,,საქართველოს ეკონომიკური განვითარების სამინისტროს გამგებლობაში არსებული სახელმწიფო საქვეუწყებო დაწესებულების მთავარი არქიტექტურულ-სამშენებლო ინსპექციის სტრუქტურისა და საქმიანობის წესის შესახებ დებულების დამტკიცების თაობაზე“ საქართველოს ეკონომიკური განვითარების მინისტრის 2006 წლის 25 ივლისის №1-1/672 ბრძანებით დამტკიცებულ ,,საქართველოს ეკონომიკური განვითარების სამინისტროს გამგებლობაში არსებული სახელმწიფო საქვეუწყებო დაწესებულების მთავარი არქიტექტურულ-სამშენებლო ინსპექციის სტრუქტურისა და საქმიანობის წესის შესახებ დებულებაში დამატებების შეტანის თაობაზე“

სახელმწიფო სარეგისტრაციო კოდი 010.240.070.22.024.010.809

საქართველოს ეკონომიკური განვითარების

მინისტრის ბრძანება №1-1/1324

2007 წლის 30 აგვისტო

ქ. თბილისი

„საქართველოს ეკონომიკური განვითარების სამინისტროს გამგებლობაში არსებული სახელმწიფო საქვეუწყებო დაწესებულების მთავარი არქიტექტურულ-სამშენებლო ინსპექციის სტრუქტურისა და საქმიანობის წესის შესახებ დებულების დამტკიცების თაობაზე“ საქართველოს ეკონომიკური განვითარების მინისტრის 2006 წლის 25 ივლისის №1-1/672 ბრძანებით დამტკიცებულ საქართველოს ეკონომიკური განვითარების სამინისტროს გამგებლობაში არსებული სახელმწიფო საქვეუწყებო დაწესებულების მთავარი არქიტექტურულ-სამშენებლო ინსპექციის სტრუქტურისა და საქმიანობის წესის შესახებ დებულებაში დამატებების შეტანის თაობაზე

„ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:

    მუხლი 1.

„საქართველოს ეკონომიკური განვითარების სამინისტროს გამგებლობაში არსებული სახელმწიფო საქვეუწყებო დაწესებულების მთავარი არქიტექტურულ-სამშენებლო ინსპექციის სტრუქტურისა და საქმიანობის წესის შესახებ დებულების დამტკიცების თაობაზე“ საქართველოს ეკონომიკური განვითარების მინისტრის 2006 წლის 25 ივლისის №1-1/672 ბრძანებით (სსმ III, 27.07.2006, №99, მუხ.1354) დამტკიცებული საქართველოს ეკონომიკური განვითარების სამინისტროს გამგებლობაში არსებული სახელმწიფო საქვეუწყებო დაწესებულების მთავარი არქიტექტურულ-სამშენებლო ინსპექციის სტრუქტურისა და საქმიანობის წესის შესახებ დებულებაში შეტანილ იქნეს შემდეგი დამატებები:

1. მე-4 მუხლის პირველი პუნქტის „ბ“ ქვეპუნქტს დაემატოს შემდეგი შინაარსის „ბ.თ-ბ.რ“ ქვეპუნქტები:

„ბ.თ) ახორციელებს საბიუჯეტო სახსრებისა და საშუალებების დაგეგმვას, ბიუჯეტის შემუშავებას და კოორდინაციას უწევს მის აღსრულებას;

ბ.ი) საბუღალტრო ეკონომიკური და საფინანსო მაჩვენებლების შესახებ ინფორმაციის დამუშავება და ნაერთი ანგარიშების წარდგენა შესაბამის ორგანოებში;

ბ.კ) უზრუნველყოფს საბუღალტრო აღრიცხვასა და ფინანსურ ანგარიშგებას;

ბ.ლ) საქართველოს კანონმდებლობით დადგენილი წესით მუშაკთა საკადრო დოკუმენტაციის შედგენა-შენახვა;

ბ.მ) მოხელეთა საკონკურსო-საატესტაციო ღონისძიებათა ორგანიზაცია;

ბ.ნ) შემოსული, გასაგზავნი, შიდა და სხვა დოკუმენტაციის (მოქალაქეთა განცხადებების, წინადადებების და საჩივრების) განხილვების უზრუნველყოფა;

ბ.ო) ხელმძღვანელობის მიერ გაცემული დავალებების შესრულების კონტროლი და მონიტორინგი;

ბ.პ) შემოსული, გასაგზავნი, შიდა და სხვა დოკუმენტაციის შესაბამისი ადრესატისთვის მიწოდების უზრუნველყოფა;

ბ.ჟ) დოკუმენტაციისა და დავალებების შესაბამის ვადებში შესრულებისა და განყოფილებაში მათი დაბრუნების სისტემატური კონტროლი;

ბ.რ) შემოსულ საკონტროლო დავალებათა შესრულების კონტროლი.“;

2. მე-4 მუხლს დაემატოს შემდეგი შინაარსის 1¹ პუნქტი:

„1¹. ანალიზისა და სამართლებრივი უზრუნველყოფის სამმართველოს მე-4 მუხლის პირველი პუნქტის „ბ.თ-ბ.ლ“ ქვეპუნქტებით განსაზღვრული ფუნქციების განხორციელება დაევალოს ბუღალტერიას, ხოლო „ბ.მ-ბ.რ“ ქვეპუნქტებით განსაზღვრული ფუნქციების განხორციელება საქმეთა წარმოების განყოფილებას.“.

    მუხლი 2.

ბრძანება ამოქმედდეს გამოქვეყნებისთანავე.

გ. არველაძე