საქართველოს პრეზიდენტის 2008 წლის 5 იანვრის რიგგარეშე არჩევნებისათვის ზოგიერთი ღონისძიების გამსაზღვრის თაობაზე

სახელმწიფო სარეგისტრაციო კოდი 010.210.010.15.008.011.162

საქართველოს საარჩევნო ადმინისტრაცია

საქართველოს ცენტრალური საარჩევნო კომისიის

დადგენილება №22/2007

2007 წლის 27 ნოემბერი

ქ. თბილისი

საქართველოს პრეზიდენტის 2008 წლის 5 იანვრის რიგგარეშე არჩევნებისათვის ზოგიერთი ღონისძიების განსაზღვრის თაობაზე

საქართველოს ორგანული კანონის „საქართველოს საარჩევნო კოდექსი“ 29-ე მუხლის პირველი პუნქტის „ყ“ ქვეპუნქტის, მე-3 პუნქტის, 77-ე მუხლის, 129⁶ მუხლის მე-6 პუნქტის საფუძველზე, საქართველოს ცენტრალური საარჩევნო კომისია ადგენს:

    მუხლი 1.

ცესკო კენჭისყრის გარეშე, ცნობად იღებს განკარგულებით საქართველოს პრეზიდენტის 2008 წლის 5 იანვრის რიგგარეშე არჩევნებში მონაწილე საარჩევნო სუბიექტების მიერ ცესკოში წარმომადგენლების დანიშვნას ან/და შეცვლას საქართველოს ორგანული კანონის „საქართველოს საარჩევნო კოდექსი“ 71-ე მუხლით გათვალისწინებულ ვადაში.

    მუხლი 2.

საარჩევნო სუბიექტების მიერ ცესკოში დანიშნული წარმომადგენლის უფლებამოსილება შეწყვეტილად ჩაითვლება, გამოწვევის შესახებ ცესკო-ში შესაბამისი განცხადების წარდგენის მომენტიდან.

    მუხლი 3.

ეს დადგენილება შეიძლება გასაჩივრდეს თბილისის საქალაქო სასამართ­ლოს ადმინისტრაციულ საქმეთა კოლეგიაში (მისამართი: ქ. თბილისი, სარაჯიშვილის №1ა) მისი მიღებიდან 3 კალენდარული დღის ვადაში.

    მუხლი 4.

ეს დადგენილება ამოქმედდეს გამოქვეყნებისთანავე.

კომისიის თავმჯდომარე                                                                     ლ. თარხნიშვილი

კომისიის მდივანი                                                                                გ. მჭედლიძე