„კომერციული ბანკის ფინანსური მდგომარეობის გამჭვირვალობის წესის დამტკიცების შესახებ“ საქართველოს ეროვნული ბანკის პრეზიდენტის 2006 წლის 23 მაისის №145 ბრძანებაში ცვლილებისა და დამატების შეტანის თაობაზე“

სახელმწიფო სარეგისტრაციო კოდი 220.020.000.18.011.011.039

საქართველოს ეროვნული ბანკის პრეზიდენტის

ბრძანება №278

2007 წლის 24 ოქტომბერი

ქ. თბილისი

„კომერციული ბანკის ფინანსური მდგომარეობის გამჭვირვალობის წესის დამტკიცების შესახებ“ საქართველოს ეროვნული ბანკის პრეზიდენტის 2006 წლის 23 მაისის №145 ბრძანებაში ცვლილებისა და დამატების შეტანის თაობაზე

„საქართველოს ეროვნული ბანკის შესახებ“ საქართველოს ორგანული კანონის 59-ე და 73-ე მუხლებისა და „კომერციული ბანკების საქმიანობის შესახებ“ საქართველოს კანონის მე-10 მუხლის მოთხოვნათა შესაბამისად, ვბრძანებ:

    მუხლი 1

საქართველოს ეროვნული ბანკის პრეზიდენტის 2006 წლის 23 მაისის №145 ბრძანებით დამტკიცებულ „კომერციული ბანკის ფინანსური მდგომარეობის გამჭვირვალობის წესში“ (სსმ III, 29.05.2006წ., №71, მუხ.893) შეტანილ იქნეს შემდეგი ცვლილება და დამატება:

1. მე-5 მუხლს დაემატოს მე-5 პუნქტი და ჩამოყალიბდეს შემდეგი რედაქციით:

„5. ამ წესის დანართის №5 ცხრილში მოცემულ ტერმინებს აქვთ შემდეგი განმარტებანი:

ა) ბენეფიციარი – პირი, რომელიც კანონის ან გარიგების საფუძველზე იღებს ფულად ან სხვა სახის სარგებელს და ამ სარგებლის სხვა პირისთვის გადაცემის ვალდებულება არ გააჩნია;

ბ) არაპირდაპირი მონაწილეობა – კომერციული ბანკის საწესდებო კაპიტალში წილის ფლობა შესაბამისი მესამე პირის მეშვეობით.“.

2. „კომერციული ბანკის ფინანსური მდგომარეობის გამჭვირვალობის წესის“ დანართის №5 ცხრილი ჩამოყალიბდეს ამ ბრძანების დანართის შესაბამისად.

    მუხლი 2

ეს ბრძანება ამოქმედდეს გამოქვეყნებისთანავე.

პრეზიდენტის მოვალეობის

შემსრულებელი დ. ამაღლობელი

„დანართი

ბანკი:

თარიღი:

ინფორმაცია ბანკის სამეთვალყურეო საბჭოს, დორექტორატის, აქციონერების და ბენეფიციარების შესახებ

.“.

გენერალური დირექტორი

      მთავარი ბუღალტერი