვრე ან ახლომდებარე ხმელეთს, რომელზედაც განლაგებული ნავთობისა და გაზის ნაგებობიდან მოსალოდნელია ნავთობის ან მავნე ნივთიერებების ჩაღვრა სანაპირო წყლებში;

ჰ¹⁸. „სანაპირო წყლები“ ნიშნავს შავ ზღვასა და მასთან დაკავშირებულ ყურეებს, ტბებს, ჭაობებს, მდინარეებსა და ნაკადულებს, რომლებიც ვრცელდება მიწაზე მიქცევა-მოქცევის უკიდურეს წერტილამდე და მოიცავს ზღვის მიქცევისა და მოქცევას შორის არსებულ ფართობს, სანაპირო ზოლებსა და პლაჟებს;

ჰ¹⁹. „საზღვაო ზონა“ ნიშნავს წყალსა და შავი ზღვის აუზის მიმდებარე სანაპირო ტერიტორიას, რომლის წიაღი და ფსკერი ეკუთვნის საქართველოს და იმყოფება მისი იურისდიქციისა და კონტროლის ქვეშ;

ჰ²⁰. „სააგენტო“ ნიშნავს ნავთობისა და გაზის ეროვნულ სააგენტოს – საქართველოში ნავთობისა და გაზის ოპერაციების, ნავთობის გადამუშავების, გაზის დამუშავების ან/და ტრანსპორტირების საქმიანობის რეგულირების მიზნით შექმნილ სახელმწიფო საქვეუწყებო დაწესებულებას და აქვს განსაკუთრებული უფლება წარმართოს მოლაპარაკებები, გასცეს ლიცენზიები და ყველა შესაბამისი უფლება ნავთობისა და გაზის ოპერაციების ჩატარებაზე, გააფორმოს ხელშეკრულებები, ასევე ზედამხედველობა და კონტროლი გაუწიოს საქართველოს ნავთობისა და გაზის რესურსების გამოყენებასთან დაკავშირებული ხელშეკრულებებისა და ლიცენზიების პირობებისა და მოვალეობების შესრულებას;

ჰ²¹. „საუკეთესო და უსაფრთხო ტექნოლოგიები“ ნიშნავს მოწყობილობებს, პროცედურებსა და პრაქტიკას, რომელსაც გამოიყენებდა გამოცდილი და კომპეტენტური საერთაშორისო ოპერატორი ამგვარი საქმიანობის განხორციელებისას მსგავს გარემოებებში, საერთაშორისო ნავთობმრეწველობის პრაქტიკის შესაბამისად. ამ წესების მე-15 მუხლში განსაზღვრული სტანდარტების, წესისა და მეთოდის შესრულება უნდა განიხილებოდეს საუკეთესო და უსაფრთხო ტექნოლოგიების გამოყენებად;

ჰ²². „საშიში ნივთიერებები“ – ელემენტი, რთული ნივთიერება ან ნაერთი, მათ შორის ნავთობი, ბუნებრივი გაზი და მისგან გამოყოფილი სხვა გაზები და ნივთიერებები (ბუნებრივი, გადაუმუშავებელი რადიაქტიური ნივთიერებების გარდა) რომელთაც პირდაპირ ან გარემოსა და ცოცხალ ორგანიზმებში დაგროვების შედეგად შესაძლოა მნიშვნელოვანი ზიანი მიაყენონ ადამიანს, გარემოსა და ქონებას;

ჰ²³. „სერიოზული ტრავმა“ ნიშნავს ტრავმას, რომლის გამოც პიროვნება ვერ გამოდის სამუშაოზე ორმოცდარვა (48) საათზე მეტი დროის განმავლობაში;

ჰ²⁴. „საცდელი ექსპლუატაცია“ ნიშნავს ოპერატორის მიერ კომერციულ დამუშავებამდე ნავთობისა და გაზის დროებით მოპოვებას, სადაც ასეთი მოპოვების მიზანი არის ბუდობის მომზადება კომერციული დამუშავებისათვის. ტერმინი „საცდელი ექსპლუატაცია“ არ ნიშნავს იმ ნავთობისა და გაზის მოპოვებას, რომელიც მიიღება საბურღი ოპერაციების ან ჭაბურღილების მოკლევადიანი გამოცდის დროს;

ჰ²⁵. „სავარაუდო მარაგები“ ნიშნავს იმ დაუდასტურებელ მარაგებს, რომელთა გეოლოგიური და საინჟინრო მონაცემთა ანალიზი უჩვენებს, რომ მოპოვება მოსალოდნელია. ამ კონტექსტში, შეფასების ალბათობის მეთოდების გამოყენებით, ალბათობა იმისა, რომ ფაქტობრივად მოპოვებული რაოდენობა აღემატება ან ტოლია დადასტურებული და სავარაუდო მარაგების ჯამისა, უნდა იყოს არანაკლებ 50%-ისა;

ჰ²⁶. „საოპერაციო კომპანია“ ნიშნავს საქართველოში შექმნილ იურიდიულ პირს, რომელიც ახორციელებს ნავთობისა და გაზის ოპერაციებს ინვესტორის ინტერესების შესაბამისად ან მისი სახელით, სახელმწიფოსა და ინვესტორს შორის გაფორმებული ხელშეკრულების შესაბამისად;

ჰ²⁷. სატენდერო კომისია – შესაბამისი უწყებების მონაწილეობით შექმნილი კომისია;

ჰ²⁸. „ხელშეკრულება“ ნიშნავს წერილობით შეთანხმებას ინვესტორსა და სახელმწიფოს შორის ნავთობისა და გაზის ოპერაციების ჩატარებაზე;

ჰ²⁹. „შემოსავლების გადამხდელი“ ნიშნავს ინვესტორს, ოპერატორს ან სხვა პირს, რომელიც ხელშეკრულების ან საქართველოს კანონმდებლობის შესაბამისად ვალდებულია გადაუხადოს საქართველოს სახელმწიფოს გადასახდელი ნავთობისა და გაზის და/ან მომყოლი ნახშირწყალბადების მოპოვებიდან და/ან განაწილებიდან ხელშეკრულების შესაბამისად;

ჰ³⁰. „შეფასება“ ნიშნავს ნავთობისა და გაზის ოპერაციებს იმ ტექნიკური მონაცემების ანალიზთან ერთად, რომლებიც ჩატარებულია აღმოჩენის შემდგომ, აღმოჩენის კომერციული მნიშვნელობის დასადგენად;

ჰ³¹. „შესაძლებელი მარაგები“ ნიშნავს იმ დაუდასტურებელ მარაგებს, რომელთა მოპოვება უფრო ნაკლებად არის მოსალოდნელი გეოლოგიური და საინჟინრო მონაცემების ანალიზიდან გამომდინარე, ვიდრე სავარაუდო მარაგებისა. ამ კონტექსტში, შეფასების ალბათობის მეთოდების გამოყენებით, ალბათობა იმისა, რომ ფაქტობრივად მოპოვებული რაოდენობა აღემატება ან ტოლია დადასტურებული, სავარაუდო ან შესაძლებელი მარაგების ჯამისა, უნდა იყოს არანაკლებ 10%-ისა;

ჰ³². „შეფასების გეგმა“ ნიშნავს დოკუმენტურ ანგარიშს, რომელიც მომზადებულია ოპერატორის მიერ ხელშეკრულების შესაბამისად და განსაზღვრავს ნავთობისა და გაზის ოპერაციებს, რომელთა ჩატარებასაც გეგმავს ოპერატორი ნავთობისა და გაზის რესურსების აღმოჩენის შემდეგ ბუდობის შემოკონტურების მიზნით და რეზერვუარის სიმძლავრის, ლატერალური გავრცელებისა და ნავთობისა და გაზის ამოსაღები რესურსების რაოდენობრივი შეფასების მიზნით. შეფასების გეგმა შეიძლება მოიცავდეს აგრეთვე გეოლოგიურ და გეოფიზიკურ კვლევებს, აეროფოტოგადაღებასა და სხვა გამოკვლევებს, ასევე შესაფასებელი და სხვა დანიშნულების ჭაბურღილების გაბურღვას;

ჰ³³. „შესაფასებელი ჭაბურღილი“ ნიშნავს ნებისმიერ ჭაბურღილს, რომელიც გაბურღულია შეფასების გეგმის განხორციელების პროცესში;

ჰ³⁴. „შესაბამისობის დასკვნა“ ნიშნავს გეგმის განხილვის შემდეგ სააგენტოს გადაწყვეტილებას იმის შესახებ, რომ ეს გეგმა შეესაბამება ხელშეკრულებას, საქართველოს კანონმდებლობასა და ამ წესებს;

ჰ³⁵. „წესები“ ნიშნავს წესებს მთლიანად ან მათ ნებისმიერ ნაწილს, რომელიც მიღებულია სააგენტოს მიერ და რეგისტრირებულია იუსტიციის სამინისტროში;

ჰ³⁶. „ძებნა-ძიების გეგმა“ ნიშნავს ოპერატორის მიერ ხელშეკრულების შესასრულებლად მომზადებულ დოკუმენტურ ანგარიშს, რომელშიც განსაზღვრულია ნავთობისა და გაზის ძებნა-ძიებასთან დაკავშირებული ის ოპერაციები, რომელთა განხორციელებასაც გეგმავს ოპერატორი ლიცენზიის პირობების შესაბამისად. გეგმა შეიძლება შეიცავდეს აეროფოტოგადაღებას, გეოლოგიურ, გეოფიზიკურ, სეისმიურ და სხვა კვლევებს, აგრეთვე სეისმური და სტრუქტურული ჭაბურღილების ბურღვას, სტრატიგრაფიულ კვლევებს და ძებნითი და ძიებითი ჭაბურღილების ბურღვას, რაც შეესაბამება ოპერატორის მიერ ხელშეკრულების შესაბამისად მომზადებულ სამუშაო პროგრამასა და ბიუჯეტს;

ჰ³⁷. „წინასწარი ღონისძიებები“ ნიშნავს ხელშეკრულებების გაფორმებას, მასალების შეკვეთას, დაგეგმვას, გარემოზე ზემოქმედების შეფასების სამუშაოებს და სხვა მსგავს ან მოსამზადებელ საქმიანობას, რომელიც არ ახდენს ფიზიკურ ზემოქმედებას სახელშეკრულებო ფართობზე;

ჰ³⁸. „ჯანმრთელობასა და უსაფრთხოებასთან დაკავშირებული მნიშვნელოვანი შემთხვევა“ ნიშნავს: ნავთობისა და გაზის ოპერაციების ჩატარების დროს მომხდარ უბედურ შემთხვევას, რომელმაც გამოიწვია სიკვდილი ან სერიოზული ტრავმა; ან ჯანმრთელობისა და უსაფრთხოების დაცვის მოწყობილობების მწყობრიდან გამოსვლა, რომელმაც გამოიწვია მსხვილი ეკოლოგიური ინციდენტი.

3. წესების II კარი ჩამოყალიბდეს შემდეგი რედაქციით:

„კარი II

უფლებამოსილების მინიჭება და საგარანტიო ვალდებულებები

თავი VIII

ზოგადი მოთხოვნები უფლებამოსილების მისაღებად

    მუხლი 18. განაცხადის წარდგენა და დამტკიცება

1. გარდა წინასწარი ღონისძიებებისა, IX თავში აღწერილი ნებისმიერი ოპერაციის დაწყებამდე ოპერატორმა უფლებამოსილების მისაღებად უნდა გააკეთოს განაცხადი ამ წესების II, V, VI, VIII, IX და XI კარების დებულებების შესაბამისად. ნებისმიერი ოპერაციის დაწყებამდე ოპერატორმა სააგენტოსგან უნდა მიიღოს წერილობითი შეტყობინება განაცხადის დამტკიცების შესახებ. განაცხადის დამტკიცება არ შეიძლება შეჩერდეს ან დაგვიანებულ იქნეს დაუსაბუთებლად. წერილობითი შეტყობინება შეიძლება გაიგზავნოს ოპერატორის მთავარ ოფისში ფოსტის, კურიერის, ელექტრონული ფოსტის, ფაქსის ან სხვა ისეთი საშუალებით, რომელიც იძლევა დოკუმენტის ასლის მიღების შესაძლებლობას. სააგენტოს სიტყვიერ თანხმობას მაშინვე უნდა მიჰყვეს წერილობითი თანხმობა, რომელიც უნდა გაეგზავნოს ოპერატორის მთავარ ოფისს. სააგენტოს მიერ კონკრეტული უფლებამოსილების მინიჭებაზე შემოსული განაცხადის დამტკიცების წერილობითი შეტყობინება წარმოადგენს თვით უფლებამოსილების მინიჭების დამადასტურებელ საბუთს.

2. სააგენტოს უფლება აქვს უარყოს განაცხადი მხოლოდ წერილობითი ფორმით და კონკრეტული მიზეზის დასახელებით.

3. თუ სააგენტო არაფერს არ მოიმოქმედებს განაცხადის დამტკიცებასთან დაკავშირებით ამ წესებით განსაზღვრულ ვადებში, განაცხადი ჩაითვლება დამტკიცებულად და, შესაბამისად, უფლებამოსილებამინიჭებულად. თუ წესებით განსაზღვრული არ არის განაცხადის დამტკიცების ვადები, მაშინ უფლებამოსილების მინიჭებაზე განაცხადის მიღებიდან სააგენტოს პასუხამდე დგინდება ათ (10)-დღიანი ვადა.

    მუხლი 19. უფლებამოსილების ვადა

თუ II კარის შესაბამისად ნებადართული ოპერაციები არ დაიწყო უფლებამოსილების მინიჭებიდან ერთი (1) წლის განმავლობაში, ასეთი უფლებამოსილება ითვლება ძალადაკარგულად. ეს მოთხოვნა არ ვრცელდება დროის იმ პერიოდზე, რომლის განმავლობაშიც ოპერატორი იმყოფება ფორს-მაჟორულ სიტუაციაში, როგორც ეს აღწერილია ხელშეკრულებაში, შესაბამისად, ფორს-მაჟორულ მდგომარეობაში ყოფნის დრო არ უნდა შევიდეს ზემოთ ხსენებულ ერთწლიან პერიოდში.

თავი IX

უფლებამოსილების მინიჭების სპეციალური მოთხოვნები

    მუხლი 20. უფლებამოსილება საველე გეოფიზიკურ ოპერაციებზე

1. საველე გეოფიზიკურ სამუშაოებზე უფლებამოსილების მისაღებად წარდგენილი განაცხადი, საჭიროებისამებრ, უნდა შეიცავდეს შემდეგ ინფორმაციას:

ა) განცხადებას საველე გეოფიზიკურ სამუშაოებზე უფლებამოსილების გაცემის თაობაზე;

ბ) საველე გეოფიზიკური სამუშაოების შემსრულებელი მენარდის დასახელებას და მუდმივ მისამართს;

გ) ყველა დაგეგმილი საქმიანობის დეტალურ აღწერას, ხელშეკრულების შესაბამისად;

დ) საზღვაო სამუშაოებისათვის – გემის ტიპს, რომლის მეშვეობით ჩატარდება სამუშაოები; გემის დასახელებას, სარეგისტრაციო ნომერს, გემის მფლობელის ვინაობას რეესტრის მიხედვით;

ე) სამუშაოების დაწყებისა და დასრულების სავარაუდო ვადებს;

ვ) პროექტის აღწერას, კვლევის მეთოდის დახასიათებას სეისმური ენერგიის წყაროს ჩათვლით;

ზ) მონაცემების შეგროვებისა და დამუშავების მეთოდს;

თ) სამუშაოების შესასრულებლად შერჩეული ადგილის აღწერილობას შესაბამისი გეგმის დართვით; გეგმაზე უნდა იქნეს დატანილი ტერიტორიის კოორდინატები, ადვილად დასანახი ათვლის წერტილი ნაპირზე (ზღვაზე მიმდინარე სამუშაოების შემთხვევაში), მანძილი და მიმართულება ათვლის წერტილიდან სამუშაოების ჩატარების ტერიტორიამდე და საკვლევი ტერიტორიის სქემას;

ი) გამოსაყენებელი მოწყობილობა-დანადგარებისა და კვლევის მეთოდების დეტალურ აღწერილობას;

კ) ფეთქებადი მუხტისა და სადაც შესაძლებელია, ფეთქებადი ნივთიერებების ტიპის მიახლოებით რიცხვს და მანძილს სეისმური სიგნალის წყაროებს შორის;

ლ) წარმოდგენილი სამუშაოების შედეგად გარემოზე პოტენციურად მავნე ზემოქმედების დეტალურ აღწერას და ზომებს, რომლებიც მიღებული იქნება ასეთი ზემოქმედების მინიმუმამდე დასაყვანად;

მ) კერძო მიწის მესაკუთრეებისათვის კომპენსაციის ანაზღაურების პირობებს გეოფიზიკური სამუშაოების წარმოების დროს მიწის ფართობისათვის მიყენებული დაზიანებისათვის;

ნ) ჩასატარებელი სამუშაოების ხარჯთაღრიცხვას.

2. ოპერატორის მიერ საველე-გეოფიზიკურ სამუშაოებზე უფლებამოსილების მისაღებად განაცხადის გაკეთების მომენტიდან თხუთმეტი (15) დღის განმავლობაში სააგენტომ უნდა გაანალიზოს განაცხადი და წერილობითი ფორმით შეატყობინოს ოპერატორს გადაწყვეტილება იმის შესახებ, შეესაბამება თუ არა განაცხადი ხელშეკრულებას, კანონს, დამტკიცებულ გეგმას და წესების დებულებებს.

3. იმ შემთხვევაში, თუ ოპერაციების განსახორციელებლად საჭირო მოწყობილობები და პერსონალი უკვე იმყოფება სახელშეკრულებო ფართობზე, სააგენტომ წერილობით ან სიტყვერად უნდა აცნობოს თავისი გადაწყვეტილების თაობაზე ოპერატორს, განაცხადის მიღების მომენტიდან ოცდაოთხი (24) საათის განმავლობაში.

    მუხლი 21. უფლებამოსილება ჭაბურღილის ბურღვაზე

1. პარამეტრული, ძებნითი, საძიებო, საექსპლუატაციო და საჭირხნი ან სხვა ჭაბურღილების ბურღვის უფლებამოსილების მისაღებად გაკეთებული განაცხადები უნდა შეიცავდნენ 78-ე მუხლის გათვალისწინებულ ინფორმაციას და სადაც შესაძლებელია, 205-ე მუხლში მოთხოვნილ ინფორმაციას.

2. სააგენტომ უნდა განიხილოს და მიიღოს გადაწყვეტილება უფლებამოსილების მინიჭებაზე შეტანილ განაცხადთან დაკავშირებით ამ წესების 79-ე მუხლის შესაბამისად.

    მუხლი 22. უფლებამოსილება ჭაბურღილის მნიშვნელოვან კაპიტალურ რემონტზე და ახალი ჰორიზონტის ათვისებაზე

1. ჭაბურღილის მნიშვნელოვანი კაპიტალური რემონტისა და ახალი ჰორიზონტის ათვისების უფლებამოსილებაზე გაკეთებული განაცხადი უნდა შეიცავდეს 83-ე მუხლში მოთხოვნილ ინფორმაციას.

2. სააგენტომ უნდა განიხილოს და მიიღოს გადაწყვეტილება ამ განაცხადთან დაკავშირებით წესების 84-ე მუხლის შესაბამისად.

    მუხლი 23. უფლებამოსილება საზღვაო მშენებლობაზე

1. განაცხადები ზღვის პლატფორმების მშენებლობასა და არსებული საზღვაო პლატფორმების მნიშვნელოვან მოდერნიზაციაზე უნდა შეიცავდეს 213-ე მუხლის მე-2 – მე-5 პუნქტებში მოთხოვნილ ინფორმაციას.

2. სააგენტომ უნდა განიხილოს და მიიღოს გადაწყვეტილება შეტანილ განაცხადთან დაკავშირებით წესების XXIX თავისა და 214-ე მუხლის შესაბამისად.

    მუხლი 24. უფლებამოსილება ლიკვიდაციაზე

1. განაცხადი ლიკვიდაციის უფლებამოსილებაზე უნდა შეიცავდეს 88-ე მუხლით მოთხოვნილ ინფორმაციას.

2. სააგენტომ უნდა განიხილოს და მიიღოს გადაწყვეტილება განაცხადთან დაკავშირებით წესების 88-ე მუხლის მე-2 პუნქტის შესაბამისად.

    მუხლი 25. უფლებამოსილება ნავთობისა და გაზის ნარჩენების ჩაჭირხვნაზე

1. 161-ე და 192-ე მუხლების შესაბამისად, განაცხადში ნავთობისა და გაზის ნარჩენების ჩაჭირხვნის უფლებამოსილებაზე, სადაც შესაძლებელია, მოცემული უნდა იყოს:

ა) ჭაბურღილის დასახელება და ნომერი სამაგრი კოლონისა და სატუმბო-საკომპრესორო მილების კონსტრუქციის მოკლე აღწერილობით;

ბ) ჩასაჭირხნი ფლუიდების ტიპი, მოცულობა და მიღების წყარო;

გ) მტკნარი ან სამკურნალო წყლის და აღმოჩენილი კომერციული ან პოტენციურად კომერციული გეოთერმული რესურსების შემცველი ყველაზე ღრმა ფენის საგების სიღრმე;

დ) ჩაჭირხნის ინტერვალი და ფენის დასახელება (მისი არსებობის შემთხვევაში), რომელშიც ჩაიჭირხნება თხევადი ნივთიერებები;

ე) ჩაჭირხნის მეთოდი (სატუმბ-საკომპრესორო მილების, სამაგრი კოლონისა და ა.შ. საშუალებით);

ვ) ჩაჭირხნის მოსალოდნელი ყოველდღიური მოცულობა და ჩაჭირხვნის წნევა.

2. ოპერატორის მიერ ნავთობისა და გაზის ნარჩენების ჩაჭირხვნის უფლებამოსილების განაცხადის გაკეთებიდან ოცდაათი (30) დღის განმავლობაში, სააგენტომ უნდა გააანალიზოს იგი და წერილობითი ფორმით აცნობოს ოპერატორს უფლებამოსილების მინიჭების შესახებ იმ შემთხვევაში, თუ განაცხადი შეესაბამება ხელშეკრულებას, კანონს, ამ წესებსა და დამტკიცებულ გეგმას.

    მუხლი 26. უფლებამოსილება ნავთობისა და გაზის ნარჩენების განთავსებაზე

1. 156-ე და 192-ე მუხლების შესაბამისად, განაცხადებში ნავთობისა და გაზის ნარჩენების განთავსების უფლებამოსილებაზე, სადაც შესაძლებელია მოცემული უნდა იყოს:

ა) ნავთობისა და გაზის გასატანი ნარჩენების ტიპი და მოსალოდნელი მოცულობა;

ბ) ნარჩენების წარმომქმნელი წყაროს ტიპი და დასახელება;

გ) იმ ტერიტორიის გეგმა, სადაც განხორციელდება ნარჩენების განთავსება;

დ) ნარჩენების გაუვნებელყოფის ნაგებობების და, სადაც შესაძლებელია გაუვნებელყოფის მეთოდების აღწერა.

2. ოპერატორის მიერ ნავთობისა და გაზის ნარჩენების განთავსების უფლებამოსილების განაცხადის გაკეთებიდან ოცდაათი (30) დღის განმავლობაში, სააგენტომ უნდა გააანალიზოს და აცნობოს ოპერატორს წერილობითი ფორმით განაცხადის შესაბამისობის შესახებ დამტკიცებულ გეგმასთან, ამ წესების დებულებებთან, ხელშეკრულებასა და კანონთან მიმართებაში.

    მუხლი 27. უფლებამოსილება ნავთობისა და გაზის ნარჩენების უტილიზაციის ობიექტის მოწყობაზე

1. განაცხადი ნავთობისა და გაზის ნარჩენების უტილიზაციის ობიექტის მოწყობაზე უნდა შეიცავდეს ინფორმაციას, რომელიც მოთხოვნილია 158-ე მუხლში.

2. ოპერატორის მიერ ნავთობისა და გაზის ნარჩენების უტილიზაციის ობიექტის მოწყობაზე განაცხადის გაკეთებიდან ოცდაათი (30) დღის განმავლობაში, სააგენტომ უნდა გააანალიზოს და წერილობითი ფორმით აცნობოს ოპერატორს, შეესაბამება თუ არა განაცხადი ხელშეკრულებას, კანონს, ამ წესებს და დამტკიცებულ გეგმას. ოპერატორს შეუძლია წარადგინოს ამ თავში მოთხოვნილი ინფორმაცია, როგორც გეგმის ნაწილი და შესაბამისობის დასკვნა ამ გეგმასთან მიმართებაში იქნება თვით უფლებამოსილება.

    მუხლი 28. უფლებამოსილება გაზის დაწვასა და/ან ატმოსფეროში გაფრქვევაზე

1. XXXVIII და XXXIX თავების შესაბამისად, განაცხადი გაზის დაწვასა და/ან ატმოსფეროში გაფრქვევაზე, სადაც შესაძლებელია უნდა შეიცავდეს:

ა) გაზის დაწვისა და/ან ატმოსფეროში გაფრქვევის მიზეზს;

ბ) იმ ტერიტორიის / ნაგებობების დასახელებას და ადგილმდებარეობას, სადაც მოხდება გაზის დაწვა და/ან ატმოსფეროში გაფრქვევა;

გ) დასაწვავი ან ატმოსფეროში გასაფრქვევი გაზის მოსალოდნელ მოცულობას და წვის ან გაფრქვევის ხანგრძლივობას;

დ) დამწვარი ან აალებული გაზის რაოდენობას გამოსახულს ბრიტანეთის თბურ ერთეულში (თ) და დასაწვავი ან გასაფრქვევი გაზის არამეთანური წარმოშობის კომპონენტებს.

2. სააგენტომ უნდა განიხილოს და მიიღოს გადაწყვეტილება გაზის დაწვისა და/ან ატმოსფეროში გაფრქვევის უფლებამოსილებაზე გაკეთებულ განაცხადთან დაკავშირებით წესების 133-ე მუხლის შესაბამისად.

თავი X

საგარანტიო ვალდებულებების წარდგენის მოთხოვნები

    მუხლი 29. ზოგადი მოთხოვნები

1. თუ მე-4 მუხლით გათვალისწინებული არ არის რაიმე სხვა პირობა, სააგენტოს შეუძლია მოსთხოვოს ოპერატორს წარმოადგინოს საგარანტიო ვალდებულება (ბე ან თამასუქი), ან ვალდებულებები, რომლებიც იძლევა ოპერატორის მიერ ხელშეკრულებისა და ამ წესებით გათვალისწინებული იმ ვალდებულებების შესრულების გარანტიას, რაც დაკავშირებუილია ნავთობისა და გაზის ნაგებობათა ლიკვიდაციასთან და ექსპლუატაციიდან გამოყვანასთან, ჭაბურღილების ლიკვიდაციის, პლატფორმების დემონტაჟის, ნავთობისა და გაზის ოპერაციების მავნე ზემოქმედებით დაბინძურებული ზედაპირული წყლის გაწმენდის და მიწის რეკულტივაციის, მოწყობილობისა და ნაგებობების სახელშეკრულებო ფართობიდან გატანის ჩათვლით შემდეგ ვადებში:

ა) სააგენტოს მიერ წარდგენილი გეგმის დამტკიცების შემდეგ ორმოცდახუთ (45) დღეში;

ბ) ამ წესების ამოქმედებიდან ას ოცი (120) დღის განმავლობაში, ნებისმიერი არსებული ხელშეკრულებისათვის, რომლის შესაბამისადაც დამტკიცდა გეგმა.

2. მოთხოვნილი საგარანტიო ვალდებულების წარდგენა არ არის საჭირო, თუ:

ა) ოპერატორი მთელი ფართობისათვის წარმოადგენს კვალიფიციური გარანტორის მიერ სააგენტოსთან შეთანხმებული ოდენობით გაცემულ საგარანტიო ვალდებულებას, რომელიც უზრუნველყოფს ოპერატორის მიერ საქართველოში დადებული ყველა ხელშეკრულების ყველა პირობის შესრულებას;

ბ) ხელშეკრულების შესაბამისად ოპერატორს მოეთხოვება გახსნას (ან სააგენტო ეთანხმება, რომ გაიხსნას) სალიკვიდაციო ანგარიში ასეთი საგარანტიო ვალდებულების ნაცვლად, 31-ე მუხლის შესაბამისად;

გ) ასეთი ვალდებულების ნაცვლად, სააგენტო მიიღებს მესამე მხარის გარანტიას ან აკრედიტივს 32-ე მუხლის შესაბამისად.

    მუხლი 30. სხვა მოთხოვნები

1. ნებისმიერი ვალდებულება ან სხვა გარანტია, წარდგენილი II კარის თანახმად, უნდა:

ა) ექვემდებარებოდეს სააგენტოს სასარგებლოდ თანხის გადახდას საგარანტიო ვალდებულებების შეუსრულებლობის შემთხვევაში;

ბ) უზრუნველყოფდეს ერთობლივ ან ინდივიდუალურ ლიკვიდაციასთან დაკავშირებით ოპერატორის, მისი პარტნიორების ან აფილირებული კომპანიის ყველა ვალდებულების შესრულებას ხელშეკრულების ან ხელშეკრულებების შესაბამისად.

2. ამ კარის მიხედვით გათვალისწინებული ნებისმიერი საგარანტიო ვალდებულების წარდგენა ხდება სააგენტოს მიერ დამტკიცებული ფორმით. საგარანტიო ვალდებულება უნდა გაიცეს სააგენტოსთვის მისაღები გარანტორის მიერ.

3. საგარანტიო ვალდებულებები გამოშვებულ უნდა იქნეს გაუქმების უფლების გარეშე, გარდა იმ შემთხვევებისა, რომლებიც გათვალისწინებულია 33-ე მუხლში.

4. როცა სახელშეკრულებო ფართობზე მდებარე ჭაბურღილები და ნაგებობები სათანადოდ იქნება ლიკვიდირებული, ოპერატორს შეუძლია მიმართოს სააგენტოს საგარანტიო ვალდებულებების რაოდენობის შემცირების უფლების მოსაპოვებლად.

    მუხლი 31. სალიკვიდაციო ანგარიშები

1. ხელშეკრულების შესაბამისად ოპერატორს შეიძლება დაევალოს გახსნას სალიკვიდაციო საპროცენტო ანგარიში იმ საგარანტიო ვალდებულებების მაგიერ, რომლებიც შეიძლება მოთხოვნილ ყოფილიყო 29-ე მუხლის ძალით. ერთობლივი ანგარიში იხსნება სააგენტოსა და ოპერატორის სახელზე საერთაშორისო სტატუსის მქონე ბანკში. სახსრები კონკრეტული ხელშეკრულებისათვის გახსნილ სალიკვიდაციო ანგარიშზე შეტანილ უნდა იქნეს ოპერატორის მიერ ხელშეკრულების მოთხოვნებიდან გამომდინარე, ლიკვიდაციისა და ექსპლუატაციიდან გამოყვანის ვალდებულებების შესასრულებლად. სალიკვიდაციო ანგარიშები პერიოდულად უნდა დაფინანსდეს ოპერატორის მიერ ნავთობისა ან გაზის საბადოს ექსპლუატაციის განმავლობაში ისეთი მოცულობით, რომელიც ბანკის საპროცენტო განაკვეთის ჩათვლით, ლიკვიდაციის თარიღისათვის, ტოლი იქნება საბადოს ლიკვიდაციისათვის საჭირო გაანგარიშებითი ხარჯებისა.

2. თუ სააგენტო გადაწყვეტს ჭაბურღილის მიღებას ამ წესების 90-ე მუხლის შესაბამისად, მაშინ ასეთი ჭაბურღილის სალიკვიდაციო თანხები უნდა გადაეცეს სააგენტოს ჭაბურღილის საბოლოო ლიკვიდაციისა და ჩახშობისათვის.

3. თუ ხელშეკრულების სალიკვიდაციო ანგარიშებთან დაკავშირებული დებულებები ეწინააღმდეგება ამ მუხლის დებულებებს, მაშინ გამოიყენება ხელშეკრულების დებულებები.

    მუხლი 32. გარანტიები და აკრედიტივები

სააგენტოს, თავისი შეხედულებისამებრ, უფლება აქვს მიიღოს გარანტია ან აკრედიტივი მესამე მხარისაგან ან ძირითადი კომპანიისაგან ნებისმიერი საგარანტიო ვალდებულების ან ვალდებულებების ნაცვლად, რომლებიც შეიძლება მოთხოვნილ იქნეს 29-ე მუხლის შესაბამისად.

    მუხლი 33. მოქმედების შეწყვეტა

1. როდესაც გარანტიის მიმცემი მოითხოვს გაცემული საგარანტიო ვალდებულებით ვალის მოქმედების ვადის შეწყვეტას, სააგენტო წყვეტს ასეთი ვალდებულებების მოქმედების ვადას და მოითხოვს ოპერატორისაგან შემცვლელი საგარანტიო ვალდებულების წარდგენას ეკვივალენტურ თანხით. ვალის მოქმედების ვადის შეწყვეტა არ ათავისუფლებს გარანტიის მიმცემს საგარანტიო ვალდებულებისა თუ დავალიანებისაგან, რომელთა შესრულების ვადა დადგა ვალდებულების მოქმედების ვადის გასვლამდე.

2. გასაუქმებელი ან გამოსაშვები საგარანტიო ვალდებულებები შეიძლება შეიცავდეს ვალდებულებებს, რომლებიც უნდა შესრულებულიყო გაუქმების დაწესებულ თარიღამდე, თუ:

ა) სააგენტო დაადგენს, რომ არ დარჩენილა სალიკვიდაციო ვალდებულება;

ბ) ოპერატორი წარადგენს შემცვლელ საგარანტიო ვალდებულებას, რომელიც შეიცავს გასაუქმებელი საგარანტიო ვალდებულების ყველა სალიკვიდაციო დავალიანებას.

    მუხლი 34. თანხის მოთხოვნა საგარანტიო ვალდებულებების საფუძველზე

1. სააგენტო მოითხოვს მთლიანი საგარანტიო ვალდებულების ან მისი ნაწილის შესრულებას, თუ:

ა) ოპერატორი უარს ამბობს ან სააგენტო გადაწყვეტს, რომ ოპერატორს, ფინანსური ან ტექნიკური მიზეზების გამო არ ძალუძს ხელშეკრულების რომელიმე პირობის შესრულება, რომელიც დაკავშირებულია საგარანტიო ვალდებულებასთან;

ბ) ოპერატორი არ ასრულებს რომელიმე პირობას, რომლის საფუძველზეც მოხდა ვალდებულების ან გარანტიის სხვა ფორმით გაცემა.

2. სააგენტო ვალდებულია წერილობითი ფორმით აცნობოს ოპერატორს, გარანტიის გამცემს ან გარანტიის გამცემ მესამე მხარეს, საგარანტიო ვალდებულებით განსაზღვრული თანხის მოთხოვნის შესახებ. ეს შეტყობინება უნდა შეიცავდეს მოთხოვნის მიზეზსა და თანხის ოდენობას. მოთხოვნილი თანხა განისაზღვრება იმ კორექტირებული მოქმედებების საერთო სავარაუდო ღირებულების საფუძველზე, რომელიც მიმართულია ხელშეკრულების პირობების შესრულებაზე. შეტყობინება უნდა უზრუნველყოფდეს მოთხოვნის თავიდან არიდების შესაძლებლობას, თუ 10 სამუშაო დღის განმავლობაში ოპერატორი, გარანტი ან გარანტორი თანხმდებიან ხელშეკრულების პირობების შესრულებაზე სააგენტოს მიერ დაგენილ ვადებში.

3. თუ ვალდებულებით ან სხვა გარანტიით ინკასირებული თანხა გადააჭარბებს გამოსასწორებელი ქმედებებისა და ხელშეკრულების ყველა პირობისა და დებულების შესასრულებლად საჭირო თანხას, მაშინ სააგენტო უბრუნებს ზედმეტ თანხას იმ მხარეს, რომლისგანაც ის მიიღო.

    მუხლი 35. განაცხადების შეტანის მისამართი

ყოველი განაცხადი უფლებამოსილების მინიჭებაზე უნდა გაიგზავნოს ფოსტით ან მიტანილ უნდა იქნეს შემდეგ მისამართზე: ნავთობისა და გაზის ეროვნული სააგენტო, ყაზბეგის გამზირი 47, 0177, თბილისი, საქართველო.

4. 42-ე მუხლის „ბ“ ქვეპუნქტი ჩამოყალიბდეს შემდეგი რედაქციით:

„ბ. ძებნა-ძიების გეგმით გათვალისწინებული თითოეული სახის ოპერაციის ხარჯთაღრიცხვა და ამ ხარჯების გაწევის გრაფიკი“.

5. 49-ე მუხლი ჩამოყალიბდეს შემდეგი რედაქციით:

 „მუხლი 49. ძებნა-ძიების გეგმაზე სააგენტოს დასკვნის შემდგომ გაკეთებული განაცხადები უფლებამოსილების მინიჭებაზე

იმ შემთხვევაში, თუ სააგენტომ გამოიტანა დასკვნა 44-ე მუხლის შესაბამისად, მაშინ ასეთი დასკვნა არ იმოქმედებს ოპერატორის მიერ დასამუშავებელ ფართობზე სხვა კონკრეტული ნავთობისა და გაზის ოპერაციის წარმართვის უფლებამოსილების მინიჭებაზე შეტანილი განაცხადის განხილვაზე. ასეთი განაცხადი უფლებამოსილების მინიჭებაზე განიხილება მხოლოდ მასში წარდგენილი ინფორმაციის საფუძველზე და გადაწყვეტილება მიიღება ამ წესების შესაბამისად.“.

6. 57-ე მუხლის „გ“ ქვეპუნქტი ჩამოყალიბდეს შემდეგი რედაქციით:

„გ“ შეფასების გეგმით გათვალისწინებული თითოეული სახის ოპერაციის ხარჯთაღრიცხვას და ამ ხარჯების გაწევის გრაფიკს;“.

7. 64-ე მუხლი ჩამოყალიბდეს შემდეგი რედაქციით:

    „მუხლი 64. შეფასების გეგმაზე სააგენტოს დასკვნის შემდგომ გაკეთებული განაცხადები უფლებამოსილების მინიჭებაზე

იმ შემთხვევაში, თუ სააგენტომ გააკეთა დასკვნა შესაბამისობის შესახებ ამ კარის 58-ე მუხლის თანახმად, მაშინ ასეთი დასკვნა არ იმოქმედებს სხვა კონკრეტული საქმიანობის უფლებამოსილების მისაღებად შეტანილი განაცხადის სააგენტოს მიერ განხილვაზე და ასეთი განაცხადი უფლებამოსილების მიღებაზე განიხილება მხოლოდ მასში წარდგენილი ინფორმაციის საფუძველზე და გადაწყვეტილება მიიღება ამ წესების შესაბამისად. თუ ოპერატორი გადაწყვეტს დამატებითი საძიებო ჭაბურღილების გაბურღვას და სამუშაო ფართობზე განკარგულებაში ექნება საბურღი მოწყობილობა, გამოიყენება ამ წესების 79-ე მუხლში აღწერილი სასწრაფო დამტკიცების პროცედურა.“.

8. 66-ე მუხლის პირველი პუნქტი ჩამოყალიბდეს შემდეგი რედაქციით:

„1. თუ მე-4 მუხლით გათვალისწინებული არ არის რაიმე განსხვავებული პირობა, მაშინ შეფასების გეგმით გათვალისწინებული სამუშაოების დამთავრებიდან ოთხმოცდაათი (90) დღის განმავლობაში, ოპერატორმა უნდა მოამზადოს და წარუდგინოს სააგენტოს დოკუმენტური ანგარიში შეფასების გეგმის შესრულების შედეგებზე, შესაბამისი მონაცემებით და ანალიზით, რომლებიც შეიძლება მოიცავდეს, მაგრამ არ შემოიფარგლებოდეს: ნავთობგაზიანი ბუდობის კონტურებს, რომელთანაც დაკავშირებულია აღმოჩენა, ნავთობგაზიანი ფენების სიმძლავრის, მათი ლატერალური გავრცელებისა და ნავთობისა და გაზის პირველადი და ამოსაღები მარაგების შეფასების ჩათვლით, შეფასების გეგმით გათვალისწინებული სამუშაოების ფაქტობრივ ხარჯებს; აგრეთვე, ოპერატორის მოსაზრებას იმის შესახებ, აქვს თუ არა აღმოჩენას კომერციული მნიშვნელობა.“.

9. ა) 78-ე მუხლის პირველი პუნქტი ჩამოყალიბდეს შემდეგი რედაქციით:

„1. განაცხადი ჭაბურღილის ბურღვის უფლებამოსილების მინიჭებაზე უნდა შეიცავდეს შემდეგ ინფორმაციას:

ა) ჭაბურღილის პირისა და სანგრევის ჰორიზონტალური პროექციის გეგმას მათი მდებარეობის, გრძედისა და განედის მითითებით, სეკუნდის მეასედების სიზუსტით;

ბ) ტერიტორიის დასახელებას, ბლოკის ნომერს, ჭაბურღილის დასახელებას და ნომერს;

გ) წყლის სიღრმეს ან წყლის ზედაპირის ნიშნულს;

დ) თუ შესაძლებელია, საბურღი დანადგარის დასახელებას და ტიპს;

ე) ბურღვის დაწყების მოსალოდნელ თარიღს;

ვ) იარაღის სიგრძით გამოსახულ ჭაბურღილის საერთო სიღრმეს და ფაქტობრივ ვერტიკალურ სიღრმეს;

ზ) ინტერპრეტირებულ და თუ შესაძლებელია მიგრირებულ სეისმურ პროფილებს, რომლებიც მდებარეობენ ჭაბურღილის სიახლოვეს;

თ) ვერტიკალური ან დახრილი ჭაბურღილის ჭრილს და ჰორიზონტალურ პროექციას.“.

ბ) 78-ე მუხლის მე-2 პუნქტს დაემატოს „ი“ ქვეპუნქტი და ჩამოყალიბდეს შემდეგი რედაქციით:

„2. განაცხადი ასევე უნდა შეიცავდეს ბურღვის პროგრამას, რომელშიც წარმოდგენილი უნდა იყოს:

ა) ჭაბურღილების კონსტრუქციის იმ კრიტერიუმების მოკლე აღწერილობა, რომლებიც ოპერატორის აზრით, მნიშვნელოვანია ჭაბურღილის კონტროლისათვის;

ბ) ამოფრქვევის საწინაღმდეგო მოწყობილობის სისტემის მოკლე აღწერილობა;

გ) ჭაბურღილის სამაგრი მილებით გამაგრების პროგრამის მოკლე აღწერილობა;

დ) ცნობილი მიწისქვეშა წყლების ადგილმდებარეობისა და ხასიათის მოკლე აღწერილობა;

ე) გეოლოგიური პროგნოზი;

ვ) საბურღი ხსნარების პროგრამის მოკლე აღწერილობა;

ზ) გოგირდწყალბადის (H₂S) არსებობის პირობებში მუშაობის გეგმა, თუ ასეთ პირობებში მუშაობა შესაძლებელია და თუ ასეთი გეგმა ადრე არ ყოფილა წარდგენილი;

თ) ჭაბურღილის კატეგორიის მითითება (საძიებო, შემფასებელი, საექსპლუატაციო ან სხვა) და მათი შესატყვისობა გეგმასთან;

ი) ხარჯთაღრიცხვა.“.

10. 83-ე მუხლის პირველი პუნქტი ჩამოყალიბდეს შემდეგი რედაქციით:

„1.განაცხადი მნიშვნელოვან კაპიტალურ რემონტსა და ახალი ჰორიზონტის ათვისებაზე უფლებამოსილების მისაღებად უნდა შეიცავდეს:

ა) ჭაბურღილის დასახელებას და ნომერს, ჭაბურღილის კაპიტალური რემონტის ჩატარების მიმდინარეობის მოკლე აღწერილობას, ჭაბურღილის პირზე მოსალოდნელი წნევისა და ჭაბურღილის კაპიტალური რემონტისათვის საჭირო ხსნარის ტიპისა და სიმკვრივის შესახებ მონაცემების ჩათვლით;

ბ) ჭაბურღილის სქემატურ ნახატს, იმ შემთხვევაში, როცა გათვალისწინებულია ცვლილებების შეტანა მიწისქვეშ არსებული მოწყობილობის კონსტრუქციაში, სარემონტო ზონისა და რემონტისას გამოსაყენებელი ახალი მოწყობილობის მითითებით;

გ) წესების 183-ე მუხლით მოთხოვნილ ინფორმაციას, როცა ათვისება მიმდინარეობს გოგირდწყალბადის (H₂S) შემცველობის ზონაში.“.

11. 84-ე მუხლი ჩამოყალიბდეს შემდეგი რედაქციით:

    „მუხლი 84. ჭაბურღილის მნიშვნელოვანი კაპიტალური რემონტის და ახალი ჰორიზონტის ათვისების უფლებამოსილებაზე განაცხადის დამტკიცების პროცედურა

თუ განაცხადი შეესაბამება ხელშეკრულებას, კანონს, ამ წესებსა და გეგმას, მაშინ ოპერატორის მიერ მნიშვნელოვანი კაპიტალური რემონტისა და ახალი ჰორიზონტის ათვისების უფლებამოსილებაზე განაცხადის წარმოდგენიდან თხუთმეტი (15) დღის განმავლობაში, სააგენტომ უნდა გააანალიზოს და წარუდგინოს ოპერატორს წერილობითი შეტყობინება უფლებამოსილების მინიჭების თაობაზე. გამონაკლის შემთხვევებში, როდესაც განაცხადი ვერ გაკეთდებოდა უფრო ადრე, ხოლო ოპერაციების ჩატარების დროს აუცილებელია სახელშეკრულებო ფართობზე მდებარე საბურღი დაზგის, კაპიტალური რემონტის დანადგარის, ხვეული სატუმბ-საკომპრესორო მილების, წნევის პირობებში მილების ჭაბურღილში ჩასაშვები მოწყობილობისა, ან ჭაბურღილისშიგა მოწყობილობასთან, სამუშაო დანადგარის გამოყენება, სააგენტომ უნდა წარუდგინოს ოპერატორს წერილობითი ან ზეპირი შეტყობინება უფლებამოსილების მინიჭების შესახებ, განაცხადის გაკეთებიდან ოცდაოთხი (24) საათის განმავლობაში.“.

12. 88-ე მუხლის პირველი პუნქტი ჩამოყალიბდეს შემდეგი რედაქციით:

„1. განაცხადი ლიკვიდაციის უფლებამოსილების მინიჭებაზე უნდა შეიცავდეს:

ა) ჭაბურღილის დასახელებას და ნომერს, ასევე განცხადებას, რომელშიც დეტალურად იქნება ჩამოყალიბებული ლიკვიდაციის მიზეზები, დამადასტურებელი კაროტაჟული დიაგრამებისა და ფენის გამოცდის მონაცემების ჩათვლით;

ბ) სალიკვიდაციო პროცედურების სქემატური და მოკლე აღწერილობას, მათ შორის: ჩახშობის, დაცემენტების, სამაგრი კოლონის ამოღების და სხვა საჭირო ინფორმაციასთან ერთად;

გ) სალიკვიდაციო ნაგებობების აღწერას, ხმელეთის ყველა იმ უბნის რეკულტივაციის გეგმითურთ, საიდანაც აღებული იქნება ნაგებობები.“.

13. 89-ე მუხლი ჩამოყალიბდეს შემდეგი რედაქციით:

    „მუხლი 89. ჭაბურღილის კონსერვაცია

ჭაბურღილის კონსერვაციაზე უფლებამოსილების მინიჭების განაცხადის წარდგენისა და სააგენტოს მიერ მისი დამტკიცების შემდეგ 88-ე მუხლის თანახმად, ოპერატორს შეუძლია მიიღოს გადაწყვეტილება ჭაბურღილის კონსერვაციის (დროებითი მიტოვება) შესახებ. დაკონსერვებული ჭაბურღილების სტატუსის შესანარჩუნებლად ოპერატორმა ყოველი კალენდარული წლის ბოლოს უნდა წარუდგინოს სააგენტოს ანგარიში, რომელიც შეიცავს ჭაბურღილების რემონტისა და მათი ლიკვიდაციის გეგმებს, ან მათი კონსერვაციის სხვა პირობებს.“.

14. 159-ე მუხლი ჩამოყალიბდეს შემდეგი რედაქციით:

    „მუხლი 159. ნარჩენების მოცილება-გაუვნებლებისათვის საჭირო ობიექტის მოწყობის უფლებამოსილების მისაღები განაცხადის შინაარსი

ნავთობისა და გაზის ნარჩენების მოცილება-გაუვნებლებისათვის საჭირო ობიექტის მოწყობის უფლებამოსილების მისაღებად წარდგენილი განაცხადი, უნდა შეიცავდეს:

ა) ოპერატორის ვინაობას, მისამართს, ტელეფონისა და ფაქსის ნომრებს და უფლებამოსილი საკონტაქტო პირის ვინაობას;

ბ) ნავთობისა და გაზის ნარჩენების მოცილება-გაუვნებლების ობიექტისთვის განკუთვნილი ტერიტორიის გეგმას, რომელზედაც ნაჩვენები უნდა იქნეს სადრენაჟო ქსელები და ნებისმიერი გასადენები დამჭერი მოწყობილობებიდან და ისეთი ნაგებობებიდან, როგორებიცაა გზები, შემოღობვები, რეზერვუარები, თხრილები, შენობები და სხვა სამშენებლო კონსტრუქციები;

გ) ნავთობისა და გაზის ნარჩენების ნებისმიერი სახეობის რაოდენობას, რომელსაც მიიღებს ობიექტი და გადაამუშავებს ყოველკვარტალურად, ასევე, ნარჩენების ყოველი ტიპის მახასიათებლებს;

დ) ექსპლუატაციის გეგმას, მათ შორის, შეზღუდვის გარეშე, დამუშავების მეთოდის აღწერილობას, ობიექტის სამუშაო დატვირთვის მოსალოდნელ მოცულობას, მკვებავი ნივთიერებებისა და ნიადაგის დანამატების ტიპებს; სინჯის აღების, ინსპექციის, ტექნიკური მომსახურების და ავარიულ სიტუაციაში მოქმედების პროცედურებს, აღრიცხვის წარმოებას, ტერიტორიის დაცვა/უსაფრთხოების და ნარჩენების საბოლოო განთავსების საკითხებს;

ე) სადაც ეს შესაძლებელია, გრუნტის წყლების მონიტორინგის პროცედურებს.“.

15. 205-ე მუხლი ჩამოყალიბდეს შემდეგი რედაქციით:

    „მუხლი 205. უფლებამოსილება ბურღვაზე

ამ პუნქტის მიზანია ოპერატორის მიერ საბურღი დანადგარისა და შესაბამისი პროცედურების გამოყენების უზრუნველყოფა საერთაშორისო ნავთობმრეწველობის პრაქტიკის შესაბამისად. საზღვაო ჭაბურღილის ბურღვაზე უფლებამოსილება-განაცხადი უნდა შეიცავდეს მოთხოვნებს, რომლებიც ჩამოთვლილია წესების 78-ე მუხლში და შეძლებისდაგვარად დამატებით ინფორმაციას:

ა) დაპროექტებული საბურღი დანადგარის მაქსიმალურ საექსპლუატაციო პირობებს;.

ბ) საპროექტო და კონსტრუქციულ შეზღუდვებს, რომლის დროსაც საჭიროა ბურღვის პროცესის ან საბურღი დანადგარის მუშაობის გაჩერება ან მოდიფიკაცია (მაგ., გემის მოძრაობა, გადაადგილება, ღუზის დაჭიმვა, ქარის სიჩქარე, ტალღის სიმაღლე, დინებები, გაყინვა, ყინულის დატვირთვა და ა.შ.);

გ) მცურავი ან ნახევრადჩასაძირი საბურღი პლატფორმის გამოყენებით საბურღი ოპერაციების ჩატარებისას უსაფრთხოების საშუალებების დამატებითი ზომების აღწერას;

დ) იმ ადგილებში, სადაც მოსალოდნელია წყლის ზედაპირის გაყინვა, საბურღი, ამოფრქვევის საწინაღმდეგო და მათთან დაკავშირებული სხვა მოწყობილობის და მასალების ვარგისიანობის დახასიათებას, ასეთ პირობებში სამუშაოდ;

ე) მცირე სიღრმეზე ბურღვასთან დაკავშირებული რისკის ფაქტორების გამოკვლევის შედეგებს, თუ ასეთი გამოკვლევა არსებობს;

ვ) ამოფრქვევის საწინააღმდეგო წყალქვეშა მოწყობილობის აღწერილობას;

ზ) სხვა შესაბამის ინფორმაციას, რომელიც შეიძლება მოითხოვოს სააგენტომ.“.

16. 218-ე მუხლს დაემატოს შემდეგი შინაარსის მე-3 პუნქტი:

„3. წინამდებარე კარის 226-ე, 227-ე, 228-ე, 231-ე, 232-ე მუხლებით გათვალისწინებული ანგარიშები უნდა შეიცავდნენ ჩატარებული სამუშაოების ფაქტობრივ ხარჯთაღრიცხვას.“.

17. მუხლი 230¹-ის მე-2 პუნქტი ჩამოყალიბდეს შემდეგი რედაქციით:

„2. ყველა ოპერატორმა მარაგების წლიური ანგარიში უნდა მოამზადოს და წარადგინოს საინფორმაციო მიზნით და მისი დამტკიცება სააგენტოს ან სხვა სახელმწიფო ორგანიზაციის მიერ სავალდებულო არ არის. მარაგების წლიური ანგარიში სააგენტოს წარედგინება მხოლოდ ნავთობის ეროვნული კომპანიის მიერ ჩატარებული ექსპერტიზის შემდეგ. სააგენტო იტოვებს უფლებას მოახდინოს წარმოდგენილი მარაგების გადამოწმება.“.

18. 245-ე მუხლის 1-ლი პუნქტი ჩამოყალიბდეს შემდეგი რედაქციით:

„1. ამ თავში ჩამოთვლილი ყველა ანგარიში უნდა გაიგზავნოს ელექტრონული და ოპერატორის პასუხისმგებელი პირის მიერ ხელმოწერილი ამონაბეჭდი ვერსიის სახით შემდეგ მისამართზე: საქართველო, 0177, თბილისი, ყაზბეგის გამზირი 47, საქართველოს ნავთობისა და გაზის ეროვნული სააგენტო. ფაქსის ნომერი: 25-33-11, e- mail: info@naog.ge სააგენტოს უფროსის სახელზე.“.

19. კარი XIV-XV ჩამოყალიბდეს შემდეგი რედაქციით:

„კარი XIV

ტენდერი

თავი XXII

ტენდერის მოწყობის ზოგადი დებულებები

    მუხლი 266. დანიშნულება და მოქმედების სფერო

1. ეს თავი განსაზღვრავს ტენდერის ჩატარებისა და კონკურენციის პირობებში ნავთობისა და გაზის რესურსებით სარგებლობაზე ლიცენზიის მინიჭების პროცედურებს, სახელმწიფოსათვის მაქსიმალური მოგების მიღების მიზნით.

2. წინამდებარე კარის დებულებები გამოიყენება ყველა ტენდერისათვის, რომელიც ჩატარდება საქართველოს ტერიტორიაზე ნავთობისა და გაზის რესურსებით სარგებლობაზე ლიცენზიის გასაცემად და ტენდერის შესაბამისად ხელშეკრულების თაობაზე მოლაპარაკებების წარმოების ჩათვლით.

    მუხლი 267. ტენდერზე გასატანი ფართობი

წინამდებარე კარის შესაბამისად, ნებისმიერი ფართობი, რომელიც არ წარმოადგენს მოქმედი ლიცენზიის ან ხელშეკრულების საგანს, ან რომელზეც მიღწეულია შეთანხმება მოქმედი ლიცენზიის მფლობელთან შეიძლება გატანილ იქნეს ტენდერზე, ასევე ტენდერზე შეიძლება იქნეს გატანილი ფართობის მთლიანი ან რომელიმე ნაწილი, რომელიც წარმოადგენდა არსებული ლიცენზიის ან ხელშეკრულების საგანს და რომლის ვადაც ამოიწურა, შეწყდა, დაბრუნებულ იქნა ან მიღწეულ იქნა შეთანხმება ლიცენზიის მფლობელთან.

    მუხლი 268. ხელშეკრულების სახეები

სალიცენზიო ფართობი შეიძლება გაიცეს ნებისმიერი სახის ხელშეკრულების საფუძველზე, რომელიც კანონით არ არის აკრძალული და რომელიც მოიცავს მაგრამ არ შემოიფარგლება პროდუქციის წილობრივი განაწილების, სარისკო მომსახურების ან მომსახურების, ან ნებისმიერი სხვა ფორმის ხელშეკრულებით. ყოველი სატენდერო ფართობისათვის გამოიყენება მხოლოდ ერთი სახის ხელშეკრულება. სხვადასხვა სახის ხელშეკრულებები შეიძლება იქნეს გამოყენებული სხვადასხვა ფართობისათვის, რომელიც იმავდროულად შეიძლება გამოტანილი იყოს ტენდერზე.

    მუხლი 269. სალიცენზიო ფართობის შერჩევა

სააგენტო უფლებამოსილია ტენდერზე გაიტანოს ნებისმიერი ფართობი 267-ე მუხლის შესაბამისად.

თავი XIII

ტენდერის გამოცხადება

    მუხლი 270. საჯარო განცხადება ტენდერზე

სააგენტომ საჯაროდ უნდა გამოაცხადოს სალიცენზიო ფართობზე ტენდერი, და აგრეთვე დამატებით შეატყობინოს ტენდერის თაობაზე იმ პირებს, რომლებმაც მოითხოვეს, რომ წინასწარ მიეღოთ შეტყობინება განცხადების გამოქვეყნების თაობაზე. განცხადება ტენდერის შესახებ უნდა გამოქვეყნდეს სატენდერო განაცხადების მიღების ბოლო ვადამდე მინიმუმ 45 დღით ადრე.

    მუხლი 271. ტენდერზე განცხადების შინაარსი

განცხადება ტენდერის თაობაზე უნდა შეიცავდეს:

ა) ტენდერზე გამოტანილი სალიცენზიო ფართობების ჩამონათვალს, ადგილმდებარეობის მითითებით;

ბ) ტენდერში მონაწილეობაზე განაცხადის შემოტანის საბოლოო თარიღს და დროს;

გ) განაცხადების გახსნის თარიღს, დროს და ადგილმდებარეობას;

დ) მისამართს, რომელზედაც შესაძლებელი იქნება დამატებითი ინფორმაციის მიღება.

    მუხლი 272. საინფორმაციო პაკეტი

სააგენტო ვალდებულია მოამზადოს საინფორმაციო პაკეტი თითოეული სატენდერო ფართობისათვის. პაკეტი მზად უნდა იყოს ტენდერის გამოცხადების დღეს. ასეთი პაკეტი დადგენილი მოსაკრებლის გადახდის დამადასტურებელი დოკუმენტის წარმოდგენისთანავე ხელმისაწვდომი უნდა იყოს ნაბეჭდი ან/და ელექტრონული ვერსიის სახით. სააგენტომ უნდა უზრუნველყოს საინფორმაციო პაკეტის მომთხოვნი პირების კერძო კურიერით მომსახურება, თუ მომთხოვნი პირი წინასწარ ან ადგილზევე გადაიხდის კერძო კურიერის მომსახურების საფასურს.

    მუხლი 273. საინფორმაციო პაკეტის შინაარსი

1. საინფორმაციო პაკეტი უნდა შეიცავდეს შემდეგ ინფორმაციას:

ა) სალიცენზიო ფართობის ადგილმდებარეობასა და კოორდინატებს;

ბ) ყოველი ფართობისათვის შესაბამისი ხელშეკრულების სახეობის აღწერას და ხელშეკრულების ფორმას, რომელიც გამოიყენება როგორც მოლაპარაკების საფუძველი;

გ) სააგენტოს მიერ დადგენილ მინიმალურ სავალდებულო ფინანსურ და ტექნიკურ მოთხოვნებს;

დ) ლიცენზის გაცემისა და ხელშეკრულების გაფორმების გრაფიკს;

ე) განაცხადის შეტანის ინსტრუქციებს ტენდერში მონაწილეებისათვის, მონაწილეობის მოსაკრებლის ოდენობისა და მისი გადახდის ფორმის ჩათვლით.

2. საინფორმაციო პაკეტი შეიძლება აგრეთვე შეიცავდეს დამატებით ინფორმაციას, რომელსაც სააგენტო ჩათვლის საჭიროდ.

    მუხლი 274. სალიცენზიო ფართობის მოხსნა ტენდერიდან

სააგენტოს უფროსი უფლებამოსილია მოხსნას სალიცენზიო ფართობი ტენდერიდან განაცხადების გახსნამდე ნებისმიერ დროს.

თავი XXVIII

განაცხადის შეტანის პროცედურა

    მუხლი 275. განაცხადების შეტანა

ყველა განაცხადი შეტანილ უნდა იქნეს შემდეგი სახით:

ა) ორ ეგზემპლარად დაბეჭდილი განაცხადები მიიღება მხოლოდ სატენდერო განცხადებაში (შეტყობინებაში) მითითებულ დრომდე. ყოველი განაცხადი, რომელიც დაგვიანებით იქნება შეტანილი, უბრუნდება განაცხადის შემტან პირს;

ბ) ტენდერის მონაწილემ ან მისმა უფლებამოსილმა წარმომადგენელმა განაცხადის შეტანისას ხელი უნდა მოაწეროს და მიუთითოს თარიღი. ხელმოწერას თან უნდა ახლდეს ხელმომწერი პირის უფლებამოსილების დამადასტურებელი საბუთი. განცხადის შემტანი ხელმოწერით ადასტურებს, რომ განაცხადში შესული ინფორმაცია არის სწორი;

გ) თითოეულ განაცხადს თანდართული უნდა ჰქონდეს სააგენტოს მიერ დადგენილი ტენდერში მონაწილეობის მოსაკრებლის გადახდის დამადასტურებელი დოკუმენტი.

    მუხლი 276. განაცხადების გახსნა

განაცხადების გახსნა უნდა მოხდეს საჯაროდ. სააგენტოს უფროსმა უნდა წაიკითხოს ყველა შეტანილი განაცხადი. გადაწყვეტილება განაცხადის მიღების ან არმიღების შესახებ არ მიიღება განაცხადის გახსნის დროს.

    მუხლი 277. განხილვა

1. ტენდერის გამოცხადებისთანავე სააგენტოს უფროსი შესაბამისი ორგანოების წარმომადგენლების მონაწილეობით ქმნის სატენდერო კომისიას.

2. სააგენტოს უფროსის მიერ შექმნილმა სამუშაო ჯგუფმა უნდა ჩაატაროს განაცხადების განხილვა ყოველი სატენდერო ფართობისათვის, რათა დადგინდეს:

ა. სწორად იყო თუ არა შეტანილი განაცხადი;

ბ. აკმაყოფილებს თუა არა განაცხადი სატენდერო მინიმალურ მოთხოვნებს.

3. სამუშაო ჯგუფმა, განაცხადების გახსნიდან ხუთი დღის განმავლობაში უნდა წარუდგინოს სააგენტოს უფროსს ანგარიში, რომელიც უნდა შეიცავდეს დასკვნებს წარმოდგენილ განაცხადებთან დაკავშირებით.

4. სააგენტოს უფროსი სატენდერო კომისიას წარუდგენს ტენდერის მონაწილეების მირ შემოტანილ განაცხადებს.

5. კომისიის დასკვნის საფუძველზე საუკეთესო განაცხადის შესახებ გადაწყვეტილებას იღებს სააგენტოს უფროსი.

6. გადაწყვეტილება ყველა განაცხადის შესახებ უნდა იქნეს მიღებული არა უგვიანეს 5 დღისა კომისიის ბოლო სხდომიდან.

    მუხლი 278. ტენდერის მონაწილეთა შეტყობინება

1. გადაწყვეტილების მიღებიდან არა უგვიანეს სამი დღისა სააგენტომ წერილობითი ფორმით უნდა შეატყობინოს ტენდერის ყველა მონაწილეს გადაწყვეტილების შესახებ და გაუგზავნოს ინფორმაცია ტენდერის შესახებ საქართველოს მთავრობას. გარდა ამისა, საუკეთესო განმცხადებელს უნდა ეცნობოს დამატებითი ინფორმაციის წარდგენის შეასახებ.

2. იმ პირმა, რომელსაც ეცნობა, რომ მისი განაცხადი საუკეთესოა, სააგენტოს მიერ მითითებულ ვადაში უნდა წარმოადგინოს ფინანსური, საოპერაციო კვალიფიკაციისა და გამოცდილებასთან დაკავშირებული ინფორმაცია, რომელიც მოთხოვნილია XII კარში (კორპორაციული რეგისტრაცია). თუ ასეთი ინფორმაცია არ იქნა წარდგენილი, განაცხადი ჩაითვლება გაუქმებულად.

    მუხლი 279. ტენდერის ანგარიშების შენახვა

სამუშაო ჯგუფის ანგარიში, სააგენტოს უფროსის წერილობითი გადაწყვეტილება, სატენდერო კომისიის დასკვნა და საუკეთესო განაცხადის მქონე მონაწილესთან გაგზავნილი შეტყობინების ასლი მუდმივად უნდა იქნეს შენახული სააგენტოს არქივში.

    მუხლი 280. უარი განაცხადების მიღებაზე

დადგენილ ვადებში სააგენტოს უფროსის მიერ საბოლოო გადაწყვეტილების მიღებაზე უარის თქმა ჩაითვლება როგორც ყველა მიღებული განაცხადის უარყოფა იმ ფართობებთან მიმართებაში, რომლებზედაც არ იქნა დროულად მიღებული გადაწყვეტილება. ლიცენზიის მიღების ან ხელშეკრულების გაფორმების დროს არც ერთ განმცხადებელს არ მიენიჭება უპირატესობა მხოლოდ იმ მიზეზით, რომ მან მოითხოვა სატენდერო ინფორმაცია ან შეიტანა განაცხადი. სააგენტო უფლებას იტოვებს უარი თქვას ნებისმიერ ან ყველა განაცხადზე, რომელიც არ დააკმაყოფილებს სააგენტოს მიერ დადგენილ მინიმალურ სავალდებულო მოთხოვნებს.

თავი XXIX

მოლაპარაკებები

    მუხლი 281. მოლაპარაკებების ჩატარების პროცედურა

1. მოლაპარაკებები ხელშეკრულებაზე და ლიცენზიის თაობაზე სააგენტოსა და საუკეთესო განაცხადის წარმომდგენს შორის უნდა დაიწყოს არა უგვიანეს ოცდაათი (30) დღისა, მას შემდეგ, რაც ასეთი განაცხადის შემტანს აცნობებენ გადაწყვეტილების შესახებ.

2. თუ სააგენტოს უფროსის მიერ სხვაგვარად არ იქნება გადაწყვეტილი, ყველა მოლაპარაკება უნდა ჩატარდეს თბილისში, საქართველოში.

    მუხლი 282. მოლაპარაკებების ჩაშლა

თუ საუკეთესო განაცხადის წარმომდგენი ვერ მოახერხებს მოლაპარაკებების დაწყებას, ან თუ მოლაპარაკებების დაწყებამდე ასეთი განმცხადებელი აღმოჩნდება არაკომპეტენტური, რათა მიიღოს ლიცენზია ან გააფორმოს ხელშეკრულება, სააგენტოს შეუძლია შესთავაზოს ლიცენზია ტენდერის სხვა მონაწილეს.

    მუხლი 283. მოლაპარაკებების ვადები

1. მოლაპარაკებები დასრულებულად ჩაითვლება სააგენტოს მიერ ხელშეკრულების მონაწილე მხარეებისადმი შესაბამისი წერილობითი შეტყობინების გაგზავნის საფუძველზე.

2. თუ მოლაპარაკებების დაწყების დღიდან ექვსი თვის განმავლობაში მოლაპარაკებები არ დასრულდა, მოლაპარაკებები ჩაითვლება ჩაშლილად, ხოლო ტენდერის შედეგები – გაუქმებულად.

3. მე-2 პუნქტში აღნიშნული ვადის გასვლამდე 10 დღით ადრე ინვესტორის თხოვნის საფუძველზე, მოლაპარაკების მიმდინარეობის სპეციფიკიდან გამომდინარე, სააგენტოს უფლება აქვს გააგრძელოს მოლაპარაკებების ვადა დამატებით 45 დღით.

    მუხლი 284. მოლაპარაკების დასრულება

მას შემდეგ, რაც დასრულდება მოლაპარაკებები, ხელშეკრულებისა და ლიცენზიის პირობებზე ხელშეკრულება უნდა დაიდოს და ლიცენზია გაიცეს „ნავთობისა და გაზის შესახებ“ საქართველოს კანონით დადგენილი წესით.

 

 

თავი XXX

ცნობებისა და განცხადებების გამოქვეყნების წესი

    მუხლი 285. ცნობები და განცხადებები

წინამდებარე კარის მიხედვით, ყოველი ცნობა და განცხადება გამოქვეყნებულ უნდა იქნეს საქართველოში ფართო გავრცელების მქონე სულ მცირე ერთ ქართულენოვან გაზეთში და საერთაშორისო ნავთობმრეწველობაში ფართო გავრცელების მქონე სულ მცირე ერთ ინგლისურენოვან გაზეთში. ასეთი ცნობა, ქართულ და ინგლისურ ენებზე, ასევე უნდა იქნეს გამოკრული სააგენტოს ოფისში.

კარი XV

ინვესტორის მიერ ხელშეკრულებითა და ლიცენზიის პირობებით უფლებება-მოვალეობების სხვა პირისათვის გადაცემა

თავი LXXXI

ზოგადი დებულებები

    მუხლი 286. კარის მიზანი და აღწერილობა

1. ეს კარი განსაზღვრავს ინვესტორის მიერ ხელშეკრულებითა და ლიცენზიის პირობებით განსაზღრული თავისი უფლება-მოვალეობების, საკუთრების ან ინტერესის სხვა პირისათვის გადაცემის პროცედურებს (შემდგომში – უფლება-მოვალეობის გადაცემა ან გადაცემა).

2. ინვესტორის მიერ უფლება-მოვალეობის გადაცემა ხორციელდება მხოლოდ საქართველოს კანონის „ნავთობისა და გაზის შესახებ“ და წინამდებარე წესების შესაბამისად. ნებისმიერი გარიგება ინვესტორის უფლება-მოვალეობების გადაცემასთან დაკავშირებით, რომელიც განხორციელდა საქართველოს კანონის „ნავთობისა და გაზის შესახებ“ და წინამდებარე წესების გაუთვალისწინებლად ან დარღვევით, ითვლება უკანონოდ.

    მუხლი 287. უფლება-მოვალეობების სხვა პირისათვის გადაცემა

ინვესტორი უფლებამოსილია ხელშეკრულებითა და ლიცენზიის პირობებით განსაზღvრული თავისი უფლება-მოვალეობები მთლიანად ან ნაწილობრივ გადასცეს თავის აფილირებულ კომპანიას ან მესამე მხარეს.

    მუხლი 288. უფლება-მოვალეობების გადაცემის საერთო პირობები

1. უფლება-მოვალეობების გადაცემის საფუძველს წარმოადგენს ინვესტორისა და უფლება-მოვალეობების მიმღები პირის მიერ სახელმწიფო სააგენტოსადმი გაგზავნილი წერილობითი შეტყობინება ხელშეკრულებით და ლიცენზიის პირობებით განსაზღვრული თავისი უფლება-მოვალეობების ნაწილობრივ ან მთლიანად გადაცემის შესახებ.

2. პირმა, რომელიც კისრულობს ინვესტორის მიერ გადაცემული უფლება-მოვალეობების შესრულებას, სააგენტოში უნდა წარმოადგინოს წერილობითი თანხმობა უფლება-მოვალეობების მიღების შესახებ და ამ წესების 224-ე მუხლით გათვალისწინებული დოკუმენტაცია.

3. უფლება-მოვალეობების გადაცემის შესახებ ხელშეკრულებაში აღნიშნულ ძალაში შესვლის თარიღამდე ოცდაათი (30) დღით ადრე მხარეები ვალდებულნი არიან სააგენტოს მიაწოდონ შეტყობინება გადაცემის თაობაზე.

    მუხლი 289. უფლება-მოვალეობების გადაცემასთან დაკავშირებული ხარჯები

უფლება-მოვალეობების გადაცემის შემთხვევაში ინვესტორი სააგენტოს უნაზღაურებს გადაცემასთან დაკავშირებულ ყველა დანახარჯს და იხდის ამგვარი გადაცემისათვის დაწესებულ მოსაკრებელს.

თავი LXXXII

აფილირებული კომპანიისათვის გადაცემა

    მუხლი 290. აფილირებულ კომპანიაზე გადაცემის დამტკიცება

1. ინვესტორის მიერ უფლება-მოვალეობების აფილირებულ კომპანიაზე გადაცემის შემთხვევაში 296-ე მუხლში მითითებული ინფორმაციის და დოკუმენტაციის მიღებიდან ოცდაათი (30) დღის განმავლობაში სააგენტო წერილობით უდასტურებს მხარეებს უფლება-მოვალეობების გადაცემას. ამგვარ შეტყობინებას ხელს აწერს სააგენტოს უფროსი და მოწმდება სააგენტოს ბეჭდით.

2. ინვესტორის მიერ უფლება-მოვალეობების აფილირებულ კომპანიაზე გადაცემის შემთხვევაში ინვესტორი პასუხისმგებელია ხელშეკრულებით და ლიცენზიის პირობებით განსაზღვრული და საქართველოს კანონმდებლობით გათვალისწინებული ვალდებულებების შესრულებაზე.

თავი LXXXIII

მესამე მხარისათვის გადაცემა

    მუხლი 291. „მესამე მხარის“ განმარტება

ამ კარის მიზნებისათვის „მესამე მხარე“ ნიშნავს ერთ ან რამდენიმე პირს, რომელსაც, საქართველოს კანონმდებლობის შესაბამისად, ხელშეკრულებით და ლიცენზიის პირობებით განსაზღრული უფლება-მოვალეობები გადაეცემა ინვესტორის მიერ.

„მესამე მხარე“ წარმოადგენს არააფილირებულ კომპანიას.

    მუხლი 292. მესამე მხარისათვის უფლება-მოვალეობების გადაცემის საფუძვლები

1. ხელშეკრულებით ან ლიცენზიის პირობებით განსაზღვრული უფლება-მოვალეობების მესამე მხარისათვის გადაცემა ძალაში შევა მხოლოდ სააგენტოს წინასწარი წერილობითი თანხმობის შემდეგ.

2. უფლება-მოვალეობების მესამე მხარისათვის გადაცემას არ ექნება იურიდიული ძალა, თუ მხარეების მიერ არ იქნა დადასტურებული წერილობითი დოკუმენტის (გადაცემის აქტი) ხელმოწერით.

3. უფლება-მოვალეობების გადაცემის აქტს არ ექნება იურიდიული ძალა, თუ იგი არ შეიცავს მესამე მხარის ღია, პირდაპირ და ნათელ თანხმობას, რომ მესამე მხარე იკისრებს გადაცემულ უფლება-მოვალეობებთან დაკავშირებული ყველა პირობისა და ვალდებულების შესრულებას და დაიცავს „ნავთობისა და გაზის შესახებ“ საქართველოს კანონს, საქართველოს კანონმდებლობას და სააგენტოს სამართლებრივ აქტებს.

4. უფლება-მოვალეობების გადაცემის ძალაში შესვლის დღემდე ოცდაათი (30) დღით ადრე ინვესტორი ვალდებულია 296-ე მუხლში მოცემულ შეტყობინებასა და დოკუმენტაციასთან ერთად სააგენტოს მიაწოდოს უფლება-მოვალეობების გადაცემის ხელშეკრულება და გადაცემის დამადასტურებელი დოკუმენტი (გადაცემის აქტი). ზემოაღნიშნული დოკუმენტების ასლები ყველა დანართთან ერთად ხელმოწერილი უნდა იყოს გადაცემის მონაწილე მხარეების მიერ და დამოწმებული ნოტარიულად.

5. შემოთავაზებულ გადაცემასთან დაკავშირებით მხარეებმა დამატებით უნდა მიაწოდონ სააგენტოს შემდეგი დოკუმენტაცია:

ა) თუ ინვესტორი წარმოადგენს იურიდიულ პირს ან ამხანაგობას (კონსორციუმს), ინვესტორის აქციონერების, სამეთვალყურეო საბჭოს ან სხვა უფლებამოსილი ორგანოების გადაწყვეტილება (კორპორაციული გადაწყვეტილება), რომლითაც უფლება ენიჭება ინვესტორს:

1. მონაწილეობა მიიღოს უფლება-მოვალეობების გადაცემის ხელშეკრულებაში;

2. გააფორმოს და აღასრულოს უფლება-მოვალეობების გადაცემის აქტი. ინვესტორის უფლებამოსილმა წარმომადგენელმა სათანადოდ უნდა დაადასტუროს ამგვარი კორპორაციული გადაწყვეტილება;

ბ) რწმუნებულება ინვესტორის წარმომადგენელზე (თანამშრომლებზე), რომელსაც ენიჭება უფლებამოსილება წარმოადგინოს და იმოქმედოს უფლება-მოვალეობების გადამცემის სახელით. ეს რწმუნებულება სათანადოდ უნდა იყოს დამოწმებული უფლებამოსილი წარმომადგენლის მიერ;

გ) თუ მესამე მხარე, უფლება-მოვალეობების მიმღები (შემდგომში – მიმღები), წარმოადგენს იურიდიულ პირს ან ამხანაგობას (კონსორციუმს), მესამე მხარის კორპორაციული გადაწყვეტილება, რომელიც უფლებას ანიჭებს მიმღებს:

1. მონაწილეობა მიიღოს უფლება-მოვალეობების გადაცემის ხელშეკრულებაში.

2. გააფორმოს და აღასრულოს უფლება-მოვალეობების გადაცემის აქტი.

3. თანხმობა განაცხადოს ხელშეკრულებით ან/და ლიცენზიით განსაზღვრული ვალდებულებების და პასუხისმგებლობების შესრულებაზე. მესამე მხარის უფლებამოსილმა წარმომადგენლმა სათანადოდ უნდა დაადასტუროს ამგვარი კორპორაციული გადაწყვეტილება.

დ) რწმუნებულება, მესამე მხარის წარმომადგენელზე (თანამშრომლებზე), რომელსაც ენიჭება უფლებამოსილება წარმოადგინოს და იმოქმედოს უფლება-მოვალეობების მიმღების სახელით. რწმუნებულება სათანადოდ უნდა იყოს დამოწმებული სხვა უფლებამოსილი წარმომადგენლის მიერ;

ე) მესამე მხარეს საწესდებო დოკუმენტაცია და უცხოელი ინვესტორის შემთხვევაში აგრეთვე უფლებამოსილი ორგანოს მიერ გაცემული კომპანიის საიმედოობის დამადასტურებელი დოკუმენტაცია. ზემოაღნიშნული დოკუმენტები გაცემული უნდა იყოს სააგენტოში წარმოდგენამდე 6 თვით ადრე.

6. სააგენტო ვალდებულია დარწმუნდეს მესამე მხარის ტექნიკურ და ფინანსურ შესაძლებლობებში და გამოცდილებაში. ამ მიზნით სააგენტო უფლებამოსილია „ნავთობისა და გაზის შესახებ“ საქართველოს კანონის, ხელშეკრულების, ამ წესების და საქართველოს კანონმდებლობის შესაბამისად მოითხოვოს დამატებითი ინფორმაცია.

    მუხლი 293. სააგენტოს გადაწყვეტილება

1. მე-300 მუხლის მიხედვით შეტყობინებისა და აღნიშნული დოკუმენტების მიღებიდან ოცდაათი (30) დღის განმავლობაში სააგენტო წერილობით აცნობებს მხარეებს თავის გადაწყვეტილებას უფლება-მოვალეობების გადაცემასთან დაკავშირებით.

2. თუ სააგენტო არ ეთანხმება მესამე მხარისთვის უფლება-მოვალეობების წარმოდგენილ გადაცემას, მან უნდა წარმოადგინოს უარყოფითი გადაწყვეტილების გამოტანის მიზეზი.

3. სააგენტოს გადაწყვეტილებას ხელს აწერს სააგენტოს უფროსი და მოწმდება სააგენტოს ბეჭდით“.“

    მუხლი 2

გაუქმდეს ბრძანებით დამტკიცებული ანგარიშგების ფორმები და მათ ნაცვლად დამტკიცდეს თანდართული ანგარიშგების ფორმები (26 ფორმა).

    მუხლი 3

ბრძანება ამოქმედდეს გამოქვეყნებისთანავე.

ლ. მჭედლიშვილი

 

ფინანსური ანგარიშგების ფორმა 1
	საქართველოს ენერგეტიკის სამინისტრო
	ნავთობისა და გაზის ეროვნული სააგენტო
	მოპოვების, ხარჯებისა და დანახარჯების ანაზღაურების
	და პროდუქციის განაწილების ანგარიში
სახელშეკრულებო ფართობი _________________________________________
ოპერატორი ______________________________________________________
საანგარიშო პერიოდი ______________________________________________
	მ ა ჩ ვ ე ნ ე ბ ლ ე ბ ი	ფაქტობრივი		დამტკიცებული წლიური გეგმა
		საანგარიშო კვარტალი	წლის დასაწყისიდან
1	ნავთობისა და გაზის რაოდენობა
2	სასაქონლო ნავთობი, ტონა
3	საერთო მოპოვება
4	მინუს: ოპერაციებზე გამოყენებული
5	მინუს: დანაკარგები
6	სულ სასაქონლო ნავთობის რაოდენობა
7	მათ შორის:  საბაზისო ნავთობი
8	საკომპენსაციო ნავთობი
9	მოგებული ნავთობი
10	სასაქონლო გაზი, მლნ მ3
11	საერთო მოპოვება
12	მინუს: სამუშაოებზე გამოყენებული
13	მინუს: დანაკარგები
14	სულ სასაქონლო გაზის რაოდენობა
15	მათ შორის:  საბაზისო გაზი
16	საკომპენსაციო გაზი
17	მოგებული გაზი
18	მოგებული ნავთობისა და გაზის განაწილება
19	სახელმწიფოს წილი ნავთობი
20	სახელმწიფოს წილი გაზი
21	ინვესტორის წილი ნავთობი
22	ინვესტორის წილი გაზი
23	სულ სახელმწიფოს წილი ნავთობი და გაზი
24	სახელმწიფოს წილი ნავთობი
25	სახელმწიფოს წილი გაზი
26	სულ ინვესტორის წილი ნავთობი და გაზი
27	ინვესტორის წილი ნავთობი
28	ინვესტორის წილი გაზი
29	გაყიდული პროდუქციის საშუალო ფასი, აშშ დოლარი
30	ნავთობი, ტონა/ბარელი
31	გაზი, მლნ მ3/მლნ ფუტი
32	გაყიდული პროდუქციის ღირებულება
33	ნავთობი, ათ. აშშ დოლარი
34	გაზი, ათ. აშშ დოლარი
35	სულ გაყიდული პროდუქციის ღირებულება
36	R-ფაქტორის  გაანგარიშება
37	ინვესტორის წლიური შემოსავალი, ათ. აშშ დოლარი
38	საკომპენსაციო ნავთობისა და გაზის გაყიდვიდან
39	მოგებული ნავთობისა და გაზის გაყიდვიდან
40	სულ ინვესტორის წლიური შემოსავალი
41	ინვესტორის წლიური ხარჯები და დანახარჯები, ათ. აშშ დოალრი
42	წლიური ხარჯები და დანახარჯები
43	სულ ინვესტორის წლიური ხარჯები და დანახარჯები
44	R-ფაქტორი (სტრ. 40/43)
	A	B	C	D
კომპანიის ხელმძღვანელი ________________________                                ხელმოწერა ________________
თარიღი ___________________                                                 ბ.ა.

 

 

ფინანსური ანგარიშგების ფორმა 2
საქართველოს ენერგეტიკის სამინისტრო
ნავთობისა და გაზის ეროვნული სააგენტო
მოგების გაანგარიშება *)
სახელშეკრულებო ფართობი _____________________________________________________
ოპერატორი ______________________________________________________________
საანგარიშო პერიოდი _____________________________________________
ათას აშშ დოლარებში
	მ ა ჩ ვ ე ნ ე ბ ლ ე ბ ი			ფაქტობრივი
				საანგარიშო კვარტალი	წლის დასაწყისიდან
1	ინვესტორის შემოსავალი
2	ანაზღაურებელი ხარჯები და დანახარჯები:
3	საანგარიშო პერიოდის ანაზღაურებული ხარჯები და დანახარჯები
4	საანგარიშო პერიოდში ანაზღაურებული წინა პერიოდის ასანაზღაურებელი ხარჯები და დანახარჯები
5	სულ საანგარიშო პერიოდში ანაზღაურებული ხარჯები
6	საანგარიშო პერიოდში მოგებული ნავთობისა და გაზის ღირებულება
7	სულ ინვესტორის შემოსავალი (სტრ. 5+6)
8	ინვესტორის ხარჯები და დანახარჯები
9	საერთო-ადმინისტრაციული ხარჯები (გადანაწილებამდე)
10	მომსახურების ხარჯები (გადანაწილებამდე)
11	საექსპლუატაციო ხარჯები
12	სალიკვიდაციო ხარჯები
13	საფინანსო ხარჯები
14	სულ ინვესტორის ხარჯები და დანახარჯები
15	ინვესტორის კაპიტალიზებული ხარჯები და მათი ანაზღაურება
16	ძებნა-ძიების  ხარჯები
17	საანგარიშო პერიოდამდე გაწეული ჯამური ხარჯები
18	საანგარიშო პერიოდის ხარჯები
19	სულ ჯამური ხარჯები
20	ძებნა-ძიების  ხარჯების ანაზღაურება
21	საანგარიშო პერიოდამდე გაწეული  ჯამური ხარჯების ანაზღაურება
22	საანგარიშო პერიოდის ხარჯების ანაზღაურება (ანაზღაურების %*მე-19 სტრ.)
23	სულ ჯამური ხარჯების ანაზღაურება
24	დამუშავებისა და მოპოვების კაპიტალიზებული ხარჯები
25	საანგარიშო პერიოდამდე გაწეული ჯამური ხარჯები
26	საანგარიშო პერიოდის ხარჯები
27	სულ ჯამური ხარჯები
28	დამუშავებისა და მოპოვების კაპიტალიზებული ხარჯების ანაზღაურება
29	საანგარიშო პერიოდამდე გაწეული ჯამური ხარჯები
30	საანგარიშო პერიოდის ხარჯები (ანაზღაურების %*27-ე სტრ.)
31	სულ ჯამური ხარჯების ანაზღაურება
32	სულ საანგარიშო პერიოდის ანაზღაურებული ხარჯები (სტრ. 22+31)
33	დასაბეგრი მოგება (სტრ. 7-14-32)
34	მოგების გადასახადი (სტრ. 33*საგადასახადო განაკვეთის _______ %-ზე)
	A			B	C
*) - ფორმა ივსება სარისკო ან მომსახურების ხელშეკრულების შემთხვევაში
კომპანიის ხელმძღვანელი ______________________:                                /ხელმოწერა/___________________________
თარიღი: _____________________                                                        ბ.ა.

 

 

ფინანსური ანგარიშგების ფორმა 3
საქართველოს ენერგეტიკის სამინისტრო
ნავთობისა და გაზის ეროვნული სააგენტო
ხარჯებისა და დანახარჯების და მათი ანაზღაურების ანგარიში
სახელშეკრულებო ფართობი ___________________________________________________
ოპერატორი _______________________________________________________________
საანგარიშო პერიოდი __________________________________________________
ათას აშშ დოლარებში
	ხარჯები  და  დანახარჯები		ფაქტობრივი				დამტკიცებული წლიური ბიუჯეტით
			საანგარიშო კვარტალი		წლის დასაწყისიდან
1	ინვესტორის საანგარიშო პერიოდის ხარჯები და დანახარჯები
2	ძებნა-ძიების
3	დამუშავებისა და მოპოვების კაპიტალიზებული
4	საექსპლუატაციო
5	საერთო-ადმინისტრაციული
6	მომსახურების
7	სალიკვიდაციო
8	საფინანსო
9	სხვა აქტივები
10	სულ ინვესტორის საანგარიშო პერიოდის ხარჯები და დანახარჯები
11	საანგარიშო პერიოდის ანაზღაურებული ხარჯები და დანახარჯები
12	მომავალ პერიოდზე გადასატანი საანგარიშო პერიოდის ასანაზღაურებელი ხარჯები და დანახარჯები (სტრ. 10-11)
13	წინა პერიოდიდან გადმოტანილი ასანაზღაურებელი ხარჯები და დანახარჯები
14	საანგარიშო პერიოდში ანაზღაურებული წინა პერიოდის ასანაზღაურებელი ხარჯები და დანახარჯები
15	მომავალ პერიოდზე გადასატანი წინა პერიოდის ასანაზღაურებელი ხარჯები და დანახარჯები (სტრ. 13-14)
16	მომავალ პერიოდზე გადასატანი ასანაზღაურებელი ხარჯებისა და დანახარჯების ჯამი (სტრ. 12+15)
	A		B		C		D
კომპანიის ხელმძღვანელი _______________________                                 ხელმოწერა _____________________
თარიღი ________________                                               ბ.ა.

 

 

ფინანსური ანგარიშგების ფორმა 4
საქართველოს ენერგეტიკის სამინისტრო
ნავთობისა და გაზის ეროვნული სააგენტო
ძებნა-ძიების ხარჯების ანგარიში
სახელშეკრულებო ფართობი____________________________________________________
ოპერატორი____________________________________________________________
საანგარიშო კვარტალი_____________________________________________
ათას აშშ დოლარებში
ხარჯები  და  დანახარჯები		ხარჯები  და  დანახარჯები			ფაქტიური		დამტკიცებული წლიური ბიუჯეტით
					საანგარიშო კვარტალი	წლის დასაწყისიდან
1		გეოლოგიური და გეოფიზიკური სამუშაოები
2		გეოლოგიური და ტოპოგრაფიული
3		გეოქიმიური
4		სეისმური
5		მათ შორის შესყიდული ინფორმაცია
6		აერომაგნიტური
7		მონაცემთა დამუშავება
8		სხვა
9		სულ გეოლოგიური და გეოფიზიკური სამუშაოები
10		პირდაპირი ხარჯები:
11		შრომის ანაზღაურება
12		მასალები
13		მომსახურება
14		მარაგები
15		სხვა
16		სულ პირდაპირი ხარჯები
17		გეოლოგიური და გეოფიზიკური სამუშაოების ჯამი
18		ძებნა-ძიებითი და შეფასებითი ბურღვა
19		გაიშიფროს ჭაბურღილების ტიპის და დანიშნულების მიხედვით:
20
21
22
23
24
25
26
27
28
29
30
31		სულ ძებნა-ძიებითი და შეფასებითი ბურღვა
32		ძებნა-ძიების სხვა ხარჯები
33		მისასვლელი გზები
34		მოწყობილობა და დანადგარები
35		მიწის ფართობზე უფლების მიღება
36		სხვა
37		სულ ძებნა-ძიების სხვა ხარჯები
38		ზედნადები ხარჯები
39		საერთო-ადმინისტრაციული
40		მომსახურების
41		სულ ზედნადები ხარჯები
42		ძებნა-ძიების ხარჯების ჯამი (სტრ. 17+31+37+41)
		A			B	C	D
კომპანიის ხელმძღვანელი _________________                                  ხელმოწერა _______________
თარიღი ___________________                                    ბ.ა.

 

 

ფინანსური ანგარიშგების ფორმა 5
	საქართველოს ენერგეტიკის სამინისტრო
	ნავთობისა და გაზის ეროვნული სააგენტო
დამუშავებისა და მოპოვების კაპიტალიზებული ხარჯების ანგარიში
სახელშეკრულებო ფართობი______________________________________________________
ოპერატორი_________________________________________________________________
საანგარიშო პერიოდი_____________________________________________________________
ათას აშშ დოლარებში
	ხარჯები და დანახარჯები	ფაქტობრივი				დამტკიცებული წლიური ბიუჯეტით
		საანგარიშო კვარტალი		წლის დასაწყისიდან
1	ჭაბურღილების ბურღვა და ათვისება
2	მომპოვებელი ჭაბურღილების ბურღვა (გაიშიფროს ჭაბურღილების მიხედვით):
3
4
5
6
7
8
9	კაპრემონტის შემდეგ კაპიტალიზებული ჭაბურღილები
10	(გაიშიფროს ჭაბურღილების მიხედვით):
11
12
13
14	მომპოვებელ და კაპრემონტის შემდეგ კაპიტალიზებულ ჭაბურღილებზე გაწეული ხარჯების ჯამი
15	ნაგებობათა მშენებლობა და მონტაჟი
16	პროექტის მომზადება და წინასაინჟინრო სამუშაოები
17	სამშენებლო სამუშაოები (გზები, ხიდები და სხვა)
18	შემკრები სისტემები (ნავთობსაცავები, საწყობები)
19	შიდა მილსადენები
20	საწარმოო და გადამამუშავებელი მოწყობილობა
21	საზღვაო პლატფორმები
22	მოწყობილობის მონტაჟი
23	საწარმოო და დამხმარე შენობა-ნაგებობები
24	სხვა
25	სულ ნაგებობათა მშენებლობა და მონტაჟი
26	მოპოვების სხვა კაპიტალური ხარჯები
27	ამწე კრანები და მოწყობილობა
28	ჭაბურღილის დასრულების მოწყობილობა და აღჭურვილობა
29	საბურღი დანადგარები
30	ბანაკები, ვაგონები და სხვა
31	სატრანსპორტო საშუალებები (მძიმე სატვირთო  და სხვა ავტომანქანები)
32	სხვა
33	სულ მოპოვების სხვა კაპიტალური ხარჯები
34	საცდელი მოპოვების ხარჯები
35	ძირითადი და დამხმარე პერსონალის შრომის ანაზღაურება
36	პროდუქციის მომზადება და ტრანსპორტირება
37	მოწყობილობის იჯარა
38	სახელშეკრულებო მომსახურება
39	ინფრასტრუქტურული ტარიფი და მოსაკრებლები
40	სხვა
43	საცდელ მოპოვებაზე გაწეული ხარჯები
44	მინუს: საცდელი მოპოვების გაყიდვებიდან მიღებული შემოსავალი
45	სულ საცდელ მოპოვებაზე გაწეული ხარჯები
46	ზედნადები ხარჯები
47	საერთო-ადმინისტრაციული
48	მომსახურების
49	სულ ზედნადები ხარჯები
50	დამუშავებისა და მოპოვების კაპიტალიზებული ხარჯების ჯამი (სტრ. 14+25+33+45+49)
	A	B		C		D
კომპანიის ხელმძღვანელი __________________________                       ხელმოწერა _____________________
თარიღი ___________________                                                     ბ.ა.

 

 

ფინანსური ანგარიშგების ფორმა 6
საქართველოს ენერგეტიკის სამინისტრო
	ნავთობისა და გაზის ეროვნული სააგენტო
საექსპლუატაციო და სალიკვიდაციო ხარჯების ანგარიში
სახელშეკრულებო ფართობი___________________________________________________
ოპერატორი_________________________________________________________
საანგარიშო პერიოდი______________________________________________
ათას აშშ დოლარებში
	ხარჯები  და  დანახარჯები	ფაქტობრივი		დამტკიცებული წლიური ბიუჯეტით
		საანგარიშო კვარტალი	წლის დასაწყისიდან
1	საექსპლუატაციო ხარჯები
2	პირდაპირი საექსპლუატაციო ხარჯები
3	ძირითადი და დამხმარე პერსონალის შრომის ანაზღაურება
4	ჭაბურღილების ექსპლუატაცია
5	საწარმოო და გადამამუშავებელი დანადგარები, მათი ტექმომსახურება
6	ნავთობგაზგაცემის გაზრდის ოპერაციები
7	ჭაბურღილების კაპრემონტი, ტესტირება, პერფორირება
8	მშენებლობა
9	პროდუქციის დამუშავება, შენახვა და გადაზიდვა
10	სხვა
11	სულ პირდაპირი საექსპლუატაციო ხარჯები
12	მიწოდების ხარჯები
13	ტრანსპორტირება
14	სხვა
15	სულ მიწოდების ხარჯები
16	ზედნადები ხარჯები
17	საერთო-ადმინისტრაციული
18	მომსახურების
19	სულ ზედნადები ხარჯები
20	სულ საექსპლუატაციო ხარჯები (სტრ. 12+15+19)
21	სალიკვიდაციო ხარჯები
22	პირდაპირი სალიკვიდაციო ხარჯები
23	ტექნიკა და აპარატურა
24	დემონტაჟი და ტრანსპორტირება
25	ტერიტორიის აღდგენა/რეკულტივირება
26	გარემოს დაცვა
27	სხვა
28	სულ პირდაპირი სალიკვიდაციო ხარჯები
29	ზედნადები ხარჯები:
30	საერთო-ადმინისტრაციული
31	მომსახურების
32	სულ ზედნადები ხარჯები
33	სულ სალიკვიდაციო ხარჯები (სტრ. 28+32)
34	სალიკვიდაციო სახსრების მოძრაობა
35	სახსრების ნაშთი საბანკო ანგარიშზე საანგარიშო პერიოდის დაწყებამდე
36	საანგარიშო პერიოდის შენატანები
37	შემოსავალი შენატანებზე გადახდილი პროცენტების სახით
38	მინუს: სალიკვიდაციო ხარჯები და დანახარჯები
39	სალიკვიდაციო სახსრების წმინდა მატება/კლება (სტრ. 36+37-38)
40	ნაშთი საანგარიშო პერიოდის ბოლოსათვის (სტრ. 35+39)
	A	B	C	D
კომპანიის ხელმძღვანელი _________________                              ხელმოწერა __________________
თარიღი ______________                                              ბ.ა.

 

 

ფინანსური ანგარიშგების ფორმა 7
	საქართველოს ენერგეტიკის სამინისტრო
ნავთობისა და გაზის ეროვნული სააგენტო
საერთო-ადმინისტრაციული და მომსახურების ხარჯების ანგარიში
სახელშეკრულებო ფართობი_______________________________________________________
ოპერატორი_____________________________________________________________________
საანგარიშო პერიოდი_______________________________________________________________
ათას აშშ დოლარებში
	ხარჯები  და  დანახარჯები	ფაქტობრივი				დამტკიცებული წლიური ბიუჯეტით
		საანგარიშო კვარტალი		წლის დასაწყისიდან
1	საერთო-ადმინისტრაციული ხარჯები
2	ძირითადი და დამხმარე პერსონალის შრომის ანაზღაურება:
3	უცხოელი პერსონალი
4	ადგილობრივი პერსონალი
5	შენობის იჯარა, კომუნალური მომსახურება და კავშირგაბმულობა
6	საოფისე და საველე-საოფისე ხარჯები
7	მასალა და მოწოდების ხარჯები
8	გადაზიდვები და გადაზიდვების ღირებულება
9	მივლინება ქვეყნის ფარგლებში/ფარგლებს გარეთ
10	ჯანმრთელობა, უსაფრთხოება, სოციალური უზრუნველყოფა
11	შენატანები და შემოწირულობანი
12	კადრების მომზადება
13	დაზღვევა
14	მომსახურების ხარჯები - ხელშეკრულებები მესამე მხარესთან:
15	ტექნიკური
16	შესყიდვები და მატერიალურ-ტექნიკური უზრუნველყოფა
17	საფინანსო - ბუღალტრული აღრიცხვა და აუდიტი
18	კომერციული - იურიდიული და სხვა
19	მომსახურების ხარჯები - აფილირებულ კომპანიებთან საზღვარგარეთ:
20	ტექნიკური
21	შესყიდვები და მატერიალურ-ტექნიკური უზრუნველყოფა
22	საფინანსო - ბუღალტრული აღრიცხვა და აუდიტი
23	კომერციული - იურიდიული და სხვა
24	ზედნადები ხარჯები ქვეყნის ფარგლებს გარეთ
25	ვალუტის კურსთაშორის სხვაობა: მოგება (+), ზარალი (-)
26	სხვა
27	სულ საერთო-ადმინისტრაციული ხარჯები
28	საერთო-ადმინისტრაციული ხარჯების გადანაწილება
29	პირდაპირი გამოქვითვები
30	დარიცხვა ძებნა-ძიებაზე
31	დარიცხვა დამუშავებასა და მოპოვებაზე
32	დარიცხვა საექსპლუატაციო ხარჯებზე
33	დარიცხვა სალიკვიდაციო ხარჯებზე
34	სულ საერთო-ადმინისტრაციული ხარჯების გადანაწილება
35	სულ საერთო-ადმინისტრაციული ხარჯები გადანაწილების შემდეგ
36	მომსახურების ხარჯები
37	ძირითადი და დამხმარე პერსონალის შრომის ანაზღაურებისა
38	ოფისები, საწყობები და საამქროები
39	სატვირთო და მსუბუქი ავტომანქანები
40	ამწე კრანები და მოწყობილობა
41	საზღვაო და საჰაერო სატრანსპორტო საშუალებები
42	გარემოს დაცვა და უსაფრთხოება
43	საწვავ-საპოხი მასალები
44	ელექტროენერგია
45	საცხოვრებელი და საყოფაცხოვრებო მომსახურება
46	წყალმომარაგება და კანალიზაცია
47	საზოგადოებრივი და გამაჯანსაღებელი დაწესებულებები
48	საზღვარგარეთ აფილირებული კომპანიების მომსახურება
49	სხვა
50	სულ მომსახურების ხარჯები
51	მომსახურების ხარჯების გადანაწილება
52	პირდაპირი გამოქვითვები
53	დარიცხვა ძებნა-ძიებაზე
54	დარიცხვა დამუშავებასა და მოპოვებაზე
55	დარიცხვა საექსპლუატაციო ხარჯებზე
56	დარიცხვა სალიკვიდაციო ხარჯებზე
57	სულ მომსახურების ხარჯების გადანაწილება
58	სულ მომსახურების ხარჯები გადანაწილების შემდეგ
	A	B		C		D
კომპანიის ხელმძღვანელი _____________________                              ხელმოწერა _____________________
	თარიღი ____________________                                                  ბ.ა.

 

ფინანსური ანგარიშგების ფორმა 8

საქართველოს ენერგეტიკის სამინისტრო

ნავთობისა და გაზის ეროვნული სააგენტო

სხვა აქტივების ანგარიში

სახელშეკრულებო ფართობი_______________________________________________________________

ოპერატორი_________________________________________________________________________

საანგარიშო პერიოდი_____________________________________________________________

ათას აშშ დოლარებში

მ ა ჩ ვ ე ნ ე ბ ლ ე ბ ი

ს ხ ვ ა   ა ქ ტ ი ვ ე ბ ი

ნაშთი წინა საანგარიშო პერიოდის ბოლოსათვის

მიმდინარე  მატება

მიმდინარე წლის კლება

ნაშთი საანგარიშო პერიოდის ბოლოსათვის

გამოყენებულია/ გადაცემულია

ამოღებულია

გაყიდულია

სხვა

სულ

1

ს ხ ვ ა   ა ქ ტ ი ვ ე ბ ი

2

ბურღვის სასაქონლო-მატერიალური მარაგები:

3

სატუმბ-საკომპრესორო მილები

4

ჭაბურღილის პირის და სხვა საბურღი მოწყობილობა

5

ნედლეული და მასალები

6

სხვა

7

ბურღვის სასაქონლო-მატერიალური მარაგების ჯამი

8

მოპოვების სასაქონლო-მატერიალური მარაგები:

9

მოწყობილობა

10

მასალები

11

სხვა

12

მოპოვების სასაქონლო-მატერიალური მარაგების ჯამი

13

წინასწარ გაწეული ხარჯები და სხვა

14

ბურღვაზე

15

მოპოვებაზე

16

სხვა

17

წინასწარ გაწეული ხარჯებისა და სხვათა ჯამი

18

სხვა აქტივების ჯამი (სტრ. 7+12+17)

A

B

C

D

E

F

G

H

I

კომპანიის ხელმძღვანელი ______________________                                                  ხელმოწერა ____________________

თარიღი _____________________                                                        ბ.ა.

                                                      საქართველოს ენერგეტიკის სამინისტრო

ნავთობისა და გაზის ეროვნული სააგენტო

თბილისი 0177, ალ.ყაზბეგის გამზ.47, ტელ/ფაქსი 25 33 11, ელ.ფოსტა info@naog.ge

 

 

ფორმა №9

ჭაბურღილის კონსერვაციის ანგარიში

 

ანგარიში უნდა იქნეს წარმოდგენილი ჭაბურღილის    კონსერვაციის დასრულებიდან 30 დღის განმავლობაში		ჭაბურღილის დასახელება და ნომერი
ანგარიშის არწარმოდგენა ან მასში არასწორი  მონაცემების შეტანა გამოიწვევს პასუხისმგებელი პირის      დასჯას საქართველოს ადმინისტრაციულ სამართალდარღვევათა კოდექსის 962 მუხლის შესაბამისად	ბლოკის ნომერი/საბადოს დასახელება
	ჭაბურღილის დასახელება და ნომერი
ლიცენზიანტის დასახელება და მისამართი	ჭაბურღილის ტიპი:
ტელ/ფაქსი/ელ ფოსტის მისამართი	სამუშაოს დაწყების თარიღი:
მენარდის დასახელება და მისამართი
	სამუშაოს დასრულების თარიღი:
ტელ/ფაქსი/ ელ ფოსტის მისამართი
Iთა

 

სამუშაოების მიმდინარეობის ანგარიში
აღწერეთ ქრონოლოგიურად სამუშაოების ჩატარების თანმიმდევრობა. მიუთითეთ ყველა ის მოწყობილობა ან იარაღი, რომლებიც  ჩარჩა ლულაში. აღწერეთ ამბარის ლიკვიდაციისა და ტერიტორიის რეკულტივაციის/აღდგენის სამუშაობი.
თარიღი	ჩატარებული სამუშაოების აღწერა

 

ოპერატორის პასუხისმგებელი პირი	სააგენტოს პასუხისმგებელი პირი
ვინაობა/თანამდებობა	განიხილა:                                                          თარიღი:
ხელმოწერა                                         თარიღი:                                  ბ..ა.	შენიშვნა:

                            საქართველოს ენერგეტიკის სამინისტრო

ნავთობისა და გაზის ეროვნული სააგენტო

თბილისი 0177, ალ.ყაზბეგის გამზ.47, ტელ/ფაქსი 25 33 11, ელ.ფოსტა info@naog.ge

 

 

ფორმა №10

 

წლიური საორგანიზაციო ფორმა

ანგარიში უნდა იქნეს წარმოდგენილი საანგარიშო წლის მომდევნო წლის აპრილის ბოლომდე.

ანგარიშის არწარმოდგენა ან მასში არასწორი მონაცემების შეტანა გამოიწვევს პასუხისმგებელი პირის დასჯას საქართველოს ადმინისტრაციულ სამართალდარღვევათა კოდექსის 96² მუხლის შესაბამისად

 

კომპანიის სრული დასახელება და ორგანიზაციულ-სამართლებრივი ფორმა (სააქციო საზოგადოება, შპს და სხვ.):
მისამართი/ტელ/ფაქსი/ელ.ფოსტის მისამართი
ლიცენზირებული ბლოკის ნომერი:
კომპანიის ძირითადი საქმიანობა (მაგ: ნავთობმომპოვებელი, მილსადენების კომპანია და ა.შ):
კომპანიის საქართველოში წარმომადგენლობის, ფილიალის ან სხვ. მარეგისტრირებელი ორგანო, რეგისტრაციის №/თარიღი	გადასახადის გადამხდელის საიდენტიფიკაციო კოდი:

 

შეავსეთ მხოლოდ ის ცხრილები, რომლებიც შეესაბამება თქვენს კომპანიას:

 

ქვეყანა:	კომპანიის დამარეგისტრირებელი ორგანო
კომპანიის საიმედოობის დამადასტურებელი სერტიფიკატის ნომერი/გაცემის თარიღი:	მისამართი:

 

კომპანიის სტრუქტურა	ვინაობა	მისამართი
პრეზიდენტი
ვიცე-პრეზიდენტი
კორპორაციული მდივანი

 

დირექტორები (ვინაობა)	მისამართი
საქართველოში წარმომადგენელი	მისამართი

 

ინფორმაცია კომპანიის მფლობელობისა და კონტროლის შესახებ

კომპანიის მფლობელი ან(და) კომპანიის 10% მეტი წილის მფლობელები:	მისამართი

 

კომპანიის პასუხისმგებელი პირი	მარეგულირებელი სახელმწიფო სააგენტოს პასუხისმგებელი პირი
ვინაობა/თანამდებობა	განიხილა:                                                                            თარიღი:
ხელმოწერა                                          თარიღი:                                ბ..ა.	შენიშვნა:

 

 

 

საქართველოს ენერგეტიკის სამინისტრო

ნავთობისა და გაზის ეროვნული სააგენტო

თბილისი 0177, ალ.ყაზბეგის გამზ.47, ტელ/ფაქსი 25 33 11, ელ.ფოსტა info@naog.ge

 

 

ფორმა №11

გეოლოგიური და გეოფიზიკური სამუშაოების (კვარტალური)  ანგარიში

 

ანგარიში უნდა იქნეს წარმოდგენილი კვარტალურად ან სამუშაოს დამთავრებიდან 30 დღის განმავლობაში	უფლებამოსილების საქმის №
ანგარიშის არწარმოდგენა ან მასში არასწორი მონაცემების შეტანა გამოიწვევს პასუხისმგებელი პირის დასჯას საქართველოს ადმინისტრაციულ სამართალდარღვევათა კოდექსის 962 მუხლის შესაბამისად
	ბლოკის ნომერი/საბადოს დასახელება
	საკვლევი ტერიტორიის ადგილმდებარეობა/ რაიონი
ლიცენზიანტის დასახელება და მისამართი:
ტელ/ფაქსი/ელ.ფოსტის მისამართი:
Iმენარდის დასახელება და მისამართი: B ტრაქტორის
იტელ/ფაქსი/ელ ფოსტის მისამართი:

 

ჩატარებული სამუშაოების აღწერა

● ანგარიშში მოკლედ მაგრამ ზუსტად უნდა იქნეს აღწერილი ყველა ჩატარებული სამუშაო, განსაკუთრებული ყურადღება უნდა დაეთმოს პროექტით გაუთვალისწინებელი მოვლენების      აღწერას, პრობლემებს (თუ ასეთს ჰქონდა ადგილი) და ამ პრობლემების  გადასაჭრელად  განხორციელებულ ღონისძიებებს. ● ანგარიშის ბოლოს უნდა იქნეს მითითებული ინტერპრეტირებული მასალების სააგენტოში წარმოდგენის თარიღი.

 

ოპერატორის პასუხისმგებელი პირი	სააგენტოს პასუხისმგებელი პირი
ვინაობა/თანამდებობა	განიხილა:                                                                        თარიღი:
ხელმოწერა:                                                 თარიღი:                              ბ..ა.	შენიშვნა:

 

 

საქართველოს ენერგეტიკის სამინისტრო

ნავთობისა და გაზის ეროვნული სააგენტო

თბილისი 0177, ალ.ყაზბეგის გამზ.47, ტელ/ფაქსი 25 33 11, ელ.ფოსტა info@naog.ge

 

 

ფორმა №12

ბურღვის კვარტალური ანგარიში

 

	ანგარიში უნდა იქნეს წარმოდგენილი მარეგულირებელი წესების 227-ე მუხლის შესაბამისად				უფლებამოსილების საქმის №			ანგარიშის №
	ანგარიშის არწარმოდგენა ან მასში არასწორი მონაცემების შეტანა გამოიწვევს პასუხისმგებელი პირის დასჯას საქართველოს ადმინისტრაციულ სამართალდარღვევათა კოდექსის 962 მუხლის  შესაბამისად
					ბლოკის ნომერი/საბადოს დასახელება
					ჭაბურღილის დასახელება და ნომერი
	ლიცენზიანტის დასახელება და მისამართი   ი ი
	ტელ/ფაქსი
	I(ქვე)კონტრაქტორის დასახელება და მისამართი B აქტორის
	ტელ/ფაქსი
ზოგადი მონაცემები
ანგარიშის პერიოდი		ბურღვის დაწყების თარიღი		დანადგარი:			ბურღვის დღეების რაოდენობა
სანგრევის სიღრმე		სატეხის გავლა (მ) (საშუალო) 24 სთ-ში		ბურღვის მექანიკური სიჩქარე მ/სთ		სატეხის ზომა
სატეხის ტიპი: 1.           3. 2.           4		სიღრმე სატეხის შეცვლამდე		შეცვლილი სატეხების რაოდენობა:		გავლა სატეხზე : 1.          3. 2.          4.
ჭაბურღილის ჭრილი					კონსტრუქცია
საპროექტო			ფაქტობრივი		საპროექტო				ფაქტობრივი

 

 

ჭაბურღილის კონსტრუქცია		გართულებები ბურღვის პროცესში
კოლონის დიამეტრი    მმ	კოლონის ბუნიკი        მმ	ინტერვალი	წყალი	ცირკულ. დარღვევა	სხვა (მიუთითეთ)	მოცულობა
			(X)
				( X)

 

 

ინკლინომეტრია
№	სიღრმე, მ	კუთხე	მიმართულება	№	სიღრმე, მ	კუთხე	მიმართულება

 

 

ბურღვითი სამუშაოების მიმდინარეობის აღწერა

(აღნიშნული ანგარიშის შევსება სავალდებულოა, თუ ბურღვითი სამუშაოები კონკრეტულ ჭაბურღილზე, საანგარიშო კვარტალის ბოლოს ჯერ კიდევ მიმდინარეობს. თუ საანგარიშო კვარტალის ბოლოს ჭაბურღილის ბურღვა დასრულებულია, მაშინ შესაბამისად წარმოდგენილი უნდა იყოს №13 და №14 ანგარიშის ფორმები დადგენილ  ვადებში).    აღწერთ  ბურღვის მიმდინარეობა. აღნიშნეთ თუ რა  გართულებებს ჰქონდა ადგილი ბურღვის პროცესში და როგორ იქნა ეს გართულებები  დაძლეული.  მიუთითეთ ბურღვის პროექტით გათვალისწინებული პარამეტრებიდან გადახვევებზე, თუ ასეთს ჰქონდა ადგილი.

 

ოპერატორის პასუხისმგებელი პირი	სააგენტოს პასუხისმგებელი პირი
ვინაობა/თანამდებობა	განიხილა:                                                                          თარიღი:
ხელმოწერა                                                          თარიღი:                              ბ..ა.	შენიშვნა:

 

 

 

საქართველოს ენერგეტიკის სამინისტრო

ნავთობისა და გაზის ეროვნული სააგენტო

თბილისი 0177, ალ.ყაზბეგის გამზ.47, ტელ/ფაქსი 25 33 11, ელ.ფოსტა info@naog.ge

 

 

ფორმა №13

ბურღვის დასრულების ანგარიში

 

ანგარიში უნდა იქნეს წარმოდგენილი ბურღვის        დასრულებიდან 15 დღის განმავლობაში

უფლებამოსილების საქმის №

ანგარიშის №

ანგარიშის არწარმოდგენა ან მასში არასწორი მონაცემების შეტანა გამოიწვევს პასუხისმგებელი პირის დასჯას საქართველოს ადმინისტრაციულ სამართალდარღვევათა კოდექსის 962 მუხლის შესაბამისად

ბლოკის ნომერი/საბადოს დასახელება

ჭაბურღილის დასახელება და ნომერი

ლიცენზიანტის დასახელება და მისამართი:

ტელ/ფაქსი/ელ.ფოსტის მისამართი:

Iოპერატორის/მენარდის დასახელება და მისამართი: Bონტრაქტორის

ტელ/ფაქსი/ელ.ფოსტის მისამართი:

ზოგადი მონაცემები

ჭაბურღილის დანიშნულება

გაზის      ნავთობის        ნავთობის და გაზის       საჭირხნი        სხვა

ჭაბურღილის ტიპი

საძიებო;      პარამეტრული;    საექსპლუატაციო       სხვა

ბურღვა დაიწყო:

ბურღვა დასრულდა:

საპროექტო სიღრმე:

ფაქტობრივი სიღრმე:

ალტიტუდა:

ბურღვის მეთოდი:

საპროექტო ჰორიზონტი:

ფაქტობრივი ჰორიზონტი:

ღია ლულის სიგრძე:

კაროტაჟის სიღრმე:

ჭაბურღილის კონსტრუქცია

ლულის დიამეტრი მმ

კოლონის დიამეტრი მმ

კოლონის ჩაშვების ინტერვალი

მილის  მარკა და სისქე

კოლონის სექც. შეერთების ტიპი (ხრახნული/შედუღ.)

ცემენტის ამოწევის სიმაღლე

 

გამოვლინებები და შთანთქმები
ინტერვალი	გამოვლინების ფორმა	შენიშვნა (შენიშვნაში მოკლედ მიუთითეთ გატარებულ ღონისძიებებზე და შედეგებზე. უფრო ვრცლად მიუთითეთ „დამატებით ინფორმაციაში“)

 

პროდუქტიული ფენის სიმძლავრე				ნავთობისა და გაზის სხვა გამოვლინებები
ფორმაცია    (ქანი)	ნავთ/გაზი	ინტერვალი		ფორმაცია     (ქანი)	ნავთ. ან გაზი	სიღრ.	სად და რა ფორმით (აღნიშნეთ X-ით)
							ქანის ნიმუშში	სუნი	ამბარში	სხვა.

 

ინკლინომეტრია
სიღრმე	გადახრის კუთხე (გრადუსი)	აზიმუტი
სანგრევის ნიშნულის გადახრა ჭაბურღილის პირიდან შადგენს:

 

გეოფიზიკური კვლევები (მიუთითეთ ყველა ტიპის ჩატარებული გეოფიზიკური კვლევები)
№	კვლევის მეთოდი	ინტერვალი

 

ოპერატორის პასუხისმგებელი პირი	სააგენტოს პასუხისმგებელი პირი
ვინაობა/თანამდებობა	განხილა:                                                                                              თარიღი:
ხელმოწერა                                                    თარიღი:                                                     ბ..ა.	შენიშვნა:

 

სტრატიგრაფიული ჭრილი
ასაკი	ინტერვალი	ლითოლოგია	ფორიანობა %	ინფორმაციის წყარო (კერნი/კაროტაჟი)

 

დამატებითი ინფორმაცია
(დაურთეთ ბურღვის მოკლე ისტორია და დანართების ნუსხა)
ოპერატორის პასუხისმგებელი პირის ხელმოწერა:	მარეგულირებელი სახელმწიფო სააგენტოს პასუხისმგებელი პირი
თანამდებობა/ვინაობა	განხილა:                                                                 თარიღი:
თარიღი:                                                                                                              ბ. ა.	შენიშვნა:

 

შენიშვნა: დანართების სახით წარმოადგინეთ ჭაბურღილში ჩატარებული ყველა სხვა კვლევების შედეგები.

 

 

 

 

საქართველოს ენერგეტიკის სამინისტრო

ნავთობისა და გაზის ეროვნული სააგენტო

თბილისი 0177, ალ.ყაზბეგის გამზ.47, ტელ/ფაქსი 25 33 11, ელ.ფოსტა info@naog.ge

 

 

ფორმა №14

ჭაბურღილის ათვისების ანგარიში

 

ანგარიში  უნდა იქნეს წარმოდგენილი სამუშაოების დამთავრებიდან 15 დღის განმავლობაში	უფლებამოსილების საქმის №	ანგარიშის №
	ბლოკის ნომერი/საბადოს დასახელება
ანგარიშის არწარმოდგენა ან მასში არასწორი მონაცემების შეტანა გამოიწვევს პასუხისმგებელი პირის დასჯას ადმინისტრაციულ სამართალდარღვევათა კოდექსის 962 მუხლის   შესაბამისად
	ჭაბურღილის დასახელება და ნომერი
ლიცენზიანტის დასახელება და მისამართი
ტელ/ფაქსი
Iქვეკონტრაქტორის დასახელება და მისამართი Bონტრაქტორის
ტელ/ფაქსი

 

პერფორაციის ანგარიში
პერფორაციის თარიღი	ნახვრ. რაოდ	პერფორირებული ინტერვალები	ათვისების შედეგი
	1 გრძ.მ-ზე

 

ფენის დამუშავება მჟავით, ჰიდროგახლეჩით ან სხვა მეთოდით
თარიღი	დამუშავებული ინტერვალი			მასალის ტიპი და მოცულობა
ბუნებრივი მოდენი დამუშავებამდე:			ნავთობი (მ3)		გაზი (ათასი მ3)	ფენის წნევა:
ჭაბურღილის სტატუსი:		საექსპლუატაციო;                            სალიკვიდაციო

 

საცდელი მოპოვების მონაცემები

ფენი:

მომპოვებელი

მშრალი

დაკონსერვებული

შერეული

გამოცდის თარიღი

დასინჯვის დრო (სთ)

ნავთობი მ3

გაზი (ათასი მ3)

წყალი  მ3

შტუცერის ზომა

მოპოვების მეთოდი (შადრ/სიღრმ ტუმბო/სხვა)

ნავთ. ხვედ. წონა

წნევა რგოლურ სივრცეში

სსმ წნევა

მოპოვება     24სთ :

ნავთობი მ3

გაზი (ათასი მ3)

წყალი

გაზის ფაქტორი

სსმ-ის დიამეტრი:

სსმ-ის ჩაშვების სიღრმე :

პაკერის დაყენების სიღრმე

ფენის იზოლირების თარიღი:

დაცემენტდა:   დიახ    არა

ცემენტის რაოდენობა:

ცემენტის ხიდის დაყენების სიღრმე:

 

ფენი:

მომპოვებელი

მშრალი

დაკონსერვებული

შერეული

გამოცდის თარიღი

დასინჯვის დრო (სთ)

ნავთობი მ3

გაზი (ათასი მ3)

წყალი  მ3

შტუცერის ზომა

მოპოვების მეთოდი (შადრ/სიღრმ ტუმბო/სხვა)

ნავთ. ხვედ. წონა

წნევა რგოლურ სივრცეში

სსმ წნევა

მოპოვება     24სთ :

ნავთობი მ3

გაზი (ათასი მ3)

წყალი

გაზის ფაქტორი

სსმ-ის დიამეტრი:

სსმ-ის ჩაშვების სიღრმე :

პაკერის დაყენების სიღრმე

ფენის იზოლირების თარიღი:

დაცემენტდა:   დიახ    არა

ცემენტის რაოდენობა:

ცემენტის ხიდის დაყენების სიღრმე:

შენიშვნა: თუ საჭიროა კიდევ დაამატეთ ანალოგიური ცხრილი

 

ოპერატორის პასუხისმგებელი პირი	სააგენტოს პასუხისმგებელი პირი
ვინაობა/თანამდებობა	განიხილა:                                      თარიღი:
ხელმოწერა                                            თარიღი:                                                                ბ..ა.	შენიშვნა:

 

დანართები

1. ჭაბურღილის სქემატური ნახატი, რომელზედაც მითითებულ იქნება: ჭაბურღილის პირის საშადრევნო არმატურისა და მასთან დაკავშირებული მოწყობილობის ზომები და ტექნიკური მახასიათებლები, ასევე პროდუქტიული ზონ(ებ)ის, სამაგრი კოლონისა და ჭაბურღილის ასათვისებლად საჭირო სხვა ჭაბურღილისშიგა მოწყობილობის განლაგება; ყველა სატუმბ-საკომპრესორო მილების კოლონის პარამეტრებისა და ზომების ჩათვლით; დაცემენტების რაოდენობა, ხარისხი და ადგილი;

2. ელექტრული კაროტაჟის  დიაგრამა ათვისების ზონ(ებ)ის მითითებით.

 

 

 

 

 

 

 

 

 

 

 

 

საქართველოს ენერგეტიკის სამინისტრო

ნავთობისა და გაზის ეროვნული სააგენტო

თბილისი 0177, ალ.ყაზბეგის გამზ.47, ტელ/ფაქსი 25 33 11, ელ.ფოსტა info@naog.ge

 

 

ფორმა №15

ძებნა-ძიების, შეფასების, დამუშავების კვარტალური ანგარიში

 

ანგარიში უნდა იქნეს წარმოდგენილი საანგარიშო კვარტალის მეორე მომდევნო თვის 16 რიცხვამდე	უფლებამოსილების საქმის №	ანგარიშის №
ანგარიშის არწარმოდგენა ან მასში არასწორი მონაცემების შეტანა გამოიწვევს პასუხისმგებელი პირის დასჯას საქართველოს ადმინისტრაციულ სამართალდარღვევათა კოდექსის 962 მუხლის  შესაბამისად
	ბლოკის ნომერი/საბადოს დასახელება
ლიცენზიანტის დასახელება და მისამართი   ი ი
ტელ/ფაქსი
I(ქვე)კონტრაქტორის დასახელება და მისამართი B ნტრაქტორის
იტელ/ფაქსი

 

ანგარიშის შინაარსი

· ანგარიში უნდა შეიცავდეს ლიცენზირებულ ტერიტორიაზე კვარტალის განმავლობაში ჩატარებული ძებნა-ძიების, შეფასებისა და დამუშავების ოპერაციების აღწერას, ყველა შესრულებული ოპერაციის შედეგებს და აგრეთვე იმ ოპერაციებსაც, რომელებიც კვარტალის ბოლოს შეიძლება ჯერ კიდევ განხორციელების პროცესშია. თუ საჭიროა ანგარიშს შეიძლება დანართის სახით ერთოდეს ოპერატორის/ინვესტორის მიერ სხვადასხვა საკითხებზე მომზადებული სპეციალური ტექნიკური ანგარიშები. · ანგარიშში განსაკუთრებული ყურადღება უნდა დაეთმოს ძებნა-ძიების, შეფასებისა თუ დამუშავების დამტკიცებული გეგმის შესრულების მდგომარეობას. თუ მუშაობის პროცესში ადგილი აქვს  გეგმიდან გადახვევას, მაშინ ანგარიშში წარმოდგენილი უნდა იყოს შესაბამისი დასაბუთება.

 

ოპერატორის პასუხისმგებელი პირი	სააგენტოს პასუხისმგებელი პირი
ვინაობა/თანამდებობა	განიხილა:                                                                            თარიღი:
ხელმოწერა:                                                      თარიღი:                              ბ..ა.	შენიშვნა: