,,საქართველოს გარემოს დაცვისა და ბუნებრივი რესურსების სამინისტროს დებულების დამტკიცების შესახებ“ საქართველოს მთავრობის 2004 წლის 12 ივნისის №50 დადგენილებაში ცვლილებებისა და დამატებების შეტანის თაობაზე“

საქართველოს მთავრობის

დადგენილება №50

2008 წლის 8 მარტი

ქ. თბილისი

,,საქართველოს გარემოს დაცვისა და ბუნებრივი რესურსების სამინისტროს დებულების დამტკიცების შესახებ“ საქართველოს მთავრობის 2004 წლის 12 ივნისის №50 დადგენილებაში ცვლილებებისა და დამატებების შეტანის თაობაზე

1. ,,ნორმატიული აქტების შესახებ“ საქართველოს კანო­ნის 36-ე მუხლის შესაბამისად, ,,საქართველოს გარემოს დაც­ვისა და ბუნებრივი რესურსების სამინისტროს დებულების დამტკიცების შესახებ“ საქართველოს მთავრობის 2004 წლის 12 ივნისის №50 დადგენილებით (სსმ III, 2004 წელი, №60, მუხლი 526) დამტკიცებულ დებულებაში შეტანილ იქნეს შემდეგი ცვლი­ლებები და დამატებები:

ა) მე-5 მუხლის მე-2 პუნქტს დაემატოს შემდეგი შინა­არსის ,,თ“ და ,,ი“ ქვეპუნქტები:

,,თ) ნორმატიული ადმინისტრაციულ-სამართლებრივი აქტით ამტკიცებს სამინისტროს სახელმწიფო საქვეუწყებო დაწე­სებულების საგამოძიებო დეპარტამენტის თანამშრომელთა სამსახურში მიღებისა და სამსახურის გავლის წესს;

ი) ნორმატიული ადმინისტრაციულ-სამართლებრივი აქ­ტით ამტკიცებს ლიცენზიის პირობების შესრულების ანგარი­შის წარდგენის წესსა და ფორმას.“;

ბ) მე-8 მუხლის პირველი პუნქტის ,,ზ“ ქვეპუნქტი ჩამო­ყალიბდეს შემდეგი რედაქციით:

,,ზ) გეოდეზიისა და კარტოგრაფიის სამსახური;“;

გ) მე-8 მუხლის პირველ პუნქტს დაემატოს შემდეგი ში­ნაარსის ,,ლ“ და ,,მ“ ქვეპუნქტები:

,,ლ) გეოლოგიის სამსახური;

მ) მიწის მართვის სამსახური.“;

დ) მე-9 მუხლის მე-2 პუნქტის ,,ე“ და ,,ვ“ ქვეპუნქტები ამოღებულ იქნეს;

ე) მე-9 მუხლის მე-7 პუნქტი ჩამოყალიბდეს შემდეგი რედაქციით:

,,7. გეოდეზიისა და კარტოგრაფიის სამსახურის კომპე­ტენციაა გეოდეზიისა და კარტოგრაფიის დარგის სახელ­მწიფო მართვის პოლიტიკის პრაქტიკული განხორციელება.“;

ვ) მე-9 მუხლს დაემატოს შემდეგი შინაარსის მე-11 და მე-12 პუნქტები:

,,11. გეოლოგიის სამსახურის კომპეტენციაა გეოლოგიის დარგის სახელმწიფო რეგულირებისა და სახელმწიფო მართ­ვის პოლიტიკის პრაქტიკული განხორციელება;

12. მიწის მართვის სამსახურის კომპეტენციაა:

ა) მიწის მიზნობრივი დანიშნულების შეცვლასთან და­კავში­რებული ბრძანების პროექტის მომზადება;

ბ) მიწის რესურსების მართვის პოლიტიკის შემუშავებასა და განხორციელებაში მონაწილეობის უზრუნველყოფა.“.

2. რეორგანიზებულ იქნენ:

ა) გეოლოგია-კარტოგრაფიისა და გეოდეზიის სამსახური და მის ბაზაზე შეიქმნას გეოლოგიის სამსახური და გეოდეზიისა და კარტოგრაფიის სამსახური;

ბ) იურიდიული დეპარტამენტი და მის ბაზაზე შეიქმნას იურიდიული დეპარტამენტი და მიწის მართვის სამსახური.

3. საქართველოს გარემოს დაცვისა და ბუნებრივი რე­სურსების სამინისტრომ უზრუნველყოს ამ დადგენილებით გათვალისწინებული სტრუქტურული ქვედანაყოფების რეორ­გა­ნიზა­ციასთან დაკავშირებული პროცედურების განხორციე­ლება კანონმდებლობით დადგენილი წესით.

4. დადგენილება ამოქმედდეს გამოქვეყნებისთანავე.

პრემიერ-მინისტრი           ვ. გურგენიძე