,,საბაჟო ორგანოების მიერ საბაჟო პროცედურების განხორციელების დროისა და ადგილის განსაზღვრის შესახებ“ საქართველოს ფინანსთა მინისტრის 2006 წლის 20 დეკემბრის №1765 ბრძანებაში ცვლილების შეტანის თაობაზე“

სახელმწიფო სარეგისტრაციო კოდი 230.150.020.22.033.011.157

საქართველოს ფინანსთა მინისტრის

ბრძანება №1227

2007 წლის 22 ნოემბერი

ქ. თბილისი

,,საბაჟო ორგანოების მიერ საბაჟო პროცედურების განხორციელების დროისა და ადგილის განსაზღვრის შესახებ“ საქართველოს ფინანსთა მინისტრის 2006 წლის 20 დეკემბრის №1765 ბრძანებაში ცვლილების შეტანის თაობაზე

„ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:

 1. „საბაჟო ორგანოების მიერ საბაჟო პროცედურების განხორციელების დროისა და ადგილის გან­საზ­ღვრის შესახებ“ საქართველოს ფინანსთა მინისტრის 2006 წლის 20 დეკემბრის №1765 ბრძანებაში (სსმ III, 22.12.06, №172, მუხლი 2331) შეტანილ იქნეს ცვლილება და 8¹ პუნქტი ჩამოყალიბდეს შემდეგი რედაქციით:

,,8¹. ამ ბრძანების პირველი პუნქტის ,,ა“ ქვეპუნქტით გათვალისწინებული სასაზღვრო საბაჟო ორგანოები სტრუქტურულად დაექვემდებარებიან საქართველოს ფინანსთა სამინისტროს შემოსავლების სამსახურის შემდეგ ტერიტორიულ ორგანოებს:

ა) საბაჟო საგუშაგო: ,,თბილისის აეროპორტი“ – რეგიონალურ საბაჟო ,,აღმოსავლეთს“;

ბ) საბაჟო საგუშაგოები: ,,ბათუმის პორტი“, ,,ფოთისა და ყულევის პორტები“, საბაჟო გამშვები პუნქტები: ,,სარფი“, ,,ბათუმის აეროპორტი“, – რეგიონალურ საბაჟო ,,დასავლეთს“;

გ) საბაჟო გამშვები პუნქტები: ,,წითელი ხიდი“, ,,სადახლო“, ,,გარდაბანი“, ,,ახკერპი“, ,,გუგუთი“, ,,მტკვარი“ – რუსთავის რეგიონალურ ცენტრს (საგადასახადო ინსპექციას);

დ) საბაჟო გამშვები პუნქტი „ქუთაისისა და სენაკის აეროპორტები“ - ქუთაისის რეგიონალურ ცენტრს (საგადასახადო ინსპექციას);

ე) საბაჟო გამშვები პუნქტი: „ყაზბეგი“ – გორის რეგიონალურ ცენტრს (საგადასახადო ინსპექციას);

ვ) საბაჟო გამშვები პუნქტები: ,,ლაგოდეხი“ და ,,სამთაწყარო“ – თელავის რეგიონალურ ცენტრს (საგადასახადო ინსპექციას);

ზ) საბაჟო გამშვები პუნქტები: ,,ვალე“ და ,,ნინოწმინდა“– ახალციხის რეგიონალურ ცენტრს (საგადასახადო ინსპექციას).“.

 2. ბრძანება ამოქმედდეს 2007 წლის 1 დეკემბრიდან.

ნ. გილაური

მინისტრის მოვალეობის შემსრულებელი