„საქართველოს ფინანსთა სამინისტროს შემოსავლების სამსახურის დებულების დამტკიცებისა და საქართველოს ფინანსთა სამინისტროს ფინანსური პოლიციის, საგადასახადო დეპარტამენტისა და საბაჟო დეპარტამენტის რეორგანიზაციის შესახებ“ საქართველოს ფინანსთა მინისტრის 2007 წლის 2 მარტის №170 ბრძანებით დამტკიცებულ საქართველოს ფინანსთა სამინისტროს შემოსავლების სამსახურის დებულებაში დამატების შეტანის შესახებ

სახელმწიფო სარეგისტრაციო კოდი 010.320.010.22.033.011.030

საქართველოს ფინანსთა მინისტრის

ბრძანება №1171

2007 წლის 24 ოქტომბერი

ქ. თბილისი

,,საქართველოს ფინანსთა სამინისტროს შემოსავლების სამსახურის დებულების დამტკიცებისა და საქართველოს ფინანსთა სამინისტროს ფინანსური პოლიციის, საგადასახადო დეპარტამენტისა და საბაჟო დეპარტამენტის რეორგანიზაციის შესახებ“ საქართველოს ფინანსთა მინისტრის 2007 წლის 2 მარტის №170 ბრძანებით დამტკიცებულ საქართველოს ფინანსთა სამინისტროს შემოსავლების სამსახურის დებულებაში დამატების შეტანის შესახებ

,,საქართველოს მთავრობის სტრუქტურის, უფლებამოსილებისა და საქმიანობის წესის შესახებ“ საქართველოს კანონის 25-ე მუხლის მე-5 პუნქტის, ,,ნორმატიული აქტების შესახებ“ საქართველოს კანონის 36-ე მუხლის პირველი პუნქტისა და ,,საქართველოს ფინანსთა სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №39 დადგენილებით დამტკიცებული საქართველოს ფინანსთა სამინისტროს დებულების მე-4 მუხლის მე-3 პუნქტის ,,ი“ და ,,ლ“ ქვეპუნქტების საფუძველზე, ვბრძანებ:

 მუხლი 1. ,,საქართველოს ფინანსთა სამინისტროს შემოსავლების სამსახურის დებულების დამტკიცებისა და საქართველოს ფინანსთა სამინისტროს ფინანსური პოლიციის, საგადასახადო დეპარტამენტისა და საბაჟო დეპარტამენტის რეორგანიზაციის შესახებ“ საქართველოს ფინანსთა მინისტრის 2007 წლის 2 მარტის №170 ბრძანებით დამტკიცებული საქართველოს ფინანსთა სამინისტროს შემოსავლების სამსახურის დებულებას (სსმ III, 05.03.07 წ., №29, მუხ. 348) დაემატოს შემდეგი შინაარსის 6¹ მუხლი:

     „მუხლი 6¹. სამსახურის ცენტრალური აპარატის სტრუქტურული ქვედანაყოფების სტრუქტურა

1. სამსახურის ცენტრალური აპარატის სტრუქტურული ქვედანაყოფები იყოფა შემდეგ ქვედანაყოფებად:

ა) ადმინისტრაცია:

ა.ა) ცენტრალური ბუღალტერია;

ა.ბ) კადრების განყოფილება;

ა.გ) საფინანსო-სამეურნეო განყოფილება;

ა.დ) საქმის წარმოების განყოფილება;

ა.ე) საორგანიზაციო განყოფილება.

ბ) იურიდიული სამმართველო:

ბ.ა) ექსპერტიზის განყოფილება;

ბ.ბ) სასამართლო დავების განყოფილება;

ბ.გ) საჩივრების განყოფილება;

გ) მომსახურების სამმართველო:

გ.ა) აქციზური მარკების განყოფილება;

გ.ბ) არაპირდაპირი გადასახადის განყოფილება;

გ.დ) გადამხდელთა მომსახურების განყოფილება;

გ.ე) სატელეფონო ცენტრი;

დ) მეთოდოლოგიის სამმართველო:

დ.ა) დაბეგვრის მეთოდოლოგიის განყოფილება;

დ.ბ) საბაჟო პროცედურების მეთოდოლოგიის განყოფილება;

ე) საბაჟო კონტროლის ორგანიზაციის სამმართველო:

ე.ა) საბაჟო პროცედურების კონტროლის განყოფილება;

ე.ბ) საგარანტიო უზრუნველყოფისა და საქონლის ტრანსპორტირებაზე ზედამხედველობის განყოფილება;

ე.გ) ფიტო-ვეტ სპეციალური კონტროლის განყოფილება.

ვ) ადმინისტრირების სამმართველო:

ვ.ა) იძულებითი ღონისძიებების განყოფილება;

ვ.ბ) მიმდინარე კონტროლის განყოფილება.

ზ) სპეციალურ გამოკვლევათა და ფინანსური ექსპერტიზის სამმართველო:

ზ.ა) პირველი განყოფილება;

ზ.ბ) მეორე განყოფილება.

თ) ინფორმაციის დამუშავებისა და ანალიზის სამმართველო:

თ.ა) რისკების მართვის განყოფილება;

თ.ბ) აღრიცხვა-ანგარიშგების და ანალიზის განყოფილება;

თ.გ) სტატისტიკური აღრიცხვის განყოფილება.

ი) საინფორმაციო ტექნოლოგიების სამმართველო:

ი.ა) პროგრამული უზრუნველყოფის განყოფილება;

ი.ბ) სისტემური ადმინისტრირების განყოფილება.“.

 მუხლი 2. ბრძანება ძალაში შევიდეს 2007 წლის 12 ოქტომბრიდან.

ნ. გილაური