საჯარო სამართლის იურიდიული პირის – საშუალო პროფესიული სახელოვნებო საგანმანათლებლო დაწესებულება – ქ. გორის სულხან ცინცაძის სახელობის სამუსიკო კოლეჯის წესდებაში ცვლილებების შეტანის შესახებ

სახელმწიფო სარეგისტრაციო კოდი 040.030.000.22.028.011.475

საქართველოს კულტურის, ძეგლთა დაცვისა და სპორტის

მინისტრის ბრძანება №3/7

2008 წლის 5 თებერვალი

ქ. თბილისი

საჯარო სამართლის იურიდიული პირის – საშუალო პროფესიული სახელოვნებო საგანმანათლებლო დაწესებულება – ქ. გორის სულხან ცინცაძის სახელობის სამუსიკო კოლეჯის წესდებაში ცვლილებების    შეტანის შესახებ

,,ზოგადი განათლების შესახებ“ საქართველოს კანონის 57-ე მუხლისა და საქართველოს ,,ზოგადი ადმინისტრაციული კოდექსის“ 63-ე მუხლის თანახმად:

1. ,,საჯარო სამართლის იურიდიული პირის – საშუალო პროფესიული სახელოვნებო საგანმანათლებლო დაწესებულება – ქ. გორის სულხან ცინცაძის სახელობის სამუსიკო კოლეჯის დაფუძნებისა და მისი წესდების დამტკიცების შესახებ“ საქართველოს კულტურის, ძეგლთა დაცისა და სპორტის მინისტრის 2007 წლის 23 აპრილის №3/71 ბრძანებაში და ბრძანებით დამტკიცებულ წესდებაში (სსმ III, 2007 წ., №59, მუხ. 632) შეტანილ იქნეს შემდეგი ცვლილებები:

ა) ბრძანების სათაური ჩამოყალიბდეს შემდეგი რედაქციით:

,,საჯარო სამართლის იურიდიული პირის – საშუალო პროფესიული სახელოვნებო საგანმანათლებლო დაწესებულება – ქ. გორის სულხან ცინცაძის სახელობის ხელოვნების კოლეჯის დაფუძნებისა და მისი წესდების დამტკიცების შესახებ“;

ბ) ბრძანების პირველი და მე-2 პუნქტები ჩამოყალიბდეს შემდეგი რედაქციით:

,,1. ქ. გორის სულხან ცინცაძის სახელობის სამუსიკო სასწავლებლის, ქ. ცხინვალის მახარბეგ ტუგანოვის სახელობის სამხატვრო სასწავლებლისა და ქ. ცხინვალის სამუსიკო სასწავლებლის ბაზაზე დაფუძნდეს საჯარო სამართლის იურიდიული პირი – საშუალო პროფესიული სახელოვნებო საგანმანათლებლო დაწესებულება – ქ. გორის სულხან ცინცაძის სახელობის ხელოვნების კოლეჯი“.

,,2. დამტკიცდეს საჯარო სამართლის იურიდიული პირის – საშუალო პროფესიული სახელოვნებო საგანმანათლებლო დაწესებულება – ქ. გორის სულხან ცინცაძის სახელობის ხელოვნების კოლეჯის თანდართული წესდება“;

გ) წესდების სათაური ჩამოყალიბდეს შემდეგი რედაქციით:

,,საჯარო სამართლის იურიდიული პირი – საშუალო პროფესიული სახელოვნებო საგანმანათლებლო დაწესებულება – ქ. გორის სულხან ცინცაძის სახელობის ხელოვნების კოლეჯის წესდება.“;

დ) წესდების პირველი მუხლის პირველი პუნქტი ჩამოყალიბდეს შემდგი რედაქციით:

,,1. საჯარო სამართლის იურიდიული პირი – საშუალო პროფესიული სახელოვნებო საგანმანათლებლო დაწესებულება – ქ. გორის სულხან ცინცაძის სახელობის ხელოვნების კოლეჯი (შემდგომში – კოლეჯი) არის ,,საჯარო სამართლის იურიდიული პირის შესახებ“ და ,,ზოგადი განათლების შესახებ“ საქართველოს კანონების საფუძველზე შექმნილი საშუალო პროფესიული სახელოვნებო საგანმანათლებლო დაწესებულება, რომელიც ახორციელებს საშუალო პროფესიულ სახელოვნებო საგანმანათლებლო პროგრამებს ზოგადსაგანმანათლებლო პროგრამების გარეშე.“;

ე) წესდების პირველი მუხლის მე-3 ქვეპუნქტი ჩამოყალიბდეს შემდეგი რედაქციით:

,,3. კოლეჯი შექმნილია ქ. გორის სულხან ცინცაძის სახელობის სამუსიკო სასწავლებლის, ქ. ცხინვალის მახარბეგ ტუგანოვის სახელობის სამხატვრო სასწავლებლისა და ქ. ცხინალის სამუსიკო სასწავლებლის ბაზაზე და წარმოადგენს მათ უფლებამონაცვლეს;

ვ) წესდების მე-2 მუხლის ,,ა“ ქვეპუნქტი ჩამოყალიბდეს შემდეგი რედაქციით:

,,ა) განახორციელოს საშუალო პროფესიული სახელოვნებო საგანმანათლებლო პროგრამები;“;

ზ) წესდების მე-4 მუხლის პირველი პუნქტი ჩამოყალიბდეს შემდეგი რედაქციით:

,,1. კოლეჯის სტრუქტურული ერთეულებია: ადმინისტრაცია, ძირითადი სასწავლო (განყოფილებები) და დამხმარე-სასწავლო სტრუქტურული ერთეულები.“;  

თ) წესდების მე-4 მუხლის მე-8 და მე-10 პუნქტები ჩამოყლიბდეს შემდეგი რედაქციით:

,,8. კოლეჯის დირექტორად შეიძლება დაინიშნოს უმაღლესი აკადემიური სახელოვნებო განათლების მქონე პიროვნება, რომელსაც აქვს პედაგოგიური და შემოქმედებითი მუშაობის არანაკლებ 3 წლის სტაჟი, ორგანიზაციული საქმიანობის უნარ-ჩვევები და არ მიუღწევია 65 წლის ასაკისთვის;

,,10. დირექტორის მოადგილედ სასწავლო დარგში შეიძლება დაინიშნოს უმაღლესი აკადემიური სახელოვნებო განათლების მქონე პიროვნება, რომელსაც აქვს შესაბამისი პედაგოგიური და შემოქმედებითი მუშაობის არანაკლებ 3 წლის სტაჟი, სასწავლო-შემოქმედებითი პროცესის ორგანიზაციის უნარი და არ მიუღწევია 65 წლის ასაკისთვის“;

ი) წესდების მე-4 მუხლის მე-12 პუნქტი ჩამოყალიბდეს შემდეგი რედაქციით:

,,12. კოლეჯის ძირითადი სასწავლო სტრუქტურული ერთეულის – განყოფილების უფროსად შეიძლება დაინიშნოს განყოფილების პროფილის შესაბამისი უმაღლესი აკადემიური სახელოვნებო განათლების მქონე პიროვნება.“;

კ) წესდების მე-5 მუხლის პირველი პუნქტი ჩამოყალიბდეს შემდეგი რედაქციით:

,,1. კოლეჯის პედაგოგად და კონცერტმაისტერად მუშაობის უფლება აქვს უმაღლესი აკადემიური სახელოვნებო განათლების მქონე პირს; იგი უნდა ეწეოდეს საქმიანობას დიპლომით მითითებული კვალიფიკაციის შესაბამისად.“.

2. ეს ბრძანება ამოქმედდეს გამოქვეყნებისთანავე.

ნ. ვაჩეიშვილი