,,სახელმწიფო შესყიდვით შეძენილი და ჰუმანიტარული დახმარების გზით მიღებული ვადაგადასული და გაუვარგისებული სამკურნალო საშუალებების ჩამოწერა-განადგურების შესახებ“ საქართველოს შრომის, ჯანმრთელობისა და სოციალური დაცვის მინისტრის 2001 წლის 20 აპრილის №168/ნ ბრძანებაში ცვლილებების შეტანის შესახებ“

სახელმწიფო სარეგისტრაციო კოდი 470.060.000.22.035.011.385

საქართველოს შრომის, ჯანმრთელობისა და სოციალური დაცვის მინისტრის ბრძანება №21/ნ

2008 წლის 18 იანვარი

ქ. თბილისი

,,სახელმწიფო შესყიდვით შეძენილი და ჰუმანიტარული დახმარების გზით მიღებული ვადაგადასული და გაუვარგისებული სამკურნალო საშუალებების ჩამოწერა-განადგურების შესახებ“ საქართველოს შრომის, ჯანმრთელობისა და სოციალური დაცვის მინისტრის 2001 წლის 20 აპრილის №168/ნ ბრძანებაში ცვლილებების შეტანის შესახებ

,,ნორმატიული აქტების შესახებ“ საქართველოს კანონის 36-ე მუხლის საფუძველზე, ვბრძანებ:

მუხლი 1. ,,სახელმწიფო შესყიდვით შეძენილი და ჰუმანიტარული დახმარების გზით მიღებული ვადაგადასული და გაუვარგისებული სამკურნალო საშუალებების ჩამოწერა-განადგურების შესახებ“ საქართველოს შრომის, ჯანმრთელობისა და სოციალური დაცვის მინისტრის 2001 წლის 20 აპრილის №168/ნ ბრძანებაში (სსმ III, 2001 წ., №42, მუხლი 360) შეტანილ იქნეს შემდეგი ცვლილებები:

ა) ბრძანების პირველი პუნქტი ჩამოყალიბდეს შემდეგი რედაქციით:

,,1. სამედიცინო და ფარმაცევტულ დაწესებულებებში სახელმწიფო შესყიდვით შეძენილი და ჰუმანიტარული დახმარების გზით მიღებული ვადაგასული და გაუვარგისებული სამკურნალო საშუალებების ჩამოწერისა და განადგურების კოორდინაციის მიზნით შეიქმნას სახელმწიფო შესყიდვით შეძენილი და ჰუმანიტარული დახმარების გზით მიღებული ვადაგასული და გაუვარგისებული სამკურნალო საშუალებების უტილიზაციის მუდმივმოქმედი კომისია, რომლის შემადგენლობა განისაზღვრება საქართველოს შრომის, ჯანმრთელობისა და სოციალური დაცვის მინისტრის ინდივიდუალური სამართლებრივი აქტით“;

ბ) ბრძანების მეორე პუნქტი ჩამოყალიბდეს შემდეგი რედაქციით:

,,2. დაევალოს აფხაზეთისა და აჭარის ავტონომიური რესპუბლიკების შრომის, ჯანმრთელობისა და სოციალური დაცვის სამინისტროებს, უზრუნველყონ მათ ტერიტორიაზე სამკურნალო-პროფილაქტიკურ და ფარმაცევტულ დაწესებულებებში ვადაგასული და გაუვარგისებული სამკურნალო საშუალებების ჩამოწერა-განადგურებისათვის უტილიზაციის შესაბამისი კომისიების შექმნა, სათანადო დასკვნების მომზადებისა და სამინისტროში წარმოდგენის მიზნით“;

გ) ამოღებულ იქნეს ბრძანების მე-3 პუნქტი;

დ) ბრძანების მე-4 პუნქტის ,,ა“ ქვეპუნქტით დამტკიცებული დანართი №1-ის მე-6 პუნქტი ჩამოყალიბდეს შემდეგი რედაქციით:

,,6. დაწესებულების ხელმძღვანელი კომისიის მიერ შედგენილი შესაბამისი დასკვნით, აქტის პირველ სამ ასლს სათანადო ახსნა-განმარტებით ბარათთან ერთად წარუდგენს საქართველოს შრომის, ჯანმრთელობისა და სოციალური დაცვის სამინისტროს მუდმივმოქმედ კომისიას, ხოლო აფხაზეთისა და აჭარის ავტონომიური რესპუბლიკების ტერიტორიაზე მდებარე სამედიცინო და ფარმაცევტული დაწესებულებების ხელმძღვანელები – აფხაზეთისა და აჭარის ავტონომიური რესპუბლიკების შრომის, ჯანმრთელობისა და სოციალური დაცვის სამინისტროების შესაბამის კომისიებს, რომლის საბოლოო დასკვნაც ინფორმაციის სახით ეგზავნება საქართველოს შრომის, ჯანმრთელობისა და სოციალური დაცვის სამინისტროს მუდმივმოქმედ კომისიას, მე-4 ასლი ილუქება აღწერილ მატერიალურ ფასეულობასთან ერთად, ხოლო მე-5 – გადაეცემა მატერიალურად პასუხისმგებელ პირს“;

ე) ამოღებულ იქნეს ბრძანების მე-4 პუნქტის ,,ა“ ქვეპუნქტით დამტკიცებული დანართი №1-ის მე-7 პუნქტი;

ვ) ბრძანების მე-4 პუნქტის ,,ა“ ქვეპუნქტით დამტკიცებული დანართი №1-ის მე-8 პუნქტი ჩამოყალიბდეს შემდეგი რედაქციით:

,,8. საქართველოს შრომის, ჯანმრთელობისა და სოციალური დაცვის სამინისტროს მუდმივმოქმედი კომისია შეისწავლის სამედიცინო და ფარმაცევტული დაწესებულებების კომისიის დასკვნას, აქტის მონაცემების სისწორეს, გაფასებას, საბოლოო შედეგების გაანგარიშებას (საჭიროების შემთხვევაში აგზავნის თავის წარმომადგენელს სამედიცინო საქონლის გაუვარგისების მიზეზის ადგილზე შესასწავლად), აკეთებს შესაბამის დასკვნას აქტის მე-2 გვერდზე, წარუდგენს დასამტკიცებლად მინისტრს, რის შემდეგ აქტის ერთი ასლი ჩამოწერა-განადგურებაზე წერილობით ნებართვასთან ერთად უბრუნდება კომისიას შესაბამისი რეაგირებისათვის“;

ზ) ბრძანების მე-4 პუნქტის ,,ბ“ ქვეპუნქტით დამტკიცებული დანართი №2 ჩამოყალიბდეს შემდეგი რედაქციით:

„დანართი №2

ვადაგასული და გაუვარგისებული სამკურნალო საშუალებების

ჩამოწერა-განადგურების

ა ქ ტ ი  №

კომისიამ შემადგენლობით __________________________________________

განვახორციელეთ ______ მდგომარეობით ვადაგასული და გაუვარგისებული სამკურნალო საშუალებების აღწერა, სახეზე აღმოჩნდა:

                                                                                                                       (გაგრძელება)

აღნიშვნები, ჩამოწერილი ფასეულობების განადგურების შესახებ ------------ (დაჩეჩქვით, დამტვრევით, გაუვნებლობით, დაწევით, კანალიზაციაში გადაღვრით, ნაგავში გადაყრით ….)

კომისიის თავმჯდომარე :

კომისიის წევრები:

200 წლის ”------” ”----------------” ~.

მუხლი 2. ბრძანება ძალაშია გამოქვეყნებისთანავე.

დ. ტყეშელაშვილი