,,საქართველოს შინაგან საქმეთა სამინისტროს საპატრულო პოლიციის დეპარტამენტის დებულების დამტკიცების შესახებ“ საქართველოს შინაგან საქმეთა მინისტრის 2006 წლის 16 მაისის №634 ბრძანებაში ცვლილების შეტანის თაობაზე“

სახელმწიფო სარეგისტრაციო კოდი 140.030.000.22.034.010.847

საქართველოს შინაგან საქმეთა მინისტრის

ბრძანება №1231

2007 წლის 21 სექტემბერი

ქ. თბილისი

,,საქართველოს შინაგან საქმეთა სამინისტროს საპატრულო პოლიციის დეპარტამენტის დებულების დამტკიცების შესახებ“ საქართველოს შინაგან საქმეთა მინისტრის 2006 წლის 16 მაისის №634 ბრძანებაში ცვლილების შეტანის თაობაზე

,,ნორმატიული აქტების შესახებ“ საქართველოს კანონის 36-ე მუხლის პირველი პუნქტის, საქართველოს ზოგადი ადმინისტრაციული კოდექსის 60¹ მუხლის პირველი ნაწილისა და ,,საქართველოს შინაგან საქმეთა სამინისტროს დებულების დამტკიცების შესახებ“ საქართველოს პრეზიდენტის 2004 წლის 27 დეკემბრის №614 ბრძანებულებით დამტკიცებული დებულების მე-11 პუნქტის ,,ა“ და ,,ნ“ ქვეპუნქტების საფუძველზე, ვბრძანებ:

1. ,,საქართველოს შინაგან საქმეთა სამინისტროს საპატრულო პოლიციის დეპარტამენტის დებულების დამტკიცების შესახებ“ საქართველოს შინაგან საქმეთა მინისტრის 2006 წლის 16 მაისის №634 ბრძანებით (სსმ III, 22.05.2006წ., №69, მუხ.873) დამტკიცებული დებულების მე-14 მუხლის ,,გ“ ქვეპუნქტი ჩამოყალიბდეს შემდეგი რედაქციით:

,,გ) პასუხისმგებელია მოქმედი კანონმდებლობის შესაბამისად დეპარტამენტის ფინანსურ უზრუნველყოფაზე, ეკონომიკური კლასიფიკაციის მიხედვით საბიუჯეტო სახსრების ხარჯვაზე კონტროლის განხორციელებაზე; უზრუნველყოფს ,,სახელმწიფო შესყიდვების შესახებ“ საქართველოს კანონით დადგენილი წესით, გამოყოფილ ასიგნებათა ფარგლებში, სახელმწიფო შესყიდვების განხორციელებას; სახელმწიფო შესყიდვების წლიური გეგმის პროექტის (ასევე გეგმის კორექტირების) დეპარტამენტის დირექტორის მიერ დამტკიცებამდე და საჯარო სამართლის იურიდიული პირის – სახელმწიფო შესყიდვების სააგენტოში წარდგენამდე სამინისტროს საკადრო და ორგანიზაციული უზრუნველყოფის დეპარტამენტის საფინანსო-სამეურნეო უზრუნველყოფის მთავარ სამმართველოში შესათანხმებლად წარდგენას.“.

2. ბათილად იქნეს ცნობილი ,,საქართველოს შინაგან საქმეთა სამინისტროს საპატრულო პოლიციის დეპარტამენტის დებულების დამტკიცების შესახებ“ საქართველოს შინაგან საქმეთა მინისტრის 2006 წლის 16 მაისის №634 ბრძანებაში ცვლილების შეტანის თაობაზე საქართველოს შინაგან საქმეთა მინისტრის 2007 წლის 1 აგვისტოს №1071 ბრძანება.

3. ბრძანება ამოქმედდეს გამოქვეყნებისთანავე.

 ი. მერაბიშვილი