,,აეროდრომების სერტიფიცირების წესის დამტკიცების შესახებ“ ერთიანი სატრანსპორტო ადმინისტრაციის უფროსის 2007 წლის 1 ნოემბრის №128 ბრძანებაში ცვლილებებისა და დამატებების შეტანის თაობაზე“

სახელმწიფო სარეგისტრაციო კოდი

 310.050.020.47.052.011.565

საქართველოს ეკონომიკური განვითარების სამინისტროს ერთიანი სატრანსპორტო ადმინისტრაციის უფროსის

ბრძანება №23

2008 წლის 28 თებერვალი

ქ. თბილისი

„აეროდრომების სერტიფიცირების წესის დამტკიცების შესახებ“ ერთიანი სატრანსპორტო ადმინისტრაციის უფროსის 2007 წლის 1 ნოემბრის №128 ბრძანებაში ცვლილებებისა და დამატებების შეტანის თაობაზე

„ნორმატიული აქტების შესახებ“ საქართველოს კანონის 36-ე მუხლის, საქართველოს ზოგადი ადმინისტრაციული კოდექსის 63-ე მუხლის საფუძველზე, ვბრძანებ:

    მუხლი 1

„აეროდრომების სერტიფიცირების წესის დამტკიცების შესახებ“ ერთიანი სატრანსპორტო ადმინისტრაციის უფროსის 2007 წლის 1 ნოემბრის №128 ბრძანებით (სსმ III, 05.11.2007წ., №155, მუხ. 1727) დამტკიცებულ „აეროდრომების სერტიფიცირების წესში“ შეტანილ იქნეს შემდეგი ცვლილებები და დამატებები:

1. მე-8 მუხლის მე-4 პუნქტის „დ“ ქვეპუნქტი ამოღებულ იქნეს.

2. მე-9 მუხლის მე-3 პუნქტი ჩამოყალიბდეს შემდეგი რედაქციით:

„3. სერტიფიკატი უვადოა, გარდა ამ წესის მე-8 მუხლის მე-5 პუნქტით განსაზღვრული შემთხვევისა. აეროდრომის ექსპლუატანტის წერილობითი მოთხოვნის შესაბამისად, სერტიფიკატი შეიძლება გაიცეს კონკრეტული მოქმედების ვადით“.

3. VII თავის სათაური ჩამოყალიბდეს შემდეგი რედაქციით:

„თავი VII

აეროდრომების სახელმწიფო რეგისტრირება. აეროდრომების სახელმწიფო და უწყებრივი სასერტიფიკაციო რეესტრები. ადმინისტრაციის უფლებამოსილება. პასუხისმგებლობა“.

4. VII თავს დაემატოს 36¹ მუხლი შემდეგი რედაქციით:

     „მუხლი 36¹. აეროდრომების სახელმწიფო რეგისტრირება. აეროდრომების სახელმწიფო რეესტრი

1. ამ წესის შესაბამისად სერტიფიცირებული აეროდრომი, სერტიფიკატის გაცემისთანავე, რეგისტრირდება „საქართველოს სამოქალაქო აეროდრომების სახელმწიფო რეესტრში“ (შემდგომში – სახელმწიფო რეესტრი), რომელსაც აწარმოებს ადმინისტრაცია.

2. სახელმწიფო რეესტრში რეგისტრირებული აეროდრომის ექსპლუატანტზე გაიცემა ამ წესის დანართი №6-ით განსაზღვრული ფორმის „სარეგისტრაციო სერტიფიკატი“, რომლის ნომერი უნდა შეესაბამებოდეს სახელმწიფო რეესტრში რეგისტრირების რიგით ნომერს.

3. სახელმწიფო რეესტრი წარმოადგენს დანომრილ და ზონარგაყრილ ჟურნალს, რომლის ფორმა და შინაარსი განსაზღვრულია ამ წესის დანართი №7-ით.

4. „სარეგისტრაციო სერტიფიკატი“ არის მხოლოდ მისი სახელმწიფო რეგისტრაციის დამადასტურებელი და არ წარმოადგენს აეროდრომის საკუთრების ან სხვა უფლების მიმნიჭებელ საბუთს.

5. სახელმწიფო რეესტრში და/ან „სარეგისტრაციო სერტიფიკატში“ ცვლილება ხორციელდება აეროდრომის მფლობელის განცხადების და/ან ადმინისტრაციის გადაწყვეტილების საფუძველზე, საქართველოს ზოგადი ადმინისტრაციული კოდექსით დადგენილი მარტივი ადმინისტრაციული წესით, და იმ შემთხვევაში, თუ იცვლება სახელმწიფო რეესტრით და/ან „სარეგისტრაციო სერტიფიკატით“ განსაზღვრული რომელიმე მონაცემი.

6. სახელმწიფო რეესტრიდან აეროდრომი ამოიღება სერტიფიკატის გაუქმებისთანავე.

7. სახელმწიფო რეესტრიდან აეროდრომის ამოღების დღიდან მისი „სარეგისტრაციო სერტიფიკატი“ კარგავს იურიდიულ ძალას, ხოლო აეროდრომის მფლობელი – აეროდრომის ექსპლუატაციის უფლებას“.

5. წესის დანართი №1-ის მე-3 მუხლის მე-2 პუნქტის „ნ“ ქვეპუნქტი ჩამოყალიბდეს შემდეგი რედაქციით:

„ნ) ხელოვნური საფარის ტიპს და მის ამტანუნარიანობას, „საჰაერო ხომალდების და საფარის კლასიფიკაციური რიცხვის (ACN – PCN) მეთოდიკის“ მიხედვით.“.

6. წესის დანართ №4-ში შეტანილ იქნეს ცვლილება და იგი ჩამოყალიბდეს თანდართული რედაქციით.

7. წესს დაემატოს დანართი №6 და დანართი №7 თანდართული რედაქციით.

    მუხლი 2

ბრძანება ამოქმედდეს გამოქვეყნებიდან მე-15 დღეს.

ი. თაქთაქიშვილი

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

დანართი №4

 

 

 

 

 

 

გამცემი ორგანოს დასახელება

 

აეროდრომის ვარგისობის სერტიფიკატი №000000

 

    ამ სერტიფიკატის მფლობელი, ჩიკაგოს 1944წ. კონვენციისა და საქართველოს კანონმდებლობის

 შესაბამისად,   უფლებამოსილია განახორციელოს სამოქალაქო აეროდრომის ექსპლუატაცია,

სერტიფიკატში მითითებული პირობებითა და შეზღუდვებით:

 

აეროდრომის დასახელება:      --------------------------------------------

ადგილმდებარეობა:              --------------------------------------------

აეროდრომის მფლობელი:       --------------------------------------------

სერტიფიკატის მფლობელი:                   --------------------------------------------

აეროდრომის კოდური აღნიშვნა               --------------------------------------------

ikao-s (ICAO) კოდი                        --------------------------------------------

iata-s  (IATA) კოდი                         --------------------------------------------            

სახელმწიფო რეგისტრაციის ნომერი:         ------------------------------------------

სერტიფიკატის გაცემის თარიღი:                ---------- წ. ---  ------------------------ 

            

საექსპლუატაციო პირობები: ----------------------------------------------------------------------------------

---------------------------------------------------------------------------------------------------------------------

--------------------------------------------------------------------------------------------------------------------

----------------------------------------------------------------------------------------------------------------------

 საექსპლუატაციო შეზღუდვები: ------------------------------------------------------------------------------

---------------------------------------------------------------------------------------------------------------------

---------------------------------------------------------------------------------------------------------------------

-------------------------------------

 

უფლებამოსილი პირი:                     -----------------------------------  

                                  ხელმოწერა

                         

 

 

 

 

 

 

 

 

 

დანართი №6

გამცემი ორგანოს დასახელება   სარეგისტრაციო სერტიფიკატი №     1. აეროდრომის დასახელება ------------------------------------------------------------------   2. აეროდრომის მფლობელი ------------------------------------------------------------------ ----------------------------------------------------------------------------------------------------   3. აეროდრომის ადგილმდებარეობა --------------------------------------------------------- ----------------------------------------------------------------------------------------------------   4. აეროდრომის საერთაშორისო ინდექსი (იკაო-ს კოდი)  -------------------------------   5. აეროდრომის იატა-ს კოდი    --------------------------------------------------------------   6. აეროდრომის კოდური აღნიშვნა ---------------------------------------------------------   7. ასაფრენ-დასაფრენი ზოლის ზომები და საფარის ტიპი ------------------------------ --------------------------------------------------------------------------------------------------- ---------------------------------------------------------------------------------------------------          ამით დასტურდება, რომ აეროდრომი რეგისტრირებულია საქართველოს სამოქალაქო        აეროდრომების სახელმწიფო რეესტრში.     გაცემის თარიღი ------------------------------------------------------------    უფლებამოსილი პირი   ------------------------------------------------------

 

 

 

 

 

 

 

 

 

 

დანართი №7

აეროდრომების სახელმწიფო რეესტრი

რიგითი №	აეროდრომის დასახელება	აეროდრომის კოდური ნიშანი	აეროდრომის ადგილმდებარეობა და საკონტროლო წერტილი	აეროდრომის მფლობელი	სარეგისტრაციო სერტიფიკატის გაცემის თარიღი	შენიშვნა